طفل قطري ينجو بأعجوبة من براثن نمر !

[saham]

نجا طفل قطري بفضل العناية الإلهية من براثن نمر شرس كاد يلتهمه أمام عيون ذويه لو لم يسارع عدد من المتطوعين القطريين إلى إنقاذ الطفل من أنياب النمر. وفي التفاصيل أن الطفل كان بصحبة والدته يستعد لحضور "السيرك" في الخيمة المخصصة أمام مجمع "حياة بلازا".

وبينما كان الطفل يود شراء "آيس كريم" كان النمر يمر بصحبة مدربته لكنه فاجأ الجميع بتمرده وانقضاضه على الطفل أمام الجموع وباشر بنهشه وافتراسه، غير أن المتطوعين تمكنوا من إنقاذ الطفل.

وتم نقل الطفل على الفور إلى طوارىء مستشفى حمد ، حيث أجريت له عمليه جراحية لمعالجته ومازال يخضع للعلاج. كما بادرت الجهات الأمنية المختصة إلى اتخاذ إجراءات صارمة بحق المسؤولين عن "السيرك" والجهات المشاركة في تحمل المسؤولية.

[(محمد)]

افففف

[MAZEN37]

اها مريت حزتها وشفت تجمع واسعافات وشرطه الحمدلله الله سلم

[أخت الكل]

أنا مدري وش هـ الاهل اللي ياخذون عيالهم لسيرك كله عالم لابسه لبس بشع

[alsoq]

أنا مدري وش هـ الاهل اللي ياخذون عيالهم لسيرك كله عالم لابسه لبس بشع

قله دين وعقل اختي

[Charisma]

اتمنى يحطون اخبار "الاجرائات الصارمه"..

[وطن]

لا حول ولا قوة الا بالله

[ريتويت]

لا حول ولا قوة الا بالله

[الخيالة]

الله يشفي الولد انا عن نفسي ريال ماادفع عشان احضر سيرك علي شنو الناس يحبون يروحون السيرك ماعرف لا وامس شفت في مجمع البروة قاعدين يجهزون خيام السيرك قريبا بيحطون اعلان سيرك عالمي ووووو

[Abdulraman]

انا مادري ايش اللي عاجبهم في السيرك

[sweet qatar]

واي بسم الله زين الله حفظه

[كاروهات]

الشكر موصول لعيالنا ( عيال قطر ) إللي انقذوا الطفل بالفعل يستحقون الاشادة، ما قصروا وين ما كانوا هم لها :nice:

[حسن]

اول مره اعرف انا عندنا سيرك

بل اخبره مبطي

يستاهل السلامه الولد

[ضوى]

الحمد لله على سلامة الولد ، اشلون الاهمال يوصل لهالدرجة ،

[أم علي 2010]

الناس تروح السيرك بهدف تغير الجو حق عيالها

اعيالنا ملوا من المجمعات والالعاب ،، ماعندنا اماكن ترفيهيه كثيرة يعني الموجود بيكون عليه طلب

والله حفظ الولد

[بوعجيل]

لا حول ولا قوة الا بالله

[بومحمد المطاوعه]

الاهمال مب من الولد ولا اهل الولد

الاهمال من المسؤولين والقائمين على السرك

الحمدلله ما اذبحه
وان شاءالله يتشافى ويتعافى

واتمنى من ام الولد عدم التنازل

[الأسبانية للمصاعد]

مساكين اعيالنا , ايخافون من القطاوة , ويطلع لههههههههم نمر

وين البلدية اللي لازم يجبرون المنظمين على الحماية

اذكر من سنين كان في سرك روسي في الوكرة وكنا نسمع اصوات الأسود والنمور تزمجر في الحوطة المجاورة ......

[الزعفراني]

الحمدلله على سلامته ..

