هل المواطن القطري مهمش فالداخل والخارج

[New Vision]

كل مواطن معرض انه ينسجن في اي ضرف وفي اي بلد ولكن المصيبه اذا السفاره دورها صفر ليش مايهتمون فالمواطن هناك اكثر من مواطن مسجون وبدون تهمه منهم الي فامريكا ودبي والكويت ومصر الى متى والمواطن مهمش فالداخل والخارج مسؤليه الدوله المطالبه الرسميه بمواطنيها والاهتمام بهم اذكر قبل كم سنه صار هناك وساطه قطريه امريكيه واعلنوها علني لاخراج الشيخ عبدالرحمن الجنسيه مصري وكان هناك المواطن علي المري والى الان لم تتم اي وساطه او مطالبه رسميه كله كلام وايضا الجيده بدون تهمه وانفرادي والحين يقولون يتعذب طيب ليش الدوله ماتطالب فيه رسمي وعلاني او يذهب وفد رفيع المستوى للمطالبه به

[عضو المنتدى]

والله الخوف الحين انه يصير الاهتمام بالعامل النيبالي اكثر من المواطن القطري.

اذكر حادثه صدر فيها حكم لصالح النيبالي وتم تعويضه ب ثمانمئه الف ،

وحنا نمش بوزنا من قضايا التعويض دخيل الله انخلص من الحكم ونفتك ،

[فرهود]

من قالك مسجونين بدون تهمه . كلهم متهمين وعليهم قضايا ومافي شي اسمه سجن بدون تهمه ولا كان طلعوا ثاني يوم . والدوله والسفاره حدودها تستفسر وتحضر الجلسات وتحط محاميين وبس ومب من حقها تدخل في قضاء الدول الاخرى ودولتنا مب مقصره وسفاراتنا متواجده في كل الجلسات للمتابعه ومعينه محاميين . اما انها تدخل اطلعهم فهذا كلام فاضي وشغل مجالس مب دول وبروتوكولات . مثل ماعندنا مسجونين من جنسيات عربيه واسيويه هل تدخل او بتسمح ان دولهم تدخل وطلعهم ولا بتقول لازم يحترمون القضاء . هذا بخصوص مواطنينا في الكويت والامارات اما مواطنا في امريكا فندعوا له بالفرج القريب والدوله مب مقصره ان شالله بس مب لازم تحط اعلانات عن تحركاتها.وترى كل دول الخليج عندها مساجين في كل مكان السعوديه مساجينها في العراق اكثر من 60 وفي مصر اكثر من 15 وفي امريكا 11 سجين وفي الكويت 100 وفي اندنوسيا وغيرها من الدول يلالله وين دور السعوديه ومكانتها وقوتها الخارقه اطلعهم ؟!

وبعدين وشدخل المواطن مهمش في الداخل بالموضوع . انت شايف نفسك مهمش اكيد عليك قضيه او سوابق او من شلة الي خبري خبرك وتهمشوا بسبة افعالهم . فلاتعمم ومثل ماقلت لك قبل لاتسي لقطر وللقطريين في كل موضوع من مواضيعك .

[aziz4z]

خذلك الجنسية الامريكية , الاسطول السابع هيتحرك لتحريرك :)
تتذكرون قضية الممرضات البلغاريات في ليبيا اللي كانوا في السجن , بذلوا كل شيء عشان يفرجون عنهن
و غير جي , انت رايح دولة ثانية احترم قوانينها , عشان ما يصيرلك شيء