مناظر مؤلمه ولما تكون من قطريين ؟؟؟؟؟؟ يوجد صور وادله اثبات

[حسن]

السلام عليكم ورحمه الله وبركاته

يااخوان انا يؤلمني جدا لما اشوف مكان جميل جدا ويشرح النفس
ويجي غيرك للاسف من يشوه هذا المكان الجميل

بحكم اني اهتم بنظافه البر والبحر والطبيعه بشكل خاص
فاتمنى المحافظه على طبيعتنا وجمالها

يوم الجمعه وفي مكان جميل تجمعت مجموعه شبابيه وجلسو في هذا المكان الجميل
ولكن

انظرو ماتركو من وراهم

http://im37.gulfup.com/lSKyb.jpg (http://www.gulfup.com/?4ep4Dp)

تلوث بصري
جيتو وشبيتو ضوكم وتركتو وصاختكم

http://im37.gulfup.com/sxaob.jpg (http://www.gulfup.com/?RVunrt)


حتى عصايركم وقلاصاتكم جديده تركتوها من البطره
كان عطيتوها اي فقير مسكين على الخط

http://im35.gulfup.com/knFqA.jpg (http://www.gulfup.com/?lQqpJ7)


وهذه بقاياهم حتى علبه الشاي جديه فتحو منها شوي وتركوها
شباب فسقانين


http://im35.gulfup.com/t2EPJ.jpg (http://www.gulfup.com/?6GJI3a)

وهذه بطاقه تركوها وعليها الاسم
وكتيب من معهد تدريب الشرطه للتجنيد ومعلومات تركت في المكان



والشي المحزن ان المكان يبعد مع مسؤلين المنطقه وعده مئات الامتار للاسف
ضعف الرقابه
وتقصير في العمل الواضح وعدم الاهتمام من قبل الموظفين
اين انت يامفتشين المحميات اين انتم يامفتشين البيئه


وغيرها وغيرها

للاسف انعدام المسؤليه واستغرب لما ارى الاجانب بعد ماتركون المكان

سبحان الله ولا اثر لاي شي

الى متى يستمر هذا الاهمال لدي الكثير منا


والى متى الاهمال يامسؤلين


:weeping:

[امـ حمد]

لا حول ولا قوة الا بالله
النظافه من الإيمان

[New Vision]

المسؤلين مب فاضين فالحين فالمؤتمرات والدورات الخارجيه فلا تلومهم لاحسيب ولارقيب

[مشتاقة للجنة]

لا حول ولا قوة الا بالله

جعل ربي يهدي شبابنا

[بن غيث]

تصرفهم يعكس تربيتهم واخï»»قهم ..
الله يصلحهم

[السامـي]

ما دليلك يا حسن إنهم قطريين؟.

[New Vision]

ما دليلك يا حسن إنهم قطريين؟.

الفيزا المسروقه الي لقاها

[حسن]

لا حول ولا قوة الا بالله
النظافه من الإيمان


وش نسوي ياام حمد

للاسف انعدام التربيه الصحيحه وغياب القدوه وضعف الرقابه من المفتشين

الله مكثرهم وقله بركتهم
وانعدام الروح الوطنيه والغيره

[حسن]

المسؤلين مب فاضين فالحين فالمؤتمرات والدورات الخارجيه فلا تلومهم لاحسيب ولارقيب

للا سف فقدان الرقابه وقله وعي المسؤلين وتدني تعليمهم وثقافتهم وراء ذالك

يبيلهم الضرب من حديد

[حسن]

لا حول ولا قوة الا بالله

جعل ربي يهدي شبابنا


امين اتمنى التجنيد الاجباري يتم التعليم فيهم بشكل صحيح
وان يستغلو حتى في برامج النظافه

نتمنى

[حسن]

تصرفهم يعكس تربيتهم واخï»»قهم ..
الله يصلحهم

حيالله بن غيث
مهب ذولا بس مرو علي الكثير والكثير
واهرف منهم وشفت الكثير رغم درام الزباله
يبعد منه امتار

اتمنى صرف ضبطيات لمتطوعين عقلاء وينتمون لهذا الوطن

وبنشتغل ببلاش مانبي معاش

[عاهد بن علي]

لو اني وزير المعارف كان عطيتك شهادة تقدير على اهتمامك بالبيئه يابو علي
الله يجزاك خير

[حسن]

ما دليلك يا حسن إنهم قطريين؟.