[راشد محمد]

لا حول ولا قوة الا بالله

[7llo]

اووووف الله ستر والحمدالله على سلامته

[زمان]

( باشر بنهشة وافتراسة )

يالطيف

الحمد لله على سلامة الولد

والله يصبر اهله الي مالهم ذنب الا أن ولدهم حب يشتري ايس كريم

ويجب محاسبة المقصرين من صاحبة النمر مروراً باعضاء السيرك والقائمين عليه

إلى الجهة المعنية بإصدار تصريح إقامة السيرك لان مسؤوليتهم ماتتوقف بإصدار التصريح فقط

ورفع قضايا في المحاكم عليهم

[قلم صادق]

الحمد لله على سلامة الولد ,,,
بس مب المفروض انهم يحطون سياج بينهم وبين الجمهور

[ms-qtr]

هذي حيوانات مفترسة مش لعبة
المفروض يكونون حريصين معاها
حتى الناس إلي يربون في بيوتهم نمور وفهود لازم يحاسبون
لأن هالحيوانات من طبيعتهم أكل اللحوم

[ya3coub]

أنا مدري وش هـ الاهل اللي ياخذون عيالهم لسيرك كله عالم لابسه لبس بشع

ردي تحت لأن تشملني هالفئة


قله دين وعقل اختي


ممكن اعرف وين قلة الدين و العقل !!!

ليكون الحدائق الخضراء تارسة الدوحة
ولا الألعاب يجونا سياح من برع علشان يفوجون عن نفسهم و يلعبون
ولا الشوارع فاضية
ولا المدارس نظامها منصف لبعض الطلاب الأطفال يجيهم الباص من فجر الله و متى يرجعون
ولا الحديقة المائية نظيفه


قد نتميز بكونا الدولة الوحيدة الي مافيها مدينة ملاهي
من عقب مملكة علاء الدين

و السيرك انواع و الأغلب للكبار و الأطفال مع بعض
و شغلتهم و اختصاصهم الترفيه

و اتوقع ان وايد منا يحتاجون للترفيه سوائا كبار او صغار
و ابسط مثال الشكاوي الي موجودة بالمنتدى على كلشي و برنامج وطني الحبيب

مافيها شي اذا الام ودت ولدها يشوف السرك يستانس يضحك بدال هم الدراسة و قعدة البيت او الطلعه الي تغث و الواجبات خصوصا ان توهم مخلصين امتحانات و ممكن كمكافئة له
ممكن اهي بعد متضايقه في اكثر من سبب للناس الي تودي عيالها و تروح للسرك

بس عمري ما فكرت ان احدهمها او كلامها قلة عقل و دين !!!

الياهل صاده حادث و اسمه حادث من حيوان مفترس نسبته ضئيلة بس قدر الله ماشاء فعل.
الله يقومة بالسلامة ولا عليه شر صحيح ما المفروض انه يصير بس نتمى انه بهالحادثه اتكون بادرة لتشديد الرقابة و الامن و حتى المنظمين و العاملين عالسيرك ان في غير اوقات العرض ما يسمحون للجمهور او المتسوقين بالذهاب قرب الاقفاص او حتى في ممشى الحيوانات من القفص للعرض و العكس

[فلتة زمانها]

الحمدلله على سلامته وأكيد الطفل تأثرا نفسيا

[العنيده]

لا حول الله مكان خطر مب حق اليهال وان راحوا لازم يكونون باشراف بالغ زين الله حفظه ..

[كازانوفا]

ايشششششششششششششششششش
وقاعدين ياخدو طلاب المدارس للسيرك بشكل يومي
حسبي الله عليهم

[الصغيره]

وش صار فينا يا ناس الاخبار اللي كنا نسمع بها برى صارت تصير عندنا

الله يعينه على الحاله اللي بتصيبه من شدة الخوف

الله لا يربحهم


حسبي الله والنعم الوكيل فيهم

[قطر88]

الله يقومه بالسلامة

ويصبر قلب أمه

والله يحفظ الجميع

[نوفة قطر]

قضاء وقدر

هالحيوانات مدربه بس بعد كل شيء قضاء وقدر

اكيد مدرب النمر ماكان متوهقه انه بيهيج فجأه .. والحمدلله اللي الله سلم الصبي وان شاء الله ماعليه شر

[الأسبانية للمصاعد]

ليش وايد امعورين راسكم في هالموضوع

إلا الولد قطري مب أجنبي فعادي .

