منتدى الأسهم القطريه محتاج لحمايه المستهلك

[أغلى البـشر]

السلام عليكم ورحمة الله وبركاته

أنصدمت من بعض التجار وأسعارهم المبالغه في المنتجات في المنتدى وأتوقع لازم تدخل من حمايه المستهلك في المنتدى :tease:

بعض البضايع تنباع بأضعاف أسعارها ليش !!! معليش الله يرزق الكل بس مب استغلال لهدرجه

شغله طلبتها من النت مع شحنها 180 ريال تباع في المنتدى ب 430 !!!!

وغيرها كثير بس ما ابغي اذكر المنتجات عشان مايزعلون علينا :victory:

[بونووف]

نفس حالتك .. كذا غرض خذته سعره فالمنتدى ب 400 وفالنت ب 160 قول مع الشحن 200 .. وفي ب 300 وهني ب650

ولين جيت تكلمت وقلت سعرك غالي .. يقولك ردك ماله داعي واذا مب عاجبك السعرلاتاخذ

انصح الكل اذا شاف اي غرض معرووض للبيع خصوصا الاالكترونيات .. ياخذ الاسم ويدور عليه في امازون ويشوف كم السعر

[قطريه22]

مافي حماية مستهلك للتجار لان بيقولون كلن وتجارته وهو حر فيها

وفعلاً النت ارخص بوايد

[رجل الجزيرة]

وانا أحسب عندهم محلات وعمال وفواتير كهرباء وماء وغيرهم، والله عيب عليكم، قليل من الحياء بارك الله فيكم وأتنمى من مشرفين المنتدى يدرسوا الموضوع وإلا يغلقون عليهم المنتدى تدريجيا حتى ينزلوا للأعضاء.

[لـبـيـه]

اذا حماية المستهلك قدرو ينزلون ريال من وكالة التيوتا او من قطع الغيار او من المطاعم او من اي مكان

بعدها نقدر نحط حماية مستهلك للمنتدى

فاقد الشي لايعطيه

[رجل الجزيرة]

على فكرة فيه قانون الموارد البشرية من مادة: 123، رقم: 8

رجاء قراءة القانون ومنا قشته.

وجزاكم الله خير.

[Charisma]

الاعضاء يبيلهم دورة تدريبيه للشراء من الانترنت
ومقارنه الاسعار في مواقع الشراء مثل امازون وغيرها

وساعتها بطب اسعار التجار المبالغ فيها .. بس خلنا نكون امينيين بعض التجار في المنتدى اسعارهم جيده

[+abc]

بصراحة محد عنده صبر يقولك وين انطر لين توصلني من النت هذا موجود واقدر اخذه الحين ويدفعون مايترددون دام يبون الشي لكن تعال قولهم سوو خير وشوف شلون الحرص على الريال يطلع

وبصراحة اكثر واكثر يحبوووووون المفوشر

[venum]

الحل بسيط

اذا السعر غالي لاتشتري :nice:

[حمد 2002]

التجاره شطاره

[الصغيره]

اتذكر من مده طويله شريت من المنتدى مره شريت صندوق لحفظ مفاتيح البيت شريته ب 500 وحاجه لقيته بالرونق ثلث المبلغ :(
مره شريت من اخت ابجورات واضاءه ونوافير طلعت نافوره مكسوره وابجوره خربانه اصلا حاولت اتعامل معها انها ترجعهم وللاسف لا حياة لمن تنادي

يالله التجاره ضمير لان الله يحاسب عليها سبحانه وتعالى

[Share_Ghost]

الله المستعان

[Share_Ghost]

جاء في الأثر أن الناس في زمن الخليفة الثاني عمر بن الخطاب -رضي الله عنه -
(جاءوا إليه وقالوا : نشتكي إليك غلاء اللحم فسعره لنا ،فقال: أرخصوه أنتم ؟ فقالوا :نحن نشتكي غلاء السعر واللحم عند الجزارين ونحن أصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس في أيدينا ؟ فقال قولته الرائعة :اتركوه لهم.. )
ــــ ـــ ـــ ــــــ ــــ ـــــ ــــــ ـــــ ـــــ ــــ
نعم هم يتحملون هذا ونحن بعد نتحمل جزء منه لان اذا ماشترينه راح يطيح في جبدهم وراح يقبلون
يبيعونه بسعره العـــــادل واحنه نبيهم لايغلون ولايرخصونه فقط بسعر عادل للطرفين

[MBE]

انا استغرب من الي يبيعون بسعر غالي .. الحين الدنيا تطورت وصار في نت يعني الي بسرعه بينصادون في اسعارهم وهالشي راح يخرب على سمعة التاجر وعلى تجارته