وظائف في الامانه العامة لمجلس الوزراء !!!! برودكاست

[رهج السنابك]

وصلنا برودكاست عن وظايف في الامانه العامة للقطريين فقط



لكن مسأله البرودكاست تخوف شوي

وحاطين ايميل لمدير الموارد البشريه

هل وصلكم البرودكاست؟؟

واذا فعلا صحيح
ليش يلجأون لبرودكاست بدل الاعلان في الجرايد؟؟
وليش مايفتحون كراتين السيفيات الي يجمعونها في المعرض المهني
وهم بكل معرض مرتزين على اساس انهم الراعي الذهبي وياخذون اكبر مكان وافخم بوث

[تغلبية]

المفروض التثبت ارسطو قبل القاء التهم

[OREO]

المفروض التثبت ارسطو قبل القاء التهم

القاء التهم من اسهل الاشياء في يومنا هذا للآسف ،،

[تغلبية]

^

لذلك

ادعو ارسطو لحذف الموضوع لحين التثبت

الارستقراطية لها ثقلها في المنتدى



و أرجو أن لا يكون هذا الموضوع بمثابة "جنازة وعايزين يشبعوا فيها لطم " من اللي يحبون القاء التهم واللطم !

[captin]

مرحبا

أولا أي امانة عامة

هل هي الأمانة العامة لمجلس الوزراء

أم الأمانة العامة للتخطيط التنموي

أم اي أمانة بالضبط

ثانيا الطريقة الاحترافية لطلب الوظائف هي نشر اعلان من خلال وسائل الاعلام
وغالبا الجرائد والموقع الالكتروني للجهة نفسها .

مسالة البرودكاستات غير موثوقة وربما نشرها موظف من الموارد البشرية بالجهة
قبل نشر الاعلان عن الوظائف بعد أن اطلع على معلومة تفيد بان هناك وظائف جديدة سيتم التعيين عليها.

[رهج السنابك]

مش تهم يا جماعه الخير

انا في البدايه سألت

هل صحيح؟ هل وصلكم البرودكاست؟!!

وبعدين قلت لووووووو فعلا صحيح

لاحظوا قلت لو صحيح

هل مافي وسائل اخرى ؟؟ هل ماينظرون للسيفيات الي تنجمع في المعرض؟؟


والكلام مو لجهة وحده لكل جهات الدوله الي تتواجد بالمعرض

وبعد مده نلقاهم اهملوا كل السيفيات وعندهم شواغر !!

تثبتوا وافهموا المقصد قبل القاء التهم علي :(

[رهج السنابك]

كابتن

مجلس الوزراء

[New Vision]

اصلا برودكاست او غيره الامانه العامه ومجلس الوزراء مايوظف الا بواسطه مثله مثل اي منشئه حكوميه خلاص تعودو على الواسطات في كل مكان

[Right]

يا سلام .. وظائف عن طريق برودكاست .. فعلاً تطورنا !!!



لكن السؤال هنا:



فيه واسطة ولا ما فيه ؟!

[ام السعف]

المفروض التثبت ارسطو قبل القاء التهم

تدرين يا تغلبية ،، قريت مشاركة ارسطو من البداية لين النهاية مالقيت فيه تهم ،،
لأنها من البداية كتبت هل وصلكم البرودكاست ومن ثم اضافات تساؤلات في حال البرودكاست
كان صحيح ،، ليش ما اتبعوا طرق ثانية للتوظيف ،،

اهنيه نرجع لنقطة هل نصدق كل برودكاست يوصلنا ؟
وهل كل برودكاست يوصلنا يستحق الكتابة عنه ؟


في كل الأحوال اشوف ان ارسطو كانت جدا محترمة في عرض الموضوع
وان كان مجرد برودكاست لا وجود له من الصحة ،، فهي ما غلطت على الامانة العامة
ولا اتبعت اسلوب غير محترم في الكلام عنهم ،،
فشكرا على اسلوبها وتبقى نقطة التأكد من البرودكاست فقط
هل صحيح ولا من خرابيط بعض العرب المتفرغين !!؟؟

[تغلبية]

