مواضيع Presentation

[الوثيقة]

السلام عليكم ورحمة الله وبركاته ..

اخواني انا عندي يوم الاربعاء Presentation :weeping: ومب عارف اتكلم في أي موضوع

فياريت اللي عتده خبرة يساعدني لو يرسل لي Presentation يسوي خير بعد :shy:

وعساكم على القوة

[بو خليفه 123]

اجتهد بنفسك اخوي . لا تاخذ الشيء جاهز مجهز .. و هذي نصيحه من اخوك الصغير اتمنى تتقبلها .

أنا عندي استعداد اساعدك بطريقة الطرح .. و ترتيب البرزنتيشن

و أنت عليك تختار الموضوع ..

[الوثيقة]

عساك على القوة ..

بس ودي تقترح لي كمن موضوع حق البرزنتيشن

[فلتة زمانها]

اخوي انت وين تدرس وهل عندكم سيف اساين لانه وهقه يكشف الكوبي بيست

[مـراحـب]

الله يوفقك

بس بخصوص ايش تبغي تتكلم أو وين انت تشتغل

عشان نعرف نساعدك

[عاشق العديد]

كلامي نفس الاخوان .؟

في وين تشتغل وعن وشو .؟
وشو جهة اختصاصصصك ..

[Right]

يا جماعة الخير



أتوقع أنها بنت .. وأنتم تكلمونها بصيغة المذكر:)



يجب أن تعطينا فكرة عامة عن تخصصج أو عن مجال البحث والبرزنتيشن



مثلاً:


كــ فكرة عامة: عمل برزنتيشن عن " السياحة "


وكـــ فكرة دقيقة أكثر: عمل برزنتيشن عن " السياحة في أوروبا "

[بوNasser]

يا جماعة الخير



أتوقع أنها بنت .. وأنتم تكلمونها بصيغة المذكر:)



يجب أن تعطينا فكرة عامة عن تخصصج أو عن مجال البحث والبرزنتيشن



مثلاً:


كــ فكرة عامة: عمل برزنتيشن عن " السياحة "


وكـــ فكرة دقيقة أكثر: عمل برزنتيشن عن " السياحة في أوروبا "





اخواني انا عندي يوم الاربعاء Presentation ومب عارف اتكلم في أي موضوع

ما اعتقد بنت!!

[بوNasser]

السلام عليكم ورحمة الله وبركاته ..

اخواني انا عندي يوم الاربعاء Presentation :weeping: ومب عارف اتكلم في أي موضوع

فياريت اللي عتده خبرة يساعدني لو يرسل لي Presentation يسوي خير بعد :shy:

وعساكم على القوة

السلام عليكم ورحمة الله

في اساسيات في العروض التقديمية (Presentation) ، يمكن البحث عنها والتعرف عليها من النت

لكن اهم شي في البداية معرفة من المخاطب؟؟ هل هم طلاب مدارس مثلا؟؟ هل هم أكاديميين ؟؟ هل تخاطب عامة الناس؟؟ وهكذا

ثم اختيار الموضوع، وتحديد فترة العرض ... الخ

ثم الأخذ في الاعتبار ان العروض التقديمية تقدم لبيان معلومة بشكل واضح، اما التفاصيل فشرحها غالبا لا يدرج على شاشة العرض، وانما يقوم المتحدث بالشرح، لكيلا ينشغل المتلقي بقراءة التفاصيل من الشاشة مباشرة.

فلو فرضنا مثلا انك تريد الكلام عن الفاكهه وفوائدها

يكفي ان تضع صورة للفاكهة في شريحة العرض Presentation Slide

ثم شريحة جديدة بعنوان متوسط حول مكونات هذه الفاكهة من الفيتامينات (ربما لا تحتاج ذكر تفاصيل انما نسب مئوية)

ثم شريحة جديدة حول الفوائد الصحية لهذه الفاكهة

طبعا كل شريحة تضعها ستتكلم عنها بشي من التفصيل (حسب الوقت المتاح لك)

ثم ان اردت الاسترسال تكلم عن اماكن زراعتها، كيفية زراعتها، قيمتها الإقتصادية .....وهكذا.
-----------

ونفس الكلام ينطبق على الحاسب الآلي مثلا

اهميته

مكوناته

استخداماته

مدى انتشاره

نظرة مستقبلية لما سيكون عليه

وهكذا

اهم شي:
حضر العرض التقديمي و تدرب عليه مسبقا.

هذا باختصار ما خطر ببالي الآن مع تمنياتي لك بالتوفيق.

تحياتي لك وللجميع

[ANONYMOUS]

المفروض انت تحدد الموضوع

لازم تكون فاهم الموضوع

[تغلبية]

اختاري موضوع بسيييييييييييييييييييييييييط جدا

لا تتشطرين وايد


المطلوب مش الموضوع في حد ذاته ..


المطلوب استعراض قدراتج واختبار قدراتج على ايصال المعلومة

والتواصل البصري المباشر وغير المباشر ..


يعني

مثلا

كيفية اعداد كوباً من القهوة

اعداد كيكة


خلج على البسيط .. علشان ما تكرهين عمرج وقت العرض


اما اذا كنتي قوية وشاطرة

انطلقي واختاري شي تفهمين فيه


اذكر مرة اطلبوا مني فشرّقت وايد

و سويت عن البهارات ودورها في نقل الثقافات !!!

اطلعت عيني :rolleyes2:

[قطري92]

بخصوص البرسنتيشن قدمت كذا مره وكله اتوتر لين ماتعودت واحين صار تقريبا شي عادي، اما المواضيع عندك اكثر من طريقه نفس ما قال لك احد من الاعضاء بس اجتهد وابحث ف ملعومات ف نت وعقب لخصهم مبدال النسخ

بس حبيت اعطيك طريقه مهمه جدا وراح تفيدك باذن الله وهاي من واقع تجربه وحتى العلاماء يقولون، وانت تقدم لاتطالع ف عيون الاوادم لانه هالشي راح يخليك تتوتر زياده لانه بتحس ان " هالشخص شقاعد يفكر فيه " خلك دوم مركز على قمت الراس..

واتمنى لك كل التوفيق اخوي

[الوثيقة]

جزاكم الله خير على المعلومات والتفاعل