@@ المجلس الأعلى يحاول إيقاف الإعالة للمطلقة @@

[بنـ الدحيل ـت]

المجلس الأعلى يحاول وقف كوبونات ،
للنساء المطلقات التي تعول ،
لقد تفاجأنا بحق ،
عندما ذهبنا إلى التعليم لتسجيل أبناؤنا ،
لكبونات الفصل الثاني ،
بأنهم اجتمعوا على أساس إيقاف شهادة الإعالة ،
للمطلقة التي تعول ابناء أطفالها المسجلين في المدارس الأجنبية ،

فما هذا القرار الظالم ..؟؟؟؟
يكفي أنها انظلمت من قبل الزوج الذي تطلقت منه ،
ولا يريد أن يتحمل أعباء أبنائه ،
فبعض المطلقات المتضررات من الزوج ،
لديها شهادة إعالة ،
تثبت بأنها متضررة ،
وهي المسؤولة عن حضانة أبناؤها ،


فكيف يوقف المجلس الأعلى ،
الذي أصدره سمو الأمير الوالد ،
الشيخ حمد بن خليفة آل ثاني ؟؟؟

[ضوى]

والله اللي سمعته انه راح يتم وقفها تماما

[بنـ الدحيل ـت]

ليش ...؟؟

[عيون الدوحة]

ليش ماتصرف الكوبونات من قبل الأب ؟؟

[دايموند]

وليش ماياخدون المطلقات الكوبونات من طليقهم والا مايصير ؟

[بنت الطائي]

والله اللي سمعته انه راح يتم وقفها تماما

بإذن الله يا ضوى

والله صاير تلاعب من قبل المدارس الخاصة ولعب باهل قطر

[دنيا الاسهم]

اهم شي الاجانب اللي يطلعون القرارات لانهم مكتسحين المجلس الاعلى
وحسبي الله ونعم الوكيل عليهم

[نوار قطر]

فعلا حاولو ماقصر خالد الحرقان وحاول انه يوقف القسايم التعليميه بحجة ان الاب ملزوم بعياله واذا الاب ما التزم ومارضى اهني المره تدخل المحكمه وتشتكي على الابو عشان المحكمه تلزمه ،،، يحليلك والله ياخالد على بالك سهله دخلة بنات الناس المحاكم ،،، ترى ماتعودنا من بناتنا يدخلون المحاكم وهالقسيمه الي انت مارضيت تعطيها الموظفات مب محتاجينها ،، ودام ان دفعنا من قبل مب عيزانين ندفع الحين ،، مب عارفه سبب رفضه مع ان كل الشروط المطلوبه متوفره انت ياخالد بأي حق توقفها ،، على كلامه ان السبب بناء على قرار مجلس الوزارء زين دامك تبي تطبق القرار ليش ماطبقته اول مانزل ،ليش صرفت القسايم السنه الي طافت ،، عموما وحده من موظفات الموارد والمسؤوله عن القسايم راحت وراكضت حق الموظفات الي اوراقهم كامله دخلت على حمد الغالي وقال لها ان خالد الحرقان رافض وراحت حق الحرقان وحاججته وقالت له ابي القرار الصريح من الشروط الي تمنع المطلقه انها تنتفع من القسيمه ويوم ماقدر عليها ومع استمراره في الرفض ارفعت كتاب الى الشؤون القانونيه والى الفتوى والعقود والحمدلله مشت الامور وانصرفت القسايم حق الموظفاات ،، اسمحيلي اشكركج عبر المنتدى كل الشكر لج يا خلود الخياط

[نوار قطر]

وليش ماياخدون المطلقات الكوبونات من طليقهم والا مايصير ؟

اسمحي لي بنت دحيل ارد بدالج ،،، اذا الام عندها شهادة اعاله من المحكمه تثبت ان الام هي الي تصرف على عيالها ،، اهني من حق الام انها تاخذ القسيمه من شغلها ،،،

[صدى الرعد]

أي مب قطريين عندكم فلوس طلعوها

[بوحــمد]

هم على القطريين بيمنعون كل شي وبيضيقون عليهم والي رواتبهم 180 و 250 الف

بيعطونهم تامين صحي وكابونات مجانية للمدارس وبيوت وكهرباء وسيارة موديل السنه أبلاش

وخصومات في القطرية وفي كلش شي بس القطري الي عايش على هالراتب الي يوصل 20 و 30 بتطلع

علية قوانين ومحافظة على المال العام ويبون المطر بعد خلوها على الله .