حيالله السامي

اهل مكه ادري بشعابها الايام والتجارب والمشاهدات
والادله والتصرفات
اكبر دليل

والمثل يقول الحباي مايمر من تحت المنبطح

عيب انا حسن اعرف اثر السمكه في البحر ماتبي اعرف من العرب

ولو

انت وش رايك في المنظر

مؤلم ولا يسر

[حسن]

لو اني وزير المعارف كان عطيتك شهادة تقدير على اهتمامك بالبيئه يابو علي
الله يجزاك خير


هلا وغلا ومسهلا

هلا بالطش والرش والماي اللي مصفف بالغرش
ابي اجيك وتعبان
اذا انت في المحل باجيك واذا لا مكاني زين

ابي فليت مال قمل


هلا بوعلي

[عاهد بن علي]

هلا وغلا ومسهلا

هلا بالطش والرش والماي اللي مصفف بالغرش
ابي اجيك وتعبان
اذا انت في المحل باجيك واذا لا مكاني زين

ابي فليت مال قمل


هلا بوعلي

هههههههههههههههههههههههههههههههههههه
انا في الشغل
الساعه8 في الليل باطلع من الدوام وباروح المحل
هلا وغلا بالي له القمل يهلي

[السامـي]

عيب انا حسن اعرف اثر السمكه في البحر ماتبي اعرف من العرب

عرب؟! أنت تقول قطريين؟!.
ثبت حد منهم،شفتهم شوف العين؟.

[لاجل QT]

عادي بعض العرب جذي

مع ان الدين علمهم النظافة واصولها وضرب لهم مثال سئ للقذارة وهم اليهود حتى لانكون مثلهم

الحين انشوف العكس

الا من رحم ربي

[حسن]

هههههههههههههههههههههههههههههههههههه
انا في الشغل
الساعه8 في الليل باطلع من الدوام وباروح المحل
هلا وغلا بالي له القمل يهلي

هلا باللي له القمل يفلي

:)

زين اللي قلت لي انك في الشغل
فكرتك في الدوام

هاهاهاهاها

هههههههههه

واحد زيرو

[عاشق العديد]

.. لانهم مب من رواد هاذي المنطقه او مايحبون نزوه مره وخلاص ..
لكن الي مثلي ومثلك يحب يجي ويروح ويحب يجي يشوف المكان شرح ونظيف وياخذ راحتـه عدل بيحافظ على المكان ..

اذا على الاجانب .. ياخوي .. تعدونا في اشياء وايـد ..
كفايه لارحت كفتريا تنطر احد يجي يشل وصاختـك اما هـو بروحـه يقوم بشل وصاختـه ..
كفايه لا رحت مطعم في دول الخارجيه .. لو ماشليت اكلك .. يجيك كف على ويهـك .. ومب لازم يكون في عدد اضافي من العمال بس عشان يشل وصاختـك ويجيب الاكل لين عنـدك ..
صحيح هم اجانب وكفار .. لكن النظافه عندهم شي اساسي واحنا الي عندنا النظافه ركيزه .. ولا نهتم شي مؤسف ..

[عندليب قطر]

الله يهديهم

[النهار]

بوعلي وين صايد هالصور صراحه مالك حل
اكبر دليل تربية خدم
على فكره هالشي اصبح متأصل فيهم بسبب الاعتماد الكلي على ميري وكوماري
يأكل يمش يده في الطوفه هو ماشي ماعنده وقت البروفسور او البروفوسوره
ياخوي انت وصخ في بيتك انت حر ان شاءالله تحول البيت وانتوا بكرامه مزبله
بس مو من حقك تلوث اي مكان خارج بيتك لانه ملك الجميع

[ام ناصر1]

حلو الموضوع ...بس عيبه قاط التهمة ع القطريين .....مع أن الاجانب اكثر عدد منا ....

[عاشق العديد]

حلو الموضوع ...بس عيبه قاط التهمة ع القطريين .....مع أن الاجانب اكثر عدد منا ....



ماهو للاسف انه احنا الوصاخه مب الاجانب !؟
هاي شي موسف فالموضوع ..
نادرا .. ماجوف حد يشل زبالته وياه الا الي هو يكون راعي المكان الي دايما مجلس فيه اما غيره وربي .. انه يقطها ولا يدفنها ويحـرككك ..

والاجانب ..

روحي من وراهم وجيكي على نظافة المكان .. اذا حصلتي قطعة فاين لج الي تبينه ..

[ام ناصر1]

لا شفت اجانب وعرب مايهتمون ويقومون والمكان وسخ بعدهم .....

[حسن]

.. لانهم مب من رواد هاذي المنطقه او مايحبون نزوه مره وخلاص ..
لكن الي مثلي ومثلك يحب يجي ويروح ويحب يجي يشوف المكان شرح ونظيف وياخذ راحتـه عدل بيحافظ على المكان ..

