خطوات بدأ مشروع شخصي

[w.qatar]

السلام عليكم

لو سمحتوا ممكن تفيدوني اذا ابي ابتدي مشروع تجاري شنهي الخطوات

هل لازم استاجر محل ؟ لاني ناوية احط كبينة في بيتي و نوع النشاط ما يحتاج محل الكبينه بتكون كمعمل يتم فيه الشغل بس و التسويق بمكان ثاني
و بحتاج كخطوه اولى عامل واحد فقط وناويه اخذ فلبينية

انتظر ردودكم

[عاشق العديد]

الله يوفقج ..

انا كل الي اعرفه سجل تجاري ..

[شموخ دائم]

,

,

مرحبا

ممنوع ممارسه التجاره بدون اوراق رسميه
وحتى لو هناك اشخاص يتاجرون بدون اوراق فهذا خطاء وما يجب ان نعمل مثلهم

واحييك على اقدامك لهذا المجال تحيه كبيره
واتمنى هذا الاقدام يكون قانوني ولا يخالف القانون
لان التجاره توفيق والتوفيق يحتاج وضوح ولا يخالف القانون
ومخالف القانون تاخذنا الى امور مخالفات شرعيه
وهذا اخر ما نريده


اخونا رحال يفيدك اكثر مني في الاوراق القانونيه
وراح يسهل امورك انصحك بالمتابعه معاه وهو شخص قد المسئوليه


1- استخرجي سجل تجاري بنوع النشاط الي تبينه ( صالون ) او خياطه ( مطابخ )
هذا ما يحتاج محل وراح يكون ورقه قانونيه في يدك مهمه وراح توفر عليك الكثير من المشاكل
لان بيكون نشاطك قانوني

2- تقدرين ترخصين ( بيتك ) نفسه يكون هو المشغل او الصالون او مكان الخياطه
القانون يسمح

وتطلع لك رخصه البلديه

3- تطلعين قيد منشاءه من الجوازرات بالورقتين السابقتين
ومن حقك تاخذين فيز

الموضوع ليس صعب ولكن يبي متابعه واصرار منك
:)

والله يوفقك

,

,

اخوك

شموخ دائم

[أم هشام]

معقول اخي اقدر افتح سجل تجاري ورخصة لمطبخ من ركن خاص ببيتي
انا لي سنتين نفسي افتح مطبخ شعبي من بيتي بس بقولولي القوانين ما بتسمح ولازم محل ولازم اجراءات ولازم سكن والمحل لحالة على الاقل ايجارة 15000 ازا مش اكثر ووغير التجهيزات والموظفين
والله لو كلامك صحيح .. فالله يبشرك بالخير دينيا واخرة
وان شاء الله لي سؤال لاخي رحال الدوحة حول هذا الموضوع

[مـراحـب]

الله يوفقك بالمشروع

ممكن اعرف المشروع ، ، ، أذا تفصلين ملابس أنا بخذ منك جملة

[راس لفان]

فكرت وايد ممتازة وانا اييدك فيها

افتحي اولا تجارتك من البيت وشوفي السوق وكوني لك قاعدة زبائن وبعدها تقدرين تفتحين لك محل رسمي

انا شخصيا لي تجاربي الشخصية في هذا المجال ( التجارة من المنزل )

الله يوفقك

واي استشارة انا حاضر

تحياتي

[مشتاقة لقطر]

بالتوفيق

[رحال الدوحه]

السلام عليكم

لو سمحتوا ممكن تفيدوني اذا ابي ابتدي مشروع تجاري شنهي الخطوات

هل لازم استاجر محل ؟ لاني ناوية احط كبينة في بيتي و نوع النشاط ما يحتاج محل الكبينه بتكون كمعمل يتم فيه الشغل بس و التسويق بمكان ثاني
و بحتاج كخطوه اولى عامل واحد فقط وناويه اخذ فلبينية

انتظر ردودكم

وعليكم السلام ورحمة الله وبركاته ،،

ربي يوفقج اختي وبخصوص استفسارج عن الخطوات لانشاء مشغل خياطه
حسب ما فهمت ...

اول شئ اشكر الجميع على ثقتكم فيني شخصياً وجزاكم كل خير دنيا وأخره جميعاً
واخص بالشكر اخوي شموخ دائم ما قصر بالمعلومات واختي ام هشام
على التوصيه .

اول خطوه تسوين السجل التجاري بالنشاط المطلوب وبعدها تستأجرين بيت او محل
ومشغل خياطه من ضمن الانشطه المسموحه فالفريج كنشاط خدمي يعني مب لازم شارع تجاري
وبعد موافقة البلديه وادارة المرور يتم استخراج الرخصه التجاريه لمزاولة النشاط
( تقدرين تسوين معمل وعرض في نفس المكان )

أما موضوع جزء من البيت او كابينه تترخص ما راح توافق البلديه على هالشئ .

أسال الله يوفقكم كلكم ويرزقكم من فضله ، واتمنى قدرت افيدكم بالمعلومات

أخوكم : رحال الدوحه

[رحال الدوحه]

معقول اخي اقدر افتح سجل تجاري ورخصة لمطبخ من ركن خاص ببيتي
انا لي سنتين نفسي افتح مطبخ شعبي من بيتي بس بقولولي القوانين ما بتسمح ولازم محل ولازم اجراءات ولازم سكن والمحل لحالة على الاقل ايجارة 15000 ازا مش اكثر ووغير التجهيزات والموظفين
والله لو كلامك صحيح .. فالله يبشرك بالخير دينيا واخرة
وان شاء الله لي سؤال لاخي رحال الدوحة حول هذا الموضوع

وعليكم السلام ورحمة الله وبركاته ،،

هلا اختي والسموحه عالرد المتأخر ، بخصوص استفسارج اول شئ تطلعين السجل التجاري
وبعدها تشوفين لج محل تجاري او بيت او فيلا حسب اللي تشوفينه مناسب لج ...

صح كلام اختي ام هشام الايجارات غاليه للمحلات وحسب الانشطه الخدميه المسموحه
في الاحياء السكنيه الفريج تقدرين تاجرين بيت او فيلا .. لكن غير مسموح استغلال جزء او غرفه
او كابينه لنشاط معين .

( المطابخ الشعبيه ) من ضمن الانشطه الخدميه اللي مسموحه داخل الفريج من البلديه
وراح تكون متطلباتهم ( الدفاع المدني + ادارة المرور + قسم مراقبة الاغذيه ) بعد الحصول
على الموافقات يتم استخراج الرخصه التجاريه لمزاولة النشاط .

أما بخصوص الموظفين والعماله بعد السجل التجاري والرخصه التجاريه تفعلين بطاقتج الشخصيه
من الجوازات وتقدمين عن طريق حكومي على وزارة العمل وتطلبين العماله حسب التخصص .

أتمنى قدرت افيدج اختي وربي يوفقج والجميع

رحال الدوحه

[sameh _hamza]

موفقين باذن الله

[sameh _hamza]

بالتوفيق دائما

[ساميه محمد]

بالتوفيق يااارب