اقتراح :منع بيع اسهم الاكتتاب لمن دون 18 سنه

[لـبـيـه]

الموضوع الي حاب اكتبه وحاب اشوف ردة الفعل لدى الكل عن الاقتراح

اقتراحي هو منع بيع اي اسهم اكتتاب يتم الاكتتاب فيه من الافراد القطريين للشركات الجديده فتره الاكتتابات

حتى بلوغهم 18 سنه للاستفاده وعدم هضم حقهم في حال تعدو المرحله الثانويه و يكون لهم رصيد ليوم الشده

اختصر الموضوع

اي شركه جديده يتم الاكتتاب فيها من قبل الاب لعياله الصغار لايحق للاب التصرف في الاسهم وبيعها وتكون

ممنوعه من التداول حتى يبلغ الولد 18 سنه وماعتقد اي اب راح يبخل انه يشتري اسهم لعياله ويخليها ذخر لهم وماتكلفه 2000 ريال تقريبا

والي بيقول ماعنده او بيتسلف اتوقع يوم كان في بيع الكل شرى وتسلف وباع الى للضروره

اتمنى اخذ رايكم

[ضوى]

مافهمت ؟

يعني تقصد انه العيال الصغار ماناخذ لهم الاسهم ؟

[لـبـيـه]

مافهمت ؟

يعني تقصد انه العيال الصغار ماناخذ لهم الاسهم ؟

بلعكس الى ناخذ لهم الاسهم ونخليها باساميهم وذخر لهم ويمنع بيع الاسهم لين يكبرون ويوصلون 18 سنه وعقب يقدرون يبيعون الاسهم لشراء سياره او زواج او فتح مشروع

في بداية مشوارهم للحياه العمليه هذا مقصدي من الاقتراح لانه اغلب وليس كل الاباء اول ماتنزل الاسهم يبيع وتروح الفلوس في اي شي

سواء ضروري او غير ضروري انا اذا تم البيع الابناء راح يحصلون شي يسندهم لما يكبرون

[ضوى]

بلعكس الى ناخذ لهم الاسهم ونخليها باساميهم وذخر لهم ويمنع بيع الاسهم لين يكبرون ويوصلون 18 سنه وعقب يقدرون يبيعون الاسهم لشراء سياره او زواج او فتح مشروع

في بداية مشوارهم للحياه العمليه هذا مقصدي من الاقتراح لانه اغلب وليس كل الاباء اول ماتنزل الاسهم يبيع وتروح الفلوس في اي شي

سواء ضروري او غير ضروري انا اذا تم البيع الابناء راح يحصلون شي يسندهم لما يكبرون

اها الحين فهمت

بس اخوي مافيها شي لباعوا الاسهم قبل بلوغهم يمكن لبنيان يمكن لشي ضروري ، لانه لو صدر قرار راح يتضرر المحتاج وغير المحتاج ، خاصة انه مثل هالاكتتابات هي فرصة لهم لتحسين مستوى المعيشة اكثر من انها تكون ذخر لعقب

[لـبـيـه]

اها الحين فهمت

بس اخوي مافيها شي لباعوا الاسهم قبل بلوغهم يمكن لبنيان يمكن لشي ضروري ، لانه لو صدر قرار راح يتضرر المحتاج وغير المحتاج ، خاصة انه مثل هالاكتتابات هي فرصة لهم لتحسين مستوى المعيشة اكثر من انها تكون ذخر لعقب

صحيح الحمد لله حن في نعمه ومع ذالك كتبت في اخر سطر مافيها شي لو باع للضروره وشاكر لج تفاعلج

[لمت اب]

شكرا على اقتراحك
لكني غير مؤيد للاقتراح
الأب او ولي الأمر هو اعرف بمصلحة من يعول
صباح الخير للجميع

[لـبـيـه]

وجهة نظر احترمها

شاكر مرورك

[بن موسى]

حلو اقتراحك ويستفيد منة هوامير البورصة

على المدى البعيد والقريب

ياليتني هامور

[حسن]

موضوعك شوي ماينفهم في البدايه بس بعد التاني فهمت ابشرك

شوف والله اعلم الكثير يخلي لعياله وخصوصا اصحاب المال ام الفقاره اللي مثلي عادي على حسب الضروره نبيع ونعوض ونتمنى ان عدد عيالنا يوم الاكتتاب
بالمئات لكن شنسوي حريم الوقت تاريخ صلاحيتهم قصير مثل دياي الكانتين بسرعه تكبر


انا مش مع اقتراحك لان انت ومالك لابيك

هذه وجهه نظري

وتقبل تحياتي

[Abdulraman]

الواحد وده مايبيع اسهم عياله ولكن كل على حسب ظروفه

[قطريه22]

لا ماأيدك في هالاقتراح
مب كل الناس مثل بعض في بعضهم يستغل وبعضهم صج يشتري هالاسهم لعياله
فأنت ماتقدر تعمم هالاقتراح على كل الناس بسبب فئه معينه ماتخاف ربها..

[لـبـيـه]

حلو التفاعل طيب

[q6ri_vip]

شي شخصي ع ماأعتقد فصعب التدخل بمثل هالأمور

[khalid525]

هذا الامر مرتبط في قوانين الاحوال الشخصية والشريعة، وطالما ان الاب هو الممول للاسهم فله الحق بالتصرف قبل بلوغ الطفل لسن الرشد ، وتبي الصراحة لو الاب يضيع الفلوس بيتم ملزوم يصرف على الولد ، بس الخوف الولد يكبر ويصرف فلوس الاسهم على موتر وكم سفرة :)

[Abdulla Al.F]

اخوي لبيه منور قسم العام :nice:
اقتراحك حلو .. بس صعب يتطبق مثل ماذكرو الاخوان كل واحد و ظروفه

بس على شوفت عينك .. اول ماينزل السهم في السوق .. الكل يبيع و المحافظ القطريه و الاجنبيه تلملم في الاسهم بسعر التراب
مثل ماصار في صناعات و الريان و غيرها من الاسهم ..

بس بعد ماتقدر تمسك الكل شتسوي

[بصمة قطرية]

الأغلبية يشترون أسهم بأسماء عيالهم عشان يستفيدون منها
يبيعونها إذا إرتفعت
وهالشي مب غلط بالعكس جداً عادي ..
الأب بيشتري الأسهم بفلوسه و يحق له يتصرف فيها ..
لكن لو تركها لعياله فهالشي من طيب خاطر ..
مب مجبور لأنها فلوسه ..

[طير حوران]

موضوعك شوي ماينفهم في البدايه بس بعد التاني فهمت ابشرك

شوف والله اعلم الكثير يخلي لعياله وخصوصا اصحاب المال ام الفقاره اللي مثلي عادي على حسب الضروره نبيع ونعوض ونتمنى ان عدد عيالنا يوم الاكتتاب
بالمئات لكن شنسوي حريم الوقت تاريخ صلاحيتهم قصير مثل دياي الكانتين بسرعه تكبر


انا مش مع اقتراحك لان انت ومالك لابيك

هذه وجهه نظري

وتقبل تحياتي




:nice: انت صح يابوعلي

اقتراحك غير مقبول يالبيه ففيها مخالفه صريحه للشرع

لأن المال مالي وليس ماله او مال الدوله وحتى لوكان العكس

اما اقتراحك بالبيع عند الحاجه فكيف يبيع الممنوع ؟؟؟؟؟؟؟؟!!!!!!!!!!

[BuFaisal]

الاكتتابات الاخيره فشلت مع انهم فتحوا باب الاكتتاب لكل القطريين

تخيل لو منعوا من هم أقل من 18 سنة :)

[cavok]

اي واللة كل على حسب ظروفه

[المنسى]

متى بتنزل الاسهم ماعندكم خبر

[رحال]

كل واحد وأعلم بظروفه

أنت أيش دراك بحال الناس ؟؟؟

في ناس على الله وعلى الراتب

وفي ناس تسكر ديون البنوك اللي خذت اليابس والخضر

وفي ناس تزوج عيالها اللي في سن الزواج

دع الناس وشأنهم لأن في فئات ماتقدر تجمد فلوسها سنين

[Aljans]

كانك تقول الفقير اللذي على قد حاله لا يشتري أسهم لعياله الأقل من 18 سنه. يعني كيف برد سلفية قرض الأسهم.