اذا على الاجانب .. ياخوي .. تعدونا في اشياء وايـد ..
كفايه لارحت كفتريا تنطر احد يجي يشل وصاختـك اما هـو بروحـه يقوم بشل وصاختـه ..
كفايه لا رحت مطعم في دول الخارجيه .. لو ماشليت اكلك .. يجيك كف على ويهـك .. ومب لازم يكون في عدد اضافي من العمال بس عشان يشل وصاختـك ويجيب الاكل لين عنـدك ..
صحيح هم اجانب وكفار .. لكن النظافه عندهم شي اساسي واحنا الي عندنا النظافه ركيزه .. ولا نهتم شي مؤسف ..

حيالله عاشق العديد

المشكله لين رحنا برع نلتزم بالمحافظه على نظافه بلادهم وهني نمشي العكس

تصدق امس لمار حت سلين وانا داخل المحطه الى واحد عنده كروزر وهو طالع كان اشوفه يحذف كوب الشاي
يااخي ودي ازنطه

شي مش طبعي

ليش مهب بلادك شلون تبي الغريب يحافظ عليها

ياخي تحس انه ينتقم من البلاد

الى متى

[ام السعف]

عرب؟! أنت تقول قطريين؟!.
ثبت حد منهم،شفتهم شوف العين؟.

قلاصات الكرك شاهدة عليهم ......> دوعابة ــ
************************************************** ********************

نرجع لموضوع حسن صديق البيئة والمروح الاعلاني لأحمد عكاشة
واقول له

الصور ذكرتني يوم كان عمري 79 سنة كنا نتحدى من اللي يقط اكثر وصاخةفي البر ويرد ويده نظيفة
و مب شال معاه الا جدوره :shy:

لكن مع تطور الفكر يابوعلي الناس تطورا ولله الحمد ،، ولا تعجب ان لقيت مثل هالتصرفات
من البعض سواء كانوا قطريين ولا غيرقطريين ،،

ويحق لك تزعل لو كانوا قطريين ويحق لك بعد تزعل لو كانوا مب قطريين
بس القطري ينزعل منه أكثر لأنه المعني الأول في الحفاظ على البيئة ،،

[New Vision]

ماهو للاسف انه احنا الوصاخه مب الاجانب !؟
هاي شي موسف فالموضوع ..
نادرا .. ماجوف حد يشل زبالته وياه الا الي هو يكون راعي المكان الي دايما مجلس فيه اما غيره وربي .. انه يقطها ولا يدفنها ويحـرككك ..

والاجانب ..

روحي من وراهم وجيكي على نظافة المكان .. اذا حصلتي قطعة فاين لج الي تبينه ..

ابوالشباب لاتعمم القطرين قمة فالنظافه والاخلاق بس قلة قليله هم من يهملون

[حسن]

الله يهديهم

الله يهديهم

بس الى متى

درامات وحطيناها لهم
وش يبون بعد

والخم وخمينا وراهم

زين الى متى

يبلهم ضرب مخالفات ودور الموظفين علىكثرتتهم المفروض يكثفون الدوريات

[النهار]

حلو الموضوع ...بس عيبه قاط التهمة ع القطريين .....مع أن الاجانب اكثر عدد منا ....

ام ناصر من خلال الصور مستعد احلف ان المجموعه الي كانت متواجده في المكان أقطرين
الاجنبي مايأخذ من اغراض اكثر من حاجته ولو زاد شي مايخليه حتى لوالعصير شارب منه ييأخذه معاه
يمكن حسن قراء الاسم على البطاقه وعرف من خلال البطاقه
باين من الجمعه انهم صغار بالعمر اوتوهم متوظفين حبوا يسون جوا وشطحوا هالشطحه

[رهج السنابك]

تحليلي من الصور
من الطاقه المتروكه والكتاب والعصاير اللي مانفتحت واالسندويتشات
انهم ناس قاموا بسرعه بسرعه لطاريء
احتمال حد من ربعهم انقلب او جاهم تلفون عاجل فتركوا كل شي وراحوا بسرعه
خاصه لو البطاقه جديده مب منتهيه
مافي اي حد طالع مروق لرحله وقايم مروق وقاط بطاقته وكتابه وراكب سيارته على هونه



انفع المحقق كونان ولا لا ؟

[New Vision]

تحليلي من الصور
من الطاقه المتروكه والكتاب والعصاير اللي مانفتحت واالسندويتشات
انهم ناس قاموا بسرعه بسرعه لطاريء
احتمال حد من ربعهم انقلب او جاهم تلفون عاجل فتركوا كل شي وراحوا بسرعه
خاصه لو البطاقه جديده مب منتهيه
مافي اي حد طالع مروق لرحله وقايم مروق وقاط بطاقته وكتابه وراكب سيارته على هونه



انفع المحقق كونان ولا لا ؟

وبقووووووة هههههههه

[ام السعف]

