عادات اهل قطر في أمور الزواج ... موضوع لمعرفة آراء الأعضاء.

[Mohammed2]

السلام عليكم ورحمة الله وبركاته

توجد في قطر الكثير من العادات والتقاليد اللي توارثناها من أجدادنا الله يغفر لهم ومازلنا نتوارثها الى هذه اللحظه.
في هذا الموضوع ودي نتحاور في عادتين من عاداتنا اللي توارثناها الى يومنا هذا, وأشوف رايكم فيها.

العادة الأولى:
في الفترة اللي بين الملجة والعرس يحرص بعض الأهالي على عدم السماح للرجل بالخروج مع زوجته والعذر ( اشبيقولون عنا الناس, واخزياه واعيباه ...) :rolleyes2:
حتى لو كان الرجل وده ان يطلع مع مرته يتعشون في مطعم مثلا او يتمشون فترة بسيطه وبعدها يرجعون بيوتهم مايرضون بعض الأهالي بهالشي مع ان هالشي عادي ومافيه أي مخالفه شرعيه ولا حاجة, بالعكس الروابط بين الزوج والزوجه تتقوى أكثر ويعرفون بعضهم أكثر اذا طلعو مع بعض.


العادة الثانيه:
هالعادة اللي أشوف مالها معنى نهائيا, في عروس الرجاجيل أبو العروس وأخوانها مايحضرون العرس!! :rolleyes2:
ليش مادري, المفروض في هاليوم يكونون أكثر الناس فرحا ويجون العرس ويفرحون بعرس بنتهم مع الناس مب يتمون فالبيت كأن الأمر مايعنيهم بحجة انها عادة!


ودي أعرف راي الأعضاء في مثل هذه الأمور والعادات.

وشكرا

[تغلبية]

شكراً على الطرح أخوي

ويهمني أعرف وجهة النظر الرجالية .. بما أن هالنقطتين من النقاط الشائكة

[ظل القمر]

بالنسبة للعادة الأولى

شخصيا أرى لا ضرر من خروج الزوج مع زوجته بوجود طرف ثالث

اما العادة الثانية

فالأعراف هي كذلك بدأت منذ سنوات طويلة وبقيت على ماهي عليه إلى أن اصبحت واقع مفروض

لا يتقبل الناس تغييره .. ولو ان مافيها شيء هي عائلتين انتسبت لبعضها البعض ! فلما نصطنع الحزن أو العيب !!!

[مخطط قطري]

سوال انت قطري؟ولا تستفسر عن عادات قطريه موجوده
بناء على جاوبك راح افيدك

[Mohammed2]

سوال انت قطري؟ولا تستفسر عن عادات قطريه موجوده
بناء على جاوبك راح افيدك

اي نعم اخوي قطري

بس اخوي ممكن تقول رايك حتى لو قطري او غير قطري المنتدى للكل يعطيك العافيه

[عاشق العديد]

سوال انت قطري؟ولا تستفسر عن عادات قطريه موجوده
بناء على جاوبك راح افيدك

انا كذلك .؟

العاده الاولى ..: مش مسموحه بتاتا ..
مش خوف من الناس اكثر من خوف من شي ثاني ..
هم ما اعلنو زواجهم لين الحين ..
وشلون تبيني اخليها تطلع معاه .؟ ويجيني ثاني يوم يقولي مابيها .؟
ولا يقولي ها بنتكم يالله خذوها ..
في امور اكبر تصير .؟
اما العاده الثانيه .. المعرس هو يحددههها اذا كان يبغيهم يدخلون او لا ..
وفي بعض الاعراس .. حتى المعرس مايدش يقلب وجها الغرفه الموجوده بالقاعه ..

[Mohammed2]

بالنسبة للعادة الأولى

شخصيا أرى لا ضرر من خروج الزوج مع زوجته بوجود طرف ثالث

اما العادة الثانية

فالأعراف هي كذلك بدأت منذ سنوات طويلة وبقيت على ماهي عليه إلى أن اصبحت واقع مفروض

لا يتقبل الناس تغييره .. ولو ان مافيها شيء هي عائلتين انتسبت لبعضها البعض ! فلما نصطنع الحزن أو العيب !!!

لكن هل فيها ضرر اذا طلع الرجل مع زوجته بروحهم؟


وهل كل الأعراف صحيحه؟ ومثل ماقلت لماذا نصطنع الحزن والعيب.

[السديم]

والله انا اشوف العادة الاولى من الافضل ان مايطلعون كثير مع بعض حتى لو مطعم او غيره لان الواحد مايدري شبيصير بينهم وممكن يتم الطلاق بينهم في فترة الملجة ..

لكن العادة الثانية احس بدت تندثر وصرنا نشوف ابو العروس واخوانها عادي في العرس ولا قبل حتى ام العروس تقعد وماتتكشخ ولاشي وتقعد بعباتها واللحين تبارك الله ام العروس تنافس بنتها ..

[عاهد بن علي]

ممكن يطلع معاها وبعدين يطلقها
وهذا واقع يحصل
وممكن لا

[تغلبية]

شكراً على الطرح أخوي

ويهمني أعرف وجهة النظر الرجالية .. بما أن هالنقطتين من النقاط الشائكة



اممممم

لاحظت في السنوات الأخيرة إن الشاب وده يتعرف على شريكة حياته اكثر تجنباً لأي مشاكل مستقبلية

ووده ان الاهل يسمحون بهالشي خاصة انهم عاقدين وهي حليلته ..

لكن تقف الاعراف والعادات والتقاليد ضد هذا الشي وخاصة فيما يتعلق بالمحور الأول ..



أقترح اضافة استطلاع رأي لأعلى الصفحة .. خلنا نشوف الرأي العام في المنتدى شيقول ؟

[Mohammed2]

انا كذلك .؟

العاده الاولى ..: مش مسموحه بتاتا ..
مش خوف من الناس اكثر من خوف من شي ثاني ..
هم ما اعلنو زواجهم لين الحين ..
وشلون تبيني اخليها تطلع معاه .؟ ويجيني ثاني يوم يقولي مابيها .؟
ولا يقولي ها بنتكم يالله خذوها ..
في امور اكبر تصير .؟
اما العاده الثانيه .. المعرس هو يحددههها اذا كان يبغيهم يدخلون او لا ..
وفي بعض الاعراس .. حتى المعرس مايدش يقلب وجها الغرفه الموجوده بالقاعه ..

بخصوص رايك في العاده الثانيه, المعرس أكيد وده ان ابو العروس واخوانها يجون العرس ويشاركون الفرحه
لكن اللي يصير ان الابو والاخوان مايجون من نفسهم مب المعرس مانعهم

والله اعلم

[رهج السنابك]

بخصوص العاده الاولى
مريت علي مشكله وحده مالجه وطلعت مع زوجها وطاعته لانه عصبي وخايفه تخسره وخذها مكان ساتر وماتمالكوا نفسهم
وعقب شكك وطعن فيها وحجته كيف طاوعتني ورضت تجي معاي قبل العرس!
عقليات متخلفه لين اليوم
فكلن ينثبر مكانه احسن وحدهم واتس اب
دام الشباب عقولهم متحجره مب كفو الوحده تسمعهم حتى كلمه حلوه بعد الملجه
ولا بيعتبرها قليلة حيا
طبعا اتكلم عن فئه من الشباب وليس الكل
في منهم من يوازن الامور وعقلاني ويعرف ان الدنيا تطورت

[Mohammed2]

بعض الأعضاء الكرام رايهم في العادة الأولى ان ممكن يحدث طلاق بينهم

عندي سؤال

وشو الأحسن يحدث الطلاق في فترة الملجه او بعد العرس والدخول عليها؟

[مخطط قطري]

