لكـــزس

[أمة الله]

السلام عليكم ورحمة الله وبركاته

أخواني بغيت أعرف كم تسوى السيارة اللي بذكر مواصفاتها :-

لكزس سماوية - إي اس 300 - فل أوبشن - فتحه + جلد - 2004 - قاطعه تقريباً 25000

[بو سالم]

مب اقل من 80 ألف بس اعتقد انها بتنزل اكثر لي نزلت اللكزس الجديدة من نفس الفئة

[أغلى البشر]

عليكم السلام ورحمة الله وبركاته

اتوقع من 75 لين 80 الف لانه الشكل الجديد نزل في السوق
مع العلم انه انعرضت علي وحده لونها كحلي موديل 2003 ماشيه حوال 90000 ألف ب 60 ألف ريال واللي عرفته انها راحت 58 ألف.

والله أعلم .

[لمت داون111]

بغض النظر عن البدي الجديد

السياره بتجيب لج مابين 70-80 وطبعا اهم شي يعتمد علي نظافتها وعلي اذا ماجاتها دعمات

وبعطيج نصيحه اختي اذا ناويه تشترين سياره من اي وكاله دخلي سيارتج عليهم وهم بيشترونها أكثر من سعر السوق بكم ألف وطبعا مب لسواد عيونج بس لانج بتشترين سياره من عندهم

وبالتوفيق اختي :)

[مزيون_قطر]

عندي واحد من ربعي ودها للوكاله علشان يبيعها ولونها فضي ساموها له ب73 الف مع العلم انه شاريها ب100 الف بس اللكزس الجديده طيحت سعرها وايد

[بوخالد2]

يفضل اختى اتردينها الشركه اذا كنتي راغبه في الجديد 00 وانا عندي خصم خاااصه اذا بغيتي منهم الجديده 00 والله يوفقج انشاءالله في بيعتهااااااا

[أمة الله]

الله يجزاكم جميعاً كل الخير عالردود...بس بصراحه كسرتوا مياديفي...على جييه وايد بيطيح من سعرها.

أخوي بو خالد2....الجديده بالضبط نفس اللي عندي ماتفرق الا يمكن شوي بشكل الليتات وشي مب ملحوظ كلش...آنا ودي بفوور ويل....الطوارق والا الأودي....ويمكن بعد سبحان الله فجأه أغير وآخذ اللكزس.
عموماً ما قصرت وجزاك الله خير...ان شاء الله برجع لك اذا بغيت أطلع من عندهم.

[لمت داون111]

الظاهر مانتبهتي علي الجديده اختي لانه البدي غير كلش حتي الحجم غير :)

سوري علي المداخله بس حبيت انصحج خلج بعيد عن الطوارق ترا قطع الغيار ناار وبتتعبين مع الوكاله ومب مرغوبه ذاك الزود يعني سعرها بيطيح حزه البيع بالنسبه لاي موتر ثاني

اذا بخاطرج فور ويل حلو وعلي قدج عندج الانفيتي الfx ولا اللكزس rx350 الجديده

وبالتوفيق ان شاء الله :)