التكدس الوظيفي؟؟؟

[الدوحه1]

هل هناك رقابه صارمه وفعليه على التعيينات في جميع الاجهزه الحكوميه وشبه الحكوميه من وزارات ومؤسسات وهيئات ومجالس عليا؟؟؟؟
وأخص بالذات الاحتياجات الفعليه لعدد الموظفين في كل جهه؟؟
هناك تكدس من الموظفين في بعض الجهات!! وهناك نقص في جهات ثانيه؟؟؟؟
بعض المسئولين يرفعون كتب للجهات المختصه يطلبون فيها استحداث وظايف جديده ويرفقون الاسباب الوهميه بس عشان يعينون ربعهم وقرايبهم ويمكن الحبايب؟؟؟
فهل تقوم هالجهات المختصه بالتأكد من هذه الحتياجات او على طول ترد بالموافقه؟؟؟؟

احدى الادارات وصل عدد موظفينها الى 1000 موظف بينما الحاجه الفعليه لعدد الموظفين لايتجاوزون ال 600 موظف!!!

انا متأكد ان اغلبية الجهات تعاني من التكدس الوظيفي!!!

هل تعانون من التكدس الوظيفي او نقص الموظفين في جهة عملكم؟؟؟؟

[رهج السنابك]

لو عندنا نفس دبي

هيئه او مجلس اعلى للموارد البشريه
مهماه فقط التدقيق على كل مايخص ادارات الموارد البشريه
كان تلافينا اشياء وايد


انا وايد تعجبني ذبي في حكومتها واجهزتها الحكوميه

[الدوحه1]

نسيت اذكر ان احد اسباب هالتكدس الوظيفي هو التعيين براتب مقطوع والذي لايحتاج الى موافقة الجهات المختصه(على حسب علمي)!!!!

[تغلبية]

الاحظ بين فترة وفترة يسوون جرد واحلال ويطلعون "بعمالة فائضة"

مازالت الموارد البشرية في الجهات الحكومية بدائية نوعاً ما ..

الامل في في إدارة التنمية الادارية انها تحل هالإشكالية .. مع اني موب متفائلة وايد .. مادري ليش؟

[ام السعف]

الاحظ بين فترة وفترة يسوون جرد واحلال ويطلعون "بعمالة فائضة"

مازالت الموارد البشرية في الجهات الحكومية بدائية نوعاً ما ..

الامل في في إدارة التنمية الادارية انها تحل هالإشكالية .. مع اني موب متفائلة وايد .. مادري ليش؟

وايد اسمع ان ادارات كثيرة في الدولة القطريين يعانون من بطالة مقنعة
يعني سستم الشغل يجبرهم ينحطون زيادة عدد من غير انتاجية

فهل ما سمعته صحيح ؟

[تغلبية]

^^^


وحدة من اوجه البطالة المقنعة

يقررون مشاريع خطة استراتيجية

مايقرون ميزانيات ولا فيه سيوله ولا فلوس

يقعدون الموظفين ينتظرون متى تجي الفلوس علشان يشتغلون

ولييييييين الله يفرجها ويحنن قلوب المسؤولين علينا


اللي تاكل حب

واللي تطالع فيلم هندي :)

[رهج السنابك]

تغلبيه كان شفنا شي من ادارة الشفافيه!! بما ان سلطتها على توقعاتنا عاليه !!


التكدس الوظيفي ليس مشكلته فقط الراتب المقطوع
الادهى في جهات صارت تمنح عقد مفتوح المده للاجانب وبعضهم بلا عمل
ولا ادرى هل هذا اجراء صحيح؟؟؟ منح عقد مفتوح للاجانب؟
مر علي دكتور كندي جايبينه ومالقوا له شغل طفش وهو مايسوي شي صار يدور بين الادارات حد يعطيه شغل!!
جايبين واحد معاه دكتوراه ومن قل الشغل مو عارف شيسوي!

[تغلبية]

لا لا ماعندنا جذيه

في الحكومة بالموت الاجنبي يتوظف بعقد راتب مقطوع

[رهج السنابك]

ام السعف
القهر ان فيه اجانب بطاله مقنعه
لو قطري ماعنده شغل وراتبه يمشي تهون على الاقل بلاده
لكن يجيبون اجانب ويتكدسون طرطنقيه وراتبهم يرطخ ليش؟!!!

