قانون وتراخيص الأسلحة

[الأسبانية للمصاعد]

متى راح ايكون في قانون واضح بخصوص الأسلحة

الحمدلله احنا في أمان بس للضرورة أحكام واحنا نبي اسلحة مرخصة ومقننة

عاد ليش وليش , احنا نبي اسلحة للحماية والمتعة ( الصيد طبعا )

لحد ايجادلني وايقول خطر وقتل وووووووالخ , حتى الأبرة تقتل !!!!!:omen2:

طبعا الشباب ما بيقصرون في ردودهم

[New Vision]

في قطر يبيعهم الي عنده واسطه فقط مثلها مثل الاجهزة الممنوعه والفا السد

[BoFahed]

متى راح ايكون في قانون واضح بخصوص الأسلحة

الحمدلله احنا في أمان بس للضرورة أحكام واحنا نبي اسلحة مرخصة ومقننة

عاد ليش وليش , احنا نبي اسلحة للحماية والمتعة ( الصيد طبعا )

لحد ايجادلني وايقول خطر وقتل وووووووالخ , حتى الأبرة تقتل !!!!!:omen2:

طبعا الشباب ما بيقصرون في ردودهم

اي ضرورة واي احكام اخوي واي حماية احنا وين عايشين في قطر ولا الصعيد ؟؟؟

انا مع القانون الحالي و منع الاسلحة تماما ما عدا اسلحة الصيد الشخصية (ولا تقولي انها ما تنفع للحماية )وكفاية الجرايم اللي صارت والتثور اللي صارت في شوارعنا وغالبيتها بين عيال العم والكل يعرفها عسى الله يرحم اللي مات ويغفر للقاتل .


اذا طلع قانون جديد يسمح ل بيع السلاح وخصوصا الالي للاسف بينتشر وربعنا ما يقصرون ذبحتهم الزبو وبيوصل ليد مراهقين ومعيلة (شوف دول الجوار وظاهرة الدرباوية ) ومعروف ان السلاح ل طالته يد جاهل شنو اللي يصير ؟؟؟؟

[توشيبا]

الحمدالله مرخص وفي السليم :victory:

[الأسبانية للمصاعد]

يا بو فاهد

اسلحة الصيد شنو ( الامصشمة او بندقية الهواء ؟؟؟ ) حتى ذي مانعينها ياالطيب

انا معك ان المراهقين والمتعصبين من بعض القبائل بيستغلوون الوضع بس لو في عقوبات صارمة , محد بيتجرأ

في الأخير هذا نقاش ومحد صح ومحد غلط

[قطريه22]

ههههههههههههههههههه اما اسلحه للحماية

ان شاء الله مايطلع قانون يصرح هالاشياء

ياكثر الناس الي يحبون ينتقمون ويذبحون بيقولون متعه بعد

[كازانوفا]

معك حق يا صاحب الموضوع
تمادى الظالمون والحاقدون اللهم سلطهم على بعض يارب العالمين

[قطريه22]

اذا بيعطون الرجاجيل اسلحه وبيرخصونها لهم احنا نطالب بتصريح الاسلحه للنساء

[قطريه ماركه]

نعم نريد سلاح للنساء للدفاع عن النفس

[BoFahed]

امن البلد الداخلي خط احمر وانا اطالب بتشديد الرقابة والترخيص علا الاسلحة

ارجو اخوي صاحب الموضوع لا يزعل مني ولا غيره بس اللي انشوفه من جرايم انتشار السلاح يشيب حتى في اكبر دولة بالعالم (امريكا )

اللي يبي يتدرب او يدرب عياله علا السلاح والمرجلة الدولة مب مقصرة ان شالله القانون الجديد في الخدمة الوطنية بيحصل اللي يرضيه وان اشد بيد اخوانا اسود الداخليه والجمارك في التشديد عسى الله يوفقهم

صعب ترخص للسلاح وينتشر وتقولي تشديد في عقوبة واحنا نعرف انه مجتمع قبلي والواسطات بكل مكان بتصعب هالشي ووايد من اهل قطر معترض علا منعه يعتبره عزة ومفخرة لصاحبه وما الومهم هي ثقافتنا احنا العرب اب عن جد بس الوضع مختلف الحين صار فيه دولة وقوانين تحميك امن في بيتك ةبين عيالك عسى الله لا يغير علينا

اكيد هالشي بتخلي التحكم في انتشاره وعدم وصوله للمصاقيع خارج السيطرة

نفس تواير البالون لما الدولة شافت انه يسبب حوادث ومنعته والشباب يروحون سلوي بتواير منحوله يقطونها ويركبون بوالين ويردون


احنا الحين السلاح جابوه تهريب من اليمن والعراق ومن اهل المقناص وصارت قصص اول مرة نسمعها وصارمعيلة يرزون الكلاشن بكرسي العبري فشلون لو بطلع تصريح للبيع

اهل المقناص يقدرون يشترونه برا في ما يقنصون في المغرب ولا باكستان والعراق وغيره ويستانسون ويخلونه هناك عند ربعهم

[الأسبانية للمصاعد]

في عجرات / عصي كهربة حق الحريم

تنفع والله

الله يستر عاد

[شبح الصمت]

حق المهايط لا اكثر والا اقل

والحمد لله الدولة مهب مقصرة من ناحية الامن والآمان

وإذا على الجرائم الي تصير في جرائم ما نقول لا بس سالفة كلن يتسلح وكلن عنده سلاح


عيل خلاص خربت الرجال عصب وفار دمه على زوجته قام وثور فيها ..