العاده الاولى يشد حيله ويقرب موعد العرس من تاريخ الملكه ومنقود وعيب عند هل قطر هلامر ونادر جدا تحصله في القطريين
اعرف رجال متزوج بنت عمه وفي نفس الوقت بنت خالته يعني مافي اقرب من كذا والله ماجلس معاها الا على الكوشه ولا سنه مالك عليها مايشوفها الا صدفه ومن بعيد بعد وبالغلط
لاحظ الشيوخ وكبار هل قطر الملكه في يوم والعرس ثاني يوم وطبعا قبلها بفتره تكون فتره الخطوبه بس وتتجهز العروس واذا انت مب عارف شوف المجتمعات الي جنبنا وبتعرف المشاكل والكلام الي يصير بين وحده مملوك عليها قبل عرسها وبتعرف ليش هالعاده مهمه بين هل قطر هل انت ترضى على اختك واحد مالك عليها بس يطلع وياها كل مكان وعاده ماتزوج واعلن زواجه صحيح في الشرع زوجته بس الوقت والظروف الحين تختلف هذا للعاده الاولى
العاده الثانيه عرف عند ابناء القبائل انه الاب مايحضر ولا الابناء بس اذا حضر وبارك ترى مافيها شي عادي يعني مش شي اجباري واذا ماجا كيفه اهم شي يبارك عرسهم ومب ضروري يكون موجود
مثل العادات والتقاليد في العزايم مثلا انت عازم ضيف عندك في المجلس في بعض العرب مايقلط مع الضيف في نفس الصحن عشان الضيف ياخذ راحته واذا قلط معاه مافيها شي
في الاخير هذي عادات وتقاليد مكمله لما جاء في دينا الاسلامي الي هو كامل من الاساس بس اذا هالعادات ماتتعارض مع الشرع الي هو الاصل اشوف مافيها شي ولعلمك بعض العادات وتقاليد القطريه الاصيله تحسسك بان هذولا معدن اهل قطر الغالي وتميز القطريين منها والي هم متمسكين فيها ماقصد هذي العاداات الي ذكرتها في كلامي بس في عادات اخرى المقام لايتسع لذكرها هي تميز القطري الاصلي من غيره الي ساسها الكرم والمعرفه ونبل الاخلاق
وسمو الامير حفظه الله هرم البلاد حريص كل الحرص على احياء هذي العادات الي تعتبر من تراث وتقاليد اهل البلد الي تطورو ومانسوى هذي الامور

[Mohammed2]

بخصوص العاده الاولى
مريت علي مشكله وحده مالجه وطلعت مع زوجها وطاعته لانه عصبي وخايفه تخسره وخذها مكان ساتر وماتمالكوا نفسهم
وعقب شكك وطعن فيها وحجته كيف طاوعتني ورضت تجي معاي قبل العرس!
عقليات متخلفه لين اليوم
فكلن ينثبر مكانه احسن وحدهم واتس اب
دام الشباب عقولهم متحجره مب كفو الوحده تسمعهم حتى كلمه حلوه بعد الملجه
ولا بيعتبرها قليلة حيا
طبعا اتكلم عن فئه من الشباب وليس الكل
في منهم من يوازن الامور وعقلاني ويعرف ان الدنيا تطورت

هذي حالة شاذه ونادرة جدا جدا
الله يهديه

[حسن]

والله مادري الحين لان مافي حولي شي اقدر اقوله

بس هناك امور اختلفت في العرس وبشكل جذري

هو الناس تهتم بالعادات احيانا اكثر من الدين يعني من بعد العقد فهي زوجته عقد واشهار اما الباقي كله خرابيط والنسوان لهم نصيب في ذالك
مادري ليش البعض يخليني احس ان المراءه سلعه واذا استعملت طاح سعرها
شنهو هذا المنطق والتفكير

شوف ياخوي بالنسبه لي وللرجال اللي مثلنا البنت من يملج عليها نبي فرقاها وتروح مع ريلها
ولا نبي طقطه زيران ولا ردح لاكن سيطرت النسوان في الاوانه الاخيره على الكثير من الازواج واصبح يتبع العاده ويترك الدين
على جنب

فاختلت المووازين

انا ناديت وناديت باعلى الصوت ان تتدخل الدوله في حد من الكثير من الظواهر المدمره
لكن

ابن عمك اصمخ

توني جاتي معلومه ان الكثير من البنات والاسر وقت العرس تحجز وتبات في الفنادق

تغير المجتمع القطري

واصبحو يناقضون نفسهم

ويجيك واحد ويقول ليش تقول جذي

احنا ماودنا ستين داهيه الى نفاقنا في انفسنا الاول


وياما وياما وياما


بتشوفون

[نور الحور]

العادة الأولى في رأيي الأفضل تجنبها ... في محيط العيلة عندنا بعد الملجة ممكن الزوج يزور زوجته بالبيت ويكلمها بالجوال طول اليوم عادي .. لأن هالشي بيبين مدى التفاهم اللي بينهم وبيتعرف كل طرف على الطرف الثاني أكثر .. لكن طلعه معاه برا البيت لأ ..

العادة الثانية .. بالفعل أتمنى تندثر... الأب والأخ ومحارم الزوجة هم الأولى بالفرح معها في هذه الليلة .. حلو لو شاركوها الفرحة بحضور العرس .. أحياناً العادات لها منطق غريب .. او بالأصح لا منطق لها !!!

[Mohammed2]

العاده الاولى يشد حيله ويقرب موعد العرس من تاريخ الملكه ومنقود وعيب عند هل قطر هلامر ونادر جدا تحصله في القطريين
اعرف رجال متزوج بنت عمه وفي نفس الوقت بنت خالته يعني مافي اقرب من كذا والله ماجلس معاها الا على الكوشه ولا سنه مالك عليها مايشوفها الا صدفه ومن بعيد بعد وبالغلط
لاحظ الشيوخ وكبار هل قطر الملكه في يوم والعرس ثاني يوم وطبعا قبلها بفتره تكون فتره الخطوبه بس وتتجهز العروس واذا انت مب عارف شوف المجتمعات الي جنبنا وبتعرف المشاكل والكلام الي يصير بين وحده مملوك عليها قبل عرسها وبتعرف ليش هالعاده مهمه بين هل قطر هل انت ترضى على اختك واحد مالك عليها بس يطلع وياها كل مكان وعاده ماتزوج واعلن زواجه صحيح في الشرع زوجته بس الوقت والظروف الحين تختلف هذا للعاده الاولى
العاده الثانيه عرف عند ابناء القبائل انه الاب مايحضر ولا الابناء بس اذا حضر وبارك ترى مافيها شي عادي يعني مش شي اجباري واذا ماجا كيفه اهم شي يبارك عرسهم ومب ضروري يكون موجود
مثل العادات والتقاليد في العزايم مثلا انت عازم ضيف عندك في المجلس في بعض العرب مايقلط مع الضيف في نفس الصحن عشان الضيف ياخذ راحته واذا قلط معاه مافيها شي
في الاخير هذي عادات وتقاليد مكمله لما جاء في دينا الاسلامي الي هو كامل من الاساس بس اذا هالعادات ماتتعارض مع الشرع الي هو الاصل اشوف مافيها شي ولعلمك بعض العادات وتقاليد القطريه الاصيله تحسسك بان هذولا معدن اهل قطر الغالي وتميز القطريين منها والي هم متمسكين فيها ماقصد هذي العاداات الي ذكرتها في كلامي بس في عادات اخرى المقام لايتسع لذكرها هي تميز القطري الاصلي من غيره الي ساسها الكرم والمعرفه ونبل الاخلاق
وسمو الامير حفظه الله هرم البلاد حريص كل الحرص على احياء هذي العادات الي تعتبر من تراث وتقاليد اهل البلد الي تطورو ومانسوى هذي الامور

عاد ماتوصل لدرجة انه مايشوفها نهائيا لمدة سنة وهي زوجته!!!!