تحليلي من الصور
من الطاقه المتروكه والكتاب والعصاير اللي مانفتحت واالسندويتشات
انهم ناس قاموا بسرعه بسرعه لطاريء
احتمال حد من ربعهم انقلب او جاهم تلفون عاجل فتركوا كل شي وراحوا بسرعه
خاصه لو البطاقه جديده مب منتهيه
مافي اي حد طالع مروق لرحله وقايم مروق وقاط بطاقته وكتابه وراكب سيارته على هونه



انفع المحقق كونان ولا لا ؟

تحملي تتهورين وتعيدين محاولة تقمص شخصية كونان مرة ثانية :weeping:

:shy::shy::shy:

[حسن]

بوعلي وين صايد هالصور صراحه مالك حل
اكبر دليل تربية خدم
على فكره هالشي اصبح متأصل فيهم بسبب الاعتماد الكلي على ميري وكوماري
يأكل يمش يده في الطوفه هو ماشي ماعنده وقت البروفسور او البروفوسوره
ياخوي انت وصخ في بيتك انت حر ان شاءالله تحول البيت وانتوا بكرامه مزبله
بس مو من حقك تلوث اي مكان خارج بيتك لانه ملك الجميع

نسيت احط لكم صوره صرار السويكه بعد

الله يخلي التكنولوجيا لها دور

الصراحه انا اتلقطت الصور من قربي لاني ماابي ابين المكان
من غلانه عندي
ومانزلت لصور الى عقب ماتمادو البعض الى شكل مزعج وخطير ومن ربعنا
رغم درامات الزباله تبعد ووموزعه

يبيلهم تصوير وتحرك وزير البيئه ويبيلهم المكتب الهندسي الخاص
يشتغلون صح
السيارات ووفرتها الدوله ماعاد لهم حجه في ذالك

اهمال ماعقبه اهمال للاسف

السوق مولع هل الايام يالنهار وشعنده
بس العقار متضخم يقولك تحمل تقرب تحذر

[حسن]

حلو الموضوع ...بس عيبه قاط التهمة ع القطريين .....مع أن الاجانب اكثر عدد منا ....

هذا واقع يام ناصر والحيل قاصر

الكذب خيبه

والحقيقه مطلوبه وانا عنواني قلت شي مؤلم لما يكون منا
والصور عندي كثيره كثيره
مع نزول الاجانب واللي اقصده الوروبيين عندي وحولي قله لاتذكر تترك لها اثر
مره للاسف جاو كشاته قطريين وعقب ماراحو الى المكان مذبحه
كان احصل علاج لهم من حمد ومكتوب عليه الاسم الطامه اني اعرفه ووصلت له الكلام وجاه الخبر
والطامه الكبرى كان تجيهم دوريه البيئه من ربعهم
المشكله مافي وعي حتى من افراد البيئه وانا اعرف ذالك 100%
لو انا مسؤل كان مافي موتر من مواتر البيئه مايحمل اكياس زباله وييوزهعها على الرحاله وخصوصا يوم الويكند
لان هل اليومين اللي متواجدين فيه الرحاله ويباقي الايام مافي حد

شوي من المسؤليه وتغير الدوام ارخصه طول الاسبوع وايام الويكند دوريه
على السواحل والبران هني شغلهم

حياك الله

[حسن]

قلاصات الكرك شاهدة عليهم ......> دوعابة ــ
************************************************** ********************

نرجع لموضوع حسن صديق البيئة والمروح الاعلاني لأحمد عكاشة
واقول له

الصور ذكرتني يوم كان عمري 79 سنة كنا نتحدى من اللي يقط اكثر وصاخةفي البر ويرد ويده نظيفة
و مب شال معاه الا جدوره :shy:

لكن مع تطور الفكر يابوعلي الناس تطورا ولله الحمد ،، ولا تعجب ان لقيت مثل هالتصرفات
من البعض سواء كانوا قطريين ولا غيرقطريين ،،

ويحق لك تزعل لو كانوا قطريين ويحق لك بعد تزعل لو كانوا مب قطريين
بس القطري ينزعل منه أكثر لأنه المعني الأول في الحفاظ على البيئة ،،

هلا هلا

حيالله ام السعف

الصراحه الاول عددنا كان قليل وكنا ماندري عن هل التصرفات ولكن بعد ماوعينا وكبرنا وشفنا شلون وضع بيئتنا
الصراحه شيء يوسف له
اغراش البيبسي والصحه في كل مكان
والمشكله لين الحين يجون يكشتون ويتركون وساختهم ويروحون تقول هل 000000 مافكرو من بينظف مكانهم
والله احس انها جريمه في حق بلادي

وانقهر من هل التصرفات الرزيله اللامسؤله

شي يقهر ياام السعف

[حسن]

