بناء مشتل فوق السطح المنزل هل ممكن ؟

[هارون الرشيد]

السلام عليكم
ممكن الواحد يسويله مشتل فوق السطح ؟ بطريقة البيوت الزجاجية أو البولي كاربون .
أنا أشوف منها فوائد كبيرة جدا
1- بنزرع فوق البيت بدون مانطلع للحوش او الحديقة
2- المشتل يروح فوق البيت بدل مايكون في الحوش ( أستغلال ممتاز لمساحة الارض )
3- بيكون في على الاقل 3 منتجات ماراح نشتريها من سوق الخضرة مثل الطماط والخيار واي منتج أخر
4- اهل البيت بيتشجعون وبيكون فيها نوع من الرياضه والتسليه لهم في نفس الوقت
5- بيكون دعم ولو كان بيسط في دعم الأمن القومي
6- وأجمل مافي الموضوع .. بتاكل منتج طازج من مشتل البيت :)

[شموخ دائم]

,

,

مرحبا

فكره طيبه ماشاء الله

وقابله للتطبيق بسهوله

يبقى الحوش مكان المفضل للزراعه
لا تنسى اخوي الكريم ( الجماليات )
انواع الزهور والمسطحات الخضراء دائما مفضله بالحوش وحديقه المنزل
الي مساحه ارضه صغيره ممكن تفيده هذه الفكره
بشكل كبير

دمت بطيب

,

,

اخوك


شموخ

[معماري قطري]

الفكرة سهلة وممكنه ناقشتها قبل في موضوع أفكار التصميم بالشرح والصور

لو تبي تصميم معين أو مواد بسهولة بتلقاها وبسهولة تقدر تسويها .. عندك في الدوحة شركة الثلاثي ومقرهم حول محطة بترول التيسير على طريق سلوى .. أتوقع بين البيوت وعندهم مواد للزراعة العمودية .. يعني تسوي زراعة على حايط البيت بعد.

صحيح الزراعة في الحوش تعطي منظر وجمال يوصل له النظر بسهولة وخصوصا للأشجار الكبيرة .. لكن فوق ممكن تزرع حتى العشب، وشوف موضوع الأفكار فيه طريقة زراعة إختبارية على دعامات خشب فوق سطح كلية .. والزراعة فوق تعطيك عزل جيد حراري.

[captin]

فكرة حلوة للتطبيق

خصوصا إذا كان السطح او جزء منه مصمم كتراس للجلوس
تحتاج في هالحالة تهيئة السطح للأحواض وايجاد طرق مناسبة
لتصريف الماء الزائد من عملية الري ولو ان عملية الري هنا
راح تعتمد على الرش والتنقيط وبالتالي عدم وجود فائض يحتاج تصريف

مثل ما قال الأخ معماري هناك عدد من المشاتل المتخصصة اللي راح تفيدك في هالمجال
بس عموما الفكرة ممتازة من تخصيص جزء من السطح للزاراعة وعمل جلسة عائلية
خصوصا في مثل هالايام ايام الشتاء واعتدال الجو.

موفق ان شاء الله

[نور الحور]

ما شاء الله فكرة ممتازة .. تستفيد من السطح بجلسة حلوة وزرع بعض المحاصيل ..

والحوش الخارجي ممكن تخليه بس للحديقة والورد وأشجار الظل ..

وشفت عدة منازل مسوية جلسة (خيمة) فوق السطح .. وبعضهم تراس .. مع إضاءات حلوة .. يطلع المكان ترفيهي واستجمامي في نفس الوقت ..

وأذكر من زمان شفت موضوع بواحد من المنتديات وحدة مسوية فكرة زراعة سطح البيت عندها .. بحاول أدوره وأعرض الصور هني بالموضوع ..

موفق أخوي موسكو :victory:

[معماري قطري]

في سنغافورة تطور كبير وبدوا هناك ما يسمى المزارع العمودية، وهي بيوت محمية مبنية بشكل عمودي من الحديد وأجزاء ممكن المشي حولها وأجزاء تنزل بطريقة ميكانيكية .. أترككم مع الصور الشارحة لنفسها.

http://im40.gulfup.com/YfcCk.jpg (http://www.gulfup.com/?GLij2x)

http://im40.gulfup.com/UAYiW.jpg (http://www.gulfup.com/?Bjmzpq)

http://im32.gulfup.com/xPzkJ.jpg (http://www.gulfup.com/?6BINeE)

http://im33.gulfup.com/KLCgn.jpg (http://www.gulfup.com/?zuu9pk)

http://im35.gulfup.com/MlbYR.jpg (http://www.gulfup.com/?y6IREf)

http://im36.gulfup.com/No92B.jpg (http://www.gulfup.com/?nve2RE)

http://im32.gulfup.com/Hlg00.jpg (http://www.gulfup.com/?tmjk54)

هذي زراعة تكنولوجية ونظيفة وإنتاج يغطي سكان المدن ومعروف إن سنغافورة مساحتها صغيرة.

