هل هذا حصل معك هنا في قطر

[فراغ]

رحت الؤلؤه مع صديق من دول الخليج (ضيف) جايني وحبيت أرويه مناطق في قطر
المهم ما حصلت مواقف ألا عند المسجد والمكان بعيد
فوقفت عند مال المواقف الي ياخذ سيارتك ويعطيك تكت
أنا رحت أشرب شاي مع صديقي أمكن ربع ساعة
رجعت باخذ سيارتي وقلت حق المغربي كم الحساب
قالي 60 ريال
فهل يعقل ذلك
المهم دفعت لكن الضيف تعجب قالي شلون هذا السعر ربع ساعة بستين ريال
أنا قلت له المنطقة راقيه
قالي حتى لو راقيه في باريس أو لندن ما يوصل هذا السعر للموقف
المهم قلت له ما دير بالك
أنتوا شرايكم في ذلك
ومن المسؤل عن وضع الاسعار للمواقف
وهل للمرور دخل في تقنين الاسعار
او المسئلة سايبه

[بـارود]

60 ريال ! يمكن غاسل لك السيارة جيك هههه

[NeverLand]

اوف اشدعوه عاد 60 ريال ربع ساعة!!

[(بوطلال)]

ليش ماصفيت في المواقف المخصصه للزوار او عند المسجد وتتمشى الجو والمكان حلو والحركه زينه . و60ريال اعتقد سعر خدمة الايقاف سواء دقيقه او 10ساعات .

[captin]

مرحبا اخوي العزيز

بلاشك السعر مبالغ فيه جدا
والأمر يستدعي الاستفسار
من إدارة المرافق والخدمات باللؤلؤة

للأسف كثير من الأماكن تفرض رسوم مقابل الخدمات
على كيفها من غير رقيب ولا حسيب

اقترح تتواصل مع إدارة اللؤلؤة وتستفسر عن سبب
ارتفاع خدمة ركن السيارات واذا ما حصلت منهم مبرر
كافي ومقنع ترفع الامر لإدارة حماية المستهلك
على الأقل يعرفون أن في احد مب راضي على اللي قاعد يصير.

[غايه الطواش]

كان من الممكن تسال عن السعر قبل لاتعطيه السياره
ويوم عطاك الورقه ممكن تختمها من المكان الي شربت فيه الشاي وبتطلع لك بنص السعر
والمواقف كثيره جدا في اللولوه يمكن انت مادليت اخوي :)

[MAZEN37]

موقف يغص ومحرج السعر مبالغ فيه

[وطن]

اللؤلؤة هذي أسعار الفاليه باركينغ فيها

وقبل كان اكثر
الحين منزلينه

أسعار مبالغ فيها جداً بلا معنى !!

[وطن]

كان من الممكن تسال عن السعر قبل لاتعطيه السياره
ويوم عطاك الورقه ممكن تختمها من المكان الي شربت فيه الشاي وبتطلع لك بنص السعر
والمواقف كثيره جدا في اللولوه يمكن انت مادليت اخوي :)

صج في ديسكاونت لو ختمت الورقة ؟؟

[ya3coub]

يعني رخصو السعر الي أعرفه من الجهة الشمالية تعطي سيارتك يصفونها لك بــ80 ريال

و اذا ما تبي تدفع عندك مواقف الزوار ببلاش

و هاي سعر الخدمة و أغلب الوقت اوقف سيارتي و ادفعها و اتكون عند المداخل اذا مافي سيارات هناك تكفي لأربع سيارات و الباقي يدخلونها لمواقف خاصه فيهم. <<"كشركة او كخدمة صف السيارات" و باقي المواقف فذيك الجهة فقط للي عندهم تصاريه بحكم انهم ساكنين بذيك الأبراج

و موضوع دسكاونت عمري ما شفته فاللؤلؤة موجود بأماكن ثانية

نفس فندق الماريوت الي عند الستي لما تروح للمطاعم يختمونلك اياها

او مثلا تذكرة السينما لمواقف الستي سنتر و بعذ لااماكن الثانية

[alsoq]

وانت ليش تعطيه كان عطيته ما انت مقتنع به

احنا اللي نسهل لهم ونخليهم يتمادون

[عضوو]

المشكله فينا لأننا شعب لايقاطع ولانسيطر على رغباتنا حتى لو خالفت مبادئنا

لوتلاحظون ان اكثر المشتكين على حماية المستهلك لما يذكر شكواه يقول لقيت الشي الفلاني سعره مرفوع

