امك جالسة فـ آلبيت وذابحها الطفش

[مستر بن]

امك جالسة بالبيت وذابحها الطفش


‏​
جرب شعور تقول لها يالله نطلع و شف شكلها وهي فرحانة تروح تلبس وخذها تمشى انت وياها وتعشوا في مطعم ، راح تشوف نفسيتها تغيرت ومسكتك بالسواليف ، كل هذا ما ياخذ منك ساعتين وهي ما راح تنسى لك الشي هذا وراح تسولفها على الناس كلها ، ببساطه لا تنسى امك ~o)

_ فرح امك ي مآل آلجنه ♡~

[رهج السنابك]

مشكور
الشباب اذا بغوا يطلعون مطعم ولا يتمشون ماياخذون الا حريمهم
حتى وهو راجع مايشتري لامه شي من المطعم الي راح له
حركة مو حلوه كلش
اذا ماتبي تودي امك على الاقل تذكرها بشي وانت راجع

[TRAVELLER]

جزاك الله خير ،، الموضوع جداً مهم

[رجل تعليم]

وحشتني أمي الحبيبة وصديقتي والله

غدا بحول الله سأتغذى معها إن أطال الله العمر وسأخرج وإياها وسأشتري لها شيئا للشتاء

أحلى بوسة على خدك يا ماما من بعيد .والله لو كان ممكنا لرحت الآن ما عندي أي شغل ،اشتقت لها . بس لازم أنتظر الحافلة في الصباح

شكرا مستر

[alsoq]

قبل رجولها كل يوم خل رجهلها تدعس على خدك
ادخل عليها تحبي احترمأ لها
كل يوم اسألها تبين مكان نروحة نزور احد او نطلع نتمشى

ومهما عملت وسويت تراك لن توفيها حقها

[أسد الجزيرة]

مشكور
الشباب اذا بغوا يطلعون مطعم ولا يتمشون ماياخذون الا حريمهم
حتى وهو راجع مايشتري لامه شي من المطعم الي راح له
حركة مو حلوه كلش
اذا ماتبي تودي امك على الاقل تذكرها بشي وانت راجع

و ليش الجنة ما تطلع احسن من ريلها و تذكر ريلها و تاخذ حماتها معاهم

[معماري قطري]

ذكرتوني بامي وانا بعيد عنها، وأُمي الله يحفظها ما تحب تطلع ولا نحاول فيها كلنا .. زين والحمد لله إن الوالد بدأ يتعافى شوي ويطلع ولا قبل تعب جسمه وضعف .. ودعواتكم لوالدي بالصحة والعافية والمغفرة والجنة الله يرحم والدي كل من يقرأ حرف من كلامي.

[بن موسى]

امك جالسة بالبيت وذابحها الطفش


‏​
جرب شعور تقول لها يالله نطلع و شف شكلها وهي فرحانة تروح تلبس وخذها تمشى انت وياها وتعشوا في مطعم ، راح تشوف نفسيتها تغيرت ومسكتك بالسواليف ، كل هذا ما ياخذ منك ساعتين وهي ما راح تنسى لك الشي هذا وراح تسولفها على الناس كلها ، ببساطه لا تنسى امك ~o)

_ فرح امك ي مآل آلجنه ♡~

ممكن اعود بعد ان تنشف الدموع كم اكرهك يامستر بن قبل هذا الموضوع

حفظك الله يا امي ياتاج راسي

[basma222]

الله يرحمج يا يمه

فديت اعيالي ما يقصرون

[moonبنتnight]

الله يرحمج يا أمي .. إبرها حتى بعد موتها ..

[تاجر كشخة]

لفته جميلة أخ مستر بن وانا هالايام صرت أهتم بأمي أكثر من قبل

[عاشق العديد]

الله يطول في عمر امهاتـكم ...

كلام مستر صحيح تمشايه .. ولا اكل من المطعم .. ولا شي بسيط هديه بسيطه تجعلها تستانس وتنسى همومها هالله هالله في امهاتـكم ..