[رحال]

:nice::nice:
كانك تقول الفقير اللذي على قد حاله لا يشتري أسهم لعياله الأقل من 18 سنه. يعني كيف برد سلفية قرض الأسهم.

:nice:

[عيسى111]

الموضوع الي حاب اكتبه وحاب اشوف ردة الفعل لدى الكل عن الاقتراح

اقتراحي هو منع بيع اي اسهم اكتتاب يتم الاكتتاب فيه من الافراد القطريين للشركات الجديده فتره الاكتتابات

حتى بلوغهم 18 سنه للاستفاده وعدم هضم حقهم في حال تعدو المرحله الثانويه و يكون لهم رصيد ليوم الشده

اختصر الموضوع

اي شركه جديده يتم الاكتتاب فيها من قبل الاب لعياله الصغار لايحق للاب التصرف في الاسهم وبيعها وتكون

ممنوعه من التداول حتى يبلغ الولد 18 سنه وماعتقد اي اب راح يبخل انه يشتري اسهم لعياله ويخليها ذخر لهم وماتكلفه 2000 ريال تقريبا

والي بيقول ماعنده او بيتسلف اتوقع يوم كان في بيع الكل شرى وتسلف وباع الى للضروره

اتمنى اخذ رايكم

الأسهم مطروحة للإكتتاب وليست للإكتئاب

[ريم الشمال]

اعتقد من حكم في ماله ما ظلم
اسهم تم شرائها من مال الأب ثم قام ببيعها ما فيها حرام
أنت ومالك لأبيك

[السهم الملتهب]

انت ومالك ونفسك ملك لوالدك فهو المسئول عنكم وهو من يدبر اموار الاسرة مافيه احد يفرض علينا ما نفعله او ندبره في شؤون بيتنا واولادنا حتى الدولة نفسها مالها حق . الكل حر في بيته وعيالة واسرته ومالة وهو اعرف بشؤونه الخاصة .
اتمنى حذف هالموضوع لان لا فادة ترجو من وراه.
انتم ما تعرفون وش ظروف الشعب او تحترمون خصوصياته .

[لـبـيـه]

انت ومالك ونفسك ملك لوالدك فهو المسئول عنكم وهو من يدبر اموار الاسرة مافيه احد يفرض علينا ما نفعله او ندبره في شؤون بيتنا واولادنا حتى الدولة نفسها مالها حق . الكل حر في بيته وعيالة واسرته ومالة وهو اعرف بشؤونه الخاصة .
اتمنى حذف هالموضوع لان لا فادة ترجو من وراه.
انتم ما تعرفون وش ظروف الشعب او تحترمون خصوصياته .

خذتك الحميه يخوك شوي شوي لاينط العرق ترى كلها مناقشه للراي والراي الاخر ومش قانون او حكم جزاك الله خير

مجرد اقتراح وشفت وجهات نظر تحترم وناطر المزيد لشي في بالي

[العابــرQAT]

هذيلا عيالي ومن حقي استفيد من اسهمهم انا ابوهم وشاري الاسهم بفلوسي

بتجي انت علي اخر الزمان بتمنعنا من التصرف خوش انت واقتراحك = صفر

استفيد وابيع الاسهم وبنيت لهم بيت العمر هذا مثال

[لـبـيـه]

احترامي لمعظم الاعضاء الي ابدو رايهم بكل احترام

والبعض اترفع اني ارد عليهم لاكن بيتم النقاش مفتوح والقافله تسير

[بن موسى]

خذتك الحميه يخوك شوي شوي لاينط العرق ترى كلها مناقشه للراي والراي الاخر ومش قانون او حكم جزاك الله خير

مجرد اقتراح وشفت وجهات نظر تحترم وناطر المزيد لشي في بالي

وهل اغضبك استاذ لبيه حمية السهم الملتهب
انت يا استاذي فتحت موضوع يهم اغلب شعب قطر
ولكن بعين كبار تجار الاسهم والمستفيدين منها
ولم تهتم بمن يرجو الله بسداد دين طال امدة
ولا باسرة لاتستطيع توفير المال لاولادها للفرصة بالمدرسة بعد منتصف الشهر أو قبلة
( لايؤمن احدكم حتى يحب لاخيه مايحب لنفسة )
والسلام

[العابــرQAT]

احترامي لمعظم الاعضاء الي ابدو رايهم بكل احترام

والبعض اترفع اني ارد عليهم لاكن بيتم النقاش مفتوح والقافله تسير

الناس رافضة وانت غصب تبي اتكمل نقاش

انت لك هدف انة اسهم الاكتتاب بتوزع علي الصغار وانت تبي هالاقتراح علشان يكون الاكتتاب للكبار فقط

وتحصلك خيشة اسهم كفرد بالغ صج طماع واناني

[لـبـيـه]

وهل اغضبك استاذ لبيه حمية السهم الملتهب
انت يا استاذي فتحت موضوع يهم اغلب شعب قطر
ولكن بعين كبار تجار الاسهم والمستفيدين منها
ولم تهتم بمن يرجو الله بسداد دين طال امدة
ولا باسرة لاتستطيع توفير المال لاولادها للفرصة بالمدرسة بعد منتصف الشهر أو قبلة
( لايؤمن احدكم حتى يحب لاخيه مايحب لنفسة )
والسلام

هو مجرد اقتراح وليس قرار رسمي يا اخي كمن يطلب ازالة الردارات ومن يطلب زيادتها

اذا مع الاقتراح قول مع او ضد وفقط وليس حرب كلاميه ارجو ان تتسع صدوركم

على العموم اسف اذا جرحت كرامتكم باقتراحي ونكمل المناقشه والاقتراح

[بن موسى]

هو مجرد اقتراح وليس قرار رسمي يا اخي كمن يطلب ازالة الردارات ومن يطلب زيادتها

اذا مع الاقتراح قول مع او ضد وفقط وليس حرب كلاميه ارجو ان تتسع صدوركم

على العموم اسف اذا جرحت كرامتكم باقتراحي ونكمل المناقشه والاقتراح

لك كامل الاحترام استاذ لبية ولكن بما انك وضعت موضوعك في الحوار العام عليك تقبل اراء شريحة من المواطنين تمثل راي غالبية الشعب

( وانا ضد الاقتراح )
واسمح لي على بعض المداخلات الغاضبة
ولكن اقترحك استاذي مزعج لي وللكثير من امثالي
لان الامر ببساطة
اغلب المسؤولين مستفيدين من اقتراحك
وليس مستبعد عليهم تطبيقة بشخطة قلم
وتراها في ذمتك يالبيه أن طبقت

[توشيبا]

مب كل الاباء يبعون اسهم عيالهم

من دخلت الاسهم عندنا في قطر وابوي يشتري باسمي ولا عمره باع شي باسمي ولا باسم اخواني

وانا للحين ماعمري بعت لي سهم واحد


ولا افكر ابيع بعض الاسهم من نفسي متنازل عنها ولا ابيها فيها رباء وللاسف ماكنا نعرف الا اذا شرينا

[غير عنهم]

ماهو سهل هالمنتدى ونبارك لصاحب الفكره تم الأخذ بها ههههههههه

[العابــرQAT]

صاحب الفكرة حلال عليك اسهم عيالي مب مكتتب بسبب الحجز

حرمتهم من رزقهم

حسبي الله عليك

ولا حول ولا قوة الا باللة

[Aljans]

ماهو سهل هالمنتدى ونبارك لصاحب الفكره تم الأخذ بها ههههههههه



:nice:

[بوخالد911]

اقتراح زين وشين بنفس الوقت


والله يوفق هل قطر

[غير عنهم]

