جولة صرصور في صيدلية مستشفى الخور

[قلوب قطر]

السلام عليكم ورحمة الله وبركاته

شلونكم ياجماعة عساكم بخير

اليوم عندي موضوع و صور صورتها في اخر شهر اكتوبر-2013
بس للاسف ماكان عندي وقت انزلها على طول

المهم الموضوع ومافيه ان كنت رايحه صيدلية مستشفى الخور وفجأه اشوف صرصور على الطوفة يمشي
شوي الا يدور على الطاولة وينزل عند اكياس العلاج .. لما قلت حق الدكتورة اللي هناك تقولي ياخذ سياحة وشوفيه متعدل بالصبغ .. لان كان جنبهم اعمال صيانة
انزين والمرضى اللي فيهم حساسية .. او شلون الواحد يمسك كيس علاج ماشي عليه صرصور .. بصراحة الواحد يخاف بكره ياخذ العلاج يلقى الصراصير داخله دام الموضوع عادي عندهم


المهم اخليكم مع الصور


http://im33.gulfup.com/tQThJ.jpg (http://www.gulfup.com/?LhA2Yv)

http://im33.gulfup.com/3LirZ.jpg (http://www.gulfup.com/?yQf4gF)

http://im33.gulfup.com/TDkWd.jpg (http://www.gulfup.com/?NE3m4a)

http://im33.gulfup.com/tEb5T.jpg (http://www.gulfup.com/?8TFxpb)

http://im33.gulfup.com/MUMZQ.jpg (http://www.gulfup.com/?jfHr0w)

http://im33.gulfup.com/z5aoe.jpg (http://www.gulfup.com/?YYSuTO)

http://im33.gulfup.com/Ll4pL.jpg (http://www.gulfup.com/?qcbV90)





اترك لكم التعليق

و لكم خالص تقدير واحترامي

أختكم : قلوب قطر

[رهج السنابك]

انزين ليش الحبتين ههههههه ماضحكني الا الحبتين


ياحليلج هههه


اما الصرصور احسني الظن يمكن مسخن المسيكين هاو عيل بس انتو تمرضون



بصراحه موضوعج هاي وايد مهم ولازم اداره المستشفى تشوف لها صرفه مع قسم التنظيفات ويتحاسب المسؤل لان هذا دليل اهمال
وانا اقول ليش كل ماسويت تحليل انفجعوا الدكاتره من النتيجه ويقولون لقينا مزرعه بكتيريا عندج

[حسن]

هذي الصرصور الاماني مايخوف وحجمه صغير ويتكاثر بسلرعه

كان ذبحتيه على الاقل

[سهم عتيج]

يعطيك العافية ،، ونتمنى الاهتمام بنظافة المكان من الجهات المختصة

[راس مشعاب]

هههههههههههههههههههه
اخر صورتين مع الحبتين حسيت ان فيها صداقة مع الزهيوي :tease:
ماا لها داعي
بس الباقي دليل موفق
ياجماعة كثرة سوالف الزهيوية بالمنتدى

[رهج السنابك]

^

ايه تحس انها مستانسه عليه ههههه

[النهار]

باااااااااااال سويتها سالفه المستشفيات والعيادات يرشون مبيدات حشريه كل اسبوع
لوشفتي اكثر من صرصور قلنا عندج الحق على صرصور واحد سويتي منها قصه حساسيه ومادري شهنو
احتمال الصرصور انتقل مع احد المراجعين كان عالق في ثيابه
اقلها كان ذبحتيه بأي شي مو تقعدين تصورين فيه

[غايه الطواش]

عقب هالموضوع المهم والحبتين
حسيت باهميه وجود برلمان ومجلس شورى منتخب
لمحاسبه المقصرين !!!!!!!!!!!!!!!!!!!!!

[نور الحور]

عقب هالموضوع المهم والحبتين
حسيت باهميه وجود برلمان ومجلس شورى منتخب
لمحاسبه المقصرين !!!!!!!!!!!!!!!!!!!!!


هههههههههههههههههه .. عجيبة غاية .. مني لج هالحبتين :victory:

[ضوى]

على فكرة اظافرج ملوثة لازم تنتبهين

[بوحــمد]

سهلات مرة شريت بلك من دكان فتحت الكرتون الأ فار ناقز على الأرض وشرد ولحقته لين ذبحته :fight:

[NeverLand]

اهم شي الحبتين ههههههه

[همر]

يحليله سالفه اشطول على هالصريصير ؟!!

