ياليت يتم الغاء مسيره اليوم الوطني السنويه

[دايموند]

السلام عليكم


قسم بالله مصخره في مصخره


سؤال ممكن اعرف شالحكمه من المسيره؟

عرقله سير

زحمه

رقص

تصرفات صبيانيه

هوشات

الاهم من ذي كله المغازل والرقيم امام الملأ!!!

حتى ماقاموا يراعون مشاعرنا


سؤال لوشفت واحد يرقم وحده طبعا هي مستانسه بتاخذ الرقم

هل اقدر اشتكي عليهم خاصه ان هالشي صار في الشارع
وجدام الناس

للاسف شفت 3 حالات اليوم واوقح حاله الي وقفوا السير ولا اهتموا للي وراهم وقعدوا يرقمون بعض ويسولفون واحنا نضرب لهم هرانه مافي فايده !!!!!

[دايموند]

الدول الثانيه اليوم الوطني عندهم عباره عن مهرجانات واحتفالات واحنا عباره عن مسيره فيها مراهقين ومراهقات!!!

[" Snake "]

يابلفيت انهم يحتفلون باليوم الوطني
وهم مب فاهمين ايش هي الوطنيه
ولين سألته من هو مؤسس دولة قطر بيقعد يتبلعم
فاهمين الوطنيه غلط بالرقص والدعاره والترقيم
وفي النهايه هو يرقم من صوب والشباب يرقمون اهله من صوب
والدنيا ماشيه بهذي الطريقه ومن دق باب الناس دقوا بابه

[حمد 2002]

ضد الالغاء ولكن مع الظبط والحزم ،،

[حسن]

هل التصرفات يتحملها من امر بها

العام ناشدت وطالبت الاحتفالات مفبوله المسيرات مرفوضه رفضا قاطعا

في ذمه من سمح بها

[بنت مريخ]

حتى درب الساعي مغازل بعضهم نقاب وتحته مكياج كامل
مصاخه وقله ادب
الله يهديهم

[Miss]

اذا منعت النساء من الذهاب للمسيره بتختفي المسيره :)
انا مع منع النساء

[بريق الحق]

الامه الاسلاميه في تفكك من جميع النواحي والشباب المسلم يترقص فالشوارع
اهلنا فالشام بحاجه للمساعده ونحن نحتفل بالوطنيه كما يسميها البعض والله انها قلة ادب
اتمنى منع المسيرات بجميع انوعها في هذا اليوم
اللهم اصلح حال المسلمين

[duhail535]

لم يذم الإسلام الاختلاط عبثا .

وبإسم الوطنية ترتكب الجرائم والمعاصي والسرقات وحتى الزندقة .

كانت 2005 سنة فاصلة في تاريخ قطر . ومن يومها ونحن من سيء إلى أسوء . على الأقل من الناحية السلوكية . ولكن كثيرا من الناس لا تشغلهم إلا بطونهم وجيوبهم .

أنا مع منع المسيرات وأن ينفض التجمع بمجرد انتهاء العرض العسكري . ولكن أخشى أن المخرج عاوز كذا .

[دايموند]

السالفه مب سالفه منع الحريم او لا

السالفه شنو فايده من المسيره؟

حتى لو منعنا الحريم

بيتم الرقص والمصخره والتهرن (ضوضاء)
وهوشات وزحمه وعرقله سير


ياليت يتم النظر بالغاء المسيره

[كيلو حديد]

يا ليت يلغونها
للحين مب فاهم وش المغزى من هالمسيره .

