@@ إلى خبراء أسبانيا .. سؤالين مهمين لو سمحتوا @@ [الأرشيف]

نور الحور

07-12-2013, 02:43 AM

السلام عليكم ورحمة الله وبركاته ..

عندي سؤالين بخصوص أسبانيا ..

1. أجواءها شلون في شهر فبراير ؟

2. أفضل المناطق الممكن زيارتها للاستجمام في نفس هذا الشهر (فبراير) ؟

مع خالص شكري مقدماً ..

نور الحور

Charisma

07-12-2013, 05:51 PM

الاجواء بارده الى معتدله في فبراير

اقل درجه ممكن تكون 2 واقصاها 16 على حسب المدن

كم يوم بتمون اهناك ؟

تبون تتنقلون ولا ؟

مدن ولا مناطق اثريه ولا جزر ؟

نور الحور

07-12-2013, 09:31 PM

الاجواء بارده الى معتدله في فبراير

اقل درجه ممكن تكون 2 واقصاها 16 على حسب المدن

كم يوم بتمون اهناك ؟

تبون تتنقلون ولا ؟

مدن ولا مناطق اثريه ولا جزر ؟

شكراً على المعلومة كابتن .. شكل الجو بيكون من معتدل إلى بارد ..

واكيد طبعاً درجة الحرارة بتختلف حسب المدن .. وعشان جذي سألت .. في فبراير أي احسن منطقة او مدينة أو جزيرة ممكن ترشحها .. والهدف الاستجمام والراحة .. استبعد الزيارة للمناطق التاريخية مع احتمالية ضعيفة لزيارتها ..

النية على 5- 7 أيام بس .. بدون تنقل .. إلا لو كان الاستقرار بمدينة .. والجولات لمناطق قريبة منها .. فهذا ممكن .. أما التنقل من مدينة لمدينة مع تغيير السكن فالوقت ما يكفي أعتقد :(

بو خليفه 123

08-12-2013, 08:01 AM

ماربيا - بتروحين لها عن طريق ملقا

او برشلونه

بونووف

08-12-2013, 08:03 AM

اتوقع الجزر بتكون باارده بزياده

انا رحت لمدريد وفالنسيا وبرشلونه .. برشلونه حسيتها عائليه اكثر

لانه فيها الاكواريوم مسكر يعني الجو ماراح يأثر

وفيها الاوت لت يبعد ساعه وملاهي تقريبا تبعد نفس الوقت
وحديقة حيوان

وطبعا المتاحف وشارع المشاه اللي هو الرامبلا ستريت

بس استجمام في هالوقت اعتقد صعبه في هالدول البارده

الشباب يمدحون غرناطه بس مارحتها من قبل

..

نصيحه اذا الجو مب عائق وتبين استجمام وطبيعه روحي رامساو في النمسا

حسن

08-12-2013, 08:30 AM

برشلونا حلوه وشرحه

اي مدينه على البحر تكون حلوه

الله ذكرتيني ببرشلونا بغيت مارجع واتزوج هناك

:secret:

نور الحور

08-12-2013, 10:46 AM

يعطيكم العافية كلكم على الترشيحات .. يعني لحد اللحين كلكم اتفقتوا على برشلونه ..

غرناطة أخبرها تاريخية .. وماربيا سمعت مدح وايد عليها .. وبعد سان سبستيان بس أعتقد بتكون وايد باردة لأنها في الشمال أظن !

بو نوف .. رامساو شلون جوها ؟

حسن .. تعوذ بالله من إبليس .. يبيلك تروح برشلونه تجديد شهر عسل مع المدام ..:secret:

بونووف

08-12-2013, 11:05 AM

شنو نوع الاستجمام اللي تبينه بالظبط ..؟

اكيد بارد . لانه فوق الجبال

monatee

08-12-2013, 11:12 AM

الجزر والمناطق الجنوبيه اكيد بارده

انا كنت فيها شهر 6 اللي طاف وكان بررررد

نور الحور

08-12-2013, 12:00 PM

شنو نوع الاستجمام اللي تبينه بالظبط ..؟

اكيد بارد . لانه فوق الجبال

تمشية وفرجة واسترخاء .. نو للشوبنغ والمراكض :o

نور الحور

08-12-2013, 12:01 PM

الجزر والمناطق الجنوبيه اكيد بارده

انا كنت فيها شهر 6 اللي طاف وكان بررررد

أي جزر ومناطق بالضبط ؟

بونووف

08-12-2013, 12:49 PM

تمشية وفرجة واسترخاء .. نو للشوبنغ والمراكض :o

عندج برشلونه .. وجزيرة مايوركا قراب من بعض

نور الحور

08-12-2013, 01:35 PM

شكراً وجزاك الله خير بو نوف .. :)

عاشق العديد

08-12-2013, 01:35 PM

اوخسسس بتسافر ..

تروحين وترجعين بسسسلامه ..

Charisma

08-12-2013, 03:57 PM

اذا اول مره في اسبانيا فنزلوا في برشلونه

وعموما شهر فبراير في برشلونه فيه فعاليات وكرنفالات

وبالنسبه للسكن اسكنوا قريب من لا رامبالا قريب من كل شي

وان بغيتوا تفترون في برشلونه خذوا الباص السياحي وحددوا جدولكم في الفندق افضل
بما يناسب الايام اللي بتتواجدون فيها يمكن تكون في فعاليات .

وارشح هالفنادق
Hotel Palace GL
Le Méridien Barcelona
Eurostars Grand Marina Hotel GL

خذوا لفه على موقع بوكنج وقارنوا الفنادق

ووقت اختيار الفندق انتبهوا لنوع الغرف .. نوعيه الغرف اهي اللي تعكس الانطباع عن الفندق

بالتوفيق

monatee

08-12-2013, 04:56 PM

أي جزر ومناطق بالضبط ؟

رحنا لمنقطه مالقا ومنها الى ماربيا ،، الجو كان اكثر من روعه

وكنا قبلها في الكروز ومرينا بالقرب من جزر البحر المتوسط اغلبيتها اذا مش كلها
كانت بارده ومنها الجزر الجنوبيه القريبه من الجنوب الاسباني

احنا مانزلنا الجزر لكن الجو كان وايد بارد واحنا في الكروز

طبعاً مثل ماقلت لج هالكلام شهر 6 فأكيد شهر 2 ابرد

AL-MAYSTRO

09-12-2013, 09:29 AM

اي استفسار عن برشلونه .. انا حاضر ..؟؟!

نور الحور

10-12-2013, 10:45 AM

اوخسسس بتسافر ..

تروحين وترجعين بسسسلامه ..

هههههههههه .. الله يسلمك عاشق :)

نور الحور

10-12-2013, 10:47 AM

نور الحور

10-12-2013, 10:47 AM

رحنا لمنقطه مالقا ومنها الى ماربيا ،، الجو كان اكثر من روعه

وكنا قبلها في الكروز ومرينا بالقرب من جزر البحر المتوسط اغلبيتها اذا مش كلها
كانت بارده ومنها الجزر الجنوبيه القريبه من الجنوب الاسباني

احنا مانزلنا الجزر لكن الجو كان وايد بارد واحنا في الكروز

طبعاً مثل ماقلت لج هالكلام شهر 6 فأكيد شهر 2 ابرد

جميل جداً .. ثاني ترشيح لماربيا :victory:

جزاك الله خيراً على الإفادة

نور الحور

10-12-2013, 10:49 AM

اي استفسار عن برشلونه .. انا حاضر ..؟؟!

جزاك الله خير .. من ذوقك .. شكراً لعرضك المساعدة ..

أبي أعرف أحلى الأماكن السياحية فيها لو تكرمت :shy:

monatee

10-12-2013, 01:10 PM

شكراً للتفاصيل .. حفظتها عندي . جزاك الله خير ..