[ام السعف]

^^^


وحدة من اوجه البطالة المقنعة

يقررون مشاريع خطة استراتيجية

مايقرون ميزانيات ولا فيه سيوله ولا فلوس

يقعدون الموظفين ينتظرون متى تجي الفلوس علشان يشتغلون

ولييييييين الله يفرجها ويحنن قلوب المسؤولين علينا


اللي تاكل حب

واللي تطالع فيلم هندي :)

يوه طلعت سالفتهم جذيه ؟

ياليت يات على أكل الحب ،،، تقول كل يوم نجتمع على سفرة ريوق وسفرة غدى لين يخلص الدوام

:(

[ام السعف]

ام السعف
القهر ان فيه اجانب بطاله مقنعه
لو قطري ماعنده شغل وراتبه يمشي تهون على الاقل بلاده
لكن يجيبون اجانب ويتكدسون طرطنقيه وراتبهم يرطخ ليش؟!!!

مب مكذبتج وبصدقج ،،
يقول لي احدهم في حين خريجيالثانوية العامة بإمكانهم انهم يعملون اشغال سيكرتارية
الا ان الموظف الفلاني من الدولة الفلانية اييب اخته او صديقته او .. او .. او ...
ويمشي لها راتب زي الفل وتأمين صحي وثلاث عيال في المدرسة وبدل تذاكر وبدل ما ادري وشو
وفي اماكن ثانية القطريين مكدسين من غير شغل لأن اساسا مافي شغل او السستم ما يعطيهم شغل ،،

وآخر شي يقولون القطريين ما يشتغلون ؟ ؟

[تغلبية]

يوه طلعت سالفتهم جذيه ؟

ياليت يات على أكل الحب ،،، تقول كل يوم نجتمع على سفرة ريوق وسفرة غدى لين يخلص الدوام

:(

وجوعانين ..

بيروحون يكملون مع العيال في البيت :rolleyes2:

[ام السعف]

وجوعانين ..

بيروحون يكملون مع العيال في البيت :rolleyes2:

ايه وفي الأخير يسبون البطالة المقنعة

:shy:

[حسن]

اما البطاله المقنعه الوزرات بتنبط من هل النظام ولاسف مافي رقابه
وخذو على كل الوزارات دون استثناء
هذا اللي لاحظته
لو يسوين مسح بنكتتشف الهوايل اتوقع الفائض اكثر من 30% في جميع الوزارات

[تغلبية]

ايه وفي الأخير يسبون البطالة المقنعة

:shy:

أبداً ..

أصلاً مايعرفون غيرها ..

"التنبلة" عمل شريف كفاية قعدة الكرسي من 7 لين 1:30

الراتب حلاااااااااال زلاااااال عليهم

وعاشت رؤية قطر الوطنية 2030:victory:

[captin]

مرحبا اخوي شكرا على طرح الموضوع المهم

لا شك أن عدد الوظائف يعتمد على قياس دقيق للعمليات اللي اتم داخل أي منظمة
وعلى الهيكل التنظيمي اللي المفروض يكون أيضا يتناسب مع طبيعة عمل المنظمة

الملاحظ عندنا في قطر خصوصا في الاجهزة الحكومية تكدس كبير غير مدروس
وكل سنة كل وزارة او جهاز حكومي يقوم بطلب وظائف جديدة بالمئات ويتم التعيين
عليها وتكديس خصوصا خريجي الثانوية العامة وفي الأخير راح نلاقي بطالة مقنعة مجموعة كبيرة
من الموظفين من غير شغل حقيقي والكل راح يعتمد على الثاني لانجاز العمل وينتهي الأمر
ببروز ظاهرة التسيب وتاخير انجاز الاعمال .

الموارد البشرية الحديثة لها طرق لقياس ووزن كل وظيفة من الوظائف بالمنظمة بالمقارنة مع حجم العمليات
اللي اتم بالمنظمة وطبيعة عملها هل هو صناعي ام اداري ام خدمي الخ وعلى ضوء ذلك يتم تحديد
عدد الوظائف بكل وحدة من وحدات المنظمة .

لكن عندنا وزارة المالية ومن قبلها وزارة الخدمة المدنية عودت الوزارات والاجهزة الحكومية انها تطلب وظائف
كثيرة خوفا من عدم الموافقة او التقليص وبالتالي تبتلش بالوظائف ولازم تعين عليها عشان السنة اللي بعدها ما يخفضون
لها عدد الوظائف الشاغرة وهكذا يتكون عندنا جيش جرار ما له اخر من الموظفين الحكوميين اللي قاعدين بلا شغل.

وزارة التنمية الادارية انما لباس جديد لنفس الاشخاص بنفس العقليات السابقة ولايرجى منها شي .

