طياره طياره طياره [الأرشيف] - منتديات شبكة الأسهم القطرية

حمد 2002

19-12-2013, 10:12 PM

السلام عليكم ورحمه الله وبركاته

هلا ومرحبا بالجميع بدون استثناء

الموضوع يحمل العنوان التالي

(( طياره طياره طياره ))

الكثير من المواطنين (( خصيت المواطنين بهذا الموضوع لان مالي علاقه بالمقيمين هذي مب ابلادهم )) اثناء اليوم الوطني سافروا عن طريق الطياره او عن طريق السياره مستقلين بذلك الاجازه الي كانت في حدود 4 ايام :):):)

عزيزي القارىء هل تعتبر سفر المواطن خارج بلده وقت اليوم الوطني شيء عادي ؟ ولا الي ايسافر ماعنده احساس وطني ؟

ابي رأيكم بكل صراحه وبدوم مجامله ولكن :):):):):) وفقا لسياسه المنتدى وبدون الخروج عن الإطار العام للموضوع ،،

مع التحيه ،،

النهار

19-12-2013, 10:18 PM

لاوازيدك من الشعر بيت في ناس طارت من يوم الاثنين ضاربين ابسنت الثلاثاء او جايبين اجازه مرضيه

حمد 2002

19-12-2013, 11:13 PM

لاوازيدك من الشعر بيت في ناس طارت من يوم الاثنين ضاربين ابسنت الثلاثاء او جايبين اجازه مرضيه

هلا هلا النهار

صااااادق والله ان هالشيء محزن مممم الله المستعان ،،

مع التحيه ،،

توشيبا

19-12-2013, 11:27 PM

انا ماخذت حتئ اجازه لليوم الوطني وكنت مداوم الساعه 2 الليل عشان اخلص كم شغله واحضر المسيره الصباح ورجعت اكمل دوامي لين العصر ورجعت للبيت اخذت امي اطلعها تستانس ولا كنت بتم في الدوام

ورجعت للدوام بعد العشاء ارتب اوراقي واموري لليوم الثاني

واليوم كله راح في الدوام

اسافر بس وقت اجازتي الاسبوعيه او السنويه

مزاااجي

19-12-2013, 11:28 PM

هذا مش يوم زحف وحرب .. ولا يوم في سنة الرسول علية الصلاة والسلام .. يوم وطني يفترض يكون يوم تجديد ذكرى طيبه ووطنية مش مشروطة بشيء .. ويفترض ان يقتصر الاحتفال ( بالانجازات الوطنية الحكومية فقط) ... وازيدك من الشعر بيت ( ترا جزء كبير من الي مهتمين بالاحتفال ساعة الصجية تلاقيهم هم الي طياره طياره طياره ).... على فكرة يشهد الله اني ماسافرت وفي نفس الوقت ماحتفلت ....؟ وافدي قطر بدمي

طير حوران

19-12-2013, 11:29 PM

مازال انك تبينا نقول رأينا بصراحه وبدون مجامله وبدون لف ودوران في الموضوع فخذ الرأي القاطع والحاسم اذا كان هذا يرضي هدفك من طرح الموضوع

مادام تشوف ماعندهم وطنيه !!!! خلاص بسيطه اتخذ قرار على مستوى الدوله بسحب جنسياتهم وطردهم خارج البلاد الى الدول اللي سافروا صوبها

ويتم تطبيقه في كل مناسبه على كل القطريين الذين يسافرون خلالها

وأظن ان في هذا الحل العقاب المناسب تأديبا لهم وعبرة لغيرهم ورادع لعدم تكرارها من أمثالهم من عديمي الوطنيه

عسى الله يهديك ياشيخ حمد ان كانت هذه نظرتك لحدود الوطنيه

ملاحظه بسيطه

انا شخصيا كنت خارج قطر ورأيت أن ليس هناك مصلحه تجبرني على البقاء خارج قطر فعدت بدون قصد وكانت والله من باب المصادفه انه قبل اليوم الوطني بيوم واحد فهل هذا يعني أنني وطني أكثر من اللي سافروا ؟؟؟ّ!!!!!