هذا دليل ان المسوولين يتقبلون النصح وفرحتي بتقبل الفكره فوق حجم اي شي اخر يعني شخص عنده فكره لها مردود ايجابي لا يتردد في طرحها او ملاحظه اوتقصير من اي جهه راح يكون له صدا لدى المسؤولين

[العابــرQAT]

هذا دليل ان المسوولين يتقبلون النصح وفرحتي بتقبل الفكره فوق حجم اي شي اخر يعني شخص عنده فكره لها مردود ايجابي لا يتردد في طرحها او ملاحظه اوتقصير من اي جهه راح يكون له صدا لدى المسؤولين



انت فرحت لانك اتدور مصلحة نفسك بس

لكن مئات الاسر القطرية كان الاقتراح مصيبة عليها

شنو الايجابية اللي قاعد اتخربط بها انك قدرت تحرم الناس من الاكتتاب لعيالها

استمتع بالاكتتاب عندنا البورصة للمضاربة احسن بدال الكلام الفاضي اكتتاب

[لـبـيـه]

صاحب الفكرة حلال عليك اسهم عيالي مب مكتتب بسبب الحجز

حرمتهم من رزقهم

حسبي الله عليك

ولا حول ولا قوة الا باللة

الله يهديك بس ماراح اقول الى الله يهديك

[توشيبا]

صاحب الفكرة حلال عليك اسهم عيالي مب مكتتب بسبب الحجز

حرمتهم من رزقهم

حسبي الله عليك

ولا حول ولا قوة الا باللة

صاحب الفكره ويش ذنبه تتحسب عليه هذا مجرد اقتراح منه يحفظ حق عيالكم

واقتراحه مب منع عيالكم من الاكتتاب بس يمنعك انت تبيع اسهم عيالك لين يكبرون واهم اللي يتصرفون فيها


واذا تقول حرمتهم يصاحب الموضوع من رزقهم روح اشتر لهم اسهم ولا تبيعها خلها في رصيدهم لين يكبرون ويتصرفون فيها مب تبيعها انت وتاكل حقها

[لـبـيـه]

صاحب الفكره ويش ذنبه تتحسب عليه هذا مجرد اقتراح منه يحفظ حق عيالكم

واقتراحه مب منع عيالكم من الاكتتاب بس يمنعك انت تبيع اسهم عيالك لين يكبرون واهم اللي يتصرفون فيها


واذا تقول حرمتهم يصاحب الموضوع من رزقهم روح اشتر لهم اسهم ولا تبيعها خلها في رصيدهم لين يكبرون ويتصرفون فيها مب تبيعها انت وتاكل حقها

اذا هو الحين بيشيل بخاطره علي خل يشيل بخاطره بس عياله يوم يوصولون 18 سنه ويحصلون لهم مبلغ يبتدون فيها حياتهم العمليه والدراسيه

وذخر هني عياله بيقولون جزاك الله خير يا صاحب القرار

لو ببيع الاسهم كم بتجيب كلها كم الف ومثل ماقلت حن بخير ولله الحمد والبطره على النعمه مب زينه

[sweet qatar]

ما اعتقد بجدوى الاقتراح.. كقيمة حقيقية للسهم

من جهة ثانية..الاب صاحب السهم الحقيقي..
هذي فلوسه محد له حق يقيد حريته ويناشبه في حلاله

مع احترامي لصاحب الإقتراح ومؤيديه. .

[العابــرQAT]

مب تبيعها انت وتاكل حقها



مكتتب لعيالي ومن حقي ابيع ولا بتتفلسف وبتحجز علينا بعد

الحمد الله بعت حق عيالي فيما مضي وقدرت ابني لهم بيت العمر يرتاحون فية

حقي وحق عيالي واحد ولا تحشر نفسك بزواية بايخة مسوي نفسك وصي علي الناس

[اجرام]

ههههههههص صدقيني بيوصل عمره 18 وتصير الفلوس تحت ايده ع طول بياخذ له اغلى سياره ويتكشخ فيها

[باراكودا]

شىء مضر ويتسبب فى الانحراف لبعض المراهقين من الافضل ترك الموضوع على ماهو عليه
وترك حرية لى ولي الامر على تقدير وقت البيع حسب ظروفة المادية طالما هو من قام بدفع مبلغ الاكتتاب .

[الجسراوي]

يالبيه

انا مواطن اعول منزل مكون من 10 افراد
وراتبي ينقص منه 30000 ريال للبنك شهريا
ويتبقى والحمدلله ما يتبقى احاول ارتب وانظم المصروف
بس عندي عيال وبنات بعضهم عدى 18 وبعضهم مازال دونه
ويبون يستانسون مثل غيرهم من البشر
ديوني اللي علي بسبب البنيان وزواج احد الابناء
ايش رايك ؟؟؟؟؟؟؟؟؟؟؟؟؟
اذا بشتري الاسهم بسلف وديون جديده
هل اخلي اسهم عيالي وانطرهم لين يكبرون وانا متبهدل مع الاقساط

وراس مالي الراتب وبس

انت بفكرتك تساعد اللي عنده مليون انه يزيد الى مليونين
يعني فكرتك محد يستفيد منها الا الهوامير وبس

اقولك وبكل اسف انا وظروفي فكرتك غير مقبوله عندي

وربي يوفق الجميع

ومشكور على الموضوع

[captin]

اقتراح حلو وفيه تخطيط للمستقبل

لكن مثل ما ذكروا الاخوان أن كل واحد وظروفه
الكثير من المواطنين راح يكتتب ويبيع مباشرة بعد الادراج
للحاجة لتسديد التزامات وغيرها

الإنسان العاقل والواعي راح يوازن الامور ويبيع على قدر الحاجة والظروف
وراح يخلي عدد من الاسهم للمستقبل كضمان وسند.

هناك اقتراح آخر وهو لو ان الدولة تنشأ صندوق ادخار براسمال كبير
ويتم ايداع الاسهم فيه سواء للكبار او الصغار وتكون مدة الايداع لمدة 5 سنوات او 10 سنوات
يقوم هذا الصندوق بادارة هاذي الاسهم وتوزيع ارباحها على ملاكها
بهذا الشكل راح نضمن عدم بيع الاسهم لمدة طويلة.

[قنديلة]

السلام عليكم بخصوص الموضوع عندي سؤال متى الاكتتاب ياجماعة في اسهم البترول ؟

[لـبـيـه]

السلام عليكم ورحمة الله وبركاته

الاسهم مكرمه من سمو الامير بسعر رخيص بلنسبه لارباحه الممتازه وصاحب المكرمه هو من له الحق بوضع الشروط (لو جاتني سياره موديل 2013


ماراح ارفضها واقول يا تعطيني موديل 2014 او ارفض هديتك ) هي هديه فشكرا سمو الامير على حرصك على الشعب ومستقبل الابناء

الاسهم التي لن يتم التداول عليها خلال اول خمس سنوات من اي مواطن كبير كان او صغير سوف تتضاعف للنصف 50%

الاسهم التي لن يتم التداول عليها في اول عشر سنوات سوف تتضاعف 100%

مبروك لنا ولعيالنا

وشكرا سمو الامير للمره المليون

[سارونه]

كل هالكلام والزعل ليه :) اي اقتراح بيكون فالمنتدى بيكون شخصي ولا له دخل فالاكتتاب ..

مجلس الادارة وش يقول بيمشي - الي مكتوب والي بيقولونه هم اصحاب القرار - محد يخاف - والرزق موجود.

قولوا ( لا اله الا الله ) ..

[البادية]

هذي الفكرة مرفوضه تماما
الاب له الحق بالتصرف باسهم ابناءه
واليوم مكتوب بالجريدة حجز 50% من اسهم القصر هذا لا يجوز ابدا الناس ضروفهم صعبه جدا اتمنى الغاء هذا القرار
اتقوا الله الناس عندها ضروف

[ولد العرب]

تم الاخذ باقتراحك ماشاء الله
بما اني متضرر ولكن الله مستعان
ويبقى اني احترمك كصاحب راي
الله يوفقك

[Riku3]

مافي اقتراح يطلع الا ومجلس الادارة والمسئولين درسوه بدل المره مليون .. وهالادارة معينه وما تم انتخابها ويجب احترام قراراتها لانها تعكس وجهة نظر ولي الامر ..

والاسهم مكرمه بسعر رمزي والـ 50% الي تقدر تبيعها بتغطي راس المال وزياااااااادة ان شاء الله :) .. وبما ان الفلوس بترجعلك هذا يعني ان الباقي مكرمه من سمو الامير لكل طفل بيستفيد منه في المستقبل ..

يالمعترض فكر في عيالك وتمنى لهم حياه احسن من حياتك الي دمرتها بالديون !! .



اقتراح حلو وفيه تخطيط للمستقبل

لكن مثل ما ذكروا الاخوان أن كل واحد وظروفه
الكثير من المواطنين راح يكتتب ويبيع مباشرة بعد الادراج
للحاجة لتسديد التزامات وغيرها

الإنسان العاقل والواعي راح يوازن الامور ويبيع على قدر الحاجة والظروف
وراح يخلي عدد من الاسهم للمستقبل كضمان وسند.

هناك اقتراح آخر وهو لو ان الدولة تنشأ صندوق ادخار براسمال كبير
ويتم ايداع الاسهم فيه سواء للكبار او الصغار وتكون مدة الايداع لمدة 5 سنوات او 10 سنوات
يقوم هذا الصندوق بادارة هاذي الاسهم وتوزيع ارباحها على ملاكها
بهذا الشكل راح نضمن عدم بيع الاسهم لمدة طويلة.
رد ممتاز .. احسنت .

[مواقف النجادة]

السالفة و ما فيها .. ان الحكومة تبي تعلم الناس الادخار غصب !

جهد مشكور من الحكومة و غرض نبيل .. وراي لا يخلو من الصواب .. سيستفيد منه اغلب المواطنين.. و سيتظرر منه الهوامير و اصحاب المحافظ ..

و لكن اللي راح فيها هم اللي عندهم حاجات ملحة او ديون او قاعد يبني بيته .. هؤلاء الله يعينهم لان الاسهم ماراح تفيدهم كثير ..

[سارونه]

كلام سليم وعين العقل - الموضوع قديم والي اصدر هالامر هم اصحاب القرار ..

دراسة الاكتتاب تاخذ وقت طويل ومناقشات بين المحاميين والشركات ..

بعد كذا يتم طرح الاكتتاب والكلام عنه في الجرائد والمواطنين ماعندهم اي معلومه بهذا الشي..

[معماري قطري]

انا مع عدم البيع وحفظ حقوق الأبناء والله يعوض ابوهم خير

حكومتنا تبي لنا ولهم الخير خصوصاً في الإكتتاب هذا الأخير وزين سمحوا ببيع نص الأسهم للمحتاج

[مستوى الدعم]

كلام سليم وعين العقل - الموضوع قديم والي اصدر هالامر هم اصحاب القرار ..

دراسة الاكتتاب تاخذ وقت طويل ومناقشات بين المحاميين والشركات ..

بعد كذا يتم طرح الاكتتاب والكلام عنه في الجرائد والمواطنين ماعندهم اي معلومه بهذا الشي..


هذا هو الكلام الصحيح..
الموضوع مدروس منذ أكثر من 18 شهراً.. وكان الجدل فقط حول الآلية التي سيشجعون المواطنين بها على الادخار..
الأمور لا تؤخذ اعتباطاً في اكتتاب حساس مثل هذا..
بل هناك ميزانيات عن سنوات سابقة ودراسات جدوى.. وموازنات تقديرية

موضوع الأخ "لبيه" كان أمنية صادف أن ولاة الأمر كانوا فكروا بها قبل وقت طويل.. ومن يعتقد أن له حوبة.. فالأخ صاحب الموضوع لا يتحملها..

[جارح]

أرى من منظور مستقبلي ان الاخ لبيه اصاب فيما اقترح به وسأقوم بتفصيل الاسباب بنقاط مختصرة وموجزة
1- المؤسسات ستدخل بالحد الاعلى وتم تحديد نسبة 6% من الاجمالي لهم
2- نفترض ان الكمية المتبقية سيتم حجز مامقدارة 50% من نصيب المكتتبين واعتقد سيحضون بنصف الكمية حيث متوسط الاعمار لايتجاوز 18
3- الكمية المتبقية سيكون بينها من هم يفضلون الاحتفاظ بالاسهم للحصول على المنحه المجانية من الاسهم بعد 5 سنوات
ببساطة كم كمية الاسهم التي ستم التداول عليها ولا ننسى التهافت الذي سيحصل من قبل المحافظ والشركات والاجانب لامتلاك السهم لعوائدة الممتازة( وقد اصابت الدولة في ابعاد هذه الفئات عن الاكتتاب واختصارها على المواطن القطري فقط) خصوصا ان الداعم الاكبر له هي قطر للبترول هذا الامر سجعل من السهم من وجهة نظر اقتصادية هو نجم 2014 واعتقد ان كل من اكتتب سيسترجع رأس ماله مضاعف ولن يخسر شيئا بحجز نصف كمية الاسهم المخصص لابنائة لانه بهذا الحجز ضرب عصفورين بحجر
الاول- ادخار للمستقبل
الثاني- الحصول على المنحه المقررة
هذا ماخطر لي من خلال ماقرأت والامر اولا وأخيرا بيد الله سبحانه هو مقسم الارزاق وكاتبها

[Aaziz]

انصح بمنحك فيلا في الخليج الغربي و مرسدس 550 بوراس دجاجة و راتب 100 الف دولار

[توشيبا]

مكتتب لعيالي ومن حقي ابيع ولا بتتفلسف وبتحجز علينا بعد

الحمد الله بعت حق عيالي فيما مضي وقدرت ابني لهم بيت العمر يرتاحون فية

حقي وحق عيالي واحد ولا تحشر نفسك بزواية بايخة مسوي نفسك وصي علي الناس

هذا ردك علي وانت معصب

وهذا ردك علي صاحب الموضوع


حرمتهم من رزقهم

حسبي الله عليك

ولا حول ولا قوة الا باللة


بعنب قلت كلمه وحده متعمد ابغي اشوف ردك احس لو قاعد عندك كان مديت ايدك علي

وصاحب الموضوع قايل اقتراح ويوم طبقو نفس اقتراحه كانو مسوين دراسه من اشهر ولا له ذنب صاحب الموضوع

حتى انك تتحسب عليه وتقول انه السبب في حرمان زرق عيالك


ومارضيت عليك بردي وانا اعتذر عشان ارضى عليك بردك علي صاحب الموضوع وماله اي ذنب

ويليت كان ردك علي مثل رد صاحب الموضوع عليك

[توشيبا]

أرى من منظور مستقبلي ان الاخ لبيه اصاب فيما اقترح به وسأقوم بتفصيل الاسباب بنقاط مختصرة وموجزة
1- المؤسسات ستدخل بالحد الاعلى وتم تحديد نسبة 6% من الاجمالي لهم
2- نفترض ان الكمية المتبقية سيتم حجز مامقدارة 50% من نصيب المكتتبين واعتقد سيحضون بنصف الكمية حيث متوسط الاعمار لايتجاوز 18
3- الكمية المتبقية سيكون بينها من هم يفضلون الاحتفاظ بالاسهم للحصول على المنحه المجانية من الاسهم بعد 5 سنوات
ببساطة كم كمية الاسهم التي ستم التداول عليها ولا ننسى التهافت الذي سيحصل من قبل المحافظ والشركات والاجانب لامتلاك السهم لعوائدة الممتازة( وقد اصابت الدولة في ابعاد هذه الفئات عن الاكتتاب واختصارها على المواطن القطري فقط) خصوصا ان الداعم الاكبر له هي قطر للبترول هذا الامر سجعل من السهم من وجهة نظر اقتصادية هو نجم 2014 واعتقد ان كل من اكتتب سيسترجع رأس ماله مضاعف ولن يخسر شيئا بحجز نصف كمية الاسهم المخصص لابنائة لانه بهذا الحجز ضرب عصفورين بحجر
الاول- ادخار للمستقبل
الثاني- الحصول على المنحه المقررة
هذا ماخطر لي من خلال ماقرأت والامر اولا وأخيرا بيد الله سبحانه هو مقسم الارزاق وكاتبها

