" العلاج الطبيعي "

[حراير قطر]

صباح / مساء الخير

امي فديتها الله يشفيها ويعافيها تسآلكم

آحد جرب العلاج الطبيعي بمركز الراحة ومركز النخبة

للالام الظهر والركبة وهل نفع معاكم ..

ودعواتكم لها

اختكم

حراير قطر

[حمد 2002]

الله يشفيها يارب ،،

وان شاء الله الاعضاء ايفيدونج ،،

مع التحيه ،،

[ضوى]

ليش تودينها خاص حراير ؟

[وطن]

لا والله ما جربناه

عساها ع القوة
ما تشوف شر ان شاء الله

[وطن]

ليش تودينها خاص حراير ؟

ضوى
مستشفى حمد سالفة
تدرين لازم اروح أول المركز الصحي
اخذ ورقة تحويل

لان اللي عندي من اسبيتار ما تمشي عندهم
وسبيتار للأسف كان جدولهم فل

[حراير قطر]

ليش تودينها خاص حراير ؟

والله يا ضوى ما ادري عنها اهي قالت لي اسآل بس

اتقول شايفه اعلان عنه والعلاج يكون باليد ...

[حراير قطر]

الله يشفيها يارب ،،

وان شاء الله الاعضاء ايفيدونج ،،

مع التحيه ،،


لا والله ما جربناه

عساها ع القوة
ما تشوف شر ان شاء الله

آمين والشر ما يجيكم يا رب ...

[شمس المغيب]

بالنسبة للمركزين ماعندي فكره
بس عندچ المركز التشيكي
اللي في الخيسة
المركز ممتاز للعلاج الطبيعي
وعن تجربة
وعندچ بعد المركز التخصصي للعلاج الطبيعي
ومكانه خلف البنك التجاري في أم الخبا

وسلامتها الوالده ماعليها شر إن شاء الله

[الخيالة]

انا تابعت شهر في حمد ماستفدت شي عطوني تماررين اسويها يوميا وكم مره وكنت اتعب اكثر مع التمارين لا وبعد عندي موعد جديد في شهر 12 ادا نفس التمارين يعطوني ماباروح احس الفلبينيه ماكانت تعرف شي اقولها انا اتعب اكثر مع هالتمارين تقول لا هاي زين وعلا كنت اتعب زياده استمريت فترة وعقب لا بس الخاص ماجربت الله يشفي الوالده ويطول في عمرها امي نفس الشي وزهقت منهم وماتبي تروح ناويه اوديها علاج مع الاكسيجن تحت الضغط العالي يقولون زين اللي في مركز لخويا

[alsoq]

اختي حراير لا تودينها خاص من تجربتي

ما فيه احسن من الحكومي وهم افهم من الخاص نصيحة مجرب

[بصمة قطرية]

المركز الأمريكي لعلاج المفاصل و العمود الفقري
الدكتور ( سايروس ناصري دي )
العلاج باليد ..

الكل مدح لي هالدكتور
وايد جربوه و إرتاحوا على علاجه ..
ناوية أروح له قريب ..

[عاشق العديد]

الله يشفيها .. ماتشوف شر ..

وان شاء الله يفيدونج الاخوان ..

[حراير قطر]

آمين

وجزاكم الله خير جميعا

الخيالة

لو سمحتي بغيت اعرف شنو هالعلاج وينفع حق اي مرض بالضبط

علاج مع الاكسجين تحت الضغط العالي

[العملة النادرة]

جربي المركز التخصصي للعلاج الطبيعي في دكتور بحريني شاطر ماشاء الله
رقمهم 44987334 يم اللاند مارك تقريبا

[حراير قطر]

جربي المركز التخصصي للعلاج الطبيعي في دكتور بحريني شاطر ماشاء الله
رقمهم 44987334 يم اللاند مارك تقريبا

مشكوره اختي وما قصرتي ...

[فلتة زمانها]

ما عليها شر ان شاءالله
وان شاءالله الاعضاء يفيدونج

[الخيالة]

آمين

وجزاكم الله خير جميعا

الخيالة

لو سمحتي بغيت اعرف شنو هالعلاج وينفع حق اي مرض بالضبط

علاج مع الاكسجين تحت الضغط العالي


حبيبتي ماعندي فكرة والله بس اللي قريت في قوقل وسمعته ان زين هو موجود في مركز لخويا علي طول ويعالج الكل اللي مافاد معاهم العلاج في حمد او في مستشفي خاض كلميهم احسن اختي