بس كرنفالات وزحمة ؟ .. أبي رواق وهدوء ..:(

عن تجربه ،،، برشلونه حلوه وماعليها كلام

لكن اذا فعلا تبين الهدوء والروقان والمناظر اللي تعور القلب بتلقينه في مالقا و ماربيا

تقدرين تخلين السفره فقط للجنوب تبتدينها من مالقا وتنتقلين منها الى المدن القريبه او الجزر

اظن طيران الامارات تروح دايركت لمالقا

وبالتوفيق

مخطط قطري

10-12-2013, 02:06 PM

الاجواء بارده بس اسبانيا بكبرها ممله يعني اسبوع ويخب عليها الا اذا ناوين تاخذون جوله كلام ثاني

نور الحور

13-12-2013, 01:45 AM

الاجواء بارده بس اسبانيا بكبرها ممله يعني اسبوع ويخب عليها الا اذا ناوين تاخذون جوله كلام ثاني

شكراً مخطط قطري ..

إي من تقريبا أسبوع أو أقل .. سفرة قصيرة .. اعتقد أسبانيا وايد حلوة :victory:

أبو خالد

02-01-2014, 11:55 AM

اسبانيا من أجمل الدول الاوروبية للسياحة ناسها طيبين
الاجواء باردة بشكل عام بكل اوروبا وكل ما رحت الشمال يكون برد أكتر
لو تروح الاندلس والمحافظات الجنوبية تكون افضل من برشلونة ومدريد
الاندلس فيها مدن سياحية متل غرناطة او اشبيلية او مالقا او قرطبة او ماربيلا
مالقا وماربيلا مدن سياحية وعلى البحر تتونس فيها والمدن التانية أثرية تحصل فيها أثار اسلامية
لو تحتاج اي مساعدة في اسبانيا او تفاصيل راسلني على الخاص

وحيد-الشوق

04-01-2014, 02:51 PM

شهر 4 كان الجو حلو في ملقا وماربيا يعني تمشي بدون جاكيت بس في الليل شوي برد بس عادي ماربيا حلوة وايد بس يوم واحد يكفي لها اذا بتروحين صوب ملقا اسبوع تخصصين كل يوم لمدينة وعندج غرناطة وقصر الحمراء كل ما اتذكر ازعل كنت هناك ومارحت غرناطة :(

نور الحور

06-01-2014, 10:27 PM

شكراً بوخالد ووحيد الشوق ... ما شاء الله الكل أجمع تقريباً على مالقا .. وبالفعل غرناطة ما تنفوت .. بس لو كانت في الطريق او الوقت يسمح ..

شاكرة لكم تفاعلكم ونصائحكم .. جزاكم الله خيراً ...

معماري قطري

12-01-2014, 03:05 AM

غيروا روحوا ميامي كلها 15 ساعة وترانزيت ورحلة داخلية يعني بتوصلون بعد يوم ويمكن أكثر.

سياح من كل العالم هناك وزحمة حلوة مب مملة والبلاد حية ليل نهار .. بس اسبوع كلش ما تسوى يبي لكم شهر أو اسبوعين أقل شيء

نور الحور

22-01-2014, 12:51 AM

أمريكا ودي أروح لها شهر أو اكثر مثل ما قلت معماري ..

بس ضحكتني يوم قلت كلها 15 ساعة وترانزيت ورحلة داخلية .. يعني شوي ؟ههههه

أنا رحلت امريكا مرة وحدة بس كانت السفرة أوكي .. ترانزيت ليلة في لندن ..

لأن صعبة أروح دايركت .. ما يسوى الواحد يتعب عمره خط واحد 15 أو 17 ساعة .. تعب والله

معماري قطري

22-01-2014, 07:46 AM

إستوت عادية تعودنا شكلنا استوت عندنا مناعة

نور الحور

23-01-2014, 01:24 AM

ههههههههههه.. الله يردك بالسلامة ...

كثر من التقارير بليز .. عجبني وايد تقريرك عن ميامي :victory:

معماري قطري

25-01-2014, 11:53 PM

الله يسلمج ويخليج اليوم إن شاء الله باواصل

start555

19-02-2014, 04:53 PM

رحلتي الى برشلونه في شهر 5 لمدة اسبوع

ياليت جدول للرحله وكيف حالة الجو

مع العلم هذي ثاني زياره لي لبرشلونه

الاولى كانت لحضور الكلاسيكو