احسنت اخوي

لو نروح من الناحيه الاجتماعيه بنشوف حقوق الابناء ضايع

1- يكونو الابناء بحضانة الام والاب يستقل اسمائهم ولا يسفتيدو الابناء من خلال الاكتتاب باي فائده

2- يكون الاب ميخاف الله وراعي شراب وسفرات ويضيع حق عياله في بلاويه

[حياة]

اشوف القرار زين صراحه وفي صالح العيال

[عيسى111]

إذا كان العائد على السهم جيد فالفكرة صائبة

نبغي نعرف بيانات الشركة هذا أهم شيء

اللي عنده بيانات صحيحة يحطها لنا

لأن كثر الكلام ما منه فايدة

[omabdulla]

التفاصيل في موقع وزارة الطاقه والصناعه

[أسد الجزيرة]

على كلام موقع وزارة الطاقه والصناعة انه ارباحها 4 مليار ريال

[مخطط قطري]

القرار فاشل بمعنى الكلمه اذا هم والله حريصين على القصر يدفعون عنهم الاكتتاب ويخلونهم لين 18 اما انا ابو ل6 او 7 عيال وتجمدون نص راس مالي لين يكبرون وتعطونهم حقهم بالله وصل سعر السهم اقل من الاكتتاب من بيعوضني!!

[Aljans]

القرار فاشل بمعنى الكلمه اذا هم والله حريصين على القصر يدفعون عنهم الاكتتاب ويخلونهم لين 18 اما انا ابو ل6 او 7 عيال وتجمدون نص راس مالي لين يكبرون وتعطونهم حقهم بالله وصل سعر السهم اقل من الاكتتاب من بيعوضني!!

كلامك صحيح ممكن أيضا بطلع الأبن مبذر، أو متهور، أو سفيه (فتش عن البطانة).

قوله تعالى:
﴿ وَلَا تُؤْتُوا السُّفَهَاءَ أَمْوَالَكُمُ الَّتِي جَعَلَ اللَّهُ لَكُمْ قِيَامًا وَارْزُقُوهُمْ فِيهَا وَاكْسُوهُمْ وَقُولُوا لَهُمْ قَوْلًا مَعْرُوفًا * وَابْتَلُوا الْيَتَامَى حَتَّى إِذَا بَلَغُوا النِّكَاحَ فَإِنْ آَنَسْتُمْ مِنْهُمْ رُشْدًا فَادْفَعُوا إِلَيْهِمْ أَمْوَالَهُمْ وَلَا تَأْكُلُوهَا إِسْرَافًا وَبِدَارًا أَنْ يَكْبَرُوا وَمَنْ كَانَ غَنِيًّا فَلْيَسْتَعْفِفْ وَمَنْ كَانَ فَقِيرًا فَلْيَأْكُلْ بِالْمَعْرُوفِ فَإِذَا دَفَعْتُمْ إِلَيْهِمْ أَمْوَالَهُمْ فَأَشْهِدُوا عَلَيْهِمْ وَكَفَى بِاللَّهِ حَسِيبًا ﴾

[bukhalid]

قرار غير صائب نهائيا :)

الأب راح يكتتب بفلوسه ولو ماكتتب بسبب هذا القرار يعني القرار ضيع المصلحة للأسرة .

فكر من المستفيد ؟

غير جذيه

الي كان بيمول بمبلغ الكبير الحين مستحيل يمول لأولاده بمبلغ كبير ليش ؟ لانه ما يقدر يبيع

ومع هذا الخبر عدد المكتتبين ممكن يقل بشكل كبير خاصة من القصر وممكن الي يمول يحصل اسهم اكثر من المتوقع بس في المقابل بيكون عليه دين وبنسب أرباح عاليه لان. فكرة التمويل انه أيكون قصير الأمد والشخص يسدد من البيع او خلافه .

من المستفيد اسأل مره ثانيه ؟

نعم أحجز نص الأسهم ولن يكون على القرار غبار منطقي على الأقل الأب او ولي الامر يرجع راس ماله وابنه يستفيد لما يكبر اما انه انا ادفع افلوس وأفلوسي تنحجز ليش ؟ طيب انا اقدر يمكن غيري مايقدر ؟ عيل ما أكتتب أحسن .

او الدولة تكتب لهم وتمنع البيع جذيه ان قول كلام جميل ومقنع .

من المستفيد ؟

[bukhalid]

طبعا بكره دام انه منع التصرف في السهم بيطلع لك بفنتك جديد ويقولك الأرباح بعد ما تتصرف فيها لين يبلغ الولد .

راحت فلوسك يا صابر

هههههه

الله المستعان ماراح نخلص من الارتجال .

[غير عنهم]

المفروض مايتم الحجز على اسهم القصر لان ولي الامر رب الاسره هو الداعم للاسره من تربيه من الصغر حتى يتوظف وشلون يتم حجز المبلغ على الاب والعرف الشرعي انت ومالك لابيك وليس مال الاب للولد يانهم يمنحون اسهم مجانيه للابناء او يخلون الاب الي حط افلوسه يتصرف في حلاله

[عنيــــد]

كان فيه عدة آليات تضمن الادخار للمستقبل و لكن بطرق افضل بكثير ،،

و لكن منع التصرف بكامل كمية اسهم القصر حتى سن 18 يعتبر مرهق و غير مجدي من الناحية المادية لرب الاسرة ،،

نفرض شخص عنده اطفال ما تجاوزوا خمس سنوات ،، ينتظر 13 سنه حتى يقدر يتصرف بالاسهم !!

في النهاية الاب هو رب الاسرة و الطبيعي راح يستغل اي مبالغ لصالح عائلته ،،

كان ممكن الاكتفاء بالاسهم التشجيعية و راح تشجع كل شخص غير محتاج للمبلغ يتركه للمستقبل ،،

في رأيي لم يوفق المسؤولين في هذا القرار ..

[بصمة قطرية]

احسنت اخوي

لو نروح من الناحيه الاجتماعيه بنشوف حقوق الابناء ضايع

1- يكونو الابناء بحضانة الام والاب يستقل اسمائهم ولا يسفتيدو الابناء من خلال الاكتتاب باي فائده

2- يكون الاب ميخاف الله وراعي شراب وسفرات ويضيع حق عياله في بلاويه

ليش فكرت فيها من هالناحية أخوي توشيبا ..!!
خل ننظر للجانب الثاني ..
أب عنده خمس أو ست أطفال ..
خذ أسهم بأسماء عياله ..
حط مبلغ أساساً ماخذه لنفرض ( سلفية )
وقت بيع الأسهم بيطلع له مبلغ محترم يكمل فيه على قرض الإسكان
عشان ياخذ بيت ..!!
قول لي ايش إستفاد من الأسهم في هالحالة ..!!
بتقول بيتمون لعياله ..؟
بعد عمر طويل لين يكبرون بيبيعونها و بياخذون بيت ..؟
اش استفاد من الأسهم دامه ما يقدر يتصرف فيها
أغلب العالم ياخذون لعيالهم و يستفيدون منها وقت البيع
يبيعونها إذا احتاجوا أو تأزموا
في الأخير هي فلوس الأب ..!!!
اللي يبي ياخذ لعياله و ما يبيعهم هو حررور ..
لكن ان هالشي ينطبق على الكل هذا أكبر ( ظلم ) ..!!

[بصمة قطرية]

القرار فاشل بمعنى الكلمه اذا هم والله حريصين على القصر يدفعون عنهم الاكتتاب ويخلونهم لين 18 اما انا ابو ل6 او 7 عيال وتجمدون نص راس مالي لين يكبرون وتعطونهم حقهم بالله وصل سعر السهم اقل من الاكتتاب من بيعوضني!!

صادق ..