تحليلي من الصور
من الطاقه المتروكه والكتاب والعصاير اللي مانفتحت واالسندويتشات
انهم ناس قاموا بسرعه بسرعه لطاريء
احتمال حد من ربعهم انقلب او جاهم تلفون عاجل فتركوا كل شي وراحوا بسرعه
خاصه لو البطاقه جديده مب منتهيه
مافي اي حد طالع مروق لرحله وقايم مروق وقاط بطاقته وكتابه وراكب سيارته على هونه



انفع المحقق كونان ولا لا ؟


انتي فيك من التحقيق والذكاء بس صورتك مخربه عليك
ههههه

لا تحليلك غلط

من الفوضى هي رحله تمشيه ويبين من اعمارهم صغار سن
لان استاندرات وبوالين وسويكه
ومتورلات

هذه حركاتهم

حاولي مره اخري

حياك الله يالاستقراطيه

[ريم الشمال]

للاسف الكثير من الافراد يعتقدون أن المتعلم هو من يقدر النظام ويحترمه
لا اخي اختي العزيزه ليس كل متعلم عنده ثقافة النظام والنظافة
منذو سبعينيات ونحن كان اهلنا يقومون ببناء المخيمات لنا لكي نستمتع فترة الربيع
واذكر مره وصلنا قبل قيام الصبيان بنصب الخيام فقامت امهاتنا ونحن معهم بنصب الخيام ومنهم تعلمنا كيفية فعل ذلك
كان مخيمهم نظيف فيه درام هذي الكلمه التي يستخدمها اهلنا للتحدث عن صندوق الزبالة اكرمكم الله وكان شخص من البلدية يأتي الي المخيم ويعمل على تنظيف الصندوق وكان كل من في المخيم اولاد وبنات وكبار وصغار آخر يوم يحرص على نظافة المخيم عند المغادرة لم يكن اهلنا اصحاب ثقافات ولا شهادات ولكن كان عندهم وعي وحب للمكان أنهم ما يوسخون البر ويخلونه نظيف وعلمونا هذا الشئ احرص حتى اليوم على نظافة كل مكان اتواجد فيه إذا النظافة لا ترتبط ببلاد الغرب ولا الشرق هي ترتبط بتربية واكساب الكبار لصغارهم ذلك

الله يهدي الشباب ويتعلمون هذا الشيء حتى لو اهلهم ما اهتموا يعلمونهم

[@north_star@]

تحليلي من الصور
من الطاقه المتروكه والكتاب والعصاير اللي مانفتحت واالسندويتشات
انهم ناس قاموا بسرعه بسرعه لطاريء
احتمال حد من ربعهم انقلب او جاهم تلفون عاجل فتركوا كل شي وراحوا بسرعه
خاصه لو البطاقه جديده مب منتهيه
مافي اي حد طالع مروق لرحله وقايم مروق وقاط بطاقته وكتابه وراكب سيارته على هونه



انفع المحقق كونان ولا لا ؟

مستعجلين وشافطين الكرك لين القاع ههههههههههههههههههههه ... الله يهديهم

[حسن]

للاسف الكثير من الافراد يعتقدون أن المتعلم هو من يقدر النظام ويحترمها
لا اخي اختي العزيزه ليس كل متعلم عنده ثقافة النظام والنظافة
منذو سبعينيات ونحن كان اهلنا يقومون ببناء المخيمات لنا لكي نستمتع فترة الربيع
واذكر مره وصلنا قبل قيام الصبيان بنصب الخيام فقامت امهاتنا ونحن معهم بنصب الخيام ومنهم تعلمنا كيفية فعل ذلك
كان مخيمهم نظيف فيه درام هذي الكلمه التي يستخدمها اهلنا للتحدث عن صندوق الزبالة اكرمكم الله وكان شخص من البلدية يأتي الي المخيم ويعمل على تنظيف الصندوق وكان كل من في المخيم اولاد وبنات وكبار وصغار آخر يوم يحرص على نظافة المخيم عند المغادرة لم يكن اهلنا اصحاب ثقافات ولا شهادات ولكن كان عندهم وعي وحب للمكان أنهم ما يوسخون البر ويخلونه نظيف وعلمونا هذا الشئ احرص حتى اليوم على نظافة كل مكان اتواجد فيه إذا النظافة لا ترتبط ببلاد الغرب ولا الشرق هي ترتبط بتربية واكساب الكبار لصغارهم ذلك

الله يهدي الشباب ويتعلمون هذا الشيء حتى لو اهلهم ما اهتموا يعلمونهم


صدقتي ياريم الشمال

مااخبر كنا نوسخ المكان

لكن الحين حتى البلشتيه اللي مالهم في البحر يمون غزولهم اي شباكهم ويتركونها
واقعد انا بلديه شيل وتنظيف
قزرنا سنين والى اليوم ماتركنا غزل في البحر

