ابي مشورة أهل الخبرة

[بن كهلان]

عندي مبلغ اثنين مليون ومحتار هل اشتري بها اسهم وأستفيد من أرباحها ولا اشتري ارض واصبر عليها ثم ابيعها يعني استثمار ؟؟ لاتبخلوا علينا وجزاكم الله خير

[aziz4z]

بخصوص الاستثمار في الاسهم , صح فيها أرباح , و إن كانت قليلة , بس مرات تحمل مخاطر , و هاي كثيرة جدا , و يعتمد على نوعية الشركة
أما بخصوص شراء الارض و بيعها فيما بعد , يعد أفضل و ربحها أكثر من الاستثمار في الاسهم , بس لازم تعرف اماكن عليها إقبال كبير , و خاصة الدولة مقبلة على مشاريع كثيرة
و الله يوفقك و يبارك لك

[زمان]

اشتر ارض من هالأراضي التجارية الي نزلت اليوم

الحق ماتلحق

[الأسبانية للمصاعد]

مالك الا العقار ..... يمرض وما يموت

الله ايوفقك

[قطريه ماركه]

ما في أرض بمليونين للأسف الشديد طبعاً في الدوحة

كله خمسة مليون !!

[الأسبانية للمصاعد]

صح هالكلام

اذا تبي روح المشاف او الوكرة امولعة المنطقة بتلاقي بهالمبلغ

[شبح الصمت]

اشتر لك ارض لو خارج الدوحة حتى لو في بوظلوف

الارض شيك في يدك

لا تخاف خساره ما راح تخسر ان شاء الله

والاراضي في ارتفاع ..

اعقدها وتوكل على الله ارض وانسى فلوسها

[أسد الجزيرة]

صلي استخارة

[BoFahed]

اخوي خذ ارض صغيرة 400م في شمال الدوحة (ام صلال الخيسة العمد ) او الجنوب مثل المشاف بتطلع عليك اذا موقعها حلو وايد بمليون وخمسمية بالكثير وابني بالمبلغ لباقي فله تشطيب عادي 350-400 م حروة ال 700 الف (200 الف زيادة وسهل تدبيرها )بالكثير اهم شي تختار المقاول الامين والخريطة اللي ما تكلف وايد في البنيان

وبتضمن دخل شهري قيمته 12 الف ريال مدى الحياة وفي نفس الوقت يعتبر اصل يزيد ما ينقص مع السنين ابرك واضمن من الفلوس في البنوك واذا تبي تبيع بتحصل فايدة مب اقل من 300 الف ريال


جيب لي بنك يعطيك فايدة 12 الف بالشهر وكل سنة يزود قيمة محفظتك بالسوق :(:(:(:(:(

[بن كهلان]

اشتر ارض من هالأراضي التجارية الي نزلت اليوم

الحق ماتلحق
هلا الشيخ وين ها الاراضي ؟

[مخطط قطري]

حركها شوي في الاسهم وعقب دش في عقار

[عمري قطر2]

اشتر لك ارض لو خارج الدوحة حتى لو في بوظلوف

الارض شيك في يدك

لا تخاف خساره ما راح تخسر ان شاء الله

والاراضي في ارتفاع ..

اعقدها وتوكل على الله ارض وانسى فلوسها

كﻻم صحيح
عندي لك ارض بالوسيل الصخامة
مساحة 490م
الفوت 295ريال
والفوت الحين هناك ع 310ريال يعني بتربح

[بن كهلان]

اخوي خذ ارض صغيرة 400م في شمال الدوحة (ام صلال الخيسة العمد ) او الجنوب مثل المشاف بتطلع عليك اذا موقعها حلو وايد بمليون وخمسمية بالكثير وابني بالمبلغ لباقي فله تشطيب عادي 350-400 م حروة ال 700 الف (200 الف زيادة وسهل تدبيرها )بالكثير اهم شي تختار المقاول الامين والخريطة اللي ما تكلف وايد في البنيان

وبتضمن دخل شهري قيمته 12 الف ريال مدى الحياة وفي نفس الوقت يعتبر اصل يزيد ما ينقص مع السنين ابرك واضمن من الفلوس في البنوك واذا تبي تبيع بتحصل فايدة مب اقل من 300 الف ريال


جيب لي بنك يعطيك فايدة 12 الف بالشهر وكل سنة يزود قيمة محفظتك بالسوق :(:(:(:(:(
الله يجزاك خير اخوي على النصيحة

[بن كهلان]

صلي استخارة

مشكور اخوي أسد على مرورك ونصيحتك وفعلا استخرت

[قطر833]

ارض بقيمة 1,300,000 ( لكن نصيحه روح حق ناس تفهم في الاراضي لايضيعونك ولو حبيت بشرح لك)
والباقي تبني فيها ، واجر البيت راح يكون لك راتب وضمان ايضا لاتنسى في وقت احتجت قرض او مبلغ تقلط البنك وراح يعطيك عليه سلفه طيبه
الاراضي التجاريه الي ذكروها لك انساها لان لو تضرب المبلغ الي عندك في 3 ماراح اتحصل
خيار البيت خيار ممتاز

[براك]

العقار أفضل من الأسهم و
مبلغ 2 مليون يمكن تشتري فيلا جاهزة في المناطق الشمالية و تأجرها

[STAR2012]

اسمع حبيبي ممكن اعطيك فكرة تختلف شوي انت عندك المبلغ اتركة في حسابك واستأجر لك ضمان بنكي لمدة سنة اذا لك في التجارة واستورد بموجب الضمان ( حديد او مواد بناء او مواد كيماوية ) واول ماتوصل الميناء بيعها للداخل او سو اعادة تصدير لدول الخليج بضعف قيمتها بعدها سدد رسوم الضمان وربحك يكون مضاعف 3 مرات ومحتفظ براس مالك وسلامتك وسلامة الجميع