رد على المشاركين بخصوص موضوع السياره المسروقه

[سكرمر]

السلام عليكم ورحمه الله وبركاته


اخواني انا استعمل النت فى الدوام فقط وهذا السبب لعدم تواصلى مع الردود بشكل مستمر


والموضوع تقفل من الاداره

واما بخصوص موضوع السياره .. كان هناك تفاعل مع الجهات المختصه بشكل كبير جدا ً وكان البحث جاري على مدار 24 ساعه وشهاده حق انهم ماقصروا


عن طريق التحري حصلوا اوصاف السياره فى احدى الكراجات ولما راحوا وتاكدوا من بيناتها حصلوها مطابقه لمواصفات السياره المبلغ عنها .. وتم القبض على السارق



واما عن جنسيه السارق اتحفظ عليها ... لانه لو اذكرها يمكن اغلبيه الردود او بعضها تتلفض بالفاظ عنصريه



والاشخاص الى يقولون ان هالشي غير صحيح بامكانهم التوجه لقسم الصناعيه والاستفسار عن هالموضوع


تحياتي لكم

[وليف قطر]

بالعكس .. تحديد جنسية السارق مافيها عنصريه
ولو اني متأكد انه من شلة دير الزور : )

مبروك يخوي رجوع حلالك

[كازانوفا]

لااااااااااااااااا يا خوي من حقك ومن حقنا نعرف ايش الجنسيه وكيف الطريقه اللى تمت فيها السرقه وكم واحد كان معاه واسماء الكراجات اللى تستقبل السيارات المسروقه بلا ذمه ولا ضمير ويفكفك السياره ويبيعها على الناس
كل هاي لازم تذكره وماحد من الاعضاء راح يكون رده سلبي بالعكس
ومبروك رجوع السياره
بس ان شالله استلمتها قبل التفكيك ؟؟

[sweet qatar]

تستاهل عودة السيارة.. و تحية شكر للجهات الأمنية الي ماقصرت

بعض الأعضاء الله يهديهم متسرعين مافيهم صبر

لاتشغل بالك.. ولاتنشغل عن عملك عشان ترد

اما الي كذبوا السالفة.. مادري شاللي مضايقهم.. استغفر الله !

[Taxi]

تحية للامن
:nice:

[راشد محمد]

تستاهل عودة السيارة

[سكرمر]

لا اخوي الحمدلله ماتضررت كثير بس تم ازاله الخطوط والرنقات فقط




ولكن بخصوص جنسيه السارق والكراج من السهل اني اقول هالشي ...لكن من الحين اشوف في بعض الاعضاء الله يهدانا ويهداهم عندهم عنصيريه وتهجم على جنسيات اخرى ... احنا نتكلم عن الموضوع بدون عنصريه


لكن الاهم من هذا كله ان الواحد ينتبه مايحط مفاتيح سيارته داخل السياره وتكون مكشوفه او ان الواحد ينتبه على سيارته وياليت يدخلها داخل البيت ومايحط اشياء ثمينه داخل السياره مثل الجوالات او اللاب توب او البوك



تحياتي لهم


والشكر الجزيل على تفاعلكم

[كازانوفا]

المهم انها رجعت لك وربي يعوضك خير ان شالله
تتعوض الرنقات

[بومحمد المطاوعه]

مبروك على حصول السياره

وان شاءالله يتأدب السارق

ولاتسكت عن حقك

جرجره في المحاكم

ولا تسامحه

هالزمن مافي تسامح خلاص

قبل غير والحين غيرر

وكفو عليكم يالداخليه

وعلى شرطه الفزعه انشهد انكم رجال قول وفعل

والشكر والثناء للعقيد / عبد العزيز بن فيصل آل ثاني

مدير إدارة شرطة النجدة ( الفزعة )


الله يحفظ قطر واهلها والمقيمين عليها من كل سووء

[@north_star@]

