الانستغرام والبنات وكشف المستور واضهار اسرار البيوت

[كلاسيك قطر]

أنّ الانستغرام برنامج جيّد ولكن هناك من أساء استخدامه، ويعتبر أنّه برنامج نسائي بحت، فهو يختص في الطبخ، وتسريحات الشعر، والملابس النسائية، وكل ما يخص الأطفال، ولكن -- بدأت تنتشر فيه الفضائح، خصوصاً من شريحة البنات بين (12-18)سنه؛ لأنّهن نقلن عن قصد أو بدونه أسرار منازلهن، ولقطات لأجسادهن واهى منسدحه واهى تاكل واهى راقده واهى تشرب الشاى ماتم شى وماتعرضه على الانستغرام حتى الشب يستحى ان يضهر ماتضهره البنات على هذا البرنامج والبعض يضعن صور إخوانهنم وأخواتهم ؛ مما جعلهن عرضة للابتزاز، أنّ التربية الصحيحة هي الوازع الصحيح في عصر التقنيات وتبادل الصور والمعلومات، ومن هنا نشددعلى أهمية تحذير صغار السن من الأطفال من المشاكل التي قد يقعون فيها بكل صراحة ومن دون تردد أو خجل؛ لأنهم قد لا يعلمون بتلك المشاكل من الأصل."يجب أن تراقب الأم بناتها وتعرف من تابع ابنتها ومن يتابعها، ويجب أن تفهمها إنها بمجرد متابعة شخص فإنها بذلك سوف تسمح لكثيرين من المتابعين لها ولمن أضافتهم وهم بالآلاف، ولكن قد غاب عن بناتنا وكثير من الأمهات والآباء خطر مثل هذه البرامج إن لم نعمل لها كنترول، وبصراحة هذه البرامج الحديثة للأسف كشفت لنا معادن الناس، فمن خلال الصور التي فيه تحكم على صاحبتها، وقد يحصل أن تضيف بنت صديق أخيها من دون علمها أنّه صديق أخيها، أو أنّ الزوجة تضيف شخصاً غريباً أو صديقاً لزوجها، أو تضع تعليقات إعجاب على صور آخرين عن حسن نية، فيكتشفها ولي أمرها وتقع الكارثة!".

والحديث يطول عن الانستغرام

http://s.alriyadh.com/2013/08/23/img/019000096013.jpg

[فلتة زمانها]

انستقرام يهون شوف الميانين شمهببين في تويتر
شفت حسابات وصور تجيب السكته القلبية
الله يشفيهم ويستر عليهم :(

[missperfect]

اذا الام اخس من البنت شلون بتعلم بنتها ؟؟؟؟
انا ما يقهرني الا الي شكبرها وام عيال وتصور كل شي حتي اذا راحت المستشفي تصور حالتها والا حالة الي معاها ،،،،، والخافي اعظم .. عفانا الله

[العقل المدمر]

فعلاً لاحظت هالشي عند البنات الصغار
يعني من عمر 8 لين 12 سنة
اتذكر مرة وحدة منزلة صورة سب
حق كل اللي يتابعونها وكان حسابها خاص
شكاتبة ؟؟ من اللي ناشرة صوري في قوقل
وطبعا اللي متابعينها تقبل على انهم بنات
لكن في النهايه بيظلون غرب والمفروض ماتحط صورها
المهم هي زعلانة وهي في هالعمر انها شافت صورها فالنت
طبعا غير اللي يصورون بيتهم كله وقصة حياتهم
ومايركزون عالانعكاسات والمناظر والجامات مثلنا
عادي تطلع ويهها والا احد من اهلها بالغلط
الله يهدي امهاتهم اللي مايتابعونهم

[بومحمد المطاوعه]

على حسب المستخدمين ياجماعه

في ناس تستخدم البرنامج بشكل صح

وفي ناس مصخره


حتى الانترنت عامة فيه استخدام طيب وفيه استخدام وقح

مب العيب من البرنامج العيب من صاحب البرنامج


الله يهديهم ويستر عليهم

[سارونه]

جزاكم الله خير - الموضوع مهم وحساس جدا - وشكرا لصاحبه

كلن يتابع عياله - وكلكم راع ومسؤول عند ربه - البنات غيييير الحين - خافوا الله فيهم - الله يستر عليهم

شوفي الشنط قبل ما يطلعون - الميك اب - المولات ملياانه بنات وصور الاستغرام في كل شي تافه .

[دااانة قطر]

انا انصدمت من حسابات على تويتر والانستقرام
صار فيه تعراف وطلبات فري
الانستقرام من بعد اضافة مقاطع الفيديو البناات صاروا يضيفون مقاطع رقص لاي حفة تصير عندهم
ولا صورهم الشخصية بلبس غير لائق
والقهر مفتوح للكل
الله المستعاان





الله يهدي الجميع
شفت حساب ام رفيجة بنتي الله يهديها اذا الام هالشكل الله يستر عليها وعلى بنيااتها

[ضوى]

حلو الانستغرام وحلو التويتر وحلو الفيس بوك ، بس حق اللي يستخدمه صح ، اما اللي عقله خفيف فهذول نقولهم الله يهديكم ويصلحكم

[ام ناصر1]

يمكن الي يفرق اشلون تربى كل واحد ...واشلون يحب الناس ايشوفونه ....ويتخيلون اشلون عايش ......وهذه البرامج اكيد فيها اغراء لبعض من ضعاف النفوس .....فهم يعتبرونها مجرد صورة .....اذكر انه اول ما جا الجوال بكاميرا ماخلينا شي ماصورنا .....بعدين عرفنا انه الصور ماتنمسح وتظل بالذاكرة ....فصار فيه ترشيد للتصوير .....انا كنت مغرمة بالطبيعة ...كنت اصور النملة والزهيوي .....ان وجدوا
اعتقد محتاجين توعية لمعرفة اخطار هالبرامج وكيف يستفيدون منها بصورة لائقة .....

[كازانوفا]

[QUOTE=missperfect;9274014]اذا الام اخس من البنت شلون بتعلم بنتها ؟؟؟؟
انا ما يقهرني الا الي شكبرها وام عيال وتصور كل شي حتي اذا راحت المستشفي تصور حالتها والا حالة الي معاها ،،،،، والخافي اعظم .. عفانا الله[/QUOTEهههههههههههههههههه
هههه قاعده اتخيل كلامك

[بومحمد المطاوعه]

شتبون فالناس

الله يهديهم

هذي بلووه من الله ابتلاهم

قولو عافانا الله

واحمدو الله انه ساتركم

والله هذي ابتلاء من الله حاسبو يا اخواني وخواتي

يمكن بعد هذا الشي يصيرون احسن منا واحنا ننحرف
لان الله سترهم وفضحنا من كثر ما نعيب عليهم

قولو الحمدلله على نعمه الاسلام والله يهديهم ويسترهم

[قطري92]

الصراحه صور قبيحه في كل الاماكن خصوصا انستقرام لانه اغلب الربع طايحين ف تصوير ومرات بالغلط يكون في اكونت بنات فاصخين الحيا

انا عن نفسي ماعندي انستقرام ولا فيس بوك ولا تويتر ولا هالهرابيط ولا ابي اسوي لي حساب..

راضي بالواتس اب وزياده بعد

الله كريم

[الخيالة]

انا عندي تويتر وفيس بوك وانستجرام وكيك ويوتيوب عادي استخدمهم بشكل صح وماضايفه كل العالم عندي اللي اعرفهم وبس ومااستخدمه بشكل غلط الحمدالله ومستفيده من هالبرنامج واهم شي اتواصل مع هلي ورفيجاتي اللي مب في الدوحه الغلط مب من البرنامج من الناس اللي يستخدمونه بطريقه غلط مثلا صور القبيحه شلون اقدر اشةفهم انا اذا الناس اللي معاي في اللسته ناس زينين ومب مالت هالخرابييط او اذا بنفسي اروح ادور واشوف والحمدالله ولي شفت ولي دورت ولي اللي معاي يحطون هالسوالف

[أم محمد 90]

تويتر وانستغرام

فيهم شي اسمه بلوك ، واسمه فولو

اللي عاجبه حساب الشخص يسوي له فولو ،

واللي مب عاجبه يعطيه بلوك !

