موضوعي 3 في 1 الفحم ...مكاتب استقدام ياحمايتنا تعالوا هنا

[الصغيره]

لان ما يسمح لي اكتب اكثر من موضوع باليوم هنا بكتب نقطتين بموضوع واحد و

اولا الفحم

طار اسعاره العام الكيس الكبير 70 ريال الان وصل 110 ريال وتونا بداية الشتاء كيف بعد شهر ؟؟؟


مكاتب تسقدم الكينيات ب 6500 ومكاتب 6300 ومكاتب 7500 ومكاتب 7800 ومكاتب وصلت 8500

وكل يوم بزياده


وين العداله ووين ال رقابه والرقيب


حرام اللي يصير والله

[newwife76]

الاندونيسيات في مكاتب ب 12 وفي ب 13 وفي ب 14 ماعرف ليش هالكثر الأسعار طايرة حسبي الله عليهم العام كانو ب 10

[بوخالد911]

كل مكتب له اسعاره

تحياتي لحماية المستهلك

[nono80]

السؤال المهم هل في شي اسمه حمايه المستهلك وكل شي قاعد يطير ويزيد

[بصمة قطرية]

حماية المستهلك نسمع بيهم بس ما نشوفهم ..!!!!

[saeed2005]

كنت في زيارة لأثيوبيا وسألت عن تكلفة استقدام خدامة من هناك فقالوا ألف دولار شاملة التذكرة وجميع المصاريف ومنها عمولة المكتب هناك وهنا يأخذون منك عشرة آلاف ريال قرابة ثلاثة ألاف دولار يعني ربح مائتين في المائة حقيقة شيء مهول والأسعار ليس عليها رقيب للأسف الشديد ويا ليتهم إذ قالوا تحرير التجارة أخذوا بجميع قوانينها ومنها منع الاحتكار وفتح الأسواق والتسهيل في فتح النشاطات التجارية وتقليل الكلفة على التجار المبتدئين حتى تحصل منافسة في السوق أما أن يكون في النشاط الحيوي عشرة محلات وربما أقل فمن الطبيعي أن يتم رفع الأسعار لغياب المنافس والله المستعان .

[الصغيره]

مشكلة حماية المستهلك ان الاغلبيه من الموظفين غير قطريين لان اللي يردون علينا غير قطريين فلازم مطنشين لان عادي عندهم

الله كريم

بخصوص استقدام الخدم الاندونسيات وصلوا للاسف 14500 ريال واللي مش مصدق بس ياخذ لفه بمكاتب الغرافه

الاثيوبيات استقدامهم خساره بلاهه وهروب من ثاني يوم حسبي الله عليهم



تحياتي للجميع

[موظف ((حكومي]

حسبي الله ونعم الوكيل

[Share_Ghost]

الله المستعان

[رحال]

حماية المستهلك المفروض يوحدون السعر ؟

[بتّاع المري]

بسم الله نبدأ

يا جماعة الخير احسبوا معاي هالحسبه بعدين بقول لكم ايش الحاصل


الحين تذكره ذهاب واياب الى النيبال 1999 (ليست القطريه ) الاتحاد
الاقامه لمده اسبوع 1350 في فندق كراون بلازا في كاتمندور
المكتب اللى يجيب لك كل يوم اكثر من 10 خادمات وانت تناقشهم وتتفاهم معهم لين تختارهم ياخذ منك 100$ دولار يعني 356 ريال لين تختار خادمه
مصاريفك كامله لين اخترت خادمتك وتوقع معاها عقد وتوثقه في وزاره العمل عندهم والسفاره القطريه بيكلفك غالي (50) ريال

يعني صار الاجمالى 3764 ريال قطري + تذكره للخادمه وانت جايبها معك


طبعا الاثيوبيات غير ارخص وبثلاثه الاف واصلينك وضمان المكتب



لكن لو انا مثلا صرت اسوي هالشي فيه جريمه اقتصاديه ادمر على المكاتب ويقولون اللى يبي هو اللى يروح بنفسه



والاسبوع قبل الماضي كنت بمكتب عاج اسافر واجيب خادمه ابيهم يوفرون على الجهد ولحسن الحظ قابلت مفتش ادارة العمل عندهم يشيك عليهم في شكوى

فسألت الاخ اللى ورى الطاوله على عرشه المذهب

بكم الخادمه قال 13500 قلت فيه غيرك ارخص واشوف اعلاناتهم قال نام على الجنب اللى يريحك وقلت لمفتش ادارة العمل هل توصلتوا لحل لهذه الارتفاعات
قال تراهم مساكين لو تدري ويش الرشاوي اللى يدفعونها في البلد الاخر علشان يجيبون هالخدم تعذرهم قلت انا رحت وجبت خادمتين ولا فيه رشاوي بالعكس هم ودهم يدفعون لك بس يجون قطر


فياجماعه الخير حاولوا ولو محاوله تقاطعون هالمكاتب وتعتمدون على انفسكم سياحه وخدمه لانفسكم


طولت عليكم الله المستعان

[لاجل QT]

كنت بافتح الموضوع بخصوص غلاء مكاتب الخدم

المفروض الدولة توضع رسوم محددة لمكاتب الخدم ماتزيد عن 5 الاف

او تسمح لنا نجيبهم بطريقتنا

حرام اللى قاعد يصير

الرجاء التدخل السريع يااولياء الامر

[العابــرQAT]

اخوي بتاع المري

ابي اجيب خدامة من اندونيسا او نيبيال عطني الطريقة بالتفصيل لو سمحت بس اللي اعرفة انة ممنوع اتجيب خدامة بشكل شخصي

والله حرامية 14000 علي شنووو

[الحمر]

ابي أيب خدامه من اندونيسيا عندي صورة جورها بس ايش الاحراءت الاكيدة ؟
وشكرا

[الصغيره]

اخي الحمر تريد تجيبها بصفه شخصيه او عبر مكتب ؟

[لبتونه]

14000 قهر 3 شهور خلص ضمان مكتب تفتعل المشاكل وتقول مع السلامه

[الحمر]

بصفه شخصية أختي

[خشوف]

عندكم في مكاتب تجيب 12500 على الاقل اهون انا جبت لي 3 لي واختي 1 وامي 1 عوار قلب لما تدفع هالمبلغ 51200حق الاربعه

[نوور الدووحه]

امااااااااااااااااااااااااااااااااااا ب14000 ؟؟!؟!؟!؟!؟!


شدعووووووووه الاسعار جي<<مالي بالخدم نظام انجليز :nice:

بصراحه اووووووفر حرام جي..!.!؟!؟ وايد عليهم 5000:rolleyes2:

انا اهل ريلي يجيبون من اثيوبيا عن طريق واحد يعرفونه بس يدفعون قيمة التذكره لها بلاخساير بلاحجي فاضي؟؟؟؟؟

سنتين ونسمع صارت فوق ال20000 ..!؟!؟؟!؟!؟!؟؟!:eek5:

[busheikha]

قمت باستقدام خادمه كينيه مباشرة من مكتب في مومباسا واليكم التكاليف:

1800 ريال (استقدام لغير القطري)
1480 ريال تذكرة
1500 ريال عمولة المكتب في مومباسا

خلال اسبوع كانت الخادمه موجوده في الدوحه
بس عيب هذا الموضوع انه على مسؤوليتي الكامله, يعني لو الخادمه هربت او رفضت العمل راح اخسر المبالغ اللي دفعتم.....

راتب الخادمه 250 دولار