موضوع نقاشي الــfast food

[كلاسيك قطر]

http://www3.0zz0.com/2013/12/06/21/847368209.jpg

الوجبات السريعة
أصبحت الوجبات السريعة أي الــFAST FOOD من العادات الغذائية لدينا أي ابتلينا بها

لها أسماء ماركات شهيرة و أشكال مختلفة و بمذاقات مميزة ... فلذا هي موضوع نقاشنا



سؤالنا هو:

هل هذه الوجبات رئيسية و مهمة بالنسبة لكـ و تحرص على تناولها و كم تخصص لها جزء من ميزانيتكـ و أي نوع منها المفضلة و المحببة عندكـ ؟

[السوق الحر]

للاسف الشديد ,, الكل ياكل منها ,, والمفروض انقاطعها كلها ,, والشوارع للاسف كلها اعلانات للوجبات السريعه ,, وهذا يخلي الواحد يروح يجرب

المفروض يوقفوا هذي الاعلانات ,, عشان يقللوا عدد الناس الي تاكل منها ,, لا فايدة وكلها اضرار ,,

[ام السعف]

اكلها متى ما حبينا ناكل منها ،،،

فموضوع ان نخصص لها ميزانية ،، هذي ما صارت لكن مرات نلم عشرين على عشرة
وعلى 15 وعلى 5 لين نوصل للي نبيه ونطلبها :shy:

[Mohammed2]

مافي الا تقلل منها او تقطعها نهائيا اذا عندك الاراده

لو انا كنت املك مطعم وجبات سريعه أكيد بعلن في كل مكان وابي الناس يجوني ويشترون مني



عن نفسي انا ماشتري هالاكلات الا نادر والحمدلله

[بصمة قطرية]

أنا ضد الوجبات السريعة و بقوة ..
أحاول أجنب عيالي هالمطاعم كثر ما أقدر ..
أبداً مش صحية ..
و مب ماخذين منها الأطفال شي غير المتن ..!!!
أغلب الأطفال اللي حولي اللي ياكلون من هالمطاعم
مصابين بالسمنة للأسف ..!!
و السمنة جداً خطرة للأطفال
تفتح باب للإصابة بأمراض خطرة مثل السكر
بسبب زيادة نسبة الدهون في جسم الطفل ..!!
ليش أخلي الطفل عرضة لهالأمور ..


ممكن أسمح لعيالي ياكلونها مرة في الشهر مستحيل أكثر ..
و دائماً أقول لهم عن مخاطرها
و أخليهم يشوفون في اليوتيوب عن تجارب الناس مع هالمطاعم ..

المطعم الوحيد اللي ياكلون منه ( هارديز ) ..

[GENIUS]

في الدول الغربية خاصة أكثر من يتناول هذه النوعية من الأطعمة هي الطبقة ذات المستوى المادي الأقل وعندنا العكس.

إسمها بالإنجليزية أيضا junk food. وأترك لكم البحث عن المعنى

[ام السعف]

في الدول الغربية خاصة أكثر من يتناول هذه النوعية من الأطعمة هي الطبقة ذات المستوى المادي الأقل وعندنا العكس.

إسمها بالإنجليزية أيضا junk food. وأترك لكم البحث عن المعنى

اعتقد يا اخوي جينيس بغض النظر عن عدم صحة هالاطعمة او رخصها
هي دخلت علينا على انها شي جديد على نظامنا الغذائي فتهافتوا الناس عليها ،،

[رهج السنابك]

اكرهها وتلوع جبدي منها

لكن اضطر اذا بالدوام ولا بسفر اطلب منها لسد الجوع

[GENIUS]

يا أختي يا أم السعف للأسف وصلنا لمرحلة بأن الأكل من هذه المطاعم صار برستيج.

وهي لم تدخل بشكل شيء جديد في نظامنا الغذائي بل دمرت صحتنا الغذائية بشكل عنيف.

