حديقة اسبـــــاير والسكيورتي

[mr ali]

السلام عليكم ,,,
اليوم قبل ساعتين كنت في حديقة اسباير اتمشى مع واحد من الربع,,, المهم
كنا لابسين بدلات ,, شافنا السكيورتي قال لنا اول شي ,,, اليوم عائلات ,, ترا الساعة 3 بالليل ومافي حد شسالفة ,,, قلنا له دايما انيي العصر ونلعب رياضة ومحد يقول شي او انيي هذا الوقت ومحد يقول شي ,,,
وبعدين قال لازم تلبسون رياضة اذأ بتدخلون تمشون !!! شسالفه هي حديقة عامة ولا مدرسة ,,,, قلت له جيب لي مديرك قال اوكي بس انتظروا ,, طبعا احنا مشينا وطنشنا ,,, وهو بس وقف بعيد وما سوى شي !! ,,, شسالفة شكلة متملل يبي يشتغل ,,, ولا احنا محترمين زيادة
دايما تصير مواقف غريبة هناك بهاي الحديقة من قبل السكيورتي ,, لما نكون لابسين ثوب ولا حد يقول شي ,,, ونادرا ما اكون لابس رياضة ومحد يقول شي ,,,, سالفة مزاج ... ؟

,,,,, ما معنى هاي التصرفات الغريبة والسخيفة وليش مافي حد مسؤول يشوف شنو الي قاعد يصير,,

[يوسف0]

الي كلمك طبعاً مصري او عربي فالمرة الثانية عطه كلمه كلمتين تأديب وطنشله وروح استمتع وأنساه

لان الكثيرين من السكيوريتي عبالهم حراس البيت الأبيض او نفسيات خياس

[jassas]

انا مره وقفني قال الجينز ممنوع قلت يعني شنو اطلع؟ قال ايه

قلت وين الشروط او لوحة القوانين ابي افهم شسالفه اول مره تصير لي قال تعليمات من الادارة

ماطولتها وطلعت واترك التعليق لكم

[عاشق العديد]

والله مافهمنا عليكم ياجماعه ..

لما يطبقون القانون تزعلون وتقولون وين الدوله وين الدوله ..
ولما مايطبقون القانون خذ شكاوي وخذ كلام وخذ سوالف ..

[توشيبا]

عجبتني كلمه اليوم عائلات

[OTOsan]

اللي اعرفه او فهمته ان الدخول بغير الرياضه بالنسبة للي يدخلون بدون عائلات ممنوع ، واعتقد انها كانت محاولة يائسه من السكيورتي لمنعكم من الدخول ياصابت ياخابت ..
بس الساعه ثلاث الصبح يعني من بيكون موجود حزتها ..!

[حراير قطر]

اللي اعرفه او فهمته ان الدخول بغير الرياضه بالنسبة للي يدخلون بدون عائلات ممنوع ، واعتقد انها كانت محاولة يائسه من السكيورتي لمنعكم من الدخول ياصابت ياخابت ..
بس الساعه ثلاث الصبح يعني من بيكون موجود حزتها ..!

عائلات :vampire: :secret:

[OTOsan]

عائلات :vampire: :secret:

عاد هذا اللي اعرفه والعلم عند الله :)

[sweet qatar]

موضوع بسيط.. اطلب الشروط او التعليمات مكتوبة

ما نقدر نعمم على الكل من تصرف واحد او اثنين


اعتقد التشديد مطلوب في هالحديقة
استحملوا شوي للصالح العام

في ميزان حسناتكم ان شالله

[V.I.P_QATAR]

اخوي حديقه اسباير قامت لهدفين
الاول) جو ترفيهي للعائلات والاطفال وهناك نشوف الكثير من العاب الاطفال

الهدف الثاني ) لمجتمع صحي لممارسة الرياضة في الجو الطلق ونقدر انشوف الكثير من الانشاءات الرياضية الي بنيت اهناك وهو لتخفيف عبء الامراض للدولة

اما انهم يمنعونكم فمن حقهم لاتشوفها من منظور ضيق
اذا كل من هب ودب من الشباب والعزابيه والاجانب الرجال دخل الحديقه من دون احدى الهدفين فالموضوع بيصير مسخرة
الاسباب : كثرة العزاب والتضييق على العوائل الي اهناك وخوف العوائل على اطفالهم والمكان بيصير مثل الاشارات الي عند الانترناشيونال

اذا انت جاي تبي تمشي البس رياضه اصح لك واحسن لك واخف لك اما كل شخص يجي كاشخ او يجي بجينز ويقول انا ابي امشي ماتركب بالعقل

وتقبل فكرتي واتمنى انهم يشددون على هذا الشيء لانه لصالحنا ولصالح المجتمع

[tawareq]

الساعة 3 وبالهوقت ؟

[كازانوفا]

