رخام ايطالي

[قلم صادق]

السلام عليكم

بغيت احسن محل عنده رخام ايطالي ويكون نوعيته ممتازه ..

وين ممكن احصله .... وهل الايطالي هو احسن نوع ولا فيه احسن منه ...

وشلون اعرف ان الرخام ايطالي مب من مكان ثاني .. لان للاسف بعض المحلات يقولك ايطالي وهو اسباني ..ماعاد في امانه

[شموخ دائم]

,

,


مرحبا

اخوي الكريم

الايطالي والاسباني
احسن انواع الرخام بهذه الدولتين
ويتميز رخامهم بعده امور

جمال الالوان ( البيجات )
الالوان النادره
جوده القطع بالليزر
اللمعان والبريق لتميزهم باحدث وسائل المكائن

انت كزبون يهمك الجوده
او يهمك السعر

اذا تبي الجوده تروح للايطالي والاسباني

واذا تبي رخص السعر عندك التركي

اشهر نوع بالرخام في قطر الان وعليه اقبال

كريم مارفيل اسباني

http://external.hawaacdn.com/PE/2010/04/09/11/opt1270390602bJPG-1.jpg

البيج بالصوره هو الكريم مارفيل

والنوع البني الغامق اسمه ( دارك امبرادور ) يستخدم للبوردر والخطوط

هذي اسماء للرخام

دارك امبرادور
فيه منه ايطالي
وفي منه اسباني
وفي منه تركي

الي يختلف بينهم سعره
لكن هو نفس اللون في ال 3 دول

بعطيك مثال

http://www.wholesalemarbletiles.com/marble-tiles/emperador-dark/images/EmperadorDark.jpg
دارك امبرادور لون جميل وصافي مافيه لطخات بيضاء او لطخات بيج تخرب جماله
سعره اغلى شوي

http://image.made-in-china.com/2f0j00WMLtHSTGqlqg/New-Dark-Emperador-Marble.jpg
دارك امبردور فيه عروق ولطخات لونها ابيض
تخرب جماله وسعره ارخص من الصوره الاولى

الاثنين دارك امبرادور
والاثنين من نفس الجبل
ونفس الكوالتي
وكل واحد سعره مختلف

واحد بيقولك هذا نخب اول
وواحد بيقولك هذا تجاري
:)
الفرق ( جمال اللون )
البيور
الصافي
هو المطلوب

وقيس على ذلك كل الانواع

http://marblegranitecraftsmen.co.uk/images/2012/12/Crema_Marfil.jpg

كريم مارفيل اللون البيج المعروف و فيه عروق
سعره بحدود 260 الى 300 ريال

http://www.wallandfloorsolutions.co.uk/media/catalog/product/cache/13/image/265x/9df78eab33525d08d6e5fb8d27136e95/1/2/1223_1_marfil_cream_wall_tile__500x330mm_.jpg
كريم مارفيل صافي بيور سعره مايقل عن 300 ريال
لانه مافيه عروق
نفس الجوده
نفس الجبل نفس البلد
ومقطوع بنفس المصنع
وكل واحد سعره مختلف

هي عمليه فرز
اللون الصافي يعزلونه لوحده وهو الاكثر طلب عليه
والي فيه عروق يعزلونه لوحده
وكل واحد سعره مختلف لجمال اللون

في ناس يحب العروق
وفي ناس يحب اللون الصافي

ذكرت في موضوع ثاني عن محلين


الرخام الذهبي
ومركز الرخام والجرانيت

اماكن كبيره ولها سمعتها وما فيها غش لانها تخاف على اسمائها والدوله تتعامل معاهم في مشاريعها الكبيره

الخوف من المحلات الصغيره



,

,


بالتوفيق لك

,

,


اخوك


شموخ دائم

[قلم صادق]

تسلم اخوي شموخ وما قصرت ... معلومات جدا مفيده