[captin]

لو عندنا نفس دبي

هيئه او مجلس اعلى للموارد البشريه
مهماه فقط التدقيق على كل مايخص ادارات الموارد البشريه
كان تلافينا اشياء وايد


انا وايد تعجبني ذبي في حكومتها واجهزتها الحكوميه

Sorry to say , we can not catch up with Dubai even after 50 years

[رهج السنابك]

Totaly agree

[توشيبا]

ترجمه قوقل ماتشتغل عندي حد يترجم اخر ردين

مشكلتي اعرف فرنسي

[تغلبية]

يقولها تبطي قطر تصير مثل دبي

ردت عليه وأنت صادق

[توشيبا]

يقولها تبطين تصير قطر مثل دبي

ردت عليه وأنت صادق

بس اهي قايله ذبي مب دبي

[تغلبية]

اعتبر النقطة حبة خال .. يا H-P وزانت دبي بها

الا ارسطو :sneaky:

[توشيبا]

طيب تبطي قطر تصير مثل دبي

من ناحيت ايش ؟

مشكله البعض شاف الشوارع والمجمعات والابراج

لاكن الاعلام يخلي دبي جنه

من يسكن ويعيش اهناك يعرف الفرق عدل بين دبي وقطر

[تغلبية]

في الاجراءات والمعاملات الحكومية

[توشيبا]

في الاجراءات والمعاملات الحكومية

اذا عن الاجراءات والمعاملات الحكوميه عمان افضل من دبي وقطر

والسعوديه افضل من دبي

وقطر افضل من دبي بشوي مع انهم نفس الشي بس دبي شوي فيها عنصريه

[تغلبية]

اذا عن الاجراءات والمعاملات الحكوميه عمان افضل من دبي وقطر

والسعوديه افضل من دبي

وقطر افضل من دبي بشوي مع انهم نفس الشي بس دبي شوي فيها عنصريه

ممكن توضح أكثر شلون قطر شلون أحسن

قريت أكثر من موضوع يمدحون الاجراءات في دبي .. سهلة وميسرة ومتطورة

ودخلت كذا موقع لوزارة شتاااااااان بيننا وبينهم ! هم متطورين جداً عنا والمواقع غنية ومفيدة موب نفس اللي عندنا

[سهم عتيج]

طيب تبطي قطر تصير مثل دبي

من ناحيت ايش ؟

من يسكن ويعيش اهناك يعرف الفرق عدل بين دبي وقطر

نعم نحن نذهب الى دبي لمدة يومين او ثلاثة،، فنحكم على ظواهر الامور فقط،، مثل الشخص اللي يتمنى ان يعيش في برج في الدور الخمسين ليرى كل شيء من تحته،، ولكنه يمل بعد فترة ويعرف نعمة العيش في منزل مكون من دور او دورين بعد ذلك...

شخصيا جربت اجراءات البورصة والتداول عن بعد في بورصة دبي قبل سنوات،، وكانت اجراءات بورصة قطر بصراحة متقدمة عليها بمراحل كثيرة حتى عن دول الخليج الاخرى في ذلك الوقت ،، وهذا الكلام تقريبا قبل اكثر من خمس سنوات ولا اعرف اين وصلت الامور اليوم،، ربما وصلوا الى نفس درجتنا او تفوقوا علينا ،، الله اعلم ولكن هالكلام كان قبل كم سنة :shy:

[رجل مثالي]

يجب حل هذه المواضيع من قبل الادارات المختصه لهذه الملاحظات

[MaRuKoO]

Sorry to say , we can not catch up with Dubai even after 50 years

we are better than them
I am so disappointed to Hear this from Qatari



طيب تبطي قطر تصير مثل دبي

من ناحيت ايش ؟

مشكله البعض شاف الشوارع والمجمعات والابراج

لاكن الاعلام يخلي دبي جنه

من يسكن ويعيش اهناك يعرف الفرق عدل بين دبي وقطر

بالضبط
الحمدلله على النعم الي انعم الله علينا فيها

[moonبنتnight]

وايد اسمع ان ادارات كثيرة في الدولة القطريين يعانون من بطالة مقنعة
يعني سستم الشغل يجبرهم ينحطون زيادة عدد من غير انتاجية

فهل ما سمعته صحيح ؟

فعلاً هذا الواقع ..

[moonبنتnight]

طيب تبطي قطر تصير مثل دبي

من ناحيت ايش ؟

مشكله البعض شاف الشوارع والمجمعات والابراج

لاكن الاعلام يخلي دبي جنه

من يسكن ويعيش اهناك يعرف الفرق عدل بين دبي وقطر

صاج .. لي يعيش فيها بيعرف الفرق ..