ولكن في النهايه يقول اشتريته

[لمت اب]

القوانين عندنا قاصره صحيح
لكن التقصير الاكبر يحصل منا
عندما نسكت عن الأخطاء والتجاوزات
سلبيه كبيره اجدها في الشعب القطري
عشان كذا تؤكل حقوقهم عينك عينك
ومن يتكلم ويشتكي ويبلغ الجهات المختصة قد يجد مسؤول لا مسؤول ومايفهم ويقوله يااخي هونها وتهون
والموضوع بسيط كلها 50 ريال ما تسوى عليك ,, مسكين هالعامل يمكن يسفرونه
ويقعد يدافع عنه
وكلام من هذا القبيل الي يجرنا للخلف بدل من ان نتطور
كهربائي صلح لك الثلاجه وبعد يومين احترق البيت عادي
ميكانيك صلح سيارتك ونسى يصب فيها ماء او زيت وخبطت المكينة عادي
اصبحوا القطرين صرافة فلوس,,, كم تبي ؟
اخواني الهمه والمسؤولية عليكم تبلغوا عن كل خطأ تشوفونه
وتوصلون الموضوع اخره
ابلغني احد اصدقائي بان اخذ ضيف لاحد المطاعم المشهورة للعشاء
وبعد الانتهاء جاب لهم الجرسون العربي الفاتوره ولاحظ اخينا ان الفاتوره عاليه
فاخذ يراجعها واكتشف ان العشاء 400 ريال ومظاف اليها 200 ريال زياده
نادى على الجرسون قال له حنا خذنا كذا وكذا,, هذا الشيء مااخذناه ليه مسجله
ارتبك ثم قال اكيد بالخطاء تسجل
متعودين علينا ندفع بدون ما نشوف الفاتورة اصلا فما ابلك اذا كان معنا ضيف نستحي نطالع الفاتورة
ولكن كانت الزيادة كبيره فراجعها الزبون
ماذا عليه ان يفعل ضد هذا المطعم ,, ما قدر يعمل شيء
لكن لو اتصل بالشرطة ممكن يؤخذ عليه تعهد فيخاف هذا الجرسون وصاحب المطعم من تكرار هذا النصب
الله يكون في عوننا

[fa6ma]

الفالي بارك بستين ريال وفي ثلاثين ريال حق الي عندهم بارك في البحر لليخوت او الجت بوت
مافي خصم ولا خصم نص السعر وكل شي واضح والبارك ماينحسب بكم ساعه التسعيره للبارك مش للوقت

[Bo Rakan]

انا صارت لي لي الاخ كان ينطر داخل سياره ولما صفيت ونزلت عطاني كوبون مكتوب عليه مواقف vip انا استغربت قلت يمكن توهم مطبقين هالشي ويوم رجعت قالي ظ£ظ* ريال مع اني صفيت قرابة الظ،ظ* دقايق ولاني كنت مستعجل عطيته وعقب انتبهت على هالشيء فما ادري هل ادارة اللؤلؤه ورا هالشي ام انه نصب اتمنى حد يفيدنا

[.:: القيصر ::.]

انا اصف موتري

و اقفله

و احرك و اخلص و ارجع و اركب

ويقول اذا جذي ممنوع توقف اهني

اقول له اتصل 999 و خل يخالف كل السيارات اللي صافة عند الباب مع موتري

و اركب الموتر وانا محرك مع سيفون عربي (( لأن اقوى من الافرنجي ))

وايد مفتكرين فيهم

وشكراً

[فراغ]

شكرآ على التفاعل مع الموضوع
وأنا طرحته حتى يعلم من لا يعلم بهذه الآسعار الخيالية للمواقف في بعض الاماكن في قطر حتى لا يحصل معه ما حصل معي
الصراحة أنا ما زرت لؤلؤة من قبل ألا مره لذلك ليس لدي خبره
وهذه المرة حبيت أبين لضيف الذي معي بأن قطر فيها أماكن راقيه
لكن النتيجة صارت عكسية بل صدمة لضيف قالي أخوي هذي سرقة ولا تجيبني مرة ثانيه لمثل هذي الأماكن ومبدأي لا يسمح لي بأستغلالي أو أستغلال الأخرين
وقالي الضيف أخوي أسمحلي أقولك أنكم فعلآ مستغلين من قبل الاجانب ليس في المواقف ولكن في كل شي
بلادكم كانت حلوه من قبل لكن اليوم تغيرت وايد لكن للسوء