التحفظ على هالجزئية أم السعف





واذا فعلا صحيح
ليش يلجأون لبرودكاست بدل الاعلان في الجرايد؟؟
وليش مايفتحون كراتين السيفيات الي يجمعونها في المعرض المهني
وهم بكل معرض مرتزين على اساس انهم الراعي الذهبي وياخذون اكبر مكان وافخم بوث


والسؤال كان اذا فعلاً صحيح .. مع ان هناك احتمالية انه يكون غير صحيح ... فطلبنا التثبت من صحة البرود كاست!...................(1)

أنا قلت إن الارستقراطية لها ثقلها في المنتدى بمعنى لها احترامها ...................(2)

هذا غير إن الأسئلة فيها اتهام غير مباشر وهذا ما يليق لا بالجهة المعلنة ولا بالأرستقراطية ............... (3)

[رهج السنابك]

فديتج ام السعف جزاج الله خير

واكيد الاخوه مافهموني عدل

انا قصدي صحة الموضوع اولاً
وثانيا اتخاذ الوسائل الاكثر رسميه عبر القنوات الاعلاميه الرسميه

لان نشر هذا النوع من البرودكاستات له مشاكل وايد
وصارت من فتره مع موظف في قطر فاونديشن حطوا اسمه في برودكاست وايميله
وطلع الريال يصيح من حجم الرسايل ويقول والله ما اعلنت
حد سوى فيه الحركه

ونقطه ثانيه احيانا بنات يصدقون ويطرشون سيفياتهم وفيها كل المعلومات وبالاخير يطلع واحد يتسلى


احنا مانعلم عن صحة الموضوع وان كان صحيح فهذي مشكله في اي جهه تستخدم هالوسيله الاقل مايقال عنها غير رسميه


مره اشكر من تفهم واعذر من لم يتفهم

[رهج السنابك]

تغلبيه حبيبتي

احسني الظن في اختج :)

[تغلبية]

عزيزتي ارسطو ..

عني شخصياً ما اتهمتج .. ولا كان كلامي بمأخذ الاتهام ولا أسمح لنفسي ..

لكن كان هو طلب كوجهة نظر آخر .. للمصلحة العامة

ليس اتهام ولا وصاية

والموضوع موضوعج ولج مطلق الحرية عزيزتي :)

[المرحب]

وصلنا برودكاست عن وظايف في الامانه العامة للقطريين فقط



لكن مسأله البرودكاست تخوف شوي

وحاطين ايميل لمدير الموارد البشريه

هل وصلكم البرودكاست؟؟

واذا فعلا صحيح
ليش يلجأون لبرودكاست بدل الاعلان في الجرايد؟؟
وليش مايفتحون كراتين السيفيات الي يجمعونها في المعرض المهني
وهم بكل معرض مرتزين على اساس انهم الراعي الذهبي وياخذون اكبر مكان وافخم بوث


الارستقراطيه

هذا إتهام باطل ولا نرضى بذلك أبداً

ههههههههههه

أمزح ربنا يحفظكم جميـــع

بخصوص البرودكاست ما وصلني شي

لكن وصلني طلبات توظيف من إحدى الموظفين وهناك شواغر للقطريين فقط

تحيـــــــاتي للجميـــــــع ,,,

[ام ناصر1]

فيه اعلان عن الوظائف نزل بجريدة الراية عن هذا المكان ما اذكر أي يوم تحديدا بس وظائف للقطريين

[yass]

تم الإعلان في الجرائد الرسمية لمدة ثلاثة أيام من تاريخ 10-12 إلى أمس

http://im31.gulfup.com/3iW4W.png

[ام السعف]

عزيزتي ارسطو ..

عني شخصياً ما اتهمتج .. ولا كان كلامي بمأخذ الاتهام ولا أسمح لنفسي ..

لكن كان هو طلب كوجهة نظر آخر .. للمصلحة العامة

ليس اتهام ولا وصاية

والموضوع موضوعج ولج مطلق الحرية عزيزتي :)

اتفق معاج يا تغلبية فأنتي ما اتهمتي ارسطو ،، ولج الحق في المطالبة في التحقق من البرودكاست
ولج الحق بعد في الجزئية اللي اقتبستيها في ردج علي ،،

وردي كان من باب اني ما فهمت ان ارسطو تتهمهم بشي ،، فماشفت في كلامها اي شي يوحي لي انها
تتهمهم كثر ما اهي تبي تستوضح من البرودكاست وان كان مابين قوسين ( اذا كان صحيح ) ليش ما يفتحون
الكراتين ،،

هو المفروض فتح الكراتين من قبل ارسطو ما تنقال الا عقب التأكد من صحة البرودكاست ،،
في الوقت اللي احسن الظن انها تعاملت مع البرودكاست بنية حسنة في انتقاده
دون حمل اساءة الى الجهة المعنية بشكل مباشر او غير مباشر ،،


واعجبتني مشاركتج اللي فيها نقطة ان الارستقراطية لها ثقلها ولها احترامها ومب محتاجين زلة
وان وجدت دون قصد منها ان تُشبع لطم ،، ومتأكدة كلامج هذا ما طلع الا وانتي تقدرين ارسطو حق التقدير
ولكن اعتراضج على نقطة معينة بحد ذاتها على عكس البعض اللي ينتظرون زلات علشان يسلخون الواحد سلخ ،،

وهذا هو اخونا المرحب يؤكد وجود عرض من احدى الموظفين في الأمانة العامة
للقطرين فقط ،، فهل هالبرودكاست صحيح او لا ؟ وان كان صحيح نسترجع تساؤلات ارسطو
بكل عفوية ونقول ليش مثل هالأمور ما يتم الاعلان عنها بشكل رسمي ؟

[الزعيـم]

المشكله البعض لو على اقل تقدير يتابع الصحف اليوميه راح يلقى الاعلان موجود صار له فتره قبل التهجم وليش .... وهل ..... ولماذا .... ؟

واعتقد البرودكاست ممكن شخص عادي مسويه لفعل الخير للباحثين عن وظيفه

[ام السعف]

المشكله البعض لو على اقل تقدير يتابع الصحف اليوميه راح يلقى الاعلان موجود صار له فتره قبل التهجم وليش .... وهل ..... ولماذا .... ؟

واعتقد البرودكاست ممكن شخص عادي مسويه لفعل الخير للباحثين عن وظيفه

زين نرجع لتساؤلات ارسطو صاحبة الموضوع ونقول

اذا كانت الامانة العامة هي الراعي الرسمي للمعرض المهني

وين راحت سيفيات القطريين اللي قدموا على طلب وظائف فيه ؟

[رهج السنابك]

صح ممكن شخص سوى البرودكاست لسرعه الانتشار ولان مب كل الناس تقرا الجرايد


ودام فيه اعلان نازل اذن رايتهم بيضا


لكن اذا مافيه اعلان بالقنوات الرسميه وشخص سوى برودكاست لابد من التحقق قبل النشر

وهذا الموضوع نزل للتثبت :)


وتثبتنا الحين من مداخلات الاعضاء الي لقوا الاعلان

شكرا لكم


والله يوفق اهل قطر كلهم


يفرحني جدا عروض التوظيف الي ينكتب فيها للقطريين فقط

[رهج السنابك]

تساؤلج هام جدا يا ام السعف


خاصه ان الوظايف الي حاطينها بسيطه لاصحاب شهاده الثانويه والخريجيين


لماذا لا يتم استخراج الكم الهائل من السيفيات والبحث عن المناسب
وبخاصه ان الارقام بعد المعرض مهوله يقولون تلقوا ظ¤ظ*الف سي في في خمس ايام !!

[الزعيـم]

زين نرجع لتساؤلات ارسطو صاحبة الموضوع ونقول

اذا كانت الامانة العامة هي الراعي الرسمي للمعرض المهني

وين راحت سيفيات القطريين اللي قدموا على طلب وظائف فيه ؟


الاخت ، ام السف

ليس دفاعا عن الجهه المعلنه او غيره ، لكن

هل كل المتقدمين عن طريق المعرض المهني مؤهلين للوظائف ؟

هل كل المتقدمين عن طريق المعرض المهني تم وضع اوراقهم في الكراتين ؟

اختي شوفي الشروط المطلوبه للتقدم على الوظيفه اللي في مربع الاولوية للقطرين ، مع الاسف البعض لين يخبروه انه في وظيفه يروح يقدم على طول وتلقين الشروط ماتنطبق عليه بتاتا وبعدين يقعد " يتحلطم " ما قبلوني ويبدا يضرب في المؤسسه الفلانيه والعلانيه انه لازم واسطه و .... و .......... الخ من هالكلام