ليــث قطر

19-12-2013, 11:40 PM

المفروض نلوم اللي سافروا في العشر الأواخر من رمضان وشبكوها مع عيد الفطر !! ونلوم اللي سافروا يوم عرفة وقضوا العيدين في أمريكا وأوروبا وشرق آسيا !!!

khalid525

19-12-2013, 11:45 PM

مساكين خلهم يسافرون ويستانسون ،

دنيا الاسهم

19-12-2013, 11:58 PM

بعض المواضيع تتكرر كل سنة كان لها موسم معين

وليف الشوق

20-12-2013, 12:44 AM

والله يااخي الفاضل انا حاس في وطنيتك وحرصك على البلد مثل حرصنا على قطر الخير واللي احنا منها وفيها لكن ماادري وش اللي مشغل بالك في سفر الكثير من المواطنين وعدم حضورهم فعاليات اليوم الوطني او الاحتفال به في البلد ؟ وهل عدم وجودهم راح يسبب مشكله (( او الاحتفال باليوم الوطني راح يوقف )) على اللي يسافرون ؟ خل العالم تستانس !! اللي يحضر يحضر وحياه الله وبين اهله وعياله واللي يستغل هالاجازة ويسافر بعد احنا نقوله الله يحفظك وترى احنا منتظرينك ودير بالك من نفسك في سفرتك وبعدين ياااخي خل الناس تسافر وترفه عن نفسها ترى والله هالنوعبه من الاجازات ندورها من سنه لسنه وبالنسبة لموضوعك اتمنى انه يقفل لان الجدوى من محتواه غير فعال وغير مقنع وغير مجدي من التخبط في امور بسيطه مثل هذي

وتقبل تحياتي المخلصه لك

حسن

20-12-2013, 06:49 AM

الدوحه1

20-12-2013, 08:28 AM

شوف ياحمد من عقب ززياده الرواتب العاليه تغير المجتمع كيثيرا واصبح في كل مناسبه مسافر
لا العيدين ولا اجازه الربيع ولا الصيف ولا العيد الوطني ولا اجازه اليوم الرياضي
السفر اصبح هاجس الكثير ممن القطريين

هذا واقع ونشوفه مايبيله اي كلام
تصدق ياحمد عندي اجانب استغلو كل اجازه سواء الاعياد واليوم الوطني يسافرون لبلادهم
واحنا تقول وطنيه

خل بس تنزل الرواتب وبعدين بنشوف الوطنيه

انتظر 2014 ايش بيسير بسعر البترول
هناك تقرير اقتصادي يحذر ولا تقول حسن ماقال

تحياتي لم ياحمد الوطني
:victory:

ممكن المزيد من التفاصيل؟؟
طلوع ولا انهيار اسعار البترول؟؟؟؟

النهار

20-12-2013, 08:44 AM

ممكن المزيد من التفاصيل؟؟
طلوع ولا انهيار اسعار البترول؟؟؟؟

اسعار البترول ستضل مثل الان لان استخراج النفط الصخري والغاز يكلف من 60 الي 70 دولار بينما استراج البترول من المكامن الطبيعه يكلف من 6 الي 8 دولار
والدول لاتعتمد في ميزانيتها على الاسعار الحاليه والميزانيات تعتمد على 60 او 65 دولار للبرميل
استخراج النفط الصخري مكلف ومضر للبيئه بشكل كبير ولايعرف مدى الضرر الذي يسببه استخدام ضخ المياه

يوسف0

20-12-2013, 10:44 AM

لا أرى فيها شئ الي يسافر فاليوم الوطني

سهم..

20-12-2013, 10:53 AM

!!!!!!!!!!!!!!!!!!!!!!!!!!!

أم علي 2010

20-12-2013, 11:24 AM

اعتقد المرأة من حقها تسافر عيل لانك تطالب بعدم احتفالها باليوم الوطني

والمحرم ممنوع من السفر ،، !!! ولا ما بيكون عنده وطنية

على فكرة ناس وايد حاجزين للعمره و راحوا واعتمروا

منطقك للحين متناقض

أم هشام

20-12-2013, 12:07 PM

اذا بتسمحولي ادخل مع اني مش مواطنة ..
الدولة قامت مشكورة وعملت اجازة للشعب عشان تعظيم هذا اليوم و هو اليوم الوطني لدولة قطر .. والناس حرة بهاليوم تسافر او لا تقعد او تطلع ,
بس الغريب لما نشوف بعض الناس قبل اليوم الوطني بشهر او اكثر بتطالب بعطلة رسمية اضافية غير الاربعاء عشان يتركو بلادهم ويسافرو.