[بصمة قطرية]

لك كامل الاحترام استاذ لبية ولكن بما انك وضعت موضوعك في الحوار العام عليك تقبل اراء شريحة من المواطنين تمثل راي غالبية الشعب

( وانا ضد الاقتراح )
واسمح لي على بعض المداخلات الغاضبة
ولكن اقترحك استاذي مزعج لي وللكثير من امثالي
لان الامر ببساطة
اغلب المسؤولين مستفيدين من اقتراحك
وليس مستبعد عليهم تطبيقة بشخطة قلم
وتراها في ذمتك يالبيه أن طبقت


تراها في ذمتك يا لبيه لو طبقت ..!!!!

[بصمة قطرية]

اذا هو الحين بيشيل بخاطره علي خل يشيل بخاطره بس عياله يوم يوصولون 18 سنه ويحصلون لهم مبلغ يبتدون فيها حياتهم العمليه والدراسيه

وذخر هني عياله بيقولون جزاك الله خير يا صاحب القرار

لو ببيع الاسهم كم بتجيب كلها كم الف ومثل ماقلت حن بخير ولله الحمد والبطره على النعمه مب زينه

أخوي لبيه
إذا إنت بخير و نعمة قول الحمدلله
غيرك على الله و على الراتب اللي يطير نص الشهر ..!!
لا تنظر للأمر من زاوية وحدة
خذ نظرة شمولية للموضوع ..

[متواصل]

انت ومالك لابيك

الحكم على الناس من خلال فئة صغيرة لاتهتم بابنائها ظلم

بكره يحجزون علينا وعلى املاكنا بحجة مصلحة الابناء !!!

لا اوافق على هذه الوصاية

انا اعرف بحالي وحال ابنائي ومصلحتهم

ابيع اليوم وابني لابنائي سكن يأويهم
خير من حجز المال واتم معهم بالاجار

اللي يخاف على مصلحتنا ومصلحة ابنائنا

يسقط الربا ( 200 الف ) من قرض الاسكان عشان نبني لنا بيوت بدون الوقوع في الحرام

هذا رأيي
ورأي غيري لنفسه هو اعرف بنفسه مني

نقطه اخيره
من يرى المصلحة في الحجز على الاسهم
لايبيع طواعية محد يجبره
لكن لايجبر غيره

[Abdulla Al.F]

ليش فكرت فيها من هالناحية أخوي توشيبا ..!!
خل ننظر للجانب الثاني ..
أب عنده خمس أو ست أطفال ..
خذ أسهم بأسماء عياله ..
حط مبلغ أساساً ماخذه لنفرض ( سلفية )
وقت بيع الأسهم بيطلع له مبلغ محترم يكمل فيه على قرض الإسكان
عشان ياخذ بيت ..!!
قول لي ايش إستفاد من الأسهم في هالحالة ..!!
بتقول بيتمون لعياله ..؟
بعد عمر طويل لين يكبرون بيبيعونها و بياخذون بيت ..؟
اش استفاد من الأسهم دامه ما يقدر يتصرف فيها
أغلب العالم ياخذون لعيالهم و يستفيدون منها وقت البيع
يبيعونها إذا احتاجوا أو تأزموا
في الأخير هي فلوس الأب ..!!!
اللي يبي ياخذ لعياله و ما يبيعهم هو حررور ..
لكن ان هالشي ينطبق على الكل هذا أكبر ( ظلم ) ..!!

اختي يوم فكره او اقتراح ينطرح يشوفون هل "الاغلبيه" بتستفيد من هل قرار ولا لا
الحين انتي طرحتي مثال .. هل المثال يطبق على الاغلبيه؟ طبعا لا
و مثل هل قرار يفيد الاغلبيه .. الحين ماشاء الله الرواتب تسد و تكفي حق الاكتتاب تراها مب مليون كلها 1200 سهم ب 12 الف
وهاذي قرصه للبعض الي يفسفس فلوسه يمين و يسار

وفي الاخير الحكومه ابخص في مثل هل قرارات

[بصمة قطرية]

اختي يوم فكره او اقتراح ينطرح يشوفون هل "الاغلبيه" بتستفيد من هل قرار ولا لا
الحين انتي طرحتي مثال .. هل المثال يطبق على الاغلبيه؟ طبعا لا
و مثل هل قرار يفيد الاغلبيه .. الحين ماشاء الله الرواتب تسد و تكفي حق الاكتتاب تراها مب مليون كلها 1200 سهم ب 12 الف
وهاذي قرصه للبعض الي يفسفس فلوسه يمين و يسار

وفي الاخير الحكومه ابخص في مثل هل قرارات
مافي شي نقدر نقول عنه ( الأغلبية )
إذا بنقول الأغلبية فالأغلبية معارضين الفكرة و رافضينها ..!!
1200 سهم ب 12 ألف
سعرها وقت الشراء ..!!
كم راح تكون وقت البيع ..
على تلكلام اللي سمعته متوقعين يوصل سعر السهم 90 ريال
يعني 1200 سهم = 108,000 ..!!!!!!
لو فرضنا هاي سعر البيع هل تعتقد أخوي ان المبلغ بسيط و ما راح يسوي شي
للي عنده أكثر من طفل ..!!
و لو فكريحسن وضعه و لا عنده إلتزام ..
مش من حقه يتصرف في السهم لأن السهم بإسم ولده بس بفلوسه ..!!!
رب العالمين رزقه بعيال خلوا العالم تعيش مثل ما تبي
اللي ما يبي يبيع حر أكررها للمرة المليون كل انسان حر في فلوسه
و أسهم عياله ..
بس مافي شي بالغصب ..!!!
اللي يفسفس فلوسه ياخوي عقله في راسه
فلوسه تعب عليها ما تعب عليها هو بينسأل عنها بكره ..
ليش نعمم و نتكلم بلسان الكل ..!!
الأغلبية رافضة و تقدر تتأكد من الردود ..!!

[Abdulla Al.F]

مافي شي نقدر نقول عنه ( الأغلبية )
إذا بنقول الأغلبية فالأغلبية معارضين الفكرة و رافضينها ..!!
1200 سهم ب 12 ألف
سعرها وقت الشراء ..!!
كم راح تكون وقت البيع ..
على تلكلام اللي سمعته متوقعين يوصل سعر السهم 90 ريال
يعني 1200 سهم = 108,000 ..!!!!!!
لو فرضنا هاي سعر البيع هل تعتقد أخوي ان المبلغ بسيط و ما راح يسوي شي
للي عنده أكثر من طفل ..!!
و لو فكريحسن وضعه و لا عنده إلتزام ..
مش من حقه يتصرف في السهم لأن السهم بإسم ولده بس بفلوسه ..!!!
رب العالمين رزقه بعيال خلوا العالم تعيش مثل ما تبي
اللي ما يبي يبيع حر أكررها للمرة المليون كل انسان حر في فلوسه
و أسهم عياله ..
بس مافي شي بالغصب ..!!!
اللي يفسفس فلوسه ياخوي عقله في راسه
فلوسه تعب عليها ما تعب عليها هو بينسأل عنها بكره ..
ليش نعمم و نتكلم بلسان الكل ..!!
الأغلبية رافضة و تقدر تتأكد من الردود ..!!

اسمحلي اختي بس المنتدى مايشكل الشعب كله
يعني الحين اذا 20 واحد رافض الفكره في الموضوع صارو اغلبية القطرين رافضين الفكره؟ لا طبعا
ثاني شي الي يقول بينزل السهم في السوق ب 90 كلام فاضي
و (لو) نزل ب 90 او اي سعر خرافي ثاني .. اذا انتي بتبيعين و ذاك يبي يبيع لاتحسبون حد بيشتري منكم السهم الا وخافس في سعره

[قوت القلوب]

الحل الامثل الحكومة تدفع حق القصر بشرط عدم البيع حتى سن البلوغ

[رجل مثالي]

هاي حرية شخصية المفروض في بيع اسهم القصر للاستفادة

لرب الاسرة في اموره العائلية الكثيرة والديون المتراكمة

[احبك يابلد]

كذا اصبحنا في وضع توزيع تركة الاب على ابناءه في موعد قبل الاوان ‘ (طيب ما في مشكل نوزع التركة او جز منها قبل وفاة الاب) لكن الطفل الي بينولد بعد الاكتتاب ايش ذنبة
ياخذ اخوة من تركة ابوة اكثر منه خصوصا اذا توفي الاب قبل بلوغ الطفل الاول سن 18

[لـبـيـه]

أخوي لبيه
إذا إنت بخير و نعمة قول الحمدلله
غيرك على الله و على الراتب اللي يطير نص الشهر ..!!
لا تنظر للأمر من زاوية وحدة
خذ نظرة شمولية للموضوع ..