وتسلم على ردك الله يعطيك العافيه

[حسن]

بخصوص العاده الاولى
مريت علي مشكله وحده مالجه وطلعت مع زوجها وطاعته لانه عصبي وخايفه تخسره وخذها مكان ساتر وماتمالكوا نفسهم
وعقب شكك وطعن فيها وحجته كيف طاوعتني ورضت تجي معاي قبل العرس!
عقليات متخلفه لين اليوم
فكلن ينثبر مكانه احسن وحدهم واتس اب
دام الشباب عقولهم متحجره مب كفو الوحده تسمعهم حتى كلمه حلوه بعد الملجه
ولا بيعتبرها قليلة حيا
طبعا اتكلم عن فئه من الشباب وليس الكل
في منهم من يوازن الامور وعقلاني ويعرف ان الدنيا تطورت



وانا ليش اقول مالهم الى الدكتور احمد عكاشه

:telephone:

[رهج السنابك]

حتى في الحالات الاخف يا محمد

بعض الشباب يسترخص البنت لو طلعت معاه مطعم ولا مشوار حتى لو انها زوجته بس عقليته متقوقعه في العادات اكثر من الدين :)

[notes]

وعليكم السلام ورحمة الله وبركاته

العادة الأولى:
شخصياً لا أفضلها، برأيي إذا خرج الزوجان سوية لمكان ما للعشاء أو حضور فيلم أو غيره قبل موعد الزفاف، ستكون مثل هذه الأمور روتينية اعتادا عليها نظراً لخروجهما سابقاً ولن يكون هنالك ذات التوتر اللطيف أو اللهفة والتشوق والخجل والاستعدادات من قبل الطرفين ويغدو الأمر عادياً سبق تكراره وفقد بعضاً من إثارته، لذا أرتأي أن تترك بعض الأمور لما بعد حفل الزفاف كي يحتفظ الزواج ببدايته على الأقل ببعض حلاوة الغموض والمشاعر الجديدة ولا يفقدها بريقها.
يمكن استثناء مسألة خروجهما لانتقاء أثاث بيت الزوجية مثلاً وتناول الغداء أو العشاء تالياً، وحتى هذه برأيي ليست ضرورة حتمية وبالإمكان الاتفاق عليها دون الخروج سوياً.
إضافة لما ذكره الأعضاء من مشاكل قد تفتي إلى الطلاق لا قدر الله.

العادة الثانية:
عادة قديمة، شخصياً لا أحبذها ولم تعد سائدة لدينا عائلياً رغم إن أجيالنا القديمة عملت بها، لكن لا أنتقد من يزال يعمل بها فلكل شخص أو قبيلة موروثاتها الاجتماعية وأعرافها، وطالما أنها لا تعارض ديننا الكريم فلا ضرر ولا ضرار، والأجدر إن انتقدنا عادةً ما فلتكن مما يمس ديننا الحنيف أو تخالفه وليس مثل هذه التقاليد التي لا أظنها أجرمت بحق أحد أو دين قط.

وشكراً على الطرح،،

[عاهد بن علي]

بخصوص العاده الاولى
مريت علي مشكله وحده مالجه وطلعت مع زوجها وطاعته لانه عصبي وخايفه تخسره وخذها مكان ساتر وماتمالكوا نفسهم
وعقب شكك وطعن فيها وحجته كيف طاوعتني ورضت تجي معاي قبل العرس!
عقليات متخلفه لين اليوم
فكلن ينثبر مكانه احسن وحدهم واتس اب
دام الشباب عقولهم متحجره مب كفو الوحده تسمعهم حتى كلمه حلوه بعد الملجه
ولا بيعتبرها قليلة حيا
طبعا اتكلم عن فئه من الشباب وليس الكل
في منهم من يوازن الامور وعقلاني ويعرف ان الدنيا تطورت

لام الله من لامهم

[Mohammed2]

وعليكم السلام ورحمة الله وبركاته

العادة الأولى:
شخصياً لا أفضلها، برأيي إذا خرج الزوجان سوية لمكان ما للعشاء أو حضور فيلم أو غيره قبل موعد الزفاف، ستكون مثل هذه الأمور روتينية اعتادا عليها نظراً لخروجهما سابقاً ولن يكون هنالك ذات التوتر اللطيف أو اللهفة والتشوق والخجل والاستعدادات من قبل الطرفين ويغدو الأمر عادياً سبق تكراره وفقد بعضاً من إثارته، لذا أرتأي أن تترك بعض الأمور لما بعد حفل الزفاف كي يحتفظ الزواج ببدايته على الأقل ببعض حلاوة الغموض والمشاعر الجديدة ولا يفقدها بريقها.
يمكن استثناء مسألة خروجهما لانتقاء أثاث بيت الزوجية مثلاً وتناول الغداء أو العشاء تالياً، وحتى هذه برأيي ليست ضرورة حتمية وبالإمكان الاتفاق عليها دون الخروج سوياً.
إضافة لما ذكره الأعضاء من مشاكل قد تفتي إلى الطلاق لا قدر الله.

العادة الثانية:
عادة قديمة، شخصياً لا أحبذها ولم تعد سائدة لدينا عائلياً رغم إن أجيالنا القديمة عملت بها، لكن لا أنتقد من يزال يعمل بها فلكل شخص أو قبيلة موروثاتها الاجتماعية وأعرافها، وطالما أنها لا تعارض ديننا الكريم فلا ضرر ولا ضرار، والأجدر إن انتقدنا عادةً ما فلتكن مما يمس ديننا الحنيف أو تخالفه وليس مثل هذه التقاليد التي لا أظنها أجرمت بحق أحد أو دين قط.

وشكراً على الطرح،،

العفو اختي

لكن بخصوص رايج فالعاده الاولى الزوجين بيتعودون على بعض قبل او ابعد العرس نفس الشي يعني هذا هو المطلوب ان الطرفين متعودين ويعرفون بعض بشكل افضل

مع العلم ان بعد الملجه صار الرجل مسؤول عن مرته فاكيد لازم يتعودون على بعض

ومشكوره اختي

[Right]

تجبني كثيراً جملة يقولها كبار السن عند عمل أي شي وخاصة عند الزواج وهي:



" الهون أبرك ما يكون " :victory:

[اليشم]

أكيد الطلاق في الملجه أحسن، مافي طرف ثالث أطفال
الموضوع يفرق من عايله لعايله، في ناس عندها ثقه في عيالها وناس لا، وفي ناس عندها مرض من القيل والقال
كل واحد له قناعاته والحمدلله الواحد أصابعه مش مثل بعضها

[النهار]

مفروض العنوان يكون كألتالي عادات اهل قطر في امور الزواج حديثا والدخيل على عاداتنا

[جبر ال جبر]

العاده الاولى شرعا هي زوجته اشوف عادي تطلع وياه ويتعرفون على بعض اكثر واذا اهليهم كلوز عادي يشرفهم البيت مرتين او 3 كل اسبوع يعرف زوجته عدل وحلو يعرفون اطباع بعض قبل لاطيح الفاس في الراس
العاده الثانيه بنتي متزوجه بحضر عرسها وبرزف فيه بعد وبفرح لها انا استانس للغرب واحضر اعراسهم ماحضر عرس بنتي ماتوقع هذي عاده قطريه يمكن دخيله علينا بس اللي اشوفه ابو العروس واخوانها يحضرون عرس الريايل وشي حلو البنت تفتخر بابوها واخوانها وخصوصا لمن يدخلون مع المعرس على عروسه في القاعه تعرف هيبتهم وانهم مع اختهم في هالوقت وغيره انا انه مايحضر هذي اول مره اسمع فيها ليش خايف من شنو؟؟
ممكن حد من الاخوان يفسر لناليش مايحضر
انا ضد اي عاده غبيه في المجتمع الحين الوقت تتطور ومافي حدوصي على الثاني
وشكرا على طرح الموضوع

[بريق الحق]

النقطه الاولى : يجب التاكد هل شروط الزواج اكتملت ؟ حتى يختلي بها ويخرج معها
النقطه الثانيه ؛ !!!!!!!!