المرأة عصبت وزعلانه على رجلها وجاءه الشيطان وهو راقد قامت وثورت فيه ..

الاخو زعلان على اخوه او احد من ربعه قام استفزه قام وطلع سلاحة وحطه في راسه .. !!!

في ناس المخ عندهم في الترررلي


لا لا يبه انا مش مؤيد كلش خير شر وإلا بالع الفكرة بكبرها ..

وحتى الاسلحة المصرحة حق المقناص في الدوحة ما اشوف لها لزمه خير شر

اتمنى ينزل قانون انه يسحبون كل الاسلحة الموجودة ويكتفون بالاسلحة الخفيفه فقط ..

والحريم الي خايفين على اعمارهم يعطونهم جهاز الصاعق وتكون قوته تخدر الشخص اذا اهم خايفين على اعمارهم من الاختطاف او من البوق او او التحرش لاجل كل وحده من قرب احد صوبها عطته

( حرك تبلش )

[ask_and_get]

اذا بيعطون الرجاجيل اسلحه وبيرخصونها لهم احنا نطالب بتصريح الاسلحه للنساء

بل ههههههههههههه

[صدى الرعد]

انا معاك بس بشرط يدرسون الحاله النفسيه للشخص المتقدم لطلب السلاح وهذا شي مطلوب بعد الطائفيه الي انكشفت في الفتره الاخيره ( قنبله موقوته)

[عندليب قطر]

نعم نريد سلاح للنساء للدفاع عن النفس

دورة كراتية او توكوماندو تكفيكم

[المحقق كونان]

كم العمر الافتراضي للسلاح؟؟

[Abdlaziz]

بريطانيا ممنوع السلاح حتى عل الشرطة

[الأسبانية للمصاعد]

اصلا العملية مب فوضة في رقم سيريال حق الرصاص والاسلحة فمحد يقدر يستغل اي طلقة كل شي امسجل في السستم
المهم اشكر مساهماتكم الشيقة وادعوا لاغلاق الموضوع

[بوخالد911]

انا مع المنع

وكفاية جرايم اللي يصير بالدول العربية في بعض المناسبات كالزواج مثلا

ضد وبقووووووووووووووووووووة

[ANONYMOUS]

تعوذ من ابليس يامسلم

[توشيبا]

اذا بيعطون الرجاجيل اسلحه وبيرخصونها لهم احنا نطالب بتصريح الاسلحه للنساء

بالاول يعطونكم دورات علي قتل الزهيويه بعدين لكم اللحق تطالبون بترخيص الاسلحه

[Dana’1]

صحيح أنا مع إلي كتبوا إنه خطر خصوصا وقت الغضب والشيطان الرجيم يوسوس
ب بعد ما أشوف فيها شي ..في حال تم ترخيص الأسلحة وتكون عند شخص كبير وعاقل …وإلي يبغى يذبح أحد مو متعطل بيذبحة بالأسلحة البيضاء…وإلا بيدة حتى!
من زماان وأهلنا عندهم أسلحة من الكلاش وحتى الربع والحمدلله ما شافوا فيها عنف عسى الله يتم عليهم آمين يارب العالمين

[رجل مثالي]

متى راح ايكون في قانون واضح بخصوص الأسلحة

الحمدلله احنا في أمان بس للضرورة أحكام واحنا نبي اسلحة مرخصة ومقننة

عاد ليش وليش , احنا نبي اسلحة للحماية والمتعة ( الصيد طبعا )

لحد ايجادلني وايقول خطر وقتل وووووووالخ , حتى الأبرة تقتل !!!!!

طبعا الشباب ما بيقصرون في ردودهم


هناك قوانين للترخيص منها ان يكون عاقل وعنده شهادة حسن سيرة

وسلوك وعنده موافقة من ولي امره على الحصول على السلاح


وكتابة تعهد بعدم استخدامه في قتل العباد او تخويفهم او ترويع

الامنين والسن القانونيه وان لا يكون مختلا عقليا

[الجوكر90]

متى راح ايكون في قانون واضح بخصوص الأسلحة

الحمدلله احنا في أمان بس للضرورة أحكام واحنا نبي اسلحة مرخصة ومقننة

عاد ليش وليش , احنا نبي اسلحة للحماية والمتعة ( الصيد طبعا )

لحد ايجادلني وايقول خطر وقتل وووووووالخ , حتى الأبرة تقتل !!!!!

طبعا الشباب ما بيقصرون في ردودهم


هناك قوانين للترخيص منها ان يكون عاقل وعنده شهادة حسن سيرة

وسلوك وعنده موافقة من ولي امره على الحصول على السلاح


وكتابة تعهد بعدم استخدامه في قتل العباد او تخويفهم او ترويع

الامنين والسن القانونيه وان لا يكون مختلا عقليا

وين مكان تقديم الطلب
وشو الإجراءات؟