نطالب باستمرار درب الساعي حتى نهاية الشهر

[كود نمبر]

السلام عليكم

الي يروح درب الساعي بكل صراحه ماوده يطلع منه
الموقع ممتاز وفيه من الترفيه الشي الكثير للاطفال
وفيه من الحرف و الشغلات التراثيه الكثير

موقع الاحتفال متعوب عليه ومصروف عليه الكثير من قبل الدوله
بكل صراحه حرام يكون مدته اسبوع المفروض يكون طول شهر 12
لان الدوله مكلفه عليه فحرام يكون مدته قصيره

اتمنى من المسئوالين ان يمدون في فترة حفل درب الساعي حتى نهاية الشهر

[OM_OMAR_QATAR]

مؤيددددددددددة

[عاشق العديد]

هو متى اخر يوم انا مارحت لين الحين والله ..

[لاجئ عاطفي]

هو فعلا مجهود تشكر عليه الدولة وفيه فائدة كبيرة وكثيره للاجيال الحاليه لمعرفة تراث بلادهم وايضا معلم للزوار الجدد للدولة لمعرفة تراث وعادات اهل البلد وحرام هالمجهود يكون مدته اسبوع فقط ياليبت يتم تمديده لشهر وشكرا لكل من ساهم وكل من شارك في هذه الفعاليات القيمه والمشرفه

[راشد محمد]

متى اخر يوم

[حبر وقرطاس]

غير مؤيد

لان جميع الجهات المشاركه موظفيها مرابطين صبح ومسا دوامين
ولا قادرين يسترخون او يرتاحون حالهم حال الجمهور الي يحضر

وبعدين الموقع ممكن يستثمر لاحقا لجهات اخرى تقدم مالديها للمواطنين والعائلات

لان الكادر الحالي الله يعطيهم العافيه بذلوا مجهود كبير ومتعوب عليه

خاصه يوم النساء لان ماشالله الحريم كل وحده جابت عيالها وهدتهم فالموقع

الي حضر يوم النساء امس مايكرفون الامن ما وقف من كثر الاعلان عن الاطفال الضايعيين هههههه


تحياتي

[تغلبية]

^


يعطيكم العافية

الله مصخركم لنا :)



مؤيدة يخلونة لين نهاية شهر 12 وخاصة إن الأجواء حلوة

[امـ حمد]

غير مؤيده
لان جميع الجهات المشاركه موظفيها مرابطين صبح ومساء دوامين وهدين شغلهم
ولا قادرين يسترخون او يرتاحون حالهم حال الجمهور الي يحضر
الله يعطيهم الصحه والعافيه

[Locale]

غير مؤيد

لان جميع الجهات المشاركه موظفيها مرابطين صبح ومسا دوامين
ولا قادرين يسترخون او يرتاحون حالهم حال الجمهور الي يحضر

وبعدين الموقع ممكن يستثمر لاحقا لجهات اخرى تقدم مالديها للمواطنين والعائلات

لان الكادر الحالي الله يعطيهم العافيه بذلوا مجهود كبير ومتعوب عليه

خاصه يوم النساء لان ماشالله الحريم كل وحده جابت عيالها وهدتهم فالموقع

الي حضر يوم النساء امس مايكرفون الامن ما وقف من كثر الاعلان عن الاطفال الضايعيين هههههه


تحياتي



هههههههههههه من بينهم بنت اختي
والله بغت اتصير هوشه شوي والحريم بيضربون الشرطي

[سهم عتيج]

غير مؤيد لاسباب دينية خاصة ان غير المسلمين سيحتفلون باعياد الميلاد ورأس السنة،، ونخشى مستقبلا ان يتم الخلط بين المناسبات الوطنية واعياد غير المسلمين،، كفاية العديد من المسلمين صاروا يرقدون ويسافرون ويشردون في اعياد المسلمين،، ويعدوا العدة لاحتفالات اليوم الوطني ومن بعده احتفالات رأس السنة وغيره من اعياد غير المسلمين

والله المستعان

[بصمة قطرية]

مؤيدة ..
خاطري أروح و أودي العيال في خاطرهم يروحون ..
بعد اليوم الوطني بتخف الزحمة و بنقدر نروح
في حال إستمر لين نهاية الشهر ..

[كود نمبر]

يأخوان الموقع متعود عليه مصروف عليه ملايين
بنسبه للموظفين حلهم بسيط وهو المتطوعين واحنا نشوف
في كل بطوله تصير عندنا هناك متطوعين الي يبي يجهز نفسه
بنسبه لاخونا سهم الأعياد مالها شغل الجنه ألمنظمه مشددة على موقع الاحتفال
ولا يوجد فيه مثل الي حاصل في سوق واقف وهذا شي جيد ومسحوب لهم
أتمنى الجميع يزور الموقع ويدلي برأيه بعدين أتمنى لو كان على اكبر وصار
مثل القرية العالميه في دبي

بنسبه لآخر موعد لدرب الساعي يوم السبت القادم

[دلال قطر]

فكره طيبه امس افكر مع الوالده اتكلم ف وطني الحبيب واطرح هالاقتراح .. لان فعلا الصغار مستانسين والاجانب قاعدين يتعرفون على تراث وماضي وحاضر قطر من خلاله


بس يبغي لها ترتيب وتنظيم وتنويع ف الفعاليات والكورنرات
^ مارحت هالسنه لان اللي راحو قالو نسخة العام !

[بنت مريخ]

مؤيده
الموظفين يحطون بدالهم متطوعين
الا مره في السنه

[الزعفراني]

أنا عندي اقتراح مرضي نوعا ما .. اعادة افتتاح الفعاليات في عطلة الربيع .. مع إمكانية إضافة وتطوير بعض الفعاليات بحيث تناسب جميع الفئات

[NINA RICCI]

لو يخلون الدخول بتذاااكر وايد احسن على الاقل تخف الزحمه , لان في يوم النساء ماقدرنا نشوف ولا شي

وما اايد التمديد