اعتبريه قمله عوده وافقصيه باظافرج :playball:

[ahmed1111]

مشالله عليج عندج وقت تلحقين الصراصير !!!!
وفي الصيدليه بعد !!!!!!!!

الله يعطينا الوقت الي عندج

[Abdulraman]

عادي صار عندنا مناعه من الصرصور

[hanayen]

بصراحه ما عندكم سالفه ممكن الصرصور دخل من الباب اللي دخلتي منه ولا تقولين لي عمرك ما شفتي صرصور في بيتكم ولا حوشكم المبالغة مب حلوه جان ذبحتيه وخلصنا

[وطن]

اظافرك يبي لهم قص :secret:

يعطيك العافية ،، ونتمنى الاهتمام بنظافة المكان من الجهات المختصة

هاهاهاهاهاهاها

زين جذي
خليتيهم كلهم يركزون على اظافرج ونسوا الصرصور

:secret:

[قطريه22]

صرصور صغير ماعتقد السالفه تحتاج لموضوع وتكبير

[بومحمد المطاوعه]

ع العموم بارك الله فيج على طرح هالموضوع

الصراحه منا الى الجهات المختصه للنظر في هذا الموضوع

احتمال يدخل الزهيوي ف كيس الادويه

الله اعلم

المفروض مايكون موجود في هذا المكان
وصح كلام الاخت

لو المريض فيه حساسيه

الله كريم

[قطريه22]

ع العموم بارك الله فيج على طرح هالموضوع

الصراحه منا الى الجهات المختصه للنظر في هذا الموضوع

احتمال يدخل الزهيوي ف كيس الادويه

الله اعلم

المفروض مايكون موجود في هذا المكان
وصح كلام الاخت

لو المريض فيه حساسيه

الله كريم

هاي ميني صرصور مب بابا صرصور

كانت اذبحته وخلاص انتهينا






اتمنى من الاداره مسح الصور الي فيها اليد

[بومحمد المطاوعه]

صرصور صغير ماعتقد السالفه تحتاج لموضوع وتكبير

هههههههههه

ماعرفت لج

الحين تحبين الصرصور ولا لا

[@north_star@]

السؤال هل كان في داعي تصورين يدج مع الصرصور؟؟؟؟ !!!!!

[غير البشر]

السؤال هل كان في داعي تصورين يدج مع الصرصور؟؟؟؟ !!!!!



على اساس تكون الصور حصريه محد يبوقها http://im37.gulfup.com/8Zi39.gif (http://www.gulfup.com/?bsTGou)

[Miss]

:rolleyes2::rolleyes2:

[النهار]

صرصور صغير ماعتقد السالفه تحتاج لموضوع وتكبير

لوبريعصي راهي ماخذ لون على خضار ومتعشي على صرصورررر قلنا ماعليش بس صورصاريه صغنونه وماشيه في امان الله مانرضى عليه :nice:

[w.qatar]

انتي جايه تشتكين ؟؟ ولا مستانسه على الصرصور و مصوره وياه !!

[راعي ال VXR]

الاظافر يجب قصها لطلب النظافة والنقاء مما قد يكون تحتها من الأوساخ التي هي مظنة وجود الميكروبات الضارة، التي يسهل انتقالها بالأيدي لمزاولتها شؤون الطعام والشراب، كما أن تراكمها قد يمنع وصول الماء إلى البشرة عند التطهير بالوضوء أو الغسل، وطولها يخدش ويضر... عن أبي أيوب الأزدي قال: جاء رجل إلى النبي صلى الله عليه وسلم يسأله عن خبر السماء، قال: يسأل أحدكم عن خبر السماء وأظفاره كأظفار الطير تجتمع فيها الجنابة والتفث.

http://fatwa.islamweb.net/fatwa/index.php?page=showfatwa&Option=FatwaId&Id=108536

[khaldoon]

هههههههههههههههههه يا جماعه حرام عليكم طفشتوا البنت

[بومحمد المطاوعه]

الاظافر يجب قصها لطلب النظافة والنقاء مما قد يكون تحتها من الأوساخ التي هي مظنة وجود الميكروبات الضارة، التي يسهل انتقالها بالأيدي لمزاولتها شؤون الطعام والشراب، كما أن تراكمها قد يمنع وصول الماء إلى البشرة عند التطهير بالوضوء أو الغسل، وطولها يخدش ويضر... عن أبي أيوب الأزدي قال: جاء رجل إلى النبي صلى الله عليه وسلم يسأله عن خبر السماء، قال: يسأل أحدكم عن خبر السماء وأظفاره كأظفار الطير تجتمع فيها الجنابة والتفث.