[اليشم]

العاده الاولى شرعا هي زوجته اشوف عادي تطلع وياه ويتعرفون على بعض اكثر واذا اهليهم كلوز عادي يشرفهم البيت مرتين او 3 كل اسبوع يعرف زوجته عدل وحلو يعرفون اطباع بعض قبل لاطيح الفاس في الراس
العاده الثانيه بنتي متزوجه بحضر عرسها وبرزف فيه بعد وبفرح لها انا استانس للغرب واحضر اعراسهم ماحضر عرس بنتي ماتوقع هذي عاده قطريه يمكن دخيله علينا بس اللي اشوفه ابو العروس واخوانها يحضرون عرس الريايل وشي حلو البنت تفتخر بابوها واخوانها وخصوصا لمن يدخلون مع المعرس على عروسه في القاعه تعرف هيبتهم وانهم مع اختهم في هالوقت وغيره انا انه مايحضر هذي اول مره اسمع فيها ليش خايف من شنو؟؟
ممكن حد من الاخوان يفسر لناليش مايحضر
انا ضد اي عاده غبيه في المجتمع الحين الوقت تتطور ومافي حدوصي على الثاني
وشكرا على طرح الموضوع

:thumbup:

[notes]

العفو اختي

لكن بخصوص رايج فالعاده الاولى الزوجين بيتعودون على بعض قبل او ابعد العرس نفس الشي يعني هذا هو المطلوب ان الطرفين متعودين ويعرفون بعض بشكل افضل

مع العلم ان بعد الملجه صار الرجل مسؤول عن مرته فاكيد لازم يتعودون على بعض

ومشكوره اختي

السلام عليكم ورحمة الله وبركاته

للتعود درجات، يمكن للزوجين أن يألفوا بعض ويتعرفون على طباع كل منهما بسهولة أثناء فترة الملجة من دون الخروج لوحدهما من خلال الجلوس سوياً في بيت الفتاة أو التنزه في حديقته مثلاً ولا سيما المكالمات الهاتفية.
وبعد حفل الزفاف وإشهار الزواج بديهياً بيعتادون على بعض أكثر ويظل في عنصر تشويق لما كل يوم يتعرفون على بعض أكثر
فأكثر.

طرحت الموضوع على زوجي وكان هذا رده نظراً لأنها كانت تجربة مرينا فيها وهي إن ما طلعنا بروحنا فترة الملجة :


بالنسبه حق الموضوع الاول
فأنا من رأي انه اختي أو بنتي ماأرضى انه يملج عليها واحد كم شهر ولاسمح الله يصير شي بينهم من حمل أو تفقد عذريتها وعقبها يجي يقول انا مابي بنتكم باي سبب من الاسباب ومثل ما انت عارف انه عاداتنا وتقاليدنا ماتسمح للزوج انه يطلع مع زوجته في فترة الملجه
يعني اللي بيجي ياخذها عقب ملجتها الاولى يتوقع مليون في الميه انها عذراء ولا في فترة الملجه وهم محددين الزواج عقب كم شهر يصير حمل في هذي الفتره وصارت عند ناس والله يستر عالجميع.. انا ماقول الكل لكن البعض وترى سهل انه الرجال يقنع زوجته في هذي الفتره لانها حلاله

اما بالنسبه للموضوع الثاني
انا من رأي انه هذي العاده مب مثل اول وكل يغني على ليلاه .. يعني يبي يبارك لبنته تراها عادي واللي مايبي مب عيب ولاحرام ... لانه هو بارك لبنته ونسيبه من قبل ولاعنده اي اعتراض على زواجهم .
ومعليه اخوي بس ودي انك تشوف الموضوع من جميع النواحي مب من الناحيه العاطفيه فقط انها ليش ماتطلع معاي وله تتغدى .. تراك لاحق على كل هذي الامور ..
وشكرآ على طرح الموضوع

[نوار قطر]

بالنسبه لي ابد ما أأيد اطلعات البنت مع ريلها ايام الملجه ،،، اي فعلا شرعا هو زوجها ،،، بس فيه خطوط حمره الواحد مايتعدها ،، صج انها من ضمن العادات. التقاليد بس تضمن حق البنت بكره لاسمح الله عقب ماطلعو وراحو مع بعض ماصار نصيب وطلقها شيسوى عليها ،،، مرته لي راحت بيته وصارت عنده ذيك الساعه محد يقدر يحاسبهم ولا حد يقدر يقوله له بم ،،، واذا الريال مستعيل الله لا يهينه يعرس عقب الملجه على طول لايخلي فترة الملجه تطول ،،

اما بالنسبه ان الابو والاخو مايحضرون عرس اختهم ،، سؤال وليش يحضرون ،، من وعينا على الدنيا واحنا ابهاتنا مايحضرون عروس بناتهم ،،اصلا حتى فشيله ولا بحلوه لي قلت والله انا في عرس بنتي او اختي ،،، الابو يقعد معزز مكرم في ميلسه ،، ويخلي هالسوالف عنه ،،،

[بريق الحق]

كلمة عيب وفشيله ودت الامه ستين داهيه

[Mohammed2]

بالنسبه لي ابد ما أأيد اطلعات البنت مع ريلها ايام الملجه ،،، اي فعلا شرعا هو زوجها ،،، بس فيه خطوط حمره الواحد مايتعدها ،، صج انها من ضمن العادات. التقاليد بس تضمن حق البنت بكره لاسمح الله عقب ماطلعو وراحو مع بعض ماصار نصيب وطلقها شيسوى عليها ،،، مرته لي راحت بيته وصارت عنده ذيك الساعه محد يقدر يحاسبهم ولا حد يقدر يقوله له بم ،،، واذا الريال مستعيل الله لا يهينه يعرس عقب الملجه على طول لايخلي فترة الملجه تطول ،،

اما بالنسبه ان الابو والاخو مايحضرون عرس اختهم ،، سؤال وليش يحضرون ،، من وعينا على الدنيا واحنا ابهاتنا مايحضرون عروس بناتهم ،،اصلا حتى فشيله ولا بحلوه لي قلت والله انا في عرس بنتي او اختي ،،، الابو يقعد معزز مكرم في ميلسه ،، ويخلي هالسوالف عنه ،،،

أصلا عيب انه يقعد في البيت ويخلي عرس بنته
يفرح مع العالم بهالمناسبه مب يقعد فالبيت كأن الأمر مايعني له

مب أي عاده كانو يمارسونها آباءنا يعني شي صحيح
في أشياء المفروض نلغيها ومن ضمنها سالفه الابو مايحضر عرس بنته

[الشامخ]

افرض ان البنت اختك او بنتك وطلع معاها قبل العرس طلقها ؟ ماهو رايك ؟

افرض ان البنت اختك او بنتك وحصل بينهما !!!!! وش اللي يضمن لك ان مايحصل بينهم هذا الشي وطلقها ؟

افرض ان البنت اختك او بنتك وحملت وبتولد قبل العرس ؟ ماهو رايك بصراحة ؟

[Mohammed2]

افرض ان البنت اختك او بنتك وطلع معاها قبل العرس طلقها ؟ ماهو رايك ؟

افرض ان البنت اختك او بنتك وحصل بينهما !!!!! وش اللي يضمن لك ان مايحصل بينهم هذا الشي وطلقها ؟

افرض ان البنت اختك او بنتك وحملت وبتولد قبل العرس ؟ ماهو رايك بصراحة ؟

المقصود في الموضوع مب افرض وافرض

المقصود بخصوص العاده الاولى ان الرجال فالاسبوع مثلا مرة يطلع مع مرته طلعه عاديه مب يختلي فيها وتحمل ومادري شنو لا لا

يعني لو بنتي بتطلع مع رجلها عازمها في المطعم الفلاني اكيد مابعترض
اصلا مش من حقي اعترض لانها زوجته شرعا

والرجال السنع مابيختلي مع زوجته قبل العرس ويسوي اي شي
يعني مثل مايطلع مع هله اخته او امه يطلع مع مرته وبعدين يردون بيوتهم
شي عادي يعني

لكن مب يطلع ويختلي فيها ويسون اللي يبون لا هذا اكيد مرفوض

[بريق الحق]

افرض ان البنت اختك او بنتك وطلع معاها قبل العرس طلقها ؟ ماهو رايك ؟

افرض ان البنت اختك او بنتك وحصل بينهما !!!!! وش اللي يضمن لك ان مايحصل بينهم هذا الشي وطلقها ؟

افرض ان البنت اختك او بنتك وحملت وبتولد قبل العرس ؟ ماهو رايك بصراحة ؟

السوال قبل ان تقول ( ترضى ولا ماترضى ) هل شروط الزواج اكتملت ؟

[حياة]

سؤال واحد؟ انت ايش تبغي توصل له؟
خلاص ع قولتك ملك عليها وعقد القران ؟؟؟؟ ليش يطلع معها قبل الأشهار والعرس ينطر شوي ولا يعرس ع طول ... قصدك يعرف طباعها واخلاقها ؟ اذا هذا قصدك هي تعتبر زوجته وان ماعجبته وطلقها بيصير هو مطلق وهي مطلقه بس بدون مخاسير و... هذا اللي بتوصل له ولا في بالك شي ثاني وهو ان الامور سهالات وعادي ومافيها شي ؟
وان الناس تغيرت ؟؟؟؟
هذا الشي بما اني ام وعندي عيال وبنات حط تحته مليووووون خط ... من سابع المستحيلات ارضى او اوافق عليه لبنتي او لولدي ... يصبر الين تصير زوجته وعاد بكيفه عقب ... اما طلعه وكوفي ومطاعم مرفوووووض وبشده
وهذا رأيي الشخصي ورأي كل أب أو أم غيور على بنته ..