صباح الخير اختي

احترم وجهة نظرج

لي رد واحد

الاسهم مختلطه

اتمنى قبل لاتقررين انج تحطين اي شي بذمتي تذكري هلشي السهم فيه نسبة ربا يعني مب مخلل او كاتشب تقدرين تشيلينه هذا ربا

واذا انتي خايفه على عيالج تنحجز اسهمهم فاتوقع خافي عليهم من المال الي فيه شبهه والملوث

والاقتراح كان للشركات الحلال فقط اما الشركات المحرمه والمختلطه والي فيها شبهات ( الله يبعدنا عنها )فانا بري منها

[بصمة قطرية]

صباح الخير اختي

احترم وجهة نظرج

لي رد واحد

الاسهم مختلطه

اتمنى قبل لاتقررين انج تحطين اي شي بذمتي تذكري هلشي السهم فيه نسبة ربا يعني مب مخلل او كاتشب تقدرين تشيلينه هذا ربا

واذا انتي خايفه على عيالج تنحجز اسهمهم فاتوقع خافي عليهم من المال الي فيه شبهه والملوث

والاقتراح كان للشركات الحلال فقط اما الشركات المحرمه والمختلطه والي فيها شبهات ( الله يبعدنا عنها )فانا بري منها
صباح النور أخوي ..
أنا ذكرت مثال عن هالأسهم
و أحب أقول لك
الحمدلله ما راح أشتري في هالشركة
لا أنا و لا زوجي و لا عيالي ..
مستحيل نشتري شي فيه شبهة و تحريم ..
تقدر تتأكد من كلامي في كل ردودي بخصوص الأسهم ..
دائماً ردي ( اللهم إغننا بحلالك عن حرامك و بعطفك عمن سواك )
الله يغنينا بالمال الحلال و يبعدنا عن الشبهات ..
و أضيف إن جاتني هدية ( 500 ) سهم شكرت راعيها و رفضتها ..
أسهمنا فقط في الشركات الحلال و لله الحمد
أي شيء فيه شبهة مستحيل نفكر نقربه ..
و أنا ما حطيت شي في ذمتك أخوي لبيه
أنا وضحت لك وجهة نظر يمكن إنت غفلت عنها ..

[بصمة قطرية]

اسمحلي اختي بس المنتدى مايشكل الشعب كله
يعني الحين اذا 20 واحد رافض الفكره في الموضوع صارو اغلبية القطرين رافضين الفكره؟ لا طبعا
ثاني شي الي يقول بينزل السهم في السوق ب 90 كلام فاضي
و (لو) نزل ب 90 او اي سعر خرافي ثاني .. اذا انتي بتبيعين و ذاك يبي يبيع لاتحسبون حد بيشتري منكم السهم الا وخافس في سعره

أخوي
الأسهم القطرية المنتدى الأول في قطر
و كثير شغلات تكتب هني من قبل الأعضاء مواضيع أو إقتراحات
نشوفها على طول على أرض الواقع
كلنا نعرف الكل يتابعه
و أنا قلت الأغلبية لأني عارفة وجهة نظر كثيرين
كل شخص أسأله عن الموضوع من خارج المنتدى يكون رده نفس ردي
الكل رافض الفكرة ..!!!
حتى لو ما نزل السهم ب (90) اكيد بينزل بسعر حلوو ..
اللي بيبيع راح يبيع على سعر السهم في السوق ..

[يمامـة]

الحل الامثل الحكومة تدفع حق القصر بشرط عدم البيع حتى سن البلوغ

اتفق مع هالرأي اذا الحكومة بتدخل في الموضوع وتمنع بيع الأسهم للاطفال ،،

ومب عارفة هل هناك سند قانوني يجيز للدولة منع بيع اسهم الأب دفع فيها راس ماله ؟

ولا هو تحكم في خلق الله والسلام ؟

لأن الأب المسكين لما بيدخل أي اكتتاب بغض النظر عن هالإكتتاب
اكيد بيقترض بطريقته لشراء الأسهم ،، هذا لو ما عنده فبأي حق
يتم حجر فلوس راس المال عند الشركة هذي ويمنع بيعها
لأنه حب يشتري باسم عياله ؟

[يمامـة]

صباح الخير اختي

احترم وجهة نظرج

لي رد واحد

الاسهم مختلطه

اتمنى قبل لاتقررين انج تحطين اي شي بذمتي تذكري هلشي السهم فيه نسبة ربا يعني مب مخلل او كاتشب تقدرين تشيلينه هذا ربا

واذا انتي خايفه على عيالج تنحجز اسهمهم فاتوقع خافي عليهم من المال الي فيه شبهه والملوث

والاقتراح كان للشركات الحلال فقط اما الشركات المحرمه والمختلطه والي فيها شبهات ( الله يبعدنا عنها )فانا بري منها

أخوي لبيه ،، فكرة عدم بيع الأسهم هي اللي مرفوضة
فلو طبقت على الاسهم المختلطة بكرة بتطبق على الأسهم النقية
وفي الأخير هناك ناس رافضين هالفكرة ،،


وراح احط نفسي في الموقف ،، باجر لو طرحوا اسهم نقية
بضطر استلف من ابوي او اخواني حق عيالي اللي تحت السن القانوني
اشكثر ممكن اصبر علشان ارد لهم فلوسهم ؟

فهل اضغط على عيالي واحرمهم من نمط الحياة اللي عايشينها علشان اقدر
اسدد السلفة اللي علي ؟

واب ثاني عنده خمس عيال وكلهم قصر ،، فمن غير المعقول
يكون هناك شرط بمنع بيع الأسهم الخاصة بعياله ،، لازم يكون هناك حل
يعطي الأب الحق في البيع على أقل شي لاسترجاع راس المال ،،

اما المطالبة بعدم بيع الأسهم اشوفه تدخل في شؤون الأب المالية من قبل الدولة ،،

فالدولة اذا تبي تحفظ للطفل حقه ،، فلوسها زايدة تدفع عن القصر وتحتفظ بالأسهم الى ما شاءالله
و تبيعها وتاخذ راس مالها وتطلع من السالفة،،

مع اني متأكدة لو الدولة سوتها ما بتطلع براس المال الا بتاخذ ارباحها من البيعة
نفس اللي قام يصير في قرض الاسكان صارت تاخذ على الناس ارباح هالقرض في سكن حكومي ،،

[w.qatar]

فكره ممتازه و الحمد لله تطبقت انا كنت اتمنى انها بدات من ايام اكتتاب صناعات

لان الاب الذكي اللي يخاف على مستقبل عياله ما بيعارض هالفكره نهائياً

[احبك يابلد]

فكره ممتازه و الحمد لله تطبقت انا كنت اتمنى انها بدات من ايام اكتتاب صناعات

لان الاب الذكي اللي يخاف على مستقبل عياله ما بيعارض هالفكره نهائياً

يعني اذا عارضت ها الفكره باكون غبي? لالالا ابغي اسير ذكي ! يعني ما يشفع لذكائي اني تزوجت امهم وربيتهم وبنيت لهم بيت واشتريت لهم سيارات ادوديهم للمدارس
وجبت لهم مدرسين يدرسونهم فالبيت ياخذون فالشهر الواحد ضعف قيمة الاسهم الي تبون اتخلونها له عقب 10 اسنين كل هذا وغيرة وللحين مشككين في حبي وخوفي على مصالح اعيالي