شليت شكثر وعندي لها صور

المشكله في البيئه والمسؤلين على المحميات

لاتوجد حاويات الى القليل ولا توجد علامات ارشاديه
رسخ ثقافه يبيلها وقت طويل
ومنذ الصغر

انا مادري ليش ماتسير حملات من قبل المدارس لتنظيف البر والاسياف
وين دور المدرسه في ذالك
ساعات تشوف مدارس اجنبيه تشارك مع الحملات شي مخجل
والله

عندنا طلاب بالهبل ليش مايشاركونهم ويغرسون فيهم القيم وين دور التعليم

رساله اوجهها للدكتور الحمادي وزير التعليم نعرف عليه جهد كبير وملف ضخم
الله يعينك يادكتور الحمادي


الله المستعان

[تاجر كشخة]

يعطيك العافية أخوي حسن بيض الله وجهك الصراحة في ناس ما تستحي على وجهه أبد مثل العنز تاكل وتوسخ مكانها الحين الواحد ياكل يشيل البقايا في كيس ما بتاخذ منه دقيقتين بس القذر قذر ومب بس في البر الحقارة وصلت انه ياكل قدام مطعم لين خلص فتح الدريشة قط الوسخ برع وقدام الناس لا حيه و لا مستحى

[tawareq]

شكلهم بزران والله اعلم

[لمت اب]

نظافتك دليل ثقافتك
فالشخص المتعلم لا يرضى ان يكون عنصر هدم وتخريب
ولا اقصد بالتعليم الشهادات الدراسية فقط ولكن سمو الروح وثقافتها
واستفادتها الفعلية من ما تعلمت

[كازانوفا]

مساكين نسو ياخدو معهم خدمهم

الله المستعان

[المحقق كونان]

الله يهديهم ويصلحهم

حتى المقيمين العرب والاسيويين يرمون مخلفاتهم

[ضيف الدولة]

للأسف هذه من أسوأ المناظر التي يمكن تقابلك في حياتك ، ويدل على غفلة وعدم تربية بصراحة على أبسط القيم التي تدل عليها الطبيعة والفطرة فضلا عن الشرع الحنيف، كيف يصوغ لعاقل أن يجد مكان جميل مثل هذا المكان سخره الله له يتفسح فيه وهو آمن ، ثم يعبث به ويتركه وكأنه لا يحتاج له أحد من بعده ولا هو سيحتاج له يوما آخر، والأمر لا يكلف الشخص غير خمس دقائق في ختام الجلسة يجمع هذه الزبالة ويرميها في الأماكن المخصصة لها والتي لا تبعد عنه أكثر من أمتار

[قطريه22]

اوووووووووووووووووووووووووووف هاي شكلهم تخرعو من شيء وحطو رجلهم (( النحشه ياولد))

اشهالتفهي بينسون حتى البطاقه

[بو خليفه 123]

صور مرعبه . ارسل منها نسخه للبيئه لاتخاذ الاجرائات و تشديد الرقابه

بس الكروكس من وين شاريه يابو علي شكله مريح على الرمله مايبيله تنسيم

[حمد 2002]

يوم حصلت البطاقه هل بلغت عليهم ول لا ؟!!!

شكرا على مجهوداتك الرائعه اخووي بوعلييي

[حسن]

يعطيك العافية أخوي حسن بيض الله وجهك الصراحة في ناس ما تستحي على وجهه أبد مثل العنز تاكل وتوسخ مكانها الحين الواحد ياكل يشيل البقايا في كيس ما بتاخذ منه دقيقتين بس القذر قذر ومب بس في البر الحقارة وصلت انه ياكل قدام مطعم لين خلص فتح الدريشة قط الوسخ برع وقدام الناس لا حيه و لا مستحى

مرحبا ياتاجر كشخه

تصدق العنز قبل لاتقعد تنظف محلها للمعلومه

الوساخه محد يرضابها ولكن وش تقول وش تسوي
وفعلا خصوصا عند المطاعم انا الاحظها بكثره يااخي شنهو هذا التصرف هل يدل على رقى الفرد والمجتمع
وش تقول للاجني لما يشوف هل التصرفات من بني جلدتنا
والله واحد يقول تصدق لما رحت كيرلا استغربت مالقيت فيها اي وساخه وممنوع عندهم رمي اي مخلفات
مادري ليش الكثير منا كله يبي الحكومه تراقبه وتسويله نظام علشان يتعلم
رغم ان النظافه حثها دينا
تصرفات غير اخلاقيه وتسي لكل قطري وتسي لقطر
والله احيانا ودي ارصهم بمخالفه لاترحم