اما الشق الثاني : فكل عايله وعلى ايش تعودت عليه .. فيه اللي يحضرون وفيه اللي مايحضر ولا يزعل هذا الشي وهذي سلوم وعادت العرب ... وبالنسبه لي والدي ماحضر عرسي .. ومازعلت ولا جاء في خاطري لاني ادري بمعزتي عنده وعند اخواني ...
وشكرا

[alsoq]

اذا تقصد فتره الخطوبه لا يجوز ان تخرج معه ابدآ حتى لو معهم طرف ثالث اذا ما يكون بالغ

الملكه يعني ملكت عليها وتصبح زوجتك ويحق لك الخروج معها بدو طرف ثالث ( بس عندنا البعض يتحفظ )

اما عدم حضور اخوان العروس للعرس لم اسمع به الى اذا فيه عوائل محدوه تتبع ها الشي الله واعلم

[بريق الحق]

اذا تقصد فتره الخطوبه لا يجوز ان تخرج معه ابدآ حتى لو معهم طرف ثالث اذا ما يكون بالغ

الملكه يعني ملكت عليها وتصبح زوجتك ويحق لك الخروج معها بدو طرف ثالث ( بس عندنا البعض يتحفظ )

اما عدم حضور اخوان العروس للعرس لم اسمع به الى اذا فيه عوائل محدوه تتبع ها الشي الله واعلم

اشكالية الموضوع ان حل تحققت شروط الزواج ام لا
اذا تحققت شروط الزواج فلايوجد نقاش فالموضوع عادات عيب فشيله هذي المصطلحات اصبحت مرض على المجتمع

[الجوكر90]

السوال قبل ان تقول ( ترضى ولا ماترضى ) هل شروط الزواج اكتملت ؟

الشيخ شفتك تعيد هالسؤال مرتين
انا مالي دخل فالموضوع
بس اشلون الشروط ماكتملت والملاج وثق العقد فالمحكمه
الشروط الي انت تتكلم عنها دخيله ع المجتمع
اما الصحيح ان من يوم الريال يملج ع البنيه يكون محرمها
والعرس ï»» سنه وï»» فرض
الا منكر قاعد يصير هالايام من صرف وطقطقه واغاني
اتوقع انت تقصد هالشروط الي اكتملت صح؟؟؟

[Mohammed2]

سؤال واحد؟ انت ايش تبغي توصل له؟
خلاص ع قولتك ملك عليها وعقد القران ؟؟؟؟ ليش يطلع معها قبل الأشهار والعرس ينطر شوي ولا يعرس ع طول ... قصدك يعرف طباعها واخلاقها ؟ اذا هذا قصدك هي تعتبر زوجته وان ماعجبته وطلقها بيصير هو مطلق وهي مطلقه بس بدون مخاسير و... هذا اللي بتوصل له ولا في بالك شي ثاني وهو ان الامور سهالات وعادي ومافيها شي ؟
وان الناس تغيرت ؟؟؟؟
هذا الشي بما اني ام وعندي عيال وبنات حط تحته مليووووون خط ... من سابع المستحيلات ارضى او اوافق عليه لبنتي او لولدي ... يصبر الين تصير زوجته وعاد بكيفه عقب ... اما طلعه وكوفي ومطاعم مرفوووووض وبشده
وهذا رأيي الشخصي ورأي كل أب أو أم غيور على بنته ..



اما الشق الثاني : فكل عايله وعلى ايش تعودت عليه .. فيه اللي يحضرون وفيه اللي مايحضر ولا يزعل هذا الشي وهذي سلوم وعادت العرب ... وبالنسبه لي والدي ماحضر عرسي .. ومازعلت ولا جاء في خاطري لاني ادري بمعزتي عنده وعند اخواني ...
وشكرا

ههههه احسج كلتيني بثيابي

اختي انا مابي اوصل لامر معين، فقط اشوف رايكم في هالامور ونتناقش فيها.

صحيح الام تغار على بنتها وكذلك الاب يغار على بنته، وأيضاً الزوج يغار على زوجته
بعد الملجه الزوج صار هو الولي على البنت والمسؤول عنها
ماله خص ان لازم يصير العرس وبعدها يعتبر انه الولي عليها

من ناحيه شرعيه (وهي الأصح) الزوج مسموح له يكون مع زوجته في عشى وماشابه
من ناحيه عادات (وهي الدخيله) الزوج غير مسموح انه يكون مع زوجته في طلعه

واحنا ولله الحمد مسلمين والدين وضح لنا كل أمور الزواج ليش ندخل أشياء ونفرضها على نفسنا ونسبقها على الدين؟

[ضوى]

العادة الأولى ، يشوفها في بيت ابوها بوجود طرف ثالث ، واذا بيعزمها على غدا والا عشان يكون بعد فيه طرف ثالث واتكثر هالشوفات لانه بيمل منها وش خلوا لعقب الزواج؟

العادة الثانية مستنكرة جدا عندي واللي اشوفه حوالي الاب والاخوان يدشون ويزفون المعرس ويفرحون بفرح بنتهم اللي شادة الظهر بهم

[قطريه ماركه]

عادي يطلعوون يروحون المطاعم بس يودون الجواسيس الصغار اليهاااال

[نوار قطر]

أصلا عيب انه يقعد في البيت ويخلي عرس بنته
يفرح مع العالم بهالمناسبه مب يقعد فالبيت كأن الأمر مايعني له

مب أي عاده كانو يمارسونها آباءنا يعني شي صحيح
في أشياء المفروض نلغيها ومن ضمنها سالفه الابو مايحضر عرس بنته

عيب انه يقعد في ميلسه .. ومب عيب يحضر عرس بنته ؟؟ يسلم على المعازيم شيقول لهم انا ابو العروس.؟؟؟ لا والله انه عيب ... تخيل انك تحضر عرس بنتك .. ويسلمون عليك والله هذي ابو العروس ..

[Aaziz]

السلام عليكم

الشيخ انا بعلق بصراحه (كالعادة) و عادي ردي مايعجبك


سسؤال : هل لو كتبت تعليقي باللغه اليابانية بتفهمه ؟ طبعا لا
انت فاتح الموضوع تنتقد عادات و تقاليد واضح انها مش لك من الاساس " بناء على قبولك لموضوع خروج من عقد قرانها على رجل في خلوه بينهم قبل الاشهار ( الموضوع فيه مخالفه شرعية ان كنت تهتم بالناحيه الشرعيه لان شرط الاشهار "حفل الزواج احد طرق الاشهار" لم يتحقق )

بالنسبه للعاده الثانيه سببها و اساسها واضح لاغلب اهل قطر ... الاب يرتبط قلبه في بناته اكثر من ابناءة ،،، و زواج البنت يعني خروجها من بيت والدها الى بيت زوجها الذي يدعو الاب ربه في كل صلاه ان يكون خير زوج لبنته ، سبب عدم حضور الاب هو حزنه على فراق بنته .. هذا كشرح لسبب هذه العاده ،، اما حاليا فيكتفي بعض الاباء بالحضور الى حفل الرجال و المباركه للزوج ،،، و اما الابناء "اخوان العروس" فهم في قمه الانشغال مع عرس اختهم و تلبيه حاجات اخواتهم و امهم و زوجاتهم .

انتهينا

سؤال ختامي ،،، اسئلك بالله لو رجل عقد قرانه على اختك بترضا يمرها البيت ياخذها و يطلعون لساعات لحالهم ؟ اذا فعلا صادق في انك شخص توافق على هذا الشيء فا اسمحلي انت لا تهتم لشأن اختك و انت مطالب بهذا كمسلم و كرجل

اقرا غالبيه الردود بتمعن و اعرف ماهو السائد و اعرف من هو الشاذ عن القاعده هدانا و هداك الله .

ختاما سو الي يريحك بسكات دون انتقاد لعادات و تقاليد اهل البلد

[Mohammed2]

عيب انه يقعد في ميلسه .. ومب عيب يحضر عرس بنته ؟؟ يسلم على المعازيم شيقول لهم انا ابو العروس.؟؟؟ لا والله انه عيب ... تخيل انك تحضر عرس بنتك .. ويسلمون عليك والله هذي ابو العروس ..

نعم احضر عرس بنتي واسلم على الكل وانا مستانس اكثر منهم

اذا افتشل من الناس لان بنتي تزوجت عيل ليش ازوج بنتي من الأساس؟

هذي فرحه والكل يدري انها بنتي وشي طبيعي ان البنت بتتزوج وهذي سنة الحياة
افتشل لان بنتي تتزوج!!!!!

لا الانبياء افتشلو ولا الصحابه ولا التابعين
احنا نفتشل من شي سنه الله ورسوله !!

[Mohammed2]

السلام عليكم

الشيخ انا بعلق بصراحه (كالعادة) و عادي ردي مايعجبك


سسؤال : هل لو كتبت تعليقي باللغه اليابانية بتفهمه ؟ طبعا لا
انت فاتح الموضوع تنتقد عادات و تقاليد واضح انها مش لك من الاساس " بناء على قبولك لموضوع خروج من عقد قرانها على رجل في خلوه بينهم قبل الاشهار ( الموضوع فيه مخالفه شرعية ان كنت تهتم بالناحيه الشرعيه لان شرط الاشهار "حفل الزواج احد طرق الاشهار" لم يتحقق )

بالنسبه للعاده الثانيه سببها و اساسها واضح لاغلب اهل قطر ... الاب يرتبط قلبه في بناته اكثر من ابناءة ،،، و زواج البنت يعني خروجها من بيت والدها الى بيت زوجها الذي يدعو الاب ربه في كل صلاه ان يكون خير زوج لبنته ، سبب عدم حضور الاب هو حزنه على فراق بنته .. هذا كشرح لسبب هذه العاده ،، اما حاليا فيكتفي بعض الاباء بالحضور الى حفل الرجال و المباركه للزوج ،،، و اما الابناء "اخوان العروس" فهم في قمه الانشغال مع عرس اختهم و تلبيه حاجات اخواتهم و امهم و زوجاتهم .

انتهينا

سؤال ختامي ،،، اسئلك بالله لو رجل عقد قرانه على اختك بترضا يمرها البيت ياخذها و يطلعون لساعات لحالهم ؟ اذا فعلا صادق في انك شخص توافق على هذا الشيء فا اسمحلي انت لا تهتم لشأن اختك و انت مطالب بهذا كمسلم و كرجل

اقرا غالبيه الردود بتمعن و اعرف ماهو السائد و اعرف من هو الشاذ عن القاعده هدانا و هداك الله .

ختاما سو الي يريحك بسكات دون انتقاد لعادات و تقاليد اهل البلد

اشكرك اخوي على ردك لكن حبيت أعلق على شي

الاشهار في الزواج مستحب وليس شرطا او واجب.

وتقدر تتاكد من اي شيخ ثقه او موقع اسلامي موثوق مثل اسلام ويب.

ممكن الرجال يتزوج بدون عرس، ممكن تزوج وسافر على طول مع مرته لدراسه او عمل وممكن ماعنده امكانيات لتكاليف الزواج، ويبقى زواجه صحيح.

أنا ما انتقد عادات بلدي
بالعكس في عايلتي متمسكين بالعادات والتقاليد
انا رايي ابديته على أساس ديني وشرعي فقط

والكل له الحريه

ممكن شخص يقول انه عادي البنت تطلع مع زوجها قبل العرس طلعه عاديه لكن انه مايسمح هالشي

يعني هالشي عادي لكن من نفسه رافض براحته


فالنهايه اللي ابي اعرفه آراء الاعضاء.

يعطيك العافيه

[دايموند]

بخصوص رايك في العاده الثانيه, المعرس أكيد وده ان ابو العروس واخوانها يجون العرس ويشاركون الفرحه
لكن اللي يصير ان الابو والاخوان مايجون من نفسهم مب المعرس مانعهم

والله اعلم

مفتشلين ان اختهم بتتزوج

[Aaziz]

اشكرك اخوي على ردك لكن حبيت أعلق على شي

الاشهار في الزواج مستحب وليس شرطا او واجب.

وتقدر تتاكد من اي شيخ ثقه او موقع اسلامي موثوق مثل اسلام ويب.

ممكن الرجال يتزوج بدون عرس، ممكن تزوج وسافر على طول مع مرته لدراسه او عمل وممكن ماعنده امكانيات لتكاليف الزواج، ويبقى زواجه صحيح.

أنا ما انتقد عادات بلدي
بالعكس في عايلتي متمسكين بالعادات والتقاليد
انا رايي ابديته على أساس ديني وشرعي فقط

والكل له الحريه

ممكن شخص يقول انه عادي البنت تطلع مع زوجها قبل العرس طلعه عاديه لكن انه مايسمح هالشي

يعني هالشي عادي لكن من نفسه رافض براحته


فالنهايه اللي ابي اعرفه آراء الاعضاء.

يعطيك العافيه

ليش تهربت من الاجابه على السؤال مع انه سؤال مباشر ؟

غير موضوع ممكن و ممكن و الفرضيات الي ما فادت بشي ،، اشكرك على اني بحثت و عرفت شي جديد وهو ان الاشهار مستحب

قال صلى الله عليه وسلم : أعلنوا النكاح. (رواه ابن ماجه وحسنه الألباني ) ، وعن محمد بن حاطب قال : قال رسول الله صلى الله عليه وسلم: " فصل ما بين الحلال والحرام الدف والصوت في النكاح. (رواه ابن ماجه وحسنه الألباني).

سويت مثل الي يقول ركعتين الفجر سنه عادي ماتصليها اهم شي تصلي الفرض ،،، يتركونها لانها سنه .

[Mohammed2]

ليش تهربت من الاجابه على السؤال مع انه سؤال مباشر ؟

غير موضوع ممكن و ممكن و الفرضيات الي ما فادت بشي ،، اشكرك على اني بحثت و عرفت شي جديد وهو ان الاشهار مستحب

قال صلى الله عليه وسلم : أعلنوا النكاح. (رواه ابن ماجه وحسنه الألباني ) ، وعن محمد بن حاطب قال : قال رسول الله صلى الله عليه وسلم: " فصل ما بين الحلال والحرام الدف والصوت في النكاح. (رواه ابن ماجه وحسنه الألباني).

سويت مثل الي يقول ركعتين الفجر سنه عادي ماتصليها اهم شي تصلي الفرض ،،، يتركونها لانها سنه .

جاوبت على سؤلك في رد سابق

ومره ثانيه
اذا زوج بنتي وده يطلع طلعه عاديه مع مرته مثل عشى او تمشايه ويرجعون بيوتهم نعم اوافق
من البدايه اختار لبنتي الرجال الثقه واللي اعرف انه بيحافظ على بنتي
والرجال الثقه عارف الصح من الخطاء

وشنو يسوي اللي تزوج بس ماسوى عرس؟
سافر على طول مع مرته لعمل او دراسه او ماعنده تكاليف العرس
زواجه باطل؟

[Aaziz]

جاوبت على سؤلك في رد سابق

ومره ثانيه
اذا زوج بنتي وده يطلع طلعه عاديه مع مرته مثل عشى او تمشايه ويرجعون بيوتهم نعم اوافق
من البدايه اختار لبنتي الرجال الثقه واللي اعرف انه بيحافظ على بنتي
والرجال الثقه عارف الصح من الخطاء

وشنو يسوي اللي تزوج بس ماسوى عرس؟
سافر على طول مع مرته لعمل او دراسه او ماعنده تكاليف العرس
زواجه باطل؟

يطلع في الشارع و يمسك دف و يصوت ،، يا جيرااان يا قرايب ... فلان تزوج بنتي على سنه الله و رسوله . التكلفه = 20 ريال طبل صناعه الصين
او يسوي ذبيحتين و يعزم الجيران بمناسبه زواج بنتي و يسافر للدراسه . الامر بسيط .

بخصوص انك شخص يوافق على خروج بنته مع من عقد قرانها

شوف بكل امانه انا احتكيت مع جميع فئات المجتمع بدون مبالغه ،، ما مر علي قطري يرضا بالي انت ترضا فيه
يبقى احتمال اخير ،، انك شخص يبي يسولف

سلام عليكم

[ظل القمر]

لكن هل فيها ضرر اذا طلع الرجل مع زوجته بروحهم؟


وهل كل الأعراف صحيحه؟ ومثل ماقلت لماذا نصطنع الحزن والعيب.

بكل صراحة وبحكم عملي القانوني ومعرفتي لبعض الحالات في اضرار قد تنتج عن خروج الاثنين دون وجود طرف ثالث
فبالتالي الأفضل و الأسلم أما ان يخرجون مع شخص ثالث او بلاها من طلعة

بالنسبة للأعراف للأسف مش كلها صحيحة و كثير من الأمور الي اعتدنا عليها وما هي الا مجرد تعقيدات

يعني في موضوع الزواج

بالعكس يجب ان يفتخر كل طرف بالأخر حيث انتسب لهذه العائلة او تلك الاسرة

مازلت لا استوعب وين المشكلة في حضور اهل العروس من الرجال لعرس الرجال !؟!؟

يعني الخطأ وين أو العيب وين في الموضوع ؟

[Charisma]

اخوي محمد ,,

العادات هذي في نظري انها سليمه وخلنا نحللها نقطه نقطه

الطلعات فتره الملجه : انا ما اتفق معاها نهائيا صحيح انه زوجها على سنه الله ورسوله وصار العقد لكن في امور كثيره تؤخذ في الحسبان
منها الفتره اللي ممكن تمتد لاكثر من ست شهور قبل العرس , وهي فتره طويله اذا انك بتتواصل معاها بالتلفون وبالزيارات وفوق هذا طلعات
صدقني ماراح يبقى عندك نوع من الفضول ان صح التعبير او مشاعر التقرب لها بعد العرس يعني بالعامي عقب الزواج بتنبشر بتحرق كل سوالفك
وكل مغامراتك وراح تتقربون من بعض اكثر واكثر لين ماتوصل مرحله الحماس اللي بتخليك تفكر ليش ماطلع وياها وليش هالعادات وليش وليش
اهي زوجتك نعم ولاحد يقدر يجادلك بهالموضوع .. لكن وفر هالامور لبعد الزواج صدقني فتره الملجه من اخطر الفترات ضروري تعرف شلون تتصرف فيها
وماتندفع بكلامك ومشاعرك على طول وفرها لبعد العرس عشان تعيشها بدون قيود.
وانا شخصيا افضل ان الفتره مابين العقد والعرس ماتتجاوز شهر يتم التنسيق مسبقا على الموعد وانتهى .

حضور الاب والاخوان: بالنسبه لهالموضوع فكلن براحته مب كل الاسر تمشي على نمط معين في اللي يحضرون ويقعدون لاخر العرس
وفي اللي يحضرون في ساعات مبكره من العرس لتهنئه المعرس والانصراف .. وانا مؤيد لهالنقطه
وفي اللي مايحضرون نهائيا بس هذا مب معناته ان الاب او الاخوان مفتشلين من بنتهم

[مخطط قطري]

يطلع في الشارع و يمسك دف و يصوت ،، يا جيرااان يا قرايب ... فلان تزوج بنتي على سنه الله و رسوله . التكلفه = 20 ريال طبل صناعه الصين
او يسوي ذبيحتين و يعزم الجيران بمناسبه زواج بنتي و يسافر للدراسه . الامر بسيط .

بخصوص انك شخص يوافق على خروج بنته مع من عقد قرانها

شوف بكل امانه انا احتكيت مع جميع فئات المجتمع بدون مبالغه ،، ما مر علي قطري يرضا بالي انت ترضا فيه
يبقى احتمال اخير ،، انك شخص يبي يسولف

سلام عليكم

بيض الله وجهك في هذا الرد مع الاسف بعض المستقطرين الجدد قامو بشكل مستفز ومزعج بانتقاد والاستهزاء ببعض العادات القطريه الاصيله المستمده في اغلبها من الشريعه الاسلاميه من فتره واحد من المستقطرين الجدد يقولي ليش باني مجلس كبير في بيتك كنت تقدر تستغل المساحه هذي في ملاحق او فلل صغيره تاجرها مايعرف الحبيب انه المجلس ينبني قبل البيت ويهتم فيه صاحب البيت ومافتكينا من انتقادهم بعدمره عن العرضات وعن سباق الهجن القرنفعوه وغيرها
طبعا هالموضوع لحد الان في مراحل النقاش البناء واشكر محمدصاحب الموضوع وجميع من ادلى بدلوه في هذا السياق بس انوه حق بعض الاشخاص بعدم استغلال هالموضوع بالهمز واللمز في العادات القطريه روح شوف عاداتكم وصلحها وبعدين تعال تكلم عن عادات بلد توك مكتسب جنسيته ورزك وعزك وانت تمش يدك في طوفه والله عيب

[Hamad5882]

العادة الاولى: مش معاها صج انها زوجته، لكن ما تم اشهاره، و ما خلى رجل بإمراه الا كان الشيطان ثالثهما، احتمال مع الطلعات يقع شي بينها وهم للحين ما اشهروا الزواج، فعادي يزورهم في البيت ويكون بينهم تواصل للتخطيط لحياتهم.

اما العادة الثانية: مع احترامي للجميع من اللي م يحضرون زواج بنتهم او اختهم، تراكم مزوجينها على سنة الله و رسوله مب شي يعيبك او تستحي منه او يقلل من قدرك، يعني هالاب او الاخ مالهم حق يفروحون بتوفيق بنتهم، ماله اخوان او نسايب او عيال عم ودهم يباركون لهم و يشاركونهم فرحتهم.