http://fatwa.islamweb.net/fatwa/index.php?page=showfatwa&Option=FatwaId&Id=108536


ههههههههههه بارك الله فيك

في منصف الجبهه

[فلتة زمانها]

حجمه صغير الصرصور مب نفس ذاك البني بوشنب

[أسد الجزيرة]

البعض لو صاحبة الموضوع كانت من الشلة كان صار الصرصور ديناصور

[ريتويت]

يع اكره الصراصير استغفر الله

[khaldoon]

والله يا جماعة الخير مرة كنت في بنك الدم في مستشفى حمد و هم يسحبون الدم مني اتطلعت على الحيطه اللي فوقي لقيت بريعصي اش كبره .....ما الحل طيب؟

[قطريه22]

والله يا جماعة الخير مرة كنت في بنك الدم في مستشفى حمد و هم يسحبون الدم مني اتطلعت على الحيطه اللي فوقي لقيت بريعصي اش كبره .....ما الحل طيب؟

هالمباني الي هناك مب نظيفه وكلها براعيص وزهيويه عادي تلاقي ضب يمشي

[فلتة زمانها]

والله يا جماعة الخير مرة كنت في بنك الدم في مستشفى حمد و هم يسحبون الدم مني اتطلعت على الحيطه اللي فوقي لقيت بريعصي اش كبره .....ما الحل طيب؟

أحييك على شجاعتك

لو صار هالموقف مع بنت صدقني من الخرعه بتقوم ترقص عراقي هاهاهاهاها

[khaldoon]

هالمباني الي هناك مب نظيفه وكلها براعيص وزهيويه عادي تلاقي ضب يمشي

اها يعني الحمد لله في ناس موافقتني و ما تقول اني ابالغ والا افتري على بنك الدم

[khaldoon]

أحييك على شجاعتك

لو صار هالموقف مع بنت صدقني من الخرعه بتقوم ترقص عراقي هاهاهاهاها

لا هي مب شجاعة بس الابره بيدي اخاف تنكسر فايش اسوي هههههه

لا البريعصي ما يخوف بس يقرف خاصة لما الواحد يتخيل انه فوقه و ممكن يوقع عليه

[بومحمد المطاوعه]

بارك الله فيج ياراعيه الموضوع على حذف الصور الي فيها حبتين

وان شاءالله يتفاعلون مع الموضوع بجديه

[hanayen]

عمرك ما ذبحتي صرصور في بيتكم عن الكلام الزائد اللي ماله داعي المبالغة ما لها داعي

[قلوب قطر]

اشكر كل من رد على الموضوع

بخصوص الناس اللي ردوا عمرج ماشفتي صرصور في بيتكم .. واللي علق على الحبتين .. واللي قال تلاحقين الصرصور .. واللي شاف اني مكبرة الموضوع

انا ماحطيت هالموضوع و ماصورت في هالمرة الا واني اكثر من مرة مريت بهالموقف

مرة واحد من هلي شاف صرصور كبير في غرفة العمليات الصغيرة وهو مع رفيجه يسون لها خياطة .. وهالغرفة اللي تكون معقمه
وقبل لا اصور هالصورة شايفة صرصور في غرفة الملاحظة اللي في طوارئ الاطفال .. اعتقد ان الطفل اذا شاف صرصور ماراح يلحقة ويذبحه
و غير هذا من فترة كان في فار في العيادات الخارجية في المستشفى .. يعني انا مو من اول موقف راح انزل واتكلم .. بس الموضوع زاد عن حده .. في اكثر من مكان متواجده الحشرات
الواحد شنو يضمن له ان بكرة مو في غرف المرضى تكون هالحشرات ..

وبخصوص الحبتين هذي اساسا تصورت من باب الضحك لا اقل ولا اكثر .. والحين خليتوا الموضوع بكبره وعلقتوا على هالشي

واللي قالوا في البيت مافي .. طبعا كل بيت تكون فيه حشرات بس الواحد في البيت يتفاداها وتختفي و هي لها مواسم .. ولكن المستشفيات المفروض تكون معقمه و ماخذين احتياطهم من هالناحية


و السموحة ماكنت اعرف صورة الحبتين بتسوي لكم ضجه جي اكثر من اساس الموضوع
وارجو الابتعاد عن التعليقات اللي ماتفيد في الموضوع وتكون مجرد كلمه تقلل من المضمون او من الكاتب

و لكم فائق احترامي و شكري

أختكم :: قلوب قطر

[ام ناصر1]

اعتقد المشكلة بمستشفيات مؤسسة حمد إنه شركة تنظيفات واحدة ماسكة كل مستشفيات المؤسسة ....تخيلوا شركة واحدة منذ كم سنة واهي الشركة الوحيدة
الي ماسكة التنظيف بالمستشفى العام وباقي المستشفيات الخور والوكرة والقلب ورميلة والنساء ......اشدعوه مافي في البلد غير هالبلد ......
فعادي تصير ثغرات ...بالنظافة بيلحقون على أي مستشفى الي بالشمال أو بالجنوب أو بوسط المدينة ......