وللاسف غياب الرقابه من كل الجهات المسؤله واحملهم مسؤليه تقاعسهم
سواء البلديه والبيئه والمكتب الهندسي
الى متى
نشوف ترسه موظفين وياخذون معاشات على فاضي بلوش

في مثل يقول اضرب المربوط يخاف السايب

حياك الله ياتاجر

[بوخالد911]

هلا

عيل ما ألوم وزارة البيئة لما افرضوا رسوم 10000 لموسم التخييم كنوع من التخويف

ولكن المشكلة تكمن من اللي يجوون يكشتون كمن ساعات
يروحون ويتركون وصاختهم وراهم

قمة الإهمال واللامبالاة

[@north_star@]

هلا

عيل ما ألوم وزارة البيئة لما افرضوا رسوم 10000 لموسم التخييم كنوع من التخويف

ولكن المشكلة تكمن من اللي يجوون يكشتون كمن ساعات
يروحون ويتركون وصاختهم وراهم

قمة الإهمال واللامبالاة

اي والله لا تلومهم تخيل بالعديد صوب ابراج كيوتل حاطين حاويتين للقمامة يا كبرهم اعزكم الله وفي ناس يقطون زبالتهم على الارض جنب الحاوية

[راشد محمد]

لا حول ولا قوة الا بالله

[panda]

تربية يبيلها اعادة التربية، الدولة ما تقدر تسوي كل شي

[بوخالد911]

اي والله لا تلومهم تخيل بالعديد صوب ابراج كيوتل حاطين حاويتين للقمامة يا كبرهم اعزكم الله وفي ناس يقطون زبالتهم على الارض جنب الحاوية


انا مع فكرة وضع كاميرات مراقبة تتمتع بزوووووووووووووم قوي
لضبط وردع المخالفين

مع امكانية التصوير الليلي لرصد أرقام السيارات

[الزعفراني]

الموضوع موضوع ثقافة يكبر عليها الانسان .. وموضوع تطبيق قانون ورقابة مثل ماقلت ..

الواحد منهم يسافر اوروبا ومب كفو يقط فاين والا قوطي ع الارض .. تلقاه يتحرص ويتعنى لين اقرب سلة مهملات

طيب مش بلادك اولى انك تحافظ عليها ؟؟؟

يعطيك العافيه بوعلي

[.. الكاش ..]

الله يهديهم ان شاءالله

[الكنترول]

لا حول ولا قوة الا بالله

[قلوب قطر]

صدقت اخوي المشكلة ان واحد من هالمجموعه يأثر على الباقي

انا مروا علي بنات في الجامعة يتصرفون نفس الشي مع ان الادارة ماقصرت

وزعت سلال النفايات في كل .. بس بعد التربية وغرس هالشي لها دور في الواحد

الله المستعان

لك تحياتي
اختك : قلوب قطر

[توشيبا]

والله اني رجعت من العديد لين المحلات في ام سعيد عشان اشتري كيس زباله الله يعزكم

اكره اشوف لو حبه فاين طايحه في حدود العنه او جلستنا


عاد مبالك في الصور اللي انت حاطها كانهم قطاوه قاعدين علي زباله

[بصمة قطرية]

كل شخص يمثل نفسه و البيئة اللي يعيش فيها
اللي تعود على القذارة توقع منه الأسوأ ..!!

[معماري قطري]

مسؤولين البيئة ما صادوا الدناكر اللي تصب مجاري في البر ولا صادوا الشاحنات اللي ترمي أكوام ملوثات بيئية بيصيدون شلة شباب قاعدين مؤقت؟

[الماريّة]

الله يهديهم والله صادق ناس واجد هالشكل

ومب شرط قطريين من كل جنسية

والنظيف نظيف بنفسه اولا ومن ثم بمكانه والمكان العام

[basma222]

لا حول ولا قوة الا بالله

[حسن]

شكلهم بزران والله اعلم


نظافتك دليل ثقافتك
فالشخص المتعلم لا يرضى ان يكون عنصر هدم وتخريب
ولا اقصد بالتعليم الشهادات الدراسية فقط ولكن سمو الروح وثقافتها
واستفادتها الفعلية من ما تعلمت


مساكين نسو ياخدو معهم خدمهم

الله المستعان


الله يهديهم ويصلحهم

حتى المقيمين العرب والاسيويين يرمون مخلفاتهم


للأسف هذه من أسوأ المناظر التي يمكن تقابلك في حياتك ، ويدل على غفلة وعدم تربية بصراحة على أبسط القيم التي تدل عليها الطبيعة والفطرة فضلا عن الشرع الحنيف، كيف يصوغ لعاقل أن يجد مكان جميل مثل هذا المكان سخره الله له يتفسح فيه وهو آمن ، ثم يعبث به ويتركه وكأنه لا يحتاج له أحد من بعده ولا هو سيحتاج له يوما آخر، والأمر لا يكلف الشخص غير خمس دقائق في ختام الجلسة يجمع هذه الزبالة ويرميها في الأماكن المخصصة لها والتي لا تبعد عنه أكثر من أمتار