[Rider]

اما الاولى ليش يطلع معاها صج زوجته لكن مادخل بها يكلمها في التلفون عادي وهذا قرب الزوجين من بعض ترى لاحق يطلع معاها ويتعشى
اما الثانية فيه ناس يحضرون وناس لا ومن وجهت نظري مافيها شي

[Aaziz]

بيض الله وجهك في هذا الرد مع الاسف بعض المستقطرين الجدد قامو بشكل مستفز ومزعج بانتقاد والاستهزاء ببعض العادات القطريه الاصيله المستمده في اغلبها من الشريعه الاسلاميه من فتره واحد من المستقطرين الجدد يقولي ليش باني مجلس كبير في بيتك كنت تقدر تستغل المساحه هذي في ملاحق او فلل صغيره تاجرها مايعرف الحبيب انه المجلس ينبني قبل البيت ويهتم فيه صاحب البيت ومافتكينا من انتقادهم بعدمره عن العرضات وعن سباق الهجن القرنفعوه وغيرها
طبعا هالموضوع لحد الان في مراحل النقاش البناء واشكر محمدصاحب الموضوع وجميع من ادلى بدلوه في هذا السياق بس انوه حق بعض الاشخاص بعدم استغلال هالموضوع بالهمز واللمز في العادات القطريه روح شوف عاداتكم وصلحها وبعدين تعال تكلم عن عادات بلد توك مكتسب جنسيته ورزك وعزك وانت تمش يدك في طوفه والله عيب

وجهك ابيض ،، ماقلت الا الصحيح ياخوي .
الي ذكرته انت شي حقيقي ،، كل يوم اقرا موضوع او رد يضرب بعاداتنا و تقاليدنا بشكل مباشر ، يضرب في قطر من تحت الحزام بشكل غير مباشر ،، و بكل ذكاء يدرج الموضوع او المشاركه على انه مواطن قطري ساخط و غيور @@

المشكله ان قليل من الاعضاء الي يكلف نفسه و يتكلم الاغلب يقرا و يقول مابي عداوات او حد غيري بيكفيني او الناس تاخذ عني فكره ... اليد الوحده ماتصفق

[نوار قطر]

نعم احضر عرس بنتي واسلم على الكل وانا مستانس اكثر منهم

اذا افتشل من الناس لان بنتي تزوجت عيل ليش ازوج بنتي من الأساس؟

هذي فرحه والكل يدري انها بنتي وشي طبيعي ان البنت بتتزوج وهذي سنة الحياة
افتشل لان بنتي تتزوج!!!!!

لا الانبياء افتشلو ولا الصحابه ولا التابعين
احنا نفتشل من شي سنه الله ورسوله !!

محد قال انك تفتشل ان بنتك تزوجت ... لو المبدأ الكلام الي تقول وانها سالفة فشيله جان محد زوّج بنته وتمو البنات عند ابهاتهم ...ولاتخلط امور الدين بالعادات والتقاليد .. فيه اشياء وايد اقرها الدين بس احنا كمجتمع مانسويها من باب العرف والسنع .... واذا انت تشوف ان من والاب لازم يحضر عرس بنته .. خلاص الله يبلغك في بناتك وتحضر عرسهم وحده ورا الثانيه بس ماتجبر او انك تحاول تقنع الناس بشي مفروغ منه ... شي من عاداتنا وتقاليدنا وسلكنا تبي تغيره بين يوم وليله... فيه ناس تحضر وذي شي راجع لهم بس فيه ناس واايد ما اتقبل هالشي

[نوار قطر]

بعض الأعضاء الكرام رايهم في العادة الأولى ان ممكن يحدث طلاق بينهم

عندي سؤال

وشو الأحسن يحدث الطلاق في فترة الملجه او بعد العرس والدخول عليها؟

لا الشيخ الاحسن انها تطلع وتلافح معاه من مكان لي مكان ولي شبع منها طلقها وقطها عند اهلها ... :)

[New Vision]

شسالفه وين قاعدين لايكون الاخ قطري10%

[Mohammed2]

ردي هذا للاخوه اللي داشين يتطنزون واللي يشككون فيني اذا انا قطري او لا

أولا أنا نزلت هذا الموضوع فقط لمعرفة آراء الأعضاء وليس للتطنز الغير مباشر
يعني كل واحد يقرى الموضوع يقول رايه وخلاص ولايقعد يعلق واذا انت وافرض وافرض ومادري شنو ...الخ

وحق اللي يشكك في هويتي أنا قطري أبا عن جد عن جد جد

وفكونا من سالفه التكبر والتطنز, احنا ناس ولله الحمد مسلمين محترمين في منتدى محترم فكل واحد يكتب رده بطريقه محترمه

أنا ما أفرض رايي على الكل, كل واحد وحر في رايه, ويشرح كلامه بطريقه عدله وبس

من عنوان الموضوع كاتب ( لمعرفة آراء الأعضاء)

مثلا: تقول: أنا والله أعارض العادة الاولى لان كذا وكذا ....


الله يهدي بعض الأعضاء لازم يقهرون كاتب الموضوع مش بس في هالموضوع حتى في مواضيع كثيره غيرها

واسمحولي لأن في البعض صج نرفزني

[مشتاقة للجنة]

بالنسبة لنا عاداتنا بعد الملكة يقعدون مع بعض طبعا بالبيت بس ماتطلع معه الا بوجود محرم

والعاده الثانيه بالعكس اهل العروس اخوانها وابوها شي اساسي يحضرون ويشوفونها ويفرحون لها

[Charisma]

ردي هذا للاخوه اللي داشين يتطنزون واللي يشككون فيني اذا انا قطري او لا

أولا أنا نزلت هذا الموضوع فقط لمعرفة آراء الأعضاء وليس للتطنز الغير مباشر
يعني كل واحد يقرى الموضوع يقول رايه وخلاص ولايقعد يعلق واذا انت وافرض وافرض ومادري شنو ...الخ

وحق اللي يشكك في هويتي أنا قطري أبا عن جد عن جد جد

وفكونا من سالفه التكبر والتطنز, احنا ناس ولله الحمد مسلمين محترمين في منتدى محترم فكل واحد يكتب رده بطريقه محترمه

أنا ما أفرض رايي على الكل, كل واحد وحر في رايه, ويشرح كلامه بطريقه عدله وبس

من عنوان الموضوع كاتب ( لمعرفة آراء الأعضاء)

مثلا: تقول: أنا والله أعارض العادة الاولى لان كذا وكذا ....


الله يهدي بعض الأعضاء لازم يقهرون كاتب الموضوع مش بس في هالموضوع حتى في مواضيع كثيره غيرها

واسمحولي لأن في البعض صج نرفزني

والنعم فيك ياخوي محمد محد له الحق يشكك في هويتك

بس تدري احنا راس مالنا قيمنا وعاداتنا واهي اللي تميزنا وتحافظ على هويتنا
في زمن المتغيرات
بعض الاعضاء من غيرتهم وحرصهم ومن اللي يشوفونه سواء في المنتدى او برى المنتدى
من طعن واستهتار بالعادات والقيم ..

وسع صدرك

[Mohammed2]

والنعم فيك ياخوي محمد محد له الحق يشكك في هويتك

بس تدري احنا راس مالنا قيمنا وعاداتنا واهي اللي تميزنا وتحافظ على هويتنا
في زمن المتغيرات
بعض الاعضاء من غيرتهم وحرصهم ومن اللي يشوفونه سواء في المنتدى او برى المنتدى
من طعن واستهتار بالعادات والقيم ..

وسع صدرك

الله ينعم بحالك
ويجزاك خير

[اليشم]

ردي هذا للاخوه اللي داشين يتطنزون واللي يشككون فيني اذا انا قطري او لا

أولا أنا نزلت هذا الموضوع فقط لمعرفة آراء الأعضاء وليس للتطنز الغير مباشر
يعني كل واحد يقرى الموضوع يقول رايه وخلاص ولايقعد يعلق واذا انت وافرض وافرض ومادري شنو ...الخ

وحق اللي يشكك في هويتي أنا قطري أبا عن جد عن جد جد

وفكونا من سالفه التكبر والتطنز, احنا ناس ولله الحمد مسلمين محترمين في منتدى محترم فكل واحد يكتب رده بطريقه محترمه

أنا ما أفرض رايي على الكل, كل واحد وحر في رايه, ويشرح كلامه بطريقه عدله وبس

من عنوان الموضوع كاتب ( لمعرفة آراء الأعضاء)

مثلا: تقول: أنا والله أعارض العادة الاولى لان كذا وكذا ....


الله يهدي بعض الأعضاء لازم يقهرون كاتب الموضوع مش بس في هالموضوع حتى في مواضيع كثيره غيرها

واسمحولي لأن في البعض صج نرفزني

أخوي إنت مسؤول فقط عن الكلام الي انت كتبته، أما كل واحد ايش فهم.... هذي مشكلتهم
أما بالنسبه للتشكيك من البعض، فصدقني في ناس في صراع مع نفسها تبغي تثبت واتبين على حساب غيرها إنهم الأصل والفصل
أتكلم بصفه عامه، حاول ما تتأثر...ترى بتتعب
أنا من كم يوم صرت من مصر:)