[ضوى]

ليش سميتوها بطالة مقنعة وتكدس وظيفي ؟ ليش ما فكرتوا بحسن نية ؟ ليش مب هي مساعدة للعاطلين واللي فاتحين بيوت ومب محصلين شغل ؟ بإدارتني مانعاني من بطالة ولا تكدس ، ومع ذلك التعيين عندنا يكون بانتقاء شديد ، مب كل الوزارت مثل بعض ولا كل الادراات مثل بعض ، بس بعد الواحد يفكر في اللي قاعد بدون شغل نساعده نطوره ونحاول ويحاول هو يخلق له شغل من تحت الارض ، اقلها ممكن اسوي شغلات مبتكرة حتى وان كانت خارج نطاق العمل اسمه انجاز

[توشيبا]

ممكن توضح أكثر شلون قطر شلون أحسن

قريت أكثر من موضوع يمدحون الاجراءات في دبي .. سهلة وميسرة ومتطورة

,دخلت كذا موقع لوزارة شتاااااااان بيننا وبينهم ! هم متطورين جداً عنا والمواقع غنية ومفيدة موب نفس اللي عندنا

السموحه اختي ماقدر اقارن دولتي مع دوله ثانيه مهمها صار دولتي اهي الافضل من كل ناحيه

ولا اقدر اعيب علي دبي واهم اهلنا وجيرانا

اما بخصوص شتان مالها داعي تضربي جنب حكومتج بالجمله

واذا عن المواقع والتكنولوجيا ماعتقد ان احد افضل من السعوديه في تطويرها وانظمتها التكنولوجيا حتى صارت عندهم جامعات متخصصه في هالمجال

وقلت لج الاعلام يخلي دبي جنه بس الواقع واللي يعيش اهناك يعرف الفرق



واكتفي بالاقتبسات علي ردي اللي انتي شكلج مب مقتنعه ان دولتج افضل


نعم نحن نذهب الى دبي لمدة يومين او ثلاثة،، فنحكم على ظواهر الامور فقط،، مثل الشخص اللي يتمنى ان يعيش في برج في الدور الخمسين ليرى كل شيء من تحته،، ولكنه يمل بعد فترة ويعرف نعمة العيش في منزل مكون من دور او دورين بعد ذلك...

شخصيا جربت اجراءات البورصة والتداول عن بعد في بورصة دبي قبل سنوات،، وكانت اجراءات بورصة قطر بصراحة متقدمة عليها بمراحل كثيرة حتى عن دول الخليج الاخرى في ذلك الوقت ،، وهذا الكلام تقريبا قبل اكثر من خمس سنوات ولا اعرف اين وصلت الامور اليوم،، ربما وصلوا الى نفس درجتنا او تفوقوا علينا ،، الله اعلم ولكن هالكلام كان قبل كم سنة :shy:









بالضبط
الحمدلله على النعم الي انعم الله علينا فيها



صاج .. لي يعيش فيها بيعرف الفرق ..

[ام السعف]

في الخدمات الالكترونية دبي سابقة كل دول الخليج بمراحل والباقي يجرون خلفها

عندنا في قطر افضل خدمة الكترونية مقدمة من وزارة الداخلية
اما الباقي خداماتهم ما بين الهرولة والجري لتقديم خدمات افضل ،،

[تغلبية]

السموحه اختي ماقدر اقارن دولتي مع دوله ثانيه مهمها صار دولتي اهي الافضل من كل ناحيه

ولا اقدر اعيب علي دبي واهم اهلنا وجيرانا

اما بخصوص شتان مالها داعي تضربي جنب حكومتج بالجمله

واذا عن المواقع والتكنولوجيا ماعتقد ان احد افضل من السعوديه في تطويرها وانظمتها التكنولوجيا حتى صارت عندهم جامعات متخصصه في هالمجال

وقلت لج الاعلام يخلي دبي جنه بس الواقع واللي يعيش اهناك يعرف الفرق



واكتفي بالاقتبسات علي ردي اللي انتي شكلج مب مقتنعه ان دولتج افضل


:eek5:

الكلام في وين .. ورايك وتحليلك وداااك وين

حد قالك احنا في جبهة !

لما اقول رايي بموضوعيه معناتها انا ضد بلادي ؟


حدث العاقل بما يعقل :rolleyes2:

[الدوحه1]

ارجو التركيز على موضوع النقاش "التكدس الوظيفي"..
باين من الردود ان الرقابه الاداريه شبه معدومه بالنسبه لكيفية تحديد العدد المثالي للموظفين لكل جهه
وان كل جهه تحدد هالعدد وان أي طلب استحداث وظايف جديده اتم الموافقه عليه !!!