[كتكوت الوحش]

مصخره وقله أدب وأساسا ما أشوف لها فايده او ايش الحلاوة فيها ياريت يلغونها ويصير بدالها مهرجان كبير جدا وتمنع السيارات دخول الكورنيش

[رجل مثالي]

اليوم شفت المرور في كل مكان ما قصروا أخوانا في وزارة الداخلية

في ضبط الامور والحمدلله الى الان المرور والدوريات في كل مكان الحمدلله الى الان

والله يعم الامن والامان ان شاءالله في بلادنا الغالية ان شاءالله

[وطن]

المسيرة مالها معنى
خصوصا انها بدون اي كونترول ع المراهقين

العوائل انحرموا من الاحتفالات
و مشاهدة الألعاب النارية
بسبب المسخرة و الأزمة

[الوسيط العقاري]

المسيره مالها معنى

واتمنى الغاءها السنين القادمه

[مشاكل]

أنا ابغى اعرف وش وضعهم مع الصلاة وكم واحد صلى المغرب والعشاء جماعة والمؤذن يقول حي على الصلاة وهم يترقصون ومافي مكان للصلاة بحكم ان كل واحد داخل سيارته
لاحول ولاقوة الا بالله

[الأصيلة]

تعبنا واحنا نقول ما للمسيرات فايدة
أي تعبير عن فرحة وأي وطنية؟
لو فيهم خير كان خافوا على سمعتهم واحترموا الناس،،،
وقبل كانوا يحركونهم في الكورنيش،،أما السنة هادينهم في كل الشوارع
يعني لو إحد مريض بيروح المستشفى
أو وحدة بتولد ،،، ايش ممكن ينصرفون في هذه الزحمة التي لاتطاق،،،?

[khalid525]

ياليت يمنعون المسيرة ويمنعون الاحتفالات في كاتارا وفي الكورنيش وياليت يلغون درب الساعي او يخلون يوم للرجال ويوم للنساء ويمنعون الاختلاط فيه ،و يخلون بس العرضات ، وبطولة القلايل لانها رجالية :)
حتى الاسواق يخلونها يوم للرجال ويوم للنساء ، اهم شي ما تصير فتنة ، عن اذنكم بروح اتفرج على مسلسل حريم السلطان .

[QTR TV]

مع الإلغاء وبشده وليت يرجعون السجن الإداري بعد للمغازل

[دايموند]

اليوم شفت المرور في كل مكان ما قصروا أخوانا في وزارة الداخلية

في ضبط الامور والحمدلله الى الان المرور والدوريات في كل مكان الحمدلله الى الان

والله يعم الامن والامان ان شاءالله في بلادنا الغالية ان شاءالله
الله يهديك بس

بصراحه وجودهم والعدم واحد وكانوا قليلين جدا


اقولك شفت بعيني ناس تتهاوش وناس ترقم

وشباب مراهقين يفتحون سيايير خلق الله ويرشون عليهم الرغوه ويصكرون الباب ويشردون!!!

[ام ناصر1]

بالمره ياليت يلغون العرض العسكري لانه فيه حريم يروحون يشاهدون العرض ....ايش حادهم والعرض ينقل عبر التليفزيون مباشرة ....
ولاتنسون ....طلب الغاء اليوم الرياضي ....ذاك ماله حلاه كلش ....

[عبدالرحمن1]

تدرون ايش المشكله المشكله في كلمه وحده للحين
مافي احد يعرف معناها لا هنا ولا من الحكومه
الرشيده زين عندي سؤال شنهي

الوطنيه او القوميه ووين تكون وطنيتك هنا
سؤالي

[عزووز قطر]

اللي يقهر ان سمعة بنات قطر تدهورت في دول الخليج بسبب هالمسيرة ،، والدليل إن بعض الشباب الخليجين يجون قطر وكل واحد حاط رقم البن كود للبلاك بيري

الصراحة شي يقهر

[duhail535]

اللي يقهر ان سمعة بنات قطر تدهورت في دول الخليج بسبب هالمسيرة ،، والدليل إن بعض الشباب الخليجين يجون قطر وكل واحد حاط رقم البن كود للبلاك بيري

الصراحة شي يقهر

ليس فقط في دول الخليج . بل عبرت القارات والحدود . إلى دول الشام وشمال إفريقيا . وحتى جاليات دول آسيا الفقيرة .

أنعم وأكرم بالوطنية .