[Right]

زين نرجع لتساؤلات ارسطو صاحبة الموضوع ونقول

اذا كانت الامانة العامة هي الراعي الرسمي للمعرض المهني

وين راحت سيفيات القطريين اللي قدموا على طلب وظائف فيه ؟





الجواب جداً سهل .. فــ مكانها هنا أن لم تكن هناك واسطة !!!



http://im38.gulfup.com/jqFjf.jpg (http://www.gulfup.com/?ckLqMM)



بعد ما يقطعون هالكميات الضخمة من الأوراق يعطونها محلات الخضرة والفواكة



يلفون بها الخضرة والفواكة عشان ما تخترب .. مثل المنجا :victory:

[المرحب]

صح ممكن شخص سوى البرودكاست لسرعه الانتشار ولان مب كل الناس تقرا الجرايد


ودام فيه اعلان نازل اذن رايتهم بيضا


لكن اذا مافيه اعلان بالقنوات الرسميه وشخص سوى برودكاست لابد من التحقق قبل النشر

وهذا الموضوع نزل للتثبت :)


وتثبتنا الحين من مداخلات الاعضاء الي لقوا الاعلان

شكرا لكم


والله يوفق اهل قطر كلهم


يفرحني جدا عروض التوظيف الي ينكتب فيها للقطريين فقط

دوم الفرحه يا رب

أعتقد الاعلان في الجرايد ليس خاص بالامانه العامه لمجلس الوزراء لأن الوظائف المكتوبه في الطلب اللي وصلني مختلفه تماماً

لزم التوضيح والله من وراء القصد ,,,

[رهج السنابك]

الاخت ، ام السف

ليس دفاعا عن الجهه المعلنه او غيره ، لكن

هل كل المتقدمين عن طريق المعرض المهني مؤهلين للوظائف ؟

هل كل المتقدمين عن طريق المعرض المهني تم وضع اوراقهم في الكراتين ؟

اختي شوفي الشروط المطلوبه للتقدم على الوظيفه اللي في مربع الاولوية للقطرين ، مع الاسف البعض لين يخبروه انه في وظيفه يروح يقدم على طول وتلقين الشروط ماتنطبق عليه بتاتا وبعدين يقعد " يتحلطم " ما قبلوني ويبدا يضرب في المؤسسه الفلانيه والعلانيه انه لازم واسطه و .... و .......... الخ من هالكلام




حرام عليك مافي قطري مؤهل يكون سكرتيو ومدخل بيانات
اقرا الوظايف عدل
للثانويه

والثانيه للخريج بكالوريوس ودوره كمبيوتر

هل مافي قطري خريج او مايعرف للكمبيوتر

[alsoq]

الموضوع ليس فيه اسأه بل هو سؤال
يعني كل اللي قدمو في المعرض المهني لم يتم مخاطبتهم
واعلانهم في الجرائد معناته انه لم ينظرو للسيفيات المقدمه من المعرض المهني

ولم اسمع ان احد توظف عن طريق المعرض اللي اذا احد فيكم سمع

[بوخالد911]

ما وصلني

[الصغيره]

قريت الاعلان بالجرايد

لكن ماحددوا يبون ذكور او اناث ياليت بالاعلانات يحددون حتى الواحد يعرف على ايش يقدم

[توشيبا]

بعض اصحاب الردود ماقرو الموضوع

بس يشفون اول الردود ويكملون التسليك وياهم

المفروض يكون صاحب الموضوع اول مايطح الموضوع ينسخه ويحطه في اول رد عشان يقرونه

[الزعيـم]

حرام عليك مافي قطري مؤهل يكون سكرتيو ومدخل بيانات
اقرا الوظايف عدل
للثانويه

والثانيه للخريج بكالوريوس ودوره كمبيوتر

هل مافي قطري خريج او مايعرف للكمبيوتر


انا قريت الوظايف عدل ياليت تقرين ردي عدل انا اتكلم عن الوظايف اللي مكتوبه تحت " الاولوية للقطرين "