عجبني مشروع سوته شركة خاصة في الإمارات .. ما ادري الحبتور ولا الطاير .. والمشروع عبارة عن استزراع سمك الكافيار وهو يعيش في البحر الأسود وفي منطقة باردة .. فالشركة بشراكة مع شركة ألمانية عملت بيئة مشابهة لتلك البيئة على مساحة نص كيلومتر مربع .. ويتوقع أن يغطي الإنتاج من السمك ومن الكافيار الإمارات ويصدر جزء كبير منه للعالم.

[بو راشد 1]

الفكرة سهلة وممكنه ناقشتها قبل في موضوع أفكار التصميم بالشرح والصور

لو تبي تصميم معين أو مواد بسهولة بتلقاها وبسهولة تقدر تسويها .. عندك في الدوحة شركة الثلاثي ومقرهم حول محطة بترول التيسير على طريق سلوى .. أتوقع بين البيوت وعندهم مواد للزراعة العمودية .. يعني تسوي زراعة على حايط البيت بعد.

صحيح الزراعة في الحوش تعطي منظر وجمال يوصل له النظر بسهولة وخصوصا للأشجار الكبيرة .. لكن فوق ممكن تزرع حتى العشب، وشوف موضوع الأفكار فيه طريقة زراعة إختبارية على دعامات خشب فوق سطح كلية .. والزراعة فوق تعطيك عزل جيد حراري.

تم البحث عن شركة الثلاثي، و اتضح انهم انتقلو الى محلات بروة الجديدة في شارع الصناعية. بلوك 53 الطابق الاول.

[لمت اب]

اخي ابو راشد ممكن توضح لنا هدفك من زراعة السطح ؟
لامكانية تاثير الماء على سطح المنزل انصحك بالزراعه في الاحواض البلاستيكيه
فهي رخصيه وخفيفه وسهلة الاستعمال وحافظه للماء ويمكن التحكم في تصريف الماء
اذا اردت زراعة خضروات مثلما ذكرت فعليك بالأحواض التي ليست عميقه
يكفي 30 سم العمق
اما اذا اردت زراعة اشجار الزينه فيكون العمق 50 سم على الاقل
في زراعة الخضروات اعتقد الافضل استعمال التربه الطينيه العاديه
وفي زراعة الاشجار يمكن استعمال التربه المستخدمه في المشاتل

اذا زرعت لاتنسانا من الخضره :)
موفق باذن الله ,, خبرنا ايش يصير معك

[بو راشد 1]

اخي ابو راشد ممكن توضح لنا هدفك من زراعة السطح ؟
لامكانية تاثير الماء على سطح المنزل انصحك بالزراعه في الاحواض البلاستيكيه
فهي رخصيه وخفيفه وسهلة الاستعمال وحافظه للماء ويمكن التحكم في تصريف الماء
اذا اردت زراعة خضروات مثلما ذكرت فعليك بالأحواض التي ليست عميقه
يكفي 30 سم العمق
اما اذا اردت زراعة اشجار الزينه فيكون العمق 50 سم على الاقل
في زراعة الخضروات اعتقد الافضل استعمال التربه الطينيه العاديه
وفي زراعة الاشجار يمكن استعمال التربه المستخدمه في المشاتل

اذا زرعت لاتنسانا من الخضره :)
موفق باذن الله ,, خبرنا ايش يصير معك

طال عمرك السطح عندي مسوي فيه منطقة باربكيو و بيكون مبلط, افكر اني اسوي زرع بسيط‘ يمكن احواض بلاستكية تفي بالغرض.

[w.qatar]

فكرتك حلوه اشجعك تبادر و تنفذها

و شوف يوتيوب بتحصل شكثر ناس زارعين سطوحهم خاصه الدول العربيه شغل مرتب و حلو الواحد يزرع الاشياء البسيطه هذي في بيته

احنا الطماط ما شاء الله يطلع شحلاته نظيف و طعمه حلو احلى من الاردني اللي بالاسواق و الفاصوليا و الكوسة و الفلفل و الخيار والجزر

كل هالاشياء تنبت في قطر طبعا غير الورقيات مثل الخس و النعناع و الحبق و البقدونس و الجرجير و غيرها

[معماري قطري]

في آخر الصفحة في هذا الرابط طريقة حديثة تم تنفيذها في جامعة لدراسة خصائص التربة الزراعية والماء والنبات وهذي طريقة بتكون سهلة وجيدة لعمل مشتل أو حديقة سقفية .. والأهم سهولة المشي بين هذي القواعد وسهولة السيطرة على أي تسريب وسهولة العناية بها وهي مرتفعة في مستوى عمل الشخص.

http://www.qatarshares.com/vb/showthread.php?517773-%D5%F5%E6%D1%F1%DA%F5%E3%D1%C7%E4%ED%C9%F1-%E6%CA%F3%CD%E1%ED%E1%F1/page6