وين أفصل المطابخ .. احترت !!

[Chambray]

الصراحة لحد الآن مافصلت مطابخ
ولازلت محتار مابين نابينا و الاختصاصي
بس مشكلة الاختصاصي ان ماعنده تشكيلات كثيره
ونابينا مشكلته انه خشب مش المنيوم

لذلك

ارجو منكم ترشيح مكان جوده وشغل ممتاز واسعار معقوله

رحت العبيدلي ،، الاسعار جداً غاليه ..

افكر بالرياض صراحة
لكن هل حد فصل اهناك ؟ وشلون اخذوا المقاسات ؟؟؟ عندي 3 مطابخ ( 1 رئيسي و 2 بانتري )

[حسن الاحمد]

مساء الخير بو محمد
كلم هالرقم شركة ممتازة وشوف أسعارهم ...

[Chambray]

مساء الخير بو محمد
كلم هالرقم شركة ممتازة وشوف أسعارهم ...
اشكرك .. بس ايش اسم المحل ؟؟

[captin]

مرحبا أخوي

انا مريت بمثل مرحلتك ولفيت على اكثر من محل للمطابخ
منهم نابينا والاختصاصي وبيت المطابخ والعبيدلي وغيرهم كثير

في الأخير عجبني معرض قطر للمطابخ عندهم الومنيوم شبيه بالخشب بألوان
متعددة منها المودرن ومنها الكلاسيك اللي يعطيك ايحاء بأن المطبخ خشب.

المسوول بالمحل اسمه عبدالرزاق مغربي الجنسية ومحلهم طريق سلوى
وانت جاي باتجاه الدوحة علي يمينك تقريبا مقابل محطة بترول العزيزية.


موفق اخوي

[اللوز]

عندكم الحسن للالمنيوم
سوق الحراج
شغل محترم وترتيب 100 %

[مهاجر]

انا عندي نفس المشكله ولا ادري وين افصل المطابخ

[Azizuk]

والله بعد ألف والدوران لقيت احسن محل وفي المصداقية والجودة والتصميم رافكو عندهم تصنيع وتفصيل محلي بمواصفات أوربية وعندهم تصنيع أوروبي من ألمانيا وإيطاليا بس سعر الأوربي غالي شوي بس شغل ممتاز ودقة في المواعيد سوى المحلي أو الأوربي

[حسن الاحمد]

اشكرك .. بس ايش اسم المحل ؟؟

شركة مشهورة .. مابغي أذكر اسم الشركة علشان ماتصير دعاية ...

[ســــند]

الي يبي محل مضمون ماعليه غير يكلمني وله بعد تخفيضات لانه صاحبه يعرفني

[أم وضاحي]

نصيحة من مجرب

تبي شي كواليتي و هيفي ديوتي و يعيش معاك عمر

أدفع
و هي بتدفعها مره وحده مهب كل سنه و لا كل شهر
مره وحده بس لكن بترتاح بعدين

إذا كان المطبخ الرئيسي هو مطبخ خارجي احسن شي الستانليس ستيل
رغم انه غالي لكنه يعيش و يستحمل

إذا كان داخلي و شغل خفيف المطابخ الجاهزه اللي ديكورات و ألوان
بس أنتبه لمفاصل الكبتات
هاي مأساة أغلب المطابخ الجاهزه

أنا عني أحب المطابخ الداخليه إللب مالت الدلع يعني حق شاي قهوه ريوق كيك و سوالف الخفايف تكون نفس تصاميم أيكيا و أيكيا يعطونك ضمان على المطابخ ما بين 5 إلى 10 سنوات
وفي نفسهم مطابخ أعتقد أسمها المطابخ الألمانيه في طريق سلوى يصمم لك نفس التصاميم و بعد ضمانهم 10 سنوات

[انا حره]

عالم المطابخ الي بطريق المطتر وله فرع بالعزيزيه نفس مطابخ السعوديه واسعاره معقوله

[انا حره]

طريق المطار بعد كافود

[مهاجر]

الي يبي محل مضمون ماعليه غير يكلمني وله بعد تخفيضات لانه صاحبه يعرفني

ممكن رقمك

[مهاجر]

افضل سعر وشغل للمطابخ الالمنيوم لقيتهم في محلين : عالم المطابخ ، المطبخ اللبناني

[معماري قطري]

انا توفقت في محل كان فاتح سنتين بس وسكر في بداية السوق اللي ورا دوار العزيزية وانت رايح للصناعية .. إسمه على ما اذكر ديكو للمطابخ .. وكان صاحب المحل رجال فاضل ملتحي من عائلة الجناحي .. وكان صراحة مراعي الله في الأسعار .. سوى لي مطبخين وبانتري المطبخ الرئيسي والبانتري اتفق مع مصنع تابع لماركة كراب تري الانجليزية ويصنع بموادهم وبمواصفاتهم .. والخشب الأبيض السولد الخفيف مصبوغ بألوان متعددة وصبغ أفران ما يتغير .. الغريب إن المطابخ الثلاث كلفتني 35000 والألمنيوم الثالث كان للمطبخ الخارجي ومن قطر وأغلبه تكسر ويبي له صيانة .. أما الخشب راقي وللحين ما فيه مشاكل .. التكلفة كانت بدون مغاسل وبدون رخام.

المشكلة قلت للمالك شكل محلك بيخسر بسبب رخص الأسعار وصحيح خسر وسكر الله يرزقه وين ما يكون .. رايي تحاول تشوف حد ياخذ لك المقاسات ضبط ويسوي لك اسكتشات وتروح تنفذ في السعودية .. أو تتفق معاهم هم يجون يركبون بعد ولو تحصل مصنع crabtree بتستفيد وايد لأن حتى الزجاج اللي يستعملونه نوع ثاني فيه لمعة وكسرات حلوة .. وهم ممكن يسون لك دزاين بس خذ مقاسات وظروف المكان من أماكن نقاط الكهربه والماي والنوافذ والأبواب.