[ام السعف]

تدرون ايش المشكله المشكله في كلمه وحده للحين
مافي احد يعرف معناها لا هنا ولا من الحكومه
الرشيده زين عندي سؤال شنهي

الوطنيه او القوميه ووين تكون وطنيتك هنا
سؤالي

الوطنية لما تنحصر في يوم واحد واشوية احتفالات وتصوير واستعراضات في السيارات
وشباب من الجنسين فاضيين للتحرش كأنهم طالعين من غابة اول مرة يشوفون بعض
اتقد هناك خلل في الفكر بكبره يااخوي عبدالرحمن ،،

[vip-30003]

كل ساقط وله لاقط

وهذا منكر علني وحرام

عمر المسيرة ماكانت تعبير عن الوطني وولاء

الشباب لهم العرضه والعوائل لهم درب الساعي وكتارا

واي حركات طايشه وحثالة لازم اجراء قانووني لهم

وفي قانون لهالحالات بس غير مطبق بهذا اليوم

والله عيب اللي يصير اللي عنده اعيال شيقوول لعياله لما يشوفون هالاشكال ؟؟

[bo3adel]

الحل الوحيد يسجنونهم ويسسحبون ابهاتهم للمراكز

عيل عيني عينك تنزل من موتر واحد وتركب موترها وتحرك وفل ميكب واشكره تتمشى قدامنا بطريقة اغراء

هاي ف محطة بترول .. شلون ف المسيرة .. انا طبيتها مره وحده وحرمت اطب المسيره مره ثانيه

وتجي وحده ثانيه مع رفيجتها شابه الزقاره وقاطه الشيله والعباه ..

الخسف جاينا جاينا من ورا هالاشكال .. والقرآن فيه كثير من القصص عن امم كفرت بنعم ربها وصار فيهم اللي صار

الله كريم

[امـ حمد]

لا حول ولا قوة إلا بالله
الله المستعان
الله يهدي الجميع

[قلب صادق]

اتمنى ان يتم منعها لان الضرر اكبر والخسائر كثيره وفيها خسائر بشرية وماديه للاسف لا يلتفت لها البعض
ثانيا هل هذه هي الوطنية وهل هذا هو التعبير الناسب للوطن
للاسف انا البعض لا يعي ماهي الوطنية والولاء لله ثم الوطن
احمد الله واشكره مرات ومرات ان عمري ما رحت مسيره

[الأصيلة]

http://www.qatarshares.com/vb/showthread.php?573379-مناشدة-خاصة-لـ-سعادة-وزير-الداخلية-رئيس-الوزراء-الموقر&p=9292933#post9292933

[وحيد-الشوق]

عبالهم الوطنية انك تصبغ وتزيين موترك وتغازل يأخي ناس قمة في التفاهة انا كنت خارج البلاد وحتى لو كنت موجود ماراح اطلع نفس العام وقبله زحمة وعوار راس ومغازل يأخي حتى بعض الخلجيين شوفة عينك جايين بس حق البنات !!!!

[Dmy Enabi]

والله إنه وناسه المحترم محترم في كل مكان ،يكفي الواحد يطلع يجوف الكل فرحان ومستانس أما إني أمنع المسيرة عشان شوية صعاليك هذا غلط بالعكس آنا عندي ثقة كبيرة في ولاة أمورنا عسى ربي يعطيهم الصحة والعافية ،وترى الدولة عارفه الصح والغلط فلاتقعدون تتفلسفون لو هالشي غلط ليش مسموح الإنسان المحترم بيده حريته وقراره تبون الدولة تربي عيالكم ويناتكم

[الكنترول]

المسيرة سارت وستوت في الصباح وانتهى الموضوع
ولي يرقص ولا يرزف على قولتكم يرزف في بيته او خيمته لي نصبها وتركها فاضية
والشارع ما هو للرقص والمعاكسات الشارع له احترامه
ليش في العيد الوطني مسموح للمعاكسات والايام العادية مرفوضة
ملاحظ أن فيه تناقض ,,,
العيد الوطني السنة في الكورنيش بسيط ما طول وشيء طيب والمفروض ينهون الفوضى
والمهزلة في الكورنيش آخر الليل قسم بالله أكثرهم سوريين لابسين لبس قطري جمال مسكت ويعاكسون البنات وينزل من السيارة يرزف ويعمل دبكة قدام الحريم وضحك وناسة مع بعض ,
أي وطنية ,,,