[بوخالد911]

نزلوا أبليكيشن ( بلدية )
وبلغوا

[قطري92]

اليوم شفت صرصور ف شارع بس فجاه اختفه وماعرف وين راح

اليوم حلمت ان كان في قفص ومحد يعطي اكل..

:yawn:

[بومحمد المطاوعه]

اشكر كل من رد على الموضوع

بخصوص الناس اللي ردوا عمرج ماشفتي صرصور في بيتكم .. واللي علق على الحبتين .. واللي قال تلاحقين الصرصور .. واللي شاف اني مكبرة الموضوع

انا ماحطيت هالموضوع و ماصورت في هالمرة الا واني اكثر من مرة مريت بهالموقف

مرة واحد من هلي شاف صرصور كبير في غرفة العمليات الصغيرة وهو مع رفيجه يسون لها خياطة .. وهالغرفة اللي تكون معقمه
وقبل لا اصور هالصورة شايفة صرصور في غرفة الملاحظة اللي في طوارئ الاطفال .. اعتقد ان الطفل اذا شاف صرصور ماراح يلحقة ويذبحه
و غير هذا من فترة كان في فار في العيادات الخارجية في المستشفى .. يعني انا مو من اول موقف راح انزل واتكلم .. بس الموضوع زاد عن حده .. في اكثر من مكان متواجده الحشرات
الواحد شنو يضمن له ان بكرة مو في غرف المرضى تكون هالحشرات ..

وبخصوص الحبتين هذي اساسا تصورت من باب الضحك لا اقل ولا اكثر .. والحين خليتوا الموضوع بكبره وعلقتوا على هالشي

واللي قالوا في البيت مافي .. طبعا كل بيت تكون فيه حشرات بس الواحد في البيت يتفاداها وتختفي و هي لها مواسم .. ولكن المستشفيات المفروض تكون معقمه و ماخذين احتياطهم من هالناحية


و السموحة ماكنت اعرف صورة الحبتين بتسوي لكم ضجه جي اكثر من اساس الموضوع
وارجو الابتعاد عن التعليقات اللي ماتفيد في الموضوع وتكون مجرد كلمه تقلل من المضمون او من الكاتب

و لكم فائق احترامي و شكري

أختكم :: قلوب قطر

يعطيج العافيه اختي

وبارك الله فيج على اهتمامج للموضوع

وبخصوص الحبتين

عادي لاتتحسسين بالموضوع

كلهم خواتج واخوانج ويتغشمرون ان شاءالله

بس انتي قلتي اليهال مايلحقون الزهيوي

انا عيالي يلحقونهم ويفعصونهم فعاص على الارض من التدوس ههههه

الله يجزاكي خير

[الأسبانية للمصاعد]

اعن ابوه مب زهيوي كل هالهيصة والمناقشات والمحاورات ومجلس الأمن ..... ديناصور ؟؟؟؟؟؟؟؟

[بومحمد المطاوعه]

اعن ابوه مب زهيوي كل هالهيصة والمناقشات والمحاورات ومجلس الأمن ..... ديناصور ؟؟؟؟؟؟؟؟

مب القضيه ديناصور او اسد

القصد فقط من التلوث والوصاخه والجراثيم


لا اقل ولا اكثر

[حسن]

عادي عادي

تقبليها بصدر رحب شوي

اما اليوم يوم الذبان العالمي يالربع من الصبح وانا طايح فيهم كتل

[بومحمد المطاوعه]

عادي عادي

تقبليها بصدر رحب شوي

اما اليوم يوم الذبان العالمي يالربع من الصبح وانا طايح فيهم كتل


ااااااااااااف

ام الذبان عندنا في بوسمره

وووووووول

شريت المضرب الصاعق وطايح فيهم من الصبح خخخخخخخخ

[الأسبانية للمصاعد]

اتحملوا حد يسمعكم ..... حقوق الانسان ..... سوري قصدي حقوق الذبان في اوروبا

[hanayen]