ام السعف

20-12-2013, 12:39 PM

اذا كان السفر لوجه الله تعالى او علاج اشجع على الشيء هذا
لأن الوطنية مب محصورة في البقاء في الوطن في مثل هالإجازة ،،

اما لو كان بدواعي الفسحة والسياحة اشوف
بلادنا اولى بالفسحة والسياحة والترفيه عن عيالنا وتنمية مشاعرهم
وربطها بهذا اليوم كحق واجب للون على ابناءها ،،

وشكرا لكم

ام السعف

20-12-2013, 12:41 PM

شوف ياحمد من عقب ززياده الرواتب العاليه تغير المجتمع كيثيرا واصبح في كل مناسبه مسافر
لا العيدين ولا اجازه الربيع ولا الصيف ولا العيد الوطني ولا اجازه اليوم الرياضي
السفر اصبح هاجس الكثير ممن القطريين

هذا واقع ونشوفه مايبيله اي كلام
تصدق ياحمد عندي اجانب استغلو كل اجازه سواء الاعياد واليوم الوطني يسافرون لبلادهم
واحنا تقول وطنيه

خل بس تنزل الرواتب وبعدين بنشوف الوطنيه

انتظر 2014 ايش بيسير بسعر البترول
هناك تقرير اقتصادي يحذر ولا تقول حسن ماقال

تحياتي لم ياحمد الوطني
:victory:

ما ادري خايفة من عيونك يا بو علي

كل ما صار شي قلت زادات الرواتب وزادت الرواتب ؟

ليش ما تقول الناس متخرعين من الأساس كانوا في فقر ولما صارت
عندهم فلوس ظنوا انهم صاروا مثل الشيوخ اللي يقدرون يسافرون في كل وقت ؟

" Snake "

20-12-2013, 01:02 PM

شدخل هذي في هذي
موضوعك غريب

الكنترول

20-12-2013, 04:22 PM

الشوارع مازالت فاضية كل يوم اتمشى وارجع وما به زحمة هدوء

خلهم يسافرون يخفون علينا شوي ,,,

7llo

20-12-2013, 06:13 PM

ربعي اكثريتهم ماخذين اجازه من الاحد ومسافرين من السبت من قبل اليوم الوطني اشبكوها مع اجازات اليومين مالت اليوم الوطني الي راح تركيا الي راح تايلاند والي راح لندن

جبر ال جبر

20-12-2013, 11:57 PM

لي صديق قبل اليوم الوطني دايمن مسافر ويشبكها مع اجازاته لانه على كلامه هذي بدع ولايجوز المشاركه فيها

معماري قطري

21-12-2013, 01:03 AM

ذكرني عنوان الموضوع بالإغنية

نوار قطر

21-12-2013, 12:37 PM

خل يسافرون ياحمد شعليك منهم ،،، العيد تكتب لنا لحد يسافر اليوم الوطني لحد يسافر ،، الكريسمس لحد يسافر عيل متى نسافر :discuss: ، وبعدين انا بقول لك عن نفسي وعن الي نفس طبيعتنا ،،، احنا ناس لانطلع مسيرات ولانروح نشوف هالعروض والاحتفالات الي تصير عمرنا مارحنا ولا شفناها بسبة هالزحمه والحشره الي تصير ،،، زين وين نروح ،،، انا في هالاجازه كل يوم ماخذه خواتي ورايحين نحضر لنا فلم فالسينما عن الملل ،،، كان ودي اسافر بس ربي ماكتب ،،

نوار قطر

21-12-2013, 12:37 PM

ذكرني عنوان الموضوع بالإغنية

بالضبط ههههههههههه

نور الحور

21-12-2013, 01:02 PM

اعتبره حرية واختيار شخصي .. وماله علاقة بالوطنية ياحمد ..

بس تعال .. أخبرك تخاف من الطيارة الطيارة الطياااارة !! ..

يعني مثلاً كان ودك تسافر والفوبيا منعتك ؟ زين كان جربت .. السيارة .. السيارة السيااااارة !!:omen2:
^
^
^

هههههههههه ... مزحة تراها والله .. أمزززززح .. لحد يصدق بس ويبلشني بالردود الصاروخية أرض جو :secret:

توشيبا

21-12-2013, 01:56 PM

ام السعف

21-12-2013, 02:23 PM

ايدادي بيداد :waiting:

خورما داخل بغداد ،،

حسن

21-12-2013, 02:51 PM

هو حمد مهب همه اللي يسافر سواء عيد الفطر وعيد الاضحى والعيد الوطني
وغيره

هو المقصد منه التواصل والحضور وخصوصا المجتمع القطري اصبح مفكك وقل التواصل بشكل كبير بين الاهل
الناس او الغالبيه العظمى ماعاد تشوف اهلها الى بالمناسبات سواء عيد ولا حزن
هذا هو المقصد

والله اللي بيسافر الباب يوسع جمل وياحي من خفف

تصدق ياحمد هذا الاسبوع قلت باروح البحر بروحي
لان 4 من الطاقم قالو بيسافرون قلت لهم لو اطولون بعد ابركها عندي من ساعه
تصدق اني من زود الوطنيه والمحافظه على التجمع على الاقل انتزاور وقمنا نشوف بعض اني
ضارب خط تقول مسافرر
حضرت اول يوم وقالو لازم تجينا اليوم الثاني قلت لهم انا رايح البحر وبعيد عنكم 100كيلو قالو لازم تجي
والله ضربت المشوار عادي يااخي

خلنا احنا البركه على الاقل يقولك لو خليت لاخربيت

بس حلو العنوان طياره طياره

انا قلت لا بوشهاب صاده وش ولا مضروب بعين ولا مسحور

:omg:

تصدق لو في مثلك بقطر 2 كان احنا بخير

لازم نسويلك استنساخ منك ياحمد ونخزن منك انت تستحق يسون لك فاكتوري للرجال

سير وتخبر

عن مليح اسمر

حياك يابو شهاب

Rashaalzain

21-12-2013, 03:37 PM

يعطيكم العافية

ســــند

21-12-2013, 04:01 PM

أخوي الكل وطني هنا أنا معك ،،،،

لكن أعطيك بعض الأمور واحكم

خروج البنات في المسيرات وهبط الشباب والبنات والاستهبال والله ما يخلي الواحد يستأنس ويعبر عن وطنيته بالشكل الصحيح

ثانيا الازدحام الشديد الي مايخليك تتنفس وتقعد مكانك بالساعات ما تتحرك هل لو قفت في ألزحمه وشاغبت ورقمت وخربطت ولعبت في الناس اعتبر نفسي وطني ههههههه

ليش ما أسافر لين ما يخفون الناس والمبزره الي ما خلت احد في حالها سوا بنات ولا شباب وأريح مخي من هالامور بدال قعدت البيت أوردي

بصمة قطرية

21-12-2013, 04:16 PM

صادق حمد ما عندهم وطنية مسافرين في هاليوم
حتى إحنا ما عندنا وطنية ما طلعنا المسيرة
و إنت أول واحد يا حمد

كان المفروض تتطوع و تشارك عشان تثبت وطنيتك :victory:

نور الحور

21-12-2013, 05:23 PM

ايدادي بيداد :waiting:

خورما داخل بغداد ،،

أي لغة ذي ؟؟ :waiting:

شكلها تركي أو إيراني !!!

*******

حمد .. :telephone: .......خلاص تطمن وارتاح .. هل قطر بيرجعون كلهم الليلة طيارة طيارة طياااااارة ..

لأنهم على الرده يبون الشاره ..!! :secret: ... شفت شلون الوطنية ؟؟؟؟

توشيبا

21-12-2013, 05:26 PM

لغه ام السعف

بتاني يتكلم عربي

خرمه - حرمه

نور الحور

21-12-2013, 05:44 PM

لغه ام السعف

بتاني يتكلم عربي

خرمه - حرمه

ولغتك اللي كتبتها أنت شنهي ؟؟

على الأقل نطلع بفايدة من موضوع حمد نتعلم لنا كم كلمة من كم لغة :secret:

النهار

21-12-2013, 06:15 PM

ولغتك اللي كتبتها أنت شنهي ؟؟

على الأقل نطلع بفايدة من موضوع حمد نتعلم لنا كم كلمة من كم لغة :secret:

كخ كخ كخ
سويحلي صوب زنجبار

دااانة قطر

21-12-2013, 06:44 PM

من اول الشهر وانا احااول احجز للعمرة الروحة اوكي من يوم الثلاثاء بس العودة مالقيت الا الاثنين

الشوارع مازالت فاضية كل يوم اتمشى وارجع وما به زحمة هدوء

خلهم يسافرون يخفون علينا شوي ,,,

يعني افهم من ردك ان الزحمه كاانت بسبة المواطنيين؟؟

توشيبا

21-12-2013, 06:49 PM

كخ كخ كخ
سويحلي صوب زنجبار

:anger1::anger1::anger1:

سجل خروج ولا تدش الا بولي امرك معاك :waiting:

meme-93

21-12-2013, 07:06 PM

عادي يسافرون ويحتفلون بطريقتهم بالسفر بدون زحمه وازعاج ومغازل :)
وايد اعرف ناس سافرت واستانست ونفس الوقت احتلفت هناك بلبس الملابس الوطنيه ومتابعة الفعاليات فالتلفزيون
هل هم مش وطنيين ؟؟؟

وفي ناس هني فقطر ماسافرت وماتعترف باليوم الوطني ولا تحتفل فيه

قوت القلوب

21-12-2013, 07:45 PM

هل اليوم الوطني يرضي الله ورسوله ؟

بعض الناس فاهمه الوطنيه انها يوم واحد بالسنه!!!