اما الوظايف اللي " للقطرين فقط " انا ماقلت انه مافي قطري مؤهل انه يشغل هالوظايف لكن في شي اسمه الافضليه

لو مثلا وظيفة باحث تدريب .. شخصين عندهم نفس التخصص المطلوب لكن واحد خريج جديد وماعنده خبره والثاني خريج نفس التخصص لكن عنده خبره سنتين

اكيد الخريج صاحب الخبره له الافضليه ، وراح تلقين بعد فتره الخريج الجديد يقول اي واسطه وهالكلام اللي له اول وماله اخر

[سـ ع ـود]

كليتو البنت
كلامها مافي اي شي غلط
مجرد استفسار منها ، ماتهمت احد !!!
قريت الموضوع كذى مره ماشفت فيه شي ، شككتوني :secret:
نرجع للموضوع لو كان فعلا صحيح انتبهو ان الايميل يكون رسمي للجهه اللي طالبه موظفيين ومايكون مثلا hotmail او gmail .
:)

[المحقق كونان]

تم الإعلان في الجرائد الرسمية لمدة ثلاثة أيام من تاريخ 10-12 إلى أمس

http://im31.gulfup.com/3iW4W.png

مشكوووور

[الزعفراني]

المشكله البعض لو على اقل تقدير يتابع الصحف اليوميه راح يلقى الاعلان موجود صار له فتره قبل التهجم وليش .... وهل ..... ولماذا .... ؟

واعتقد البرودكاست ممكن شخص عادي مسويه لفعل الخير للباحثين عن وظيفه

كلامك عين العقل .. واللي عمل البرودكاست مسويه لفعل الخير لكل المضافين عنده لان عنده خدمة اسمها " لبيه " وهو مصدر ثقه
وجزاه الله خير مقدم خدمة لجميع المشتركين معاه وانصحكم تضيفونه

Bbm : 2632D751

[ام السعف]

الجواب جداً سهل .. فــ مكانها هنا أن لم تكن هناك واسطة !!!



http://im38.gulfup.com/jqFjf.jpg (http://www.gulfup.com/?ckLqMM)



بعد ما يقطعون هالكميات الضخمة من الأوراق يعطونها محلات الخضرة والفواكة



يلفون بها الخضرة والفواكة عشان ما تخترب .. مثل المنجا :victory:






اهااا كذيه السالفة أجل ,,


الاخت ، ام السف

ليس دفاعا عن الجهه المعلنه او غيره ، لكن

هل كل المتقدمين عن طريق المعرض المهني مؤهلين للوظائف ؟

هل كل المتقدمين عن طريق المعرض المهني تم وضع اوراقهم في الكراتين ؟

اختي شوفي الشروط المطلوبه للتقدم على الوظيفه اللي في مربع الاولوية للقطرين ، مع الاسف البعض لين يخبروه انه في وظيفه يروح يقدم على طول وتلقين الشروط ماتنطبق عليه بتاتا وبعدين يقعد " يتحلطم " ما قبلوني ويبدا يضرب في المؤسسه الفلانيه والعلانيه انه لازم واسطه و .... و .......... الخ من هالكلام

هو علشان ما ادعي لشي مااعرفه يا اخوي الزعيم
الا اني أأكد ان من حق المواطن القطري انه يتم تدريبه للعمل المكلف به ،،

كل شي يحتاج الى تدريب ،، فالمعرض المهني خلق حتى يستقطب الشباب القطري
ويسد حاجة السوق ،، فاشلون ممكن القطري تكون عنده خبرة وهو ما اشتغل ؟
وهل تعتقد اللي بتكون عنده خبرة بيترك شغله بسهولة الا لو المميزات كانت افضل ؟

[دلال قطر]

شفت الاعلان في الجريده
من كم يوم

[لاجئ عاطفي]

الخبر صحيح وانا ناشر اعلان من الجريده عن هالوظائف في المنتدى من كم يوم
http://www.qatarshares.com/vb/showthread.php?73569-تبي-وظيفة-ادخل/page578