يعني تدورون ع كبر البرنامج وتشبعون من الصور وعقب تجون تتشكون !!

[Right]

الملاحظ أن العرب نوابغ في التعامل مع برامج التواصل الإجتماعي بشكل إحترافي



من ناحية سواد الوجه واللعانة !!!

[Miss]

الحمدلله الذي عافانا مما ابتلاهم به
الله يهديهم ويصلحهم

[الأصيلة]

والمشكلة فيه برنامج يقدر صاحب الحساب يتواصل
مع اللي ضايفهم عن طريق المحادثه وهذي مصيبه اكبر

[الأصيلة]

كله في صوب والكلمات اللي يكتبونها البنات تحت الصور
بالنسبة لي اعتبرها صاعقه مع ان الامهات والاباء يشوفونها عادي

البنت في المرحله الاعداية وتكتب تحت الصور
كلام وكانها عاشقة متيمه

[رهج السنابك]

ياكرهي للعاشقات المتيمات وهي مابعد طلعت من البيضه قطعت قلوبهم المسلسلات التركيه
الشعب عاوز كله يبقى حبيبه

[رهج السنابك]

عندي انستغرام بس متروس اكل هههه ماحط غيره وماضيف حد ومب باسمي الشخصي
لكن اللي ملاحظته ان العالم الحين مستخدمينه للمفوشر

[Q6R_MAHA]

اللهم استر علينا وعلى بناتنا وعلى جمع المسلمين

اللهم استرنا فوق الارض واسترنا تحت الارض واسترنا يوم العرض

[قطريه22]

الحمدلله انا استقرامي مافيه لايد ولا حتى ظفر لي
احب اصور واصور الي يعجبني بس مب كل شيء يتصور حتى صور اليهال ماحب احطهم

ولاموقع المكان لان في بعضهم يحط لك انه في المكان السري يبالفيت او البيت واي واحد يضغط على الموقع يطلع مكانه وين بالضبط

بعض البنات فاهمين الاستقرام غلط

شكراً على الموضوع

[زبرجد]

محد ربح إلا رجال الدين والدعاة
واللي عندهم بزنس
وأعتقد هالبرامج تجعل الشخص مدمن وتشغل البال

[الأصيلة]

عندي انستغرام بس متروس اكل هههه ماحط غيره وماضيف حد ومب باسمي الشخصي
لكن اللي ملاحظته ان العالم الحين مستخدمينه للمفوشر

بس الاكل في الانستغرام يجيب الامراض
لان الناس تشوفه ويصير في خاطرها
وكثير من الناس مازالت تعاني من آلام في المعده والقولون
ولا فادهم علاج والسبب مثل هالصور!

[ام السعف]

بس الاكل في الانستغرام يجيب الامراض
لان الناس تشوفه ويصير في خاطرها
وكثير من الناس مازالت تعاني من آلام في المعده والقولون
ولا فادهم علاج والسبب مثل هالصور!

صج يا الأصيلة ؟
وصلت للمرحلة هذي ؟

[قطريه22]

صج يا الأصيلة ؟
وصلت للمرحلة هذي ؟

انا بارد عليج صح كلام الاصيله في ناس وايد جاتهم عين بسبب الصور الي تنحط

[ريتويت]

انا لاحظت ان كل مانزلو الاجانب ابليكشن او برنامج جديد .. العرب يستخدمونه استخدام غلط

[العربية نت]

برامج التواصل الاجتماعي موضوعه من قبل الغرب ومخخط لها ومدروسه ومعروفه نتائجها
على العرب بشكل خاص لانهم يعرفون ان اغلب العرب بيستخدمها بشكل
غير سليم فالهدف اخلاقي والله يحفظ المسلمين :(