حمستوني اروح اشوف هالحديقه من وين مدخلهاااا ؟؟؟؟؟؟؟؟؟؟

[حبر وقرطاس]

اي صحيح ليش القطريين يلبسون ثوب وغتره وجوتي رياضه ؟؟؟ ههههههه

زين لو وحده جايه فسباير تمشي وحاطه مكياج مابتعلقون عليها ؟؟ الا بتاكلونها بكلامكم هاي جايه تمشي والا رايحه عرس

قيس نفس الشغله على الرجال الي يدخلون الحديقه بثوب وغتره ونعال وانتوا بكرامه ويقول ابي امشي مش من حقكم تمنعوني

زين يا اخي الكريم مظهرك مب مظهر شخص فاهم ان الحديقه لممارسه الرياضه

ولا مبين من مظهرك لداره الحديقه ان عندك وعي رياضي بضروره اتداء الزي الرياضي الي يتناسب مع المكان وهدفه

خل مظهرك يعكس ثقافتك وفهمك

هل تخجل من لبس الرياضه؟ ؟؟؟

تبي تمشي بالثوب وصنفت انت وربعك الله لا يهينكم حديقه البدع والكورنيش والاسواق والمولات موجوده

في الدول الاوربيه في مقاهي ومطاعم يردونك من عند الباب ماتدخل لو من ما كنت اذا لابس كجول

جينز وقميص ماينفع عندهم حتى لو لابس بدله ومعاها جوتي رياضه يمنعونك تصدق؟

وفي مقاهي في ايطاليا اشرب قهوتك وانت واقف مافي شي اسمه كراسي واذا اصريت الجلوس يقول لك تفضل برى

وهذي سياسه المكان

فليش الزعل لما اداره الحديقه تلزم الحضور بارتداء الزي الرياضي

مايقدرون يلزمون النساء لان السالفه احتشام

اما الرجال من ايش مستحيين ابي افهم ؟؟؟؟

[معماري قطري]

ببساطة العوائل بكافة الجنسيات مسموح دخولها والقطريين الرجال مسموح دخولهم، وعيب بعض السكيورتية ما يعرفون القطري إذا لبس رياضة ويطبقون التعليمات بأن كل من يلبس غير الغترة والعقال والثوب يعتبر غير قطري.

[باراكودا]

المزاج وماادراك بالمزاج الظاهر السويكه مقطوعه من السوق

[kuwari]

ثوب ولا جنز اهم شي انه يبي يسوي رياضه يمكن الرجال ساكن في الشمال ورفيقه شار عليه الحديقة وش اللي يقدر يسويه

دام لازم يلبس رياضه فالأجدر اي واحد يتمشى بمجمع ولا سوق لابس بدله رياضه يطردونه ويقولون له مالك الا حديقه اسباير

[Rider]

اسباير معروفه نهائية الاسبوع خميس وجمعه وسبت للعائلات لكن عادي الشباب الي يمرسون الرياضية يجون لكن لازم ملابس رياضية لانه وللاسف بعض الشباب يستغلون وجود العائلات في المغازل والخرابيط

[بوخالد911]

فعلا لو ممنوع
كان حطوا لوحة ومكتوب فيها كل شي

[بن مفتاح]

اخواني وخواتي .. اللي يقولون لازم نلبس ملابس رياضة علشان نمشي ..

انا باتكلم عن نقطة واحدة .. احنا احياناً نكون في منطقة قريبة او زايرين احد في منطقة قريبة او زواج او ما شابه ويمكن اكون متعشي عشا دســم وانا من منطقة بعيدة .. فاكيد في هالوقت باكون لابس زيي القطري .. فهل من المعقول ان اُمنع من ممارسة الرياضة لأنني لابس الثوب والقترة ..!!؟

احيانا تجبرنا الظروف ان نكون في مكان ما بزي ما .. فهل يمنعنا ذلك من الرياضة ..

من يُحب ان يمارس الرياضة .. سيستغل اي فُرصة تسنح له لعمل ذلك .. ولا اعتقد ان هناك ما يمنع ذلك ..

[khalid Qtr]

بعد الساعة 11 المفروض محد يمنعك ..

[sweet qatar]

بعد الساعة 11 المفروض محد يمنعك ..

بالعكس هذا اهم وقت يتم التشديد على رواد الحديقة فيه
للمحافظة على سمعة المكان وجوه العائلي المحترم


اعتقد الكل سمع بالي صار في حديقة دحل الحمام او في غيرها


الشباب فيهم الخير وبيلتزمون ان شالله

[ي.ع]

والله مافهمنا عليكم ياجماعه ..

لما يطبقون القانون تزعلون وتقولون وين الدوله وين الدوله ..
ولما مايطبقون القانون خذ شكاوي وخذ كلام وخذ سوالف ..

:nice: