((( الجميع ياخذ الحذر من معرض 525 )))

[بن السليم1]

رحت المعرض 525 اشتري السياره قال عطني عربون علشان احجز سياره خذت العرض السعر ورحت الشركه وتم رفض الطلب من الشركه رجعت حق المعرض 525 علشان اخذ الفلوسي قالي راحت عليك على العموم ارجو من الجميع التحمل منهم .

[عاشق العديد]

وشو الي راحت عليك !؟

!؟

حقكككك هـذا مافي شـي .. اسمه راحـت عليـككك ..
خذ حقـكككك ..

[النهار]

ياخوي ممكن اعرف كم كان العربون

[بن السليم1]

1000 ريال

[tawareq]

المفروض يرجع لك العربون

كلم صاحب المعرض افضل

[النهار]

العربون مايرجع ياخوي انت حاجز شي ملموس يمكن ينباع في اي لحضه .
طالما مافي بينك وبينه اتفاق بالنسبه للعربون ماتقدر تحاججه
افرض خذت سياره ورحت احدى محلات الفحص وفحصت وطلع في الموتر اشياء هل تطلب من صاحب المعرض
ثمن الفحص

[بن السليم1]

بس حرام اخوي 1000 ريال

[شموخ دائم]

,

,

مرحبا

اكبر مشكله في شركات قطر

الغموض

ليش ما يكون هناك ( فورمه ) و مكتوب في ( ايصال الاستلام ) العربون شروط واحكام وقانون الشركه

حتى العميل يعرف ماله وما عليه !!

مافي احترافيه في قطر !! شي غريب والله

1- في حال عدم الشراء اوتراجع العميل لاي سبب من الاسباب لايسترجع العربون
2- هذا العربون صالح لمده اسبوعين .... الخ
3- .... الخ

وتوضح هذه الشروط قبل العميل ما يدفع العربون !!

منعا للمشاكل ومنعا للاحراج وتوضيح سياسه الشركه

المسئله هذه تجاره وحقوق ناس وليس ( متاهه ) للعميل
وين المصداقيه ووين الشفافيه في التعامل !!

,

,

اخوك

شموخ دائم

[الـقـاسـي]

اصلا النظام تعبان عندنا يقولك العربون مايرجع , والله في معارض او مزادات برا قطر تشتري السياره وعندك اسبوعين لو طلع فيها شي ترجعها وتاخذ فلوسك كاملة

[بن جعران]

لا يا اخوي فلوسك ترجع

وقوانين المرور للمعارض انه عندك مهله ثلاث ايام

[رجل الجزيرة]

حبيبي روح لحماية المستهلك، صدقني بنقزيون عيونهم، هذولا نصابين.

[عقرب]

يالغالي العربون يرجعه لك وهو يضحك بعد

المعرض ياخذ العربون في حالة وحده بس , إذا أنت هونت من نفسك دون اي سبب يعيب الموتر

أما إذا الفحص طلع فيه بلاوي يرجع لك العربون وكذلك إذا البنك رفض المعاملة يعني السبب مش منك

[بوخالد911]

كلم حماية المستهلك

[اللوز]

تاخذ فلوسك كاملة مع اعتذار

[ســــند]

تأخذ فلوسك بشرط إذا ماكان بينك وبينه اتفاق انه بيروح عليك العربون سوا اشتريت أو ما اشتريت

وإذا ما فيه اتفاق ورفض ولا جابه بالطيب والله لأدق خشمه في المكتب وأخذه غصب وإذا مالك في الطويلات روح الريان وارفع قضيه ساعتين وهم جارينه من خشمه

[أم محمد 90]

العربون في القانون (لا يرد)

[أسد الجزيرة]

العربون في القانون (لا يرد)

ممكن نص القانون ؟

[سـردال]

الي اعرفه ان العربون يرد في حالة رفض المعاملة من البنك ، النصابين زادوا هل اليومين والسبب ؟

[خفيف الروح]

اللى اعرفه لك مده ثلاثة ايام ايذ مخلاصت معها قبل ثلاث ايام يروح عليك العربون

[بوعلاوي]

اشكره نصب واحتيال .. لا تتنازل عن حقك ماله حق ياخذ فلوس بدون مقابل
ما شريت منه شي ولا استفدت منه .. على وشو ياخذ 1000 ريال