الحمد لله انه حلالك رجعلك والحمد لله انهم صادوا السارق الي يستاهل قطع يده قدام الناس للعبرة

[بومحمد المطاوعه]

الحمد لله انه حلالك رجعلك والحمد لله انهم صادوا السارق الي يستاهل قطع يده قدام الناس للعبرة


لو ينشعون اصابعه قبل ايده ابرك

حبه حبه

علشان يتوب وعبره للناس

على بالهم قاعدين ف دوله مافيها امن ولا امان

ولا على بالهم قاعدين ف دوله مافيها قوانين

جهل قسم بالله

[تأملات]

مبروك رجعه السيارة وكفؤ في جميع أجهزتنا الأمنية ما قصروا

[دايموند]

بل لقوها في الكراج !!!

ع شنو كان ناوي الاخ ؟

[السكين]

الحمد لله أولاً وآخراً

تستاهل أخوي ومال الحلال ما يضيع :)

الشكر موصول للعيون الساهرة وكل من ساهم في إرجاعها

[Locale]

الحمدلله زين اللي رجعتلك

ان شاء الله السارق ياخذ جزاه

[Q0T0R]

مبروك عودة السيارة و تحية شكر للجهات الأمنية

[بصمة قطرية]

مافي داعي تذكر الجنسية
حق التعليقات ...!!
إذا إنت كذبوك
خلاص السارق بياخذ جزاه
إش راح يفيدنا لو عرفنا جنسيته ...!!

[دنيا الاسهم]

بالعكس معرفة الجنسية مهم جدا لخذ الحذر والحيطة وعدم التعامل معهم في تجارة او خلافة
الحمدلله تستاهل السلامة على السيارة

لو ادري يلقون السيارات كان حطيت هنا اوصاف سيارتي اللي انسرقت وعجزت الداخلية عن ايجادها ( الموضوع قديم من 3 سنوات)
والحمدلله رب العالمين

[عضوو]

الحمدلله على رجوع حلالك والله يعوضك خير

[وحيد-الشوق]

ليش ماتذكر جنسية السارق للعلم ترى في قطريين يسرقون بعد اما التحفظ على جنسية السارق امر غريب منك لو مب فاتح موضوع ومتعب نفسك كان احسن

[بومحمد المطاوعه]

مافي داعي تذكر الجنسية
حق التعليقات ...!!
إذا إنت كذبوك
خلاص السارق بياخذ جزاه
إش راح يفيدنا لو عرفنا جنسيته ...!!


يفيد تدرين وشو

يفيدنا نسكر حلوووج الناس العنصريين

الي يقولون مافي ومستحيل خلهم يسكتوون ويعرفون ان من كل الجنسيات في حراميه

[المحاميه]

شسالفة البوق إشوفها أكثرت هاليومين
الواحد قام يخاف
:(

أهم شيء إن حلالك رجعلك
وسواء ذكرت الجنسيه ؤلا تحفظت ف هالشي راجعلك ؤماشوف هالنقطه مهمه
إهم شي كل واحد يحرص. على حلاله وخلاص

[دايموند]

من ردك امبين ان الحرامي من جنسيه عربيه مب اسيويه

[عندليب قطر]

من اللوائح في قوانين المحاكم المجني علية اذا تستر على الجاني يمكن تكون في صلة قرابة او مصلحة فقط.

[بوخالد911]

الحمدلله
تستاهل رجعة موترك

[OM_OMAR_QATAR]

الحمد لله انها رجعت .. وترة اكثر من موضوع سرقة سيارات انفتح بالمنتدى
واحيان قطري واحيان مو قطري ومن اي جنسية ممكن يكون ..
،

والله السرقة زايدة مع الأسف سواء سيارات والا غيرها
من فترة زوجي ماخذ الايجار يوديه خلاه في السيارة صف عند المسجد صلى المغرب طلع
ماحصلها
المسكين لين الحين يقلب في السيارة يقول بلكي احصلها