[Locale]

الحمدلله سلم

[امـ حمد]

الحمد لله علي سلامة الطفل
قرت عيون اهله

[basma222]

لا حول ولا قوة الا بالله

[اليشم]

كان النمر يمر بصحبة مدربته، حلوه هذي يمر بصحبة علـى أساس كلب مثلا

بس يمكن النمر كان خاطره بالآيسكريم وخمبقها

[لاجل QT]

مدري وش فايدة السيرك

خطر كله حيوانات مفترسة

وحيوانات من الانس شبة مفصخة

الف الحمدالله على سلامة الياهل الله ستر

[بوخالد911]

الحمدلله ع سلامته

[دايموند]

اللحين اللي يروح السيرك صار قليل العقل والدين هههههه

لا تعليق ع بعض العقول

[*محمد*]

الحمد لله على سلامته
اتمنى يعدمون النمر
وهالشركة صاحبه السيرك تمنع من دخول قطر مره ثانيه

[اليشم]

الحمد لله على سلامته
اتمنى يعدمون النمر
وهالشركة صاحبه السيرك تمنع من دخول قطر مره ثانيه

يعدمون النمر...ياشيخ اتق الله في النمر
بعد مكانه بالقفص وهم طلعوه يتمشى، ايش تبغيه اسوي يلعب مع اليهال مثلا

[ام ناصر1]

الحمد لله على سلامة الولد

[بوخالد911]

موو كل مرة تسلم الجرة

[راس مشعاب]

مب هو نفس السيرك اللي كان بيولع بالحياة بلازا بالعيد

[مروج قطر]

الله يشفيه و يحفظ عيالنا و عيال المسلمين

[تغلبية]

الحمدلله على سلامة الولد


أنا مستغربة من المدرب اللي قاعد يتمشى واياه


اشدعوة مايعرف طبيعته وانه ممكن ينقض بأي لحظة وخاصة انهم يجوعونهم قبل العرض علشان يسمع الكلام !!


وين الاجراءات الاحترازية حتى حق المدرب نفسه ؟

[غزلان]

افف خبر مزعج

الله يشفي الطفل ويخليه لهله

[khaldoon]

لا حول ولا قوة الا بالله

الله يشفيه و يعافيه

للحين في ناس تروح تشوف سيرك!!!!!!

ايش الشي الجديد اللي ممكن اشوفه بالسيرك هالايام ...مب كله حركات عاف عليها الزمن؟؟؟!!!

[حياة]

المفروض الام تطالب بتعويض نفسي ومادي ومايقل عن مليون وتحطه في حساب ولدها اللي بيبطي مريض نفسيا والله يعينها على مراحل العلاج

[OTOsan]

الحمدلله على سلامة الولد ،،

اعتقد ان حدوث شئ كهذا لايدعو الى اعتبار السيرك او الذهاب اليه من المنكرات .. فهو وسيلة للترفيه كغيره من وسائل الترفيه للاطفال .

[Journalist]

والله الخوف من اللي يربون هالحيوانات المفترسة و يحطونها في بيوتهم
عادي بكره يطب علينا نمر و لا فهد في الحوش
أتمنى من الجهة المسؤولة النظر في هذي المسألة وعدم التهااااون

والحمدلله على سلامة الولد

[Serenade]

يعدمون النمر...ياشيخ اتق الله في النمر
بعد مكانه بالقفص وهم طلعوه يتمشى، ايش تبغيه اسوي يلعب مع اليهال مثلا

هههههههههههههههههه :secret:




السيرك جميل و لنا فيه ذكريات جميلة.. وللحين له سحــر و تأثير على الاطفال -غير عنكم يالشياب :omen2:
لكن المشكله ما اثق في اي شي ترفيهي يسوونه عندنا بوقت زمني قصير
لان اجراءات السلامة دايما مشكوك فيها
مره ملاهي طاحت و مره نمر هجم على طفل و مره طفل يتسمم من بركة
الله يرحم ايام علاء الدين :weeping: