ولا قطري !!! شي يرفع الضغط

[المرحب]

السلام عليكم أعضاء منتدانا الكرام ،،،

كالعادة بكتب عن شي يرفع الضغط ويعور القلب ...

ويبون البلد يتطور وتكون بأيدي أمينة والأجانب مستولين على كل شي !!!

اليوم في جميع الجرايد موضوع عن فعاليات عن

قطر حريصة على محاربة جرائم غسل الأموال وتمويل الإرهاب
فعاليات الاجتماع المشترك لخبراء التطبيقات (fatf) بمجموعة العمل المالي ومجموعة العمل المالي لمنطقة الشرق الأوسط وشمال إفريقيا وذلك لبحث ،

(menafatf) أوجه التعاون والتنسيق فيما بينها، والبعد عن الازدواجية في العمل، والالتزام بالتوصيات الدولية الحديثة وأهمها الفعالية.

ما عندنا مانع نستفيد من خبرات الأجانب وتبادل الأفكار !!!

لكن وين القطريين من هذه الفعاليات اللي لم يوجد بها سوى ىسعادة الشيخ أحمد بن عيد آل ثاني

رئيس وحدة المعلومات المالية

وشخص قطري ثاني فقط !!!

والله من وراء القصد ...

فوق اصعدي فوق اصعدي

[الأسبانية للمصاعد]

ياخي وين هيئاتهم اللي ما رشحتهم

صحيح الاجانب مستولين بس ربعنا ما يثقون في هل قطر

[عنيــــد]

كله من ربعنا المسؤولين ،، لو كانوا يخافون الله في مناصبهم و وظائفهم اللي من ضمن اساسياتها اعداد الموظفين القطرين و تطويرهم بكافة الوسائل الممكنة ..

اتمنى تكون وقفة حازمة من سعادة رئيس الوزراء لانه ما يحدث هو عبث و استهتار بواجب التقطير ،،،

[رهج السنابك]

طيب رئيس وحده المعلومات هو الرئيس صح ؟؟ وين فريق عمله ؟؟ معقوله ماعنده قطريين!!

اذا ماعنده خل يستقطب ويدرب ويأهل

لا تقولون تقطير وماتقطير لا تقهروني
لاني صار لي موقف مع مسؤل كبير لما اقترحت عليه يقطر مهنه معينه ويمسك الشباب الطموح الشاطر المتفوق خريجي الجامعات الاجنبيه في كيو اف ويدربهم ويرسلهم دورات مكثفه عشان يشغلون المناصب مستقبلا
قال لي لا يعني لا مابي وخلي مقترحج لج !


اذا الرؤوس الكبيرة اصلا تحارب القطريين الشباب ولا تبي تدربهم ولا تطورهم رغم ان ميزانية التطوير ضخمه
ورؤيه قطر تنص على التعليم والتدريب
لكن منو يطبق محد!!

فلا تشره يا اخوي

اشره على المسؤلين اللي على بالهم اهل قطر كلهم كسالى مثل ماقالت شيخه المسند وفضحتنا قدام العالم

[المرحب]

ياخي وين هيئاتهم اللي ما رشحتهم

صحيح الاجانب مستولين بس ربعنا ما يثقون في هل قطر

هذا الكلام

وين المسؤولين عنهم ؟؟؟

ولا يوجد ثقة في عيال قطر من القطريين

[ام السعف]

يمكن لأن القطريين ما يغسلون اموالهم فهم مب في حاجة الى مثل هالفعاليات ........> مب من صجي ،،

[cavok]

اللة يا عمري قطر
واللة قهر

[Eng. q6r]

خايف على مكانه لاياخذه غيره

لو دامت لغيرك ما اوصلت لك ^^

[بوخالد911]

مدري ليش تذكرت سالفة ((( التقطيررررررررررررررررررررررر )))
!!!!!!!!!!!!!!!

[المرحب]

كله من ربعنا المسؤولين ،، لو كانوا يخافون الله في مناصبهم و وظائفهم اللي من ضمن اساسياتها اعداد الموظفين القطرين و تطويرهم بكافة الوسائل الممكنة ..

اتمنى تكون وقفة حازمة من سعادة رئيس الوزراء لانه ما يحدث هو عبث و استهتار بواجب التقطير ،،،

اتمنى ذلك وقفة حازمة من سعادة رئيس مجلس الوزراء

[Right]

ما يبون القطري .. أهم شئ الأجنبي في كل شئ



سواء كان منصب أو التسهيل عند الحصول على وظيفة له ولأهله



أو حتى الظهور الإعلامي .. خوفي نروح نتفقع يطلع لنا أجنبي



الله يطول بعمر الأجانب



!!!

[المرحب]

طيب رئيس وحده المعلومات هو الرئيس صح ؟؟ وين فريق عمله ؟؟ معقوله ماعنده قطريين!!

اذا ماعنده خل يستقطب ويدرب ويأهل

لا تقولون تقطير وماتقطير لا تقهروني
لاني صار لي موقف مع مسؤل كبير لما اقترحت عليه يقطر مهنه معينه ويمسك الشباب الطموح الشاطر المتفوق خريجي الجامعات الاجنبيه في كيو اف ويدربهم ويرسلهم دورات مكثفه عشان يشغلون المناصب مستقبلا
قال لي لا يعني لا مابي وخلي مقترحج لج !


اذا الرؤوس الكبيرة اصلا تحارب القطريين الشباب ولا تبي تدربهم ولا تطورهم رغم ان ميزانية التطوير ضخمه
ورؤيه قطر تنص على التعليم والتدريب
لكن منو يطبق محد!!

فلا تشره يا اخوي

اشره على المسؤلين اللي على بالهم اهل قطر كلهم كسالى مثل ماقالت شيخه المسند وفضحتنا قدام العالم

صاااااادقه

اشره على المسؤلين اللي على بالهم اهل قطر كلهم كسالى مثل ماقالت شيخه المسند وفضحتنا قدام العالم

[تغلبية]

يا جماعة

ترى هالمؤتمرات حق المعنيين وحق العامة


انا امس حضرت مؤتمر التعليم اللامنهجي في المتاحف

حضرت ومحد قاللي شي ... حضرت وأنا من عامة الناس

القطريين كانوا في الافتتاح وعقب مالهم ذكر



محاور قاعدة اتناقش الهوية القطرية والتراث القطري كل جلسة نقاشية فيها قطرية وحدة و 4-5 اجانب .. وياليت عندهم شي يقولونه

المحاضرين نفسهم يبون قطريين يشاركون من الحضور

والله انهم يتلفتون يمين يسار .. علشان حد يفيدهم


البرياني هل هو من التراث القطري والا مازال من الأطباق الهندية !!!!!!!!!!



والله مأساااااااااااااااااااة ..



لا تلومون المسؤولين هذول المفروض عليهم مساءلة

لكن لوموا انفسكم اذا قلوبكم صج محروقة على بلادكم



انا مالي في المتاحف .. بس قلت خلني احضر .. نشوف هالعالم اشعندهم !!!

وللأسف الآجانب نفسهم يتساءلون ..

وين القطريين ما يتكلمون عن بلادهم ؟؟؟؟؟


اذا القطري فرض نفسه مهما استقصوه ... عقبها بيعرف المسؤولين ان الله حق

[لمت اب]

مهم جدا ان المواطن يفرض وجوده
ويتعلم ويحاور الى ان يثبت وجوده ,, الاخت الي قالت ان المسؤول رفض استقطاب وتدريب القطرين ترا
هو واشكاله هم سبب التخلف في هذا البلد
والمواطن الذي يرضى بالدونية والسهل وليس لديه طموح بأن يتطور في مجاله وينفع بلاده بامتياز
ايضا هم من اسباب التخلف والسمعة السيئة للموظف القطري
الأخت التي حضرت ندوه وهي ليست موظفه معهم وليست مجبره على حضوره تللك الندوة ,,
الا ينم ذالك عن وعي ثقافي واجتماعي واهتمام بما يجري عنا حولنا في بلادنا
بالله عليك لو كل ندوه او محاضره تقام في قطر يحضرها اثنين او ثلاثة بمثل وعي وعقلية هذه الأخت
الن تتطور قطر ؟؟ الن تتغير فكرة الاجانب عن القطرين ؟؟ الن يشار للموظف القطري بأنه شارة امتياز ؟؟
أخي الفاضل : الموظف الحكومي الذي علم بموضوع الندوه ولم يرسل لها مشاركين مخطيء ومقصر في حق قطر
الموظف الذي يمكن ان تطور هذه الندواه مستواه وادائه الوظيفي ولم يذهب لها فهو مقصر في حق نفسه وفي حق قطر
وحيث ان النجاح عمل جماعي فالفشل ايضا عمل جماعي
مسؤول فاشل *موظف كسول يحب الراحه
ايش تتوقعوا النتيجه ؟؟؟

[Eng. q6r]

يا جماعة

ترى هالمؤتمرات حق المعنيين وحق العامة


انا امس حضرت مؤتمر التعليم اللامنهجي في المتاحف

حضرت ومحد قاللي شي ... حضرت وأنا من عامة الناس

القطريين كانوا في الافتتاح وعقب مالهم ذكر



محاور قاعدة اتناقش الهوية القطرية والتراث القطري كل جلسة نقاشية فيها قطرية وحدة و 4-5 اجانب .. وياليت عندهم شي يقولونه

المحاضرين نفسهم يبون قطريين يشاركون من الحضور

والله انهم يتلفتون يمين يسار .. علشان حد يفيدهم


البرياني هل هو من التراث القطري والا مازال من الأطباق الهندية !!!!!!!!!!



والله مأساااااااااااااااااااة ..



لا تلومون المسؤولين هذول المفروض عليهم مساءلة

لكن لوموا انفسكم اذا قلوبكم صج محروقة على بلادكم



انا مالي في المتاحف .. بس قلت خلني احضر .. نشوف هالعالم اشعندهم !!!

وللأسف الآجانب نفسهم يتساءلون ..

وين القطريين ما يتكلمون عن بلادهم ؟؟؟؟؟


اذا القطري فرض نفسه مهما استقصوه ... عقبها بيعرف المسؤولين ان الله حق

ليش المسؤول بنفسه ما يرسل تعميم للمكاتب او يرسل دعوه للمكاتب
احس بعض الفعاليات تصير بالخش وحزه الحزه ما تحصل قطري فيهم !!!

نبي اعلانات عشان العالم تدري وتروح

والشغله الثانيه اذا تبي تحضر فعاليه لازم تطلع من البيت قبلها ب 4 ساعات عشان توصل ف الموعد

والله كريم