قوية بالحيل جدا

[بصمة قطرية]

يعني اذا عارضت ها الفكره باكون غبي? لالالا ابغي اسير ذكي ! يعني ما يشفع لذكائي اني تزوجت امهم وربيتهم وبنيت لهم بيت واشتريت لهم سيارات ادوديهم للمدارس
وجبت لهم مدرسين يدرسونهم فالبيت ياخذون فالشهر الواحد ضعف قيمة الاسهم الي تبون اتخلونها له عقب 10 اسنين كل هذا وغيرة وللحين مشككين في حبي وخوفي على مصالح اعيالي


قوية بالحيل جدا


راجع نفسك طلعت ما تخاف على مستقبل عيالك .. :omen2:




مستقبل العيال في بيت ملك و حياة مريحة

الاسهم عقب عشر سنين كم بيكون سعرها ..؟ :telephone:

[احبك يابلد]

راجع نفسك طلعت ما تخاف على مستقبل عيالك .. :omen2:





مستقبل العيال في بيت ملك و حياة مريحة

الاسهم عقب عشر سنين كم بيكون سعرها ..؟ :telephone:

يعني كم بيكون 100 ريال ؟ اوكي عنده 1000 وباعهم ب 100 الف صدقيني بعد عشر اسنين ما راح اتكون قوتهم الشرائية افضل من 10000 اليوم

[Abdulla Al.F]

أخوي
الأسهم القطرية المنتدى الأول في قطر
و كثير شغلات تكتب هني من قبل الأعضاء مواضيع أو إقتراحات
نشوفها على طول على أرض الواقع
كلنا نعرف الكل يتابعه
و أنا قلت الأغلبية لأني عارفة وجهة نظر كثيرين
كل شخص أسأله عن الموضوع من خارج المنتدى يكون رده نفس ردي
الكل رافض الفكرة ..!!!
حتى لو ما نزل السهم ب (90) اكيد بينزل بسعر حلوو ..
اللي بيبيع راح يبيع على سعر السهم في السوق ..

مانختلف صح كلامج .. متابع من الكثير
بس الي قصدته الاعضاء مايشكلون هاذي النسبه الي نقدر نقول اغلبية الشعب معارضين
انتي تسمعين وانا اسمع غيري يسمع شي
اختي المحافظ الكبيره و كبار المستثمرين يوم يشوفون المعروض بشكل كبير اعطيج ياها مستحيل يشترون السهم بسعره الا ولعبو فيه

و الله يكتب الي فيه الخير

[بصمة قطرية]

يعني كم بيكون 100 ريال ؟ اوكي عنده 1000 وباعهم ب 100 الف صدقيني بعد عشر اسنين ما راح اتكون قوتهم الشرائية افضل من 10000 اليوم

كلامك صحيح ..
مستحيل يتم على نفس السعر بعد عشر سنين ..!!!

[بصمة قطرية]

مانختلف صح كلامج .. متابع من الكثير
بس الي قصدته الاعضاء مايشكلون هاذي النسبه الي نقدر نقول اغلبية الشعب معارضين
انتي تسمعين وانا اسمع غيري يسمع شي
اختي المحافظ الكبيره و كبار المستثمرين يوم يشوفون المعروض بشكل كبير اعطيج ياها مستحيل يشترون السهم بسعره الا ولعبو فيه

و الله يكتب الي فيه الخير

أوكي أخوي بغض النظر الأغلبية أو الأقلية ..
بغض النظر عند المعارضين و اللي موافقين على الإقتراح ..
اللي يبي يخليها لعياله يخليها
واللي يبي يبيع يقدر يبيع محد يمنعه ويقول لك لاا هاذي لعيالك مب لك ..

[الكبير الله]

الموضوع الي حاب اكتبه وحاب اشوف ردة الفعل لدى الكل عن الاقتراح

اقتراحي هو منع بيع اي اسهم اكتتاب يتم الاكتتاب فيه من الافراد القطريين للشركات الجديده فتره الاكتتابات

حتى بلوغهم 18 سنه للاستفاده وعدم هضم حقهم في حال تعدو المرحله الثانويه و يكون لهم رصيد ليوم الشده

اختصر الموضوع

اي شركه جديده يتم الاكتتاب فيها من قبل الاب لعياله الصغار لايحق للاب التصرف في الاسهم وبيعها وتكون

ممنوعه من التداول حتى يبلغ الولد 18 سنه وماعتقد اي اب راح يبخل انه يشتري اسهم لعياله ويخليها ذخر لهم وماتكلفه 2000 ريال تقريبا

والي بيقول ماعنده او بيتسلف اتوقع يوم كان في بيع الكل شرى وتسلف وباع الى للضروره

اتمنى اخذ رايكم

انا اقترح انك تقترح على الحكومة يخصصون للقصر اسهم من عندهم عشان انا ماعندي استعداد اجمد فلوسي اقل شي خمس سنوات

[يمامـة]

انا اقترح انك تقترح على الحكومة يخصصون للقرصر اسهم من عندهم عشان انا ماعندي استعداد اجمد فلوسي اقل شي خمس سنوات

زين واللي ولده عمره 3 شهور ؟ :shy:
يبي له 17 سنة و9 شهور

[بن موسى]

[quote=لـبـيـه;9289225][size=5]الموضوع الي حاب اكتبه وحاب اشوف ردة الفعل لدى الكل عن الاقتراح

اقتراحي هو منع بيع اي اسهم اكتتاب يتم الاكتتاب فيه من الافراد القطريين للشركات الجديده فتره الاكتتابات

حتى بلوغهم 18 سنه للاستفاده وعدم هضم حقهم في حال تعدو المرحله الثانويه و يكون لهم رصيد ليوم الشده

اختصر الموضوع

اي شركه جديده يتم الاكتتاب فيها من قبل الاب لعياله الصغار لايحق للاب التصرف في الاسهم وبيعها وتكون

ممنوعه من التداول حتى يبلغ الولد 18 سنه وماعتقد اي اب راح يبخل انه يشتري اسهم لعياله ويخليها ذخر لهم وماتكلفه 2000 ريال تقريبا والي بيقول ماعنده او بيتسلف اتوقع يوم كان في بيع الكل شرى وتسلف وباع الي للضروره

اتمنى اخذ رايكم


-----------
حياك الله
عزيزي انا تزوجت امهم وربيتهم صغار والان هم فوق 12 سنة وتحتها بكثير
يبقون ملابس ويبقون مدرسين خصوصيين ويبون سيارة توديهم للمدرسة بدل باص الحكومة اللي مايرجعهم البيت قبل الساعة 3 بعد العصر
ابوهم على راتب التقاعد -وبسبب اللاتزامات والصرف عليهم ملتزم بقسط السيارة وقسط البنك ومصروفهم اليومي - ومحرومين من الخروج للاماكن الترفيهييه
وجات فرصة الاكتتاب - اسدد قسط السيارة - وممكن اسدد قرض البنك -
وبعدها اقدر اجيب لهم احسن المدرسين - واشتري لهم ملابس شتوية لانهم مازالوا بملابس الصيف
واقدر اوديهم للاعاب او سيلين واجر لهم دراجات واللعب معهم واعيضهم في المرة الاولى والاخيرة اللي وديتهم سيلين قبل 3 سنوات ورجعتهم يبكون لعدم استطاعتي
توفير طلبهم
-
ارجوكم احمدوا ربكم على نعم الله عليكم وسعة العيش لكم ولاطفالكم واتركونا نعوض اولادنا ماحرمنا منة في طفولتنا ارجوكم

[بصمة قطرية]

زين واللي ولده عمره 3 شهور ؟ :shy:
يبي له 17 سنة و9 شهور

ينتظر 17 سنه و 9 شهور :shy:

[بصمة قطرية]

خلاص أنا قررت أروح لأبوي و أقول له :
ياخذ لي أسهم في كل الشركات .. :shy:

[AL-GROOB]

انا ضد اقتراحك بعدين بأي وجه حق يمنعون الاب من بيع اسهم الابناء .

لان انت ومالك لابيك