[بوالبيض]

انا انصدمت من حسابات على تويتر والانستقرام
صار فيه تعراف وطلبات فري
الانستقرام من بعد اضافة مقاطع الفيديو البناات صاروا يضيفون مقاطع رقص لاي حفة تصير عندهم
ولا صورهم الشخصية بلبس غير لائق
والقهر مفتوح للكل
الله المستعاان





الله يهدي الجميع
شفت حساب ام رفيجة بنتي الله يهديها اذا الام هالشكل الله يستر عليها وعلى بنيااتها

صدقت والله تويتر عفيسه وبلاوي فيه للاخر لا رقابه ولا شي شي يق
طع القلب اي والله الانسغرام يهون

[حسن]

الصراحه اشوف هل البرامج مفيده بس سبحان الله من توصل عند العرب
تتحول الى اشاء تافه

لما كنت في المانيا ومع كميه البشر اللي كنت اشوفها من النوادر واحد ولا وحده يمسك التفون ويتصفح مثلنا
ولما تشوف اول صيحات البلاك زفت
سبحان الله العالم تقول سكارى ولا هم بسكارى

حسيت ان احنا شعوب منتهيه من قلب ونستحق دول العالم الرابع بعد

[ام السعف]

انا بارد عليج صح كلام الاصيله في ناس وايد جاتهم عين بسبب الصور الي تنحط

توهتوني الا لا يتوهكم لا دنيا ولا اخرة

اللحين من اللي المتضرر اللي يحط الصور ولا اللي يشوف الصور
ولا الاثنين مع بعض ؟

[قطريه22]

توهتوني الا لا يتوهكم لا دنيا ولا اخرة

اللحين من اللي المتضرر اللي يحط الصور ولا اللي يشوف الصور
ولا الاثنين مع بعض ؟

المتضرر الي يحط الصوره لان في ناس عيونهم اعوذ بالله منها

[قطريه ماركه]

موضوع مهم

في عصر صار الكل يملك هالتقنيات حتى الأطفال !!!

الله يستر

[MAZEN37]

انا استمتع في الانستغرام صور جميله وخياليه وحسابات الاقوال والحكم
والانسان مشغول الفكر تحصله يستفيد من اي شئ بطريقه مفيده

[رهج السنابك]

الاصيله

لا ننساق ورا هالكلام وان عين وحسد يصيد صاحب الصور من صور اكله!
خذيني على قد عقلي
موضوع الحسد والعين من صور ابدا لا يمكن تدخل عقلي
مافي لها دلائل ولا اساس مقنع

[غزلان]

المشكله لكبيره الى يعاني منها العرب ان كل وسائل التكنولوجيا يستخدمون سيئها ولا يستفديون من فائدتها:cry2:

[ام السعف]

الاصيله

لا ننساق ورا هالكلام وان عين وحسد يصيد صاحب الصور من صور اكله!
خذيني على قد عقلي
موضوع الحسد والعين من صور ابدا لا يمكن تدخل عقلي
مافي لها دلائل ولا اساس مقنع

اعتقد الاصيلة تقصد ان الواحد يروح في خاطره الأكل فيعاني من امراض عضوية بسبة الحالة النفسية

اما قطرية22 هي اللي اقصدت ان العين والحسد تصيب اللي يحط صوره ،، بس ما يندرى
العين بتصيد اللي في الصور ولا اللي طابخين هالاكلات لو عرضوا هالصور ؟!!

وبشكل عام اميل الى راي الأصيلة ، ،، كلني ما احب ادخل في نظام الخوف من الحسد والعين
عند عرض الصور ،، مع اني ما اعرض شي كلش :shy:

[كلاسيك قطر]

انا استمتع في الانستغرام صور جميله وخياليه وحسابات الاقوال والحكم
والانسان مشغول الفكر تحصله يستفيد من اي شئ بطريقه مفيده

وبعض النكت والفديوهات الحلوه الضحك ومقاطع المسرحيه

وفي بعضهم يحطون لك شي مابي اذكره والله