[بوخالد911]

الله يطول في أعمارهن

[بوغزلان28]

صراحه امس مودي العجوز سيلين العنه , وعقبها طلعنا العديد وشافت المخبل مناك

عقبها شبينا الضو عالسيف وخذ مشاوي يا عم

[معماري قطري]

صراحه امس مودي العجوز سيلين العنه , وعقبها طلعنا العديد وشافت المخبل مناك

عقبها شبينا الضو عالسيف وخذ مشاوي يا عم

زين سويت الله ياجرك ويحفظك ويحفظ والديك

[حسن]

مافي ام سلف

لا ني ماعندي ام الله يرحمها ويرحم اموات المسلمين

مسكينه ولا عمرها دشت مطعم ولا تعرف هل السوالف

:weeping:

[عاشق العديد]

مافي ام سلف

لا ني ماعندي ام الله يرحمها ويرحم اموات المسلمين

مسكينه ولا عمرها دشت مطعم ولا تعرف هل السوالف

:weeping:
الله يرحمها يـارب ..
ويحفظ جميع امهاتنا ..

[حسن]

الله يرحمها يـارب ..
ويحفظ جميع امهاتنا ..

جزاك الله خير ياعاشق العوديد

:victory:

[بنت الطائي]

اخواني كم واحد فيكم عنده البركه في بيته يعني امه ساكنه وياه

استغرب من بعض الرجال اللي يهد امه ويطلع بيت ثاني هو وزوجته

[حسن]

اخواني كم واحد فيكم عنده البركه في بيته يعني امه ساكنه وياه

استغرب من بعض الرجال اللي يهد امه ويطلع بيت ثاني هو وزوجته


افا ذا العلم

الحمدلله امي الله يرحمها معاي لين توفت واخوي الكبير المعاق واخواتي الكبار معاي

والبيت شكبر الحمدلله

فعلا للاسف شفت واعرف ناس من ترك امه وخصوصا بعد ماتزوج
وكنت دائما اقول هذولا مبتليين يااما بفكر النسره ولا بالسحر

مش معقوله امك ثم امك ثم امك


ولا اعتقد انهم يبون الدكتور احمد عارفين الباقي

[شبح الصمت]

آرحم الله والديك

هالمواضيع الي تفتح النفس


اجلس معاها طلعها عطها لا تحرمها مثل ما كانوا ما يحرمونا من شيء في خاطرنا وسهروا على مرضنا وعطونا من حياتهم الكثير الكثير ..

مقصرين معاهم والله يغفر لنا ويرحمنا برحمته ياااارب


يستحق الرفع للقلوب التي ماتت فيها كلمة الام والاب

[Hamad5882]

صراحه امس مودي العجوز سيلين العنه , وعقبها طلعنا العديد وشافت المخبل مناك

عقبها شبينا الضو عالسيف وخذ مشاوي يا عم

الله يجزاك خير، من البر انك تقول امي او ام فلان مب العيوز او تقول الشايب
نصيحه لوجه الله تجنبوا تلفظ هذه الالفاظ عندهم او من وراهم. يا حلو كلمه يمه او يبه

اللهم احفظ امي من مكروه و متعها بالصحة والعافية وجميع امهات المسلمين

[نور الحور]

مافي ام سلف

لا ني ماعندي ام الله يرحمها ويرحم اموات المسلمين

مسكينه ولا عمرها دشت مطعم ولا تعرف هل السوالف

:weeping:


الله يرحم الوالدة حسن ويرفع مقامها في عليين .. تذكر برها حتى بعد مماتها .. بالدعاء والصدقة واحتساب أجر أي عمل صالح لها



الله يجزاك خير، من البر انك تقول امي او ام فلان مب العيوز او تقول الشايب
نصيحه لوجه الله تجنبوا تلفظ هذه الالفاظ عندهم او من وراهم. يا حلو كلمه يمه او يبه

اللهم احفظ امي من مكروه و متعها بالصحة والعافية وجميع امهات المسلمين


جزاك الله خير .. اتفق معاك .. من البر استخدام أجمل الألفاظ واكرمها للوالدين بالذات تأدباً وبراً بهما .. ما أجمل أن نقول للأم مثلاً تاج راسي .. جنتي .. الغالية ..الخ

[OM_OMAR_QATAR]

لو تفهم كل زوجة ان ام زوجها هي البركة وهي سبب التوفيق وهي سبب الرزق

كان باست ايدها ورجلها " وهو الواجب" بكل يوم وليلة ..

[توشيبا]

جزاك الله خير