مكيفات vrv او vrf

[Hamad_qa]

السلام عليكم

أفكر اركب مكيفات نوع VRF اللي تتميز بوجود وحدة module رئيسية فوق السطح و منها يتفرع الى وحدات داخلية عدة .. التكنولوجيا المستخدمة متقدمة جداً مقارنة بالأنواع التقليدية و الكمبرسور نوعه spiral يتحمل حرارة عالية .. استهلاك الكهرباء 40٪ تقريبا اقل من الأنواع الاخرى لكن السعر تقريبا 80٪ أغلى ..

بغيت رأي الخبراء و خاصة من لهم خبرة في هالنوعية .. هل تصلح للبيت الخاص ؟
وشاكر لكم مقدما

[Chambray]

http://www.ahi-toshiba.com/storage/items/main_2435252.gif

تقصد نفس هالفكرة

هي فكرة حلوه .. وجديده علي صراحة

لكن حط احتمال / ان الوحده الخارجية ( ضرب او تعطل ) لسبب او لآخر ..

مكيفات البيت كله تتعطل !!!

[معماري قطري]

VRV = Versetile Refrigeration and Ventelation

هذي عرضها علينا واحد من زمان حول 12 سنه وكان السعر وقتها يخوف ما ادري ألحين إذا قلت التكلفة.

ميزتها تقدر تشغلها حسب الحاجة لكل غرفة من نص طن إلى 50 طن وأكثر واستهلاك الكهربة حسب الإستعمال .. والميزة الثانية صناعة 100% يابانية على خبري قبل .. والميزة الثالثة تدخل هواء نقي جداً طبيعي .. العيوب السعر ولا نعرف للحين إذا حد ركبها ومن وكيلها.

ليش ما تجرب طريقة تثليج السقف ونزول البرودة بالتدريج .. وهذا يتم عن طريق تيوبات بقطر بسيط حول سم وتكون تتركب أما فوق الجبس أو السيلوتكس أو مخفية في البلاستر وتثلج بسائل داخلها يثلج السقف وينزل الهواء البارد تحت بدون تيار وبدون صوت نهائياً .. بس تحتاج عزل قوي وعندك مشكلة الهواء المتجدد ومؤكد حلوها .. هذي فكرة وتكنولوجيا ألمانية شفتها في معرض تسويقي بس للحين ما شفتها طبيعي.