الصراصير تطلع من المجاري اللي متصله بمجرى عام وهذا موسم تكاثرها وتطلع من الحمامات اللي يصعب التحكم فيها حتى في المنازل ومستشفى حمد للامانه من أنظف المستشفيات اللي شفتها بس أعزكم الله الناس اللي تستخدم الحمامات العامه ما تراعي اللي تدخل بعدها مب بس في مستشفى حمد حتى في المساجد أجلكم الله

[معماري قطري]

سهلات مرة شريت بلك من دكان فتحت الكرتون الأ فار ناقز على الأرض وشرد ولحقته لين ذبحته :fight:

هههههههههههه ومتخيل وحده عندها شجاعة تقرب من زهيوي بس؟

[معماري قطري]

والله يا جماعة الخير مرة كنت في بنك الدم في مستشفى حمد و هم يسحبون الدم مني اتطلعت على الحيطه اللي فوقي لقيت بريعصي اش كبره .....ما الحل طيب؟

أحسن الظن اخوي خلدون ممكن جاي يتبرع بالدم

[alsoq]

الحين كل ها الصور للكل حركه عملها صرصور

ومكبرين الموضوع

ترى فيه دول تاكلها وله اطباق اشكال واللوان ولحد منهم مات او مرض

يعني تبون كل شي 100% ما يصير واحمدو ربكم ان المستشفى يقدم لكم كل شي بالمجان

تضخيم المواضيع مشكله كان منك اخذه بفاين والغاء به في الخارج ام المواطن لا يتساعد ابد

[قلوب قطر]

الحين كل ها الصور للكل حركه عملها صرصور

ومكبرين الموضوع

ترى فيه دول تاكلها وله اطباق اشكال واللوان ولحد منهم مات او مرض

يعني تبون كل شي 100% ما يصير واحمدو ربكم ان المستشفى يقدم لكم كل شي بالمجان

تضخيم المواضيع مشكله كان منك اخذه بفاين والغاء به في الخارج ام المواطن لا يتساعد ابد


الحمدالله احنا حامدين ربنا وشاكرينه على النعمة اللي احنا فيها .. بس بعد في اشياء تصير مب عدله لازم ننتقدها ونستنكره
بس بعد لازم تكون في نظافة عامة .. مش لما اقول حق اللي في الصيدلية شنو هذا بدل ما تتصل حق عمال النظافة تاخذ الموضوع باستهتار

[قلوب قطر]

يعطيج العافيه اختي

وبارك الله فيج على اهتمامج للموضوع

وبخصوص الحبتين

عادي لاتتحسسين بالموضوع

كلهم خواتج واخوانج ويتغشمرون ان شاءالله

بس انتي قلتي اليهال مايلحقون الزهيوي

انا عيالي يلحقونهم ويفعصونهم فعاص على الارض من التدوس ههههه

الله يجزاكي خير


اشكرك اخوي ع ردك الطيب

مب كل اليهال نفس عيالنا و عيالك ..

في يهال يراكضون من يشوفونه



وكل الشكر لمن تفاعل مع الموضوع
ولكم تحياتي

[توشيبا]

هالمباني الي هناك مب نظيفه وكلها براعيص وزهيويه عادي تلاقي ضب يمشي

في كل موضوع تدخلون الضب

ايش ذنبه انه ضب :)

[بصمة قطرية]

أحسن الظن اخوي خلدون ممكن جاي يتبرع بالدم
خخخخخخخخخخخخ:secret:

[بصمة قطرية]

بصراحة هاي دليل على سوء الإهتمام بالنظافة في المستسفى ..
اليوم صرصور صغير..
و بكرة عيلته كلها ..!!!
إختي المفروض تقدمين شكوى
لأن هالشي تكرر أكثر من مرة و في أكثر من قسم ..!!
لازم يغيرون الشركة الخاصة بالتنضيفات
لو كانوا شغالين عدل كان ما شفنا زهيوية و بريعصية ..!!!

[قلوب قطر]

بصراحة هاي دليل على سوء الإهتمام بالنظافة في المستسفى ..
اليوم صرصور صغير..
و بكرة عيلته كلها ..!!!
إختي المفروض تقدمين شكوى
لأن هالشي تكرر أكثر من مرة و في أكثر من قسم ..!!
لازم يغيرون الشركة الخاصة بالتنضيفات
لو كانوا شغالين عدل كان ما شفنا زهيوية و بريعصية ..!!!


اشكرج اختي على الرد

و تم بالفعل الوصل لقسم التنظيفات .. وبلغتهم وقالوا ان ماراح يتكرر هالشي