"الداخلية" تحذر من 3 مخالفات مرورية باليوم الوطني

[غزلان]

http://www.mbc66.net/upload/upjpg2/hSW47441.jpg (http://www.mbc66.net/upload/)

بوابة الشرق –

حذّرت وزارة الداخلية من 3 مخالفات مرورية التي قد ترتكب خلال مسيرات اليوم الوطني الموافق 18 ديسمبر الجاري، الذي تبدأ فعالياته من الإثنين المقبل 8 ديسمبر.

وأصدرت "الداخلية" عدداً من الإرشادات والتنبيهات الهامة لتحقيق الأمن والسلامة خلال الاحتفال باليوم الوطني، وذلك عبر تغريدة لها بحسابها الرسمي بموقع "تويتر".

وأوضحت أن من بين هذه المخالفات تغطية لوحات المركبات وتظليل الزجاج الأمامي للمركبة بالإضافة لنوافذ السائق، فضلاً عن مخالفة الخروج من نوافذ السيارات أثناء سيرها إلى جانب التنبيه بإجراء تغيير كامل في لون المركبة.

[ام السعف]

ياليت لو يلغون المسيرات بالسيارات ،،

[كلاسيك قطر]

والله خوش قوانين عيل لاحد يروح المسيره وله يحط لازقات وله يسوي شي خلنا نتمشى جذي جنه مافي يوم وطني وله فرحه وله أي شي

وكل شي وكل شي مخالفه اعنبو نبلي نستانس وطلع فرحتنا

واذا تبون اتخالفون مب ع الزقات والصور

خالفو الي عليه هدرز والي يستعرض هاي الي يستحق المخالفه

[مو مهم]

مخالفه الخروج من النوافذ المفروض يسجن اكبر شخص موجود بينهم لانه سمح لهم بذلك..( لانه توجد ماده سائله في عين الانسان في حال تعرضها للهواء تجف مما تسبب العمئ..

[كلاسيك قطر]

مخالفه الخروج من النوافذ المفروض يسجن اكبر شخص موجود بينهم لانه سمح لهم بذلك..( لانه توجد ماده سائله في عين الانسان في حال تعرضها للهواء تجف مما تسبب العمئ..


اتمنى ذالك

[كلاسيك قطر]

نبي ردود

[7llo]

ياريال الي عندنا قواطي مايفهمون لازم يتخالفون عشان يحسون اتمنى من وزاره الداخليه تحط شرطي كل 20 متر على الكىورنيش

[بونووف]

معاهم حق وصح اللي يسونه ويا ريت يشددون عليهم زياده ...

[فارس قطر]

احنا مع الداخلية في اشد الاجراءات

لان في ناس تحب تخرب اليوم الوطني وفرحة المواطنين

[فرهود]

فرحة اليوم الوطني تكون باحترام قوانين المرور والاداب العامه واحترام الاخرين وعدم التنغيص عليهم فرحتهم . ان شالله تطبق القوانين بقوه.

[عاشق العديد]

زين يسسسسون ..

كل واحد يزبن في مجلسسسه ولا يروح عرضضضته .. وبلاش مصصصخره ..

[بو خليفه 123]

طيب والردح والرقص بالشارع العام ؟ ما اشوفه من ضمن تحذيرات المرور

[كلاسيك قطر]

المرور مايفكر في شي غسير الصقات بس رقص مارقص عادي عندهم

المكله الي يرقثصون ويفترون عند السيارات ويرشون عليهم رش الابيض هاي مشكله

[غايه الطواش]

طيب والردح والرقص بالشارع العام ؟ ما اشوفه من ضمن تحذيرات المرور

من ضمن المحظورات بس ماعرفوا يرسمون لها كاركاتير :) ههههههه


يعطيهم الف عافيه .

بعض السلوكيات محتاجه تربيه من الاسر مب مخالفات من المرور

[ام ناصر1]

اممم مخالفات ماتستاهل اللهم الا الاخيرة ....تغيرلون المركبة

[وسمي2016]

طيب والردح والرقص بالشارع العام ؟ ما اشوفه من ضمن تحذيرات المرور

ههههههههه,,,,,,شدخل المرور بالردح ,,,,

الردح يبيله الدروع,,,,,,,الله يذكر عبدالله بن خالد بالخير

كل عام وانتم بخير وسلامه

[بوخالد911]

نتمنى الشدة

[كلاسيك قطر]

اتمنى الشده لصحاب السيارات ذات الصوت العالي والاستعراض والشيل

[المحاميه]

انزين تغيير لون السياره شدخل يخالفون عليه ؟ وين الغلط او الضرر الناتج عن هالتصرف؟

[الجوكر90]

انزين تغيير لون السياره شدخل يخالفون عليه ؟ وين الغلط او الضرر الناتج عن هالتصرف؟

موترج اسود وحطيتي استيكر كامل ابيض وعنابي
اذا دعمتي وشردتي راح يقولون موتر ابيض ï»»ن اللون البارز لهم الابيض
وراح يصير لبس فالموضوع

[لاجل QT]

نطالب الاكتفاء بالمسيرة الصباحية ...شي راقي ومهذب

مع انى اشوف يفضل الغاء المسيرات...حب الوطن ظهروه في الاجتهاد في العمل لبناء هذا الوطن الغالي

مهب في الرقص والمغازل والتحرشات

فشلتونا عطيتو صورة سيئة عن المواطنين في بلادنا للغرب

[MaRuKoO]

لو يمنعون روحة البنات للمسيره اظن كل مصاخات الشباب راح تختفي وراح تكون احسن وافضل مخالفة تطبق وتعود بنتائج رائعة :)

[قطريه22]

زين يسوون فيهم

خل تصير المسيرات راقيه مب تفشل نفس كل سنه من الي البعض يسويه من حركات