اوووووووووووووووووووووووووووف هاي شكلهم تخرعو من شيء وحطو رجلهم (( النحشه ياولد))

اشهالتفهي بينسون حتى البطاقه


صور مرعبه . ارسل منها نسخه للبيئه لاتخاذ الاجرائات و تشديد الرقابه

بس الكروكس من وين شاريه يابو علي شكله مريح على الرمله مايبيله تنسيم


يوم حصلت البطاقه هل بلغت عليهم ول لا ؟!!!

شكرا على مجهوداتك الرائعه اخووي بوعلييي


هلا

عيل ما ألوم وزارة البيئة لما افرضوا رسوم 10000 لموسم التخييم كنوع من التخويف

ولكن المشكلة تكمن من اللي يجوون يكشتون كمن ساعات
يروحون ويتركون وصاختهم وراهم

قمة الإهمال واللامبالاة




اي والله لا تلومهم تخيل بالعديد صوب ابراج كيوتل حاطين حاويتين للقمامة يا كبرهم اعزكم الله وفي ناس يقطون زبالتهم على الارض جنب الحاوية


لا حول ولا قوة الا بالله


الموضوع موضوع ثقافة يكبر عليها الانسان .. وموضوع تطبيق قانون ورقابة مثل ماقلت ..

الواحد منهم يسافر اوروبا ومب كفو يقط فاين والا قوطي ع الارض .. تلقاه يتحرص ويتعنى لين اقرب سلة مهملات

طيب مش بلادك اولى انك تحافظ عليها ؟؟؟

يعطيك العافيه بوعلي


الله يهديهم ان شاءالله


لا حول ولا قوة الا بالله


صدقت اخوي المشكلة ان واحد من هالمجموعه يأثر على الباقي

انا مروا علي بنات في الجامعة يتصرفون نفس الشي مع ان الادارة ماقصرت

وزعت سلال النفايات في كل .. بس بعد التربية وغرس هالشي لها دور في الواحد

الله المستعان

لك تحياتي
اختك : قلوب قطر


والله اني رجعت من العديد لين المحلات في ام سعيد عشان اشتري كيس زباله الله يعزكم

اكره اشوف لو حبه فاين طايحه في حدود العنه او جلستنا


عاد مبالك في الصور اللي انت حاطها كانهم قطاوه قاعدين علي زباله


كل شخص يمثل نفسه و البيئة اللي يعيش فيها
اللي تعود على القذارة توقع منه الأسوأ ..!!


مسؤولين البيئة ما صادوا الدناكر اللي تصب مجاري في البر ولا صادوا الشاحنات اللي ترمي أكوام ملوثات بيئية بيصيدون شلة شباب قاعدين مؤقت؟


الله يهديهم والله صادق ناس واجد هالشكل

ومب شرط قطريين من كل جنسية

والنظيف نظيف بنفسه اولا ومن ثم بمكانه والمكان العام


لا حول ولا قوة الا بالله


اشكر مروركم ومشارتكم في الموضوع
وتفاعلكم فيه

[حسن]

الاهتمام بنظافه البلد مسؤليه الجميع دون استثناء

وهناك تقصير كبير ايضا من الجميع وبدون استثناء

اتمنى من وزاره البيئه التشديد وتكثيف الدوريات وخصوصا في الاجازات
اتمنى وضع لافتات بعده لغات على جميع سواحل قطر
ووضع براميل للزباله
اتمنى نشر الوعي الثقافي من وزاره التربيه والتعليم
وعمل رحلات في كل شهر على الاقل مره للتنظيف اما شواطى او روض لغرس ثقافه النظافه في الاجيال المقبله
لما تخلي الطالب ينظف ويتفاعل هني نغرس ثقافه المحافظه
والتنسيق مع البلديه البيئه وغيرها

اتمنى من البلديه والبيئه التنسيق في وضع الحاويات واللوح
نبي نشوف اهتمام صحيح من قبل الوزارات

ومايبيلها اي خطط يبيلها اتخاذ قرار وعمل وجديه

نسخه لوزير التعليم
نسخه لوزير البيئه
نسخه لوزير البلديه

واذا احتجت افكار نزودكم بالافكار وببلاش ومانبي منها اي مكافئه

نلتقي معكم في موضوع جديد

يهم الوطن والمواطن

تحياتي لكم

اخوكم حسن

:)