[abunorah]

في اغلب الوظائف الحكوميه يكون تكدس وظيفي وزيادة موظفين وقلة انتاجيه.. السؤال كيف يخترع المختصين انظمة لاعادة توزيع المهام وتطوير الموظفين وتسليم الخبز لخبازه لكل متخصص.. يجب ان يعمل في تخصصه.. هللا ان نطلع على التجربه السنغافوريه في الاداره الحكومية؟ اعتقد انها احد اكثر الدول تقدم في الانظمة الحكومية لدرجة ان العمل في القطاع الخاص اسهل وافضل لهم من العمل الحكومي.. تحياتي

[تغلبية]

ارجو التركيز على موضوع النقاش "التكدس الوظيفي"..
باين من الردود ان الرقابه الاداريه شبه معدومه بالنسبه لكيفية تحديد العدد المثالي للموظفين لكل جهه
وان كل جهه تحدد هالعدد وان أي طلب استحداث وظايف جديده اتم الموافقه عليه !!!




بالنسبة للوظائف الحكومية التعيين فيها مب سهل

ومافيه تحديد عدد مثالي وغير مثالي

هو مثل نصاب محددينه للتعيينات كل سنة بناء على الارقاء الوظيفية اللي تمنحها الخدمة المدنية

التوزيع قد يكون على حسب الاحتياج فعلا

لكن الواسطة الممرضة واللي اعتبرها سرطان يجعل الفساد يستشري لما تكون من الوزير

يشيل ويحط على كيفه ويتسبب في تكدس وانتشار آفة البطالة المقنعة

بس علشان فلانه مرت ولد خالتة الوزير وعلانه بنت ولد عم ولد جد الوزير !

[توشيبا]

:eek5:

الكلام في وين .. ورايك وتحليلك وداااك وين

حد قالك احنا في جبهة !

لما اقول رايي بموضوعيه معناتها انا ضد بلادي ؟


حدث العاقل بما يعقل :rolleyes2:

كلامي مب موجه لج بس ضحيت فيج ان شاء الله الجاره تفهم

< مزاج :tease:

الحين احس مخي مقفول اليوم الوطني اجازه الاربعاء والخميس ولا بس الاربعاء :(

[تغلبية]

في اغلب الوظائف الحكوميه يكون تكدس وظيفي وزيادة موظفين وقلة انتاجيه.. السؤال كيف يخترع المختصين انظمة لاعادة توزيع المهام وتطوير الموظفين وتسليم الخبز لخبازه لكل متخصص.. يجب ان يعمل في تخصصه.. هللا ان نطلع على التجربه السنغافوريه في الاداره الحكومية؟ اعتقد انها احد اكثر الدول تقدم في الانظمة الحكومية لدرجة ان العمل في القطاع الخاص اسهل وافضل لهم من العمل الحكومي.. تحياتي



قطر قبلتهم دبي !

مع ان التجارب السنغافورية والماليزية قتلت دراسة واستشفاف ولكن تبقى المسألة مسألة "فكر تنموي" وليست فقط تجربة وتطبيقها !

لو وجدنا من يملك هذا الفكر بإمكاننا رسم خطة قطرية فريدة من نوعها تناسب المجتمع القطري وتكون تجربة جديدة وإضافة على تجارب على العالم



ولكن يبدو لا حياة لمن تنادي !

[تغلبية]

كلامي مب موجه لج بس ضحيت فيج ان شاء الله الجاره تفهم

< مزاج :tease:

الحين احس مخي مقفول اليوم الوطني اجازه الاربعاء والخميس ولا بس الاربعاء :(



انزين اشرايك تقرا هالمقتطف .. عجبني .. يمكن يعجبك :waiting:

http://www.m5zn.com/newuploads/2013/12/15/jpg//m5zn_713c83bd958cc9f.jpg (http://www.m5zn.com/out.php?code=15103247)

[توشيبا]

انزين اشرايك تقرا هالمقتطف .. عجبني .. يمكن يعجبك :waiting:

http://www.m5zn.com/newuploads/2013/12/15/jpg//m5zn_713c83bd958cc9f.jpg (http://www.m5zn.com/out.php?code=15103247)

شكرا

وهذا الرابط لتحميل كتاب سير أعلام النبلاء

http://www.saaid.net/book/3/618.zip

[الدوحه1]

http://www14.0zz0.com/2013/12/26/05/620038055.jpg (http://www.0zz0.com)