المساعد الشخصي الرقمي

مشاهدة النسخة كاملة : المجلس الأعلى للتعليم .. في حد يشتغل هناك ؟؟؟؟؟


Hamad7788
09-12-2013, 01:58 PM
باختصار

عندي موضوع ولازم اتابعه مع المجلس الأعلى للتعليم
صار لي أسبوعين أتصل على 11 رقم من أرقامهم تقريبا ومحد يرد

طرشنا كتاب رسمي من جهة عملي وخاطبناهم

لاحياة لمن تنادي ..

كنت أسولف مع شخص أعرفه وقلت له عن معاناتي معاهم
قال ماعندك الا حل واحد انك تروح لهم .. قلت له اشلون اروح بدون موعد ولا شي .. بس جدي أرز الويه .. قال هم مايجون الا جذي


لا صج صج .. ليش مايردون عالتلفون .. ؟؟هل تلفوناتهم مقطوعه ؟؟ هل أوريدو معطتهم تلفونات ترسل وماتستقبل ؟؟

يوم .. يومين .. ثلاث ايام .. بنقول مشغولين

بس أسبوعين .. هاي اذا مب أكثر

وعقب القطريين يزعلون إذا يابولهم أجانب يشتغلون وياخذون أماكنهم ..

وحتى البداله يردون عقب ثلاث اتصالات ويعطوني أرقام محد يرد عليها ..
ya3coub
10-12-2013, 10:24 AM
الكلام صحيح لازم تروح و بتعصب

و بتنبط مرارتك

و بتطلع من غير فائدة بالغالب لأن لازم يحفظون ويهك و تروح أكثر من مرة

اما تلفون انسى يردون و اذا ردو حولوك على تحويلة غرفه الاجتماعات الفاضية الترفون يرن عالفاضي

+ اذا بتطلب اي طلب او استفسار اخذ دايما لا تطلع إلا بخطاب مطبوع و موقع من الشخص الي تكلمت معاه خصوصا بموضوع الدراسة للخارج او الأعتراف ببعض الجامعات
Rider
10-12-2013, 11:10 AM
جات على المجلس الاعلى هم الي مايردون بس بعض الوزارات والهيئات والمؤسسة نفس الشي وريدوا نفسهم اذا اتصلت على 111 تبغي خدمة ساعة لين حد يرد حتى الحين بعض المطاعم تتصل فيهم مايردون شبعوا ههه
kitmat
10-12-2013, 02:08 PM
والله انا مرة رحت لهم وقلت اكيد زحمة شغل مايردون ولقيت الربع طق سوالف والتيلفون يرن ومحد راضي يرد
نوآف
11-12-2013, 01:06 AM
اتمنى يتم تفنيشهم واحد ورا الثاني لنهم مش كفو شغل وراتب , في ناس احوّج للدوام منهم
اليشم
11-12-2013, 01:20 AM
جات على التيلفون
في بعض الجهات يمكن للحين ما تعرف يعني ايش بريد الكتروني، حاطينه برستيج بس
يعني لازم نتمشور ولازم يشوفوا الطله البهيه:waiting: