نصائح في افتح شركه استيراد وتصدير في دبي

[asadfg]

السلام عليكم يا جماعه انا عندي سجل تجاري شركه استيراد وتصدير

لكن خبره صفر

ممكن تكتبون لي نصائح وايش المطلوب التركيز عليه اذا حاب ابتدي في مشاريع استيراد وتصدير

طبعا السجل التجاري مواد نساء تجميله + ملابس + عطورات

[شموخ دائم]

,

,

مرحبا




العمل في دبي او قطر
التجاره نفسها دائما بكل بلد ولها نفس الاساسيات
مع ان في دبي ( التجاره ) اسهل من الدوحه
بكل الامور
من استخراج الرخص الى استخراج الفيز
الى توفر الموظفين والعماله وتوفر شركات شحن عالميه

ربما تواجهك مشكله التوقيع على المعاملات
ويطلب تواجدك هناك في البدايه
لانهاء كافه المتطلبات


هي نصيحه وحده بدون خبره ما تقدر تشتغل
حتى لو عندك راس مال كبير راح تقع في اخطاء وتخسر اكثر فلوسك

قبل كل شي ابحث عن ( شخص ) عنده خبره في هذا المجال
اتعب بهذا الشخص واختار بهدوء ولا تستعجل بتوظيف شخص
لابد يكون عنده خبره لا تقل عن 5 سنوات في هذا المجال
حط اعلانات في الجرايد العربيه والانجليزيه
حط اعلانات في جرايد دبي
ابحث عن طريق اصدقاء
واختار من ال cv الي راح يوصلك الاحسن
نفرض تقدم 10 اشخاص لهذه الوظيفه
وفيهم 4 عندهم خبره زينه
اطلب ال 4 واعمل معاهم مقابله مطوله
وخل معاك شخص في المقابله من الاصدقاء الي عندهم خبره تجاريه
وتشاور معاه منو الانسب فيهم

اهم شي نشوف خبرته السابقه وين توظف !! شركات كبيره او صغيره
وشنو كانت وظيفته هناك !! وما سبب خروجه من تلك الشركه !!
ونشوف شهاده من تلك الشركه انه كان موظف مثالي
لابد تكون نفس المجال ونفس التخصص
حتى نتاكد انه عنده ( شبكه ) علاقات مع الشركات

والي بيتوظف قوله انت الان تحت الاختبار ( 3 شهور )
دائما عط نفسك فرصه ( تجرب ) الموظف قبل ما تسلمه كل الامور

تقدر تعطيه راتب + نسبه من المبيعات

,

,

اخوك


شموخ دائم

[asadfg]

نصيحه حلوه

مشكور اخوي شموخ طبعا انا استخرجت السجل من دبي لانه اسهل من قطر بس ناوي ابيع في قطر عن طريق استيراد وتصدير

[ام ناصر1]

انزين حتى لوخبرتك صفر في أي مجال بيكون الاستيراد والتصدير ....علشان تعرف الخطوة الثانية ....تسوي دراسة للسوق بيقبل بضاعتك او لا ...
بعدها اكيد لازم تعرف اجراءات الاستيراد والتصدير من الفها ليائها .....طريقة شراء السلع من الموردين من الفها ليائها ....
حتى الي ماعنده خبره لازم يسأل نفسه اسئلة صحيحة قبل خوض أي مجال ...واهم سؤال ...انت حاب تكون بهالمجال ...وفي كم سنة بتتعلمه ....
وتقدر تتحمل الخساير ان صارت ...أو تحل العقبات لين وجدت ...فإذا كنت من النوع الغير قيادي بينخاف عليك ...

[شموخ دائم]

,

,

مرحبا

تحتاج 3 اوراق رسميه

1- سجل تجاري
2-رخصه البلديه
3-قيد منشاءه

وبعدها تروح تفتح ( رقم مستورد ) من الجمارك

مر عليهم وخذ معاك السجل الاماراتي الي عندك
وشوف يوافقون عليه او بيطلبون اوراق ثانيه

قبل ما تبتدي توكل على الله و خل امورك ( قانونيه ) وكل اوراقك سليمه
وبعدها ما يهمك شي وتقدر تراجع اي مكان
وانت بكامل قوتك وثقتك في نفسك

:)

التجاره مافيها خجل او تردد
ادخل المكاتب وراجع هناك واعرض اوراقك وشوف شنو ناقصك
( وتذكر ) ان كل موظف بتدخل عليه
( شغلته ) يسهل امورك وياخذ راتب من الدوله حتى ينهي موضوعك اذا كان قانوني
:)


,

,

اخوك

شموخ دائم

[أم هشام]

شكرا لك اخي على فتح الموضوع وانا بصدد فتح مكتب استيراد وتصدير بمجال المستلزمات النسائية
اذا بتسمحلي اشارك بموضوعك .. بخصوص نصيحة شموخ دائم بانك توظف شخص خبير بهالمجال فهذا الحل الاصح ولكن استفساري خصوصا اللي ما عندي راس مال كثير يدفع رواتب .. كم بيكون راتب موظف الاستيراد اللي عنده خبرة

وشكرا لكم

[ولد العلي]

بالتوفيق