وأصحاب تلك المطاعم يعرفون طريقة إستدراج الأطفال لهم من خلال الدعايات والألعاب والهدايا لدرجة بأن طفلك ممكن يقول لك إذا ما جبتوا لي أكل من المكان الفلاني ما بي أكل أو مب ماكل غيره.

الله المستعان.

[ام السعف]

يا أختي يا أم السعف للأسف وصلنا لمرحلة بأن الأكل من هذه المطاعم صار برستيج.

وهي لم تدخل بشكل شيء جديد في نظامنا الغذائي بل دمرت صحتنا الغذائية بشكل عنيف.

وأصحاب تلك المطاعم يعرفون طريقة إستدراج الأطفال لهم من خلال الدعايات والألعاب والهدايا لدرجة بأن طفلك ممكن يقول لك إذا ما جبتوا لي أكل من المكان الفلاني ما بي أكل أو مب ماكل غيره.

الله المستعان.

ابدا مب برستيج يا اخوي العبقري حسب اللي اعرفهم حولي من كل الطبقات ،،

هو تغيير فقط مزاج الأكل ،، مع اتفاقي معاك انها وجبات ضرتنا أكثر مما نفعتنا ،،
مثلها مثل الحلويات المشبعة بالاصباغ ونشتريها حق عيالنا ،،

صار اسلوب أكل للأسف الشديد :(

[عاهد بن علي]

بالنسبه لي انا
اجنب اولادي اكل المطاعم
ولا احرمهم منه
ولكن من فتره الى اخرى اشتريلهم من ماكدونال او هارديز

[Mohammed2]

بالنسبه لي انا
اجنب اولادي اكل المطاعم
ولا احرمهم منه
ولكن من فتره الى اخرى اشتريلهم من ماكدونال او هارديز

هههه دخت مع ردك اخوي
احين انت تجنب عيالك هالمطاعم وتشتري لهم من ماكدونالدز وهارديز !!
عفواً بس ردك فيه تناقض فالكلام

[Charisma]

الحمدلله ولاقرب صوب هالمطاعم .. والمشكلة ان اغلب المطاعم صارت بمستوى الفاست فود اذا ماكانت اردى من ناحيه النظافه والجوده
ويازين اكل البيت :nice:

[hanayen]

بصراحه اكل خبز وجبن ارحملي أبدا ما أحب الأكل هذي حتى بيتنا لدرجه نحتار شنو نتعشى الله يعز النعمه استغرب من اللي ياكلونه

[ya3coub]

هل هذه الوجبات رئيسية و مهمة بالنسبة لكـ و تحرص على تناولها و كم تخصص لها جزء من ميزانيتكـ و أي نوع منها المفضلة و المحببة عندكـ ؟

الوجبة الرئيسية اهي الشي الوحيد الي أكله مالي فالمقبلات و الحلى

مهمة بحكم عملي اكل امن اول مطعم جدامي و بالأغلب فاست فود علشان ارجع المكتب اخلص الي علي و اطلع بدري

ما عمري خصصت بس أغلب فلوسي تروح بالأكل

مافي نوع معين الصراحه بس انا بسئل سؤال عجيب

كم مطعم يقدم اكلات صحية سريعه ؟؟ صب واي و الثاني مدري شسمه و احاول اكل منهم اذا توافرو

بس لما يستوي في تثقيف بالنظام الغذائي الصح و يكون في دعم لبعض المطاعم الصحية السريعه <<< السرعه شي ضروري لكثير من الناس والسبب الرئيسي الي يدفعهم لمطاعم الجنك فود

و لما اتكلم عن النظام الغذائي ما اقصد الرجيم ولا الي بس ياكلون علشان الجيم و ينفخون جسمهم

لازم يكون في توعية لمطاعم معينة ان هاي اكل صحي و فيه الدهون قليله ,او ما تطول بجسم الأنسان ممكن يحرقها بسرعه باقل مجهود الخ اهل الاختصاص ادرى