المساعد الشخصي الرقمي

مشاهدة النسخة كاملة : دعوة لرفع العلم القطري .. حياكم


Markato
08-12-2013, 08:18 AM
السلام عليكم ورحمة الله وبركاته

بمناسبة اليوم الوطني ..

وبمناسبة دخول قطر في موسوعة جينيتس العالمية وبتحدي جديد
صنع اكبر علم في العالم ( العلم القطري ),,

ندعوا جميع المواطنين والمقيمين برفع علم قطر على المنازل ..

وندعوا لحملة العلم
الولاء لاميرنا الشيخ تميم بن حمد
والاوفاء لابونا الشيخ حمد بن خليفة

ونتمنى انشوف الاعلام في كل مكان مرفوع ويرفرف فوق

ودام عزج ياقطر وعز شيوخنا
راشد محمد
08-12-2013, 08:35 AM
فكرة حلوة..جاري التنفيذ
الأسبانية للمصاعد
08-12-2013, 09:00 AM
تم عمل اللازم بس من وين انحصل على اعلام كبيرة جدا ؟
OM_OMAR_QATAR
08-12-2013, 10:10 AM
وين انحصل على اعلام كبيرة جدا ؟
super jet
08-12-2013, 10:25 AM
جاري التنفيييييذ
عبدالعزيز 101
08-12-2013, 10:43 AM
قلـوبنـا هـي مـوارد عـزنـا 3>
الأسبانية للمصاعد
08-12-2013, 10:45 AM
ماركاتو وينك ..... من وين انجيب أعلام كبيرة جدا حق واجهات البيوت .

مادام انك طرحت الموضوع يالله دبر لنا على حسابك
قطريه ماركه
08-12-2013, 10:49 AM
الرونق و البحار يجيبون اعلام كبيررررة

بس ان شاء الله تحصلوون لانها بسرعه تخلص


و في سوق العلي في بعد و بالتفصيل و الحجم اللي يناسبكم
الأسبانية للمصاعد
08-12-2013, 10:50 AM
مشكووووووورة قطرية ماركة
Markato
08-12-2013, 01:56 PM
يعطيكم العافيه على هالتفاعل الحلوو
ونبي تفاعل اكثر بعد ان شاء الله

واللي اسالوو وين يحصلون الاعلام الكبيره
انا شخصيا خذت من عند شخص هو يفصلهم وشغله نضيف
العلم حجمه 3متر في 5متر والقماش خامه ممتازة على 250 ريال
اللي يبي رقمه بارسله على الخاص
مخطط قطري
08-12-2013, 02:28 PM
الموضوع صار تسويق اكثر منه فرحه وابتهاج بيوم وطني اعتقد الوطن مايبيقي منكم هالامور علاوه على رمز البلد ممكن يطيح في الشارع او دوسه السيارات اذا في ودك تحط علم اركزه فوق سطح بيتك ومقاس عادي نفس الي في الشوارع
وان كان هناك امور اخرى افضل واحلى من انك تختزل اليوم الوطني كله في مساله العلم
دانة الطواش
08-12-2013, 03:40 PM
أنا من محبات فكرة رفع العلم وتزيين المنازل في اليوم الوطني وان شالله حتى العنه السنه راح ارفع عليها علم قطر وازينها لجل حبج يا قطر وربي يتمم علينا بالخير والمحبة
Markato
09-12-2013, 07:08 AM
الموضوع صار تسويق اكثر منه فرحه وابتهاج بيوم وطني اعتقد الوطن مايبيقي منكم هالامور علاوه على رمز البلد ممكن يطيح في الشارع او دوسه السيارات اذا في ودك تحط علم اركزه فوق سطح بيتك ومقاس عادي نفس الي في الشوارع
وان كان هناك امور اخرى افضل واحلى من انك تختزل اليوم الوطني كله في مساله العلم

هلا اخوي
لو ركزت على فكرتي انا ذكرت ان توضع الاعلام في المنازل مب على السيارات
وفي طرق عديده لتزيين البيوت وكل واحد يقدر يتفنن فيها نفس اخوانا في دولة الامارات العربية المتحده في عيد الاتحاد عندهم تشوف البيوت كلها حاطه العلم الاماراتي وحبيت انقل هالفكرة من عندهم لين عندنا هذي كانت الفكرة الرئيسية للموضوع بعيدا عن التسويق ومن هالامور
معماري قطري
09-12-2013, 07:16 AM
حلوه أجواء الدوحة أكيد

عندي علم كبير ولا حصلت مكان أحطه داخل الشقة وصعب أعلقه برا في أمريكا يمكن يودوني ذاك المكان
الكلدي
09-12-2013, 01:38 PM
اعلام جميع الاحجام


في رامز
Right
09-12-2013, 01:53 PM
أمس رحت كارفور وشفت قسم خاص باليوم الوطني .. أول مرة أشوفه



وينباع فيه كل شي من أعلام وغيره .. شي حلوووو
كلاسيك قطر
11-12-2013, 01:41 PM
سوق العلي تفصيل

بس عندي سؤال الحين اكبر علم في العالم
يقولون تاريخ 16 \ 12 \ 2013 م في تصوير لانهم بعرضونه في نادي الغولف
بوجاسـم
11-12-2013, 03:04 PM
السلام عليكم

للي يسال وين يحصل أعلام بمقاسات كبيره انا امس مفصل من خياط المهندس في سوق العلي 6x3 متر بـ 200 ريال
ANONYMOUS
11-12-2013, 10:18 PM
وين المسؤوليه الاجتماعيه للشركات

المفروض يوزعون اعلام بجميع الاحجام