ماهذا الاتشبه باليهود والنصارى واعيادهم وايامهم

ذيب سرحان

21-12-2013, 08:38 PM

بالنسبة لراي طير حوران يقول تسحب جناسيهم وطردهم من البلد هذا راي مردود له وما عنده سالفه .

معماري قطري

21-12-2013, 08:52 PM

والله ذبحني الموضوع ضحك خصوصاً سالفة طيارة طيااارة وسالفة سيارة سياااارة

لا واللي قال يسحبون جوازاتهم .. شدعوى يبه حكومة بشار الأسد .. هذي بلاد حرية وطيبة وعلاقات والحمد لله عيشة طيبة .. عيل على أقل شيء يسحبون الجنسية ويعطونها واحد على الويتنغ لست .. الله يحفظ بلادنا وأميرنا وكل من على أرض المسلمين.

hxamad

22-12-2013, 09:10 AM

الصراحة منى واحد ماسفرت :weeping:

Rider

22-12-2013, 10:54 AM

عادي الواحد يسافر يفرج عن نفسه بعد عناء العمل ترى الوطنية في القلب مب بمسير ولا عرضة ولا العاب نارية

أم محمد 90

22-12-2013, 12:53 PM

انا العام فاليوم الوطني كنت ف دبي

وتحسفت قد شعر راسي اني السنة ماسافرت ..

عادي مافيها شي حتى السفر تبون له اوقات معينه !

ضوى

22-12-2013, 12:57 PM

هذي ثالث سنة ولله الحمد في اليوم الوطني اكون بالعمرة ، ولا افكر اكون بأي يوم وطني بقطر ، اتعلق باستار الكعبة وادعي لولي الأمر بالخير والصلاح وصلاح بطانته اهم بكثير اني اشوف عرض عسكري والا العاب نارية

شيخ الديرة

24-12-2013, 07:35 AM

http://www.raya.com/File/Get/0d18f06e-ce0b-46cd-a15b-7b5f9bc2d82d

نور الحور

24-12-2013, 08:13 AM

http://www.raya.com/File/Get/0d18f06e-ce0b-46cd-a15b-7b5f9bc2d82d

ههههههههههههه .. بس حمد قال : طيارة طيارة طيارة ... ثلاث مرات مو ست نفس الكاريكتير ههههههه

bos3eed

24-12-2013, 12:20 PM

مساكين هل قطر اغلبهم راحوا يعتمرون في ها الاجازه

Right

24-12-2013, 01:46 PM

تفكيرك جداً ضحل أن تربط الوطنية والولاء بالسفر !!!

captin

24-12-2013, 02:51 PM

انا واحد طلعت من البيت يوم الأثنين قبل اليوم الوطني بيومين

بسيارة

وطيارة

وطيارة

وباص

وطراد

لين وصلت المنتجع اللي قضيت فيه 4 ايام
ورجعت بنفس الطريق

طراد

باص

طيارة

طيارة

سيارة

وبس :nice:

غايه الطواش

24-12-2013, 03:05 PM

captin

24-12-2013, 03:09 PM

هاي اكشن مالديفي

absolutely , you are right
it was an amazing short break

Eng. q6r

24-12-2013, 03:11 PM

انا عن نفسي من يوم الثلاثا لين السبت ف العنه
سوالف وضحك ولعب طائره لين ما زاد طولي 7 سم

غير البشر

24-12-2013, 03:46 PM

امس راجع من السفر :shy:

وقبلها كنت جاي من السفر قعد كم يوم ورجعت سافرت مره ثانيه هههههه

وبعد مليت خاطري اسافر :rolleyes2:

بصمة قطرية

24-12-2013, 04:21 PM

امس راجع من السفر :shy:

وقبلها كنت جاي من السفر قعد كم يوم ورجعت سافرت مره ثانيه هههههه

وبعد مليت خاطري اسافر :rolleyes2:
بن بطوطة escapeescape

غير البشر

24-12-2013, 04:23 PM

بن بطوطة escapeescape

اذكري ربج يا الجنيه هههههههه

مشاركه رقم 10458

http://www.qatarshares.com/vb/showthread.php?525899-((-%DA%C8%D1-%DA%E4-%CD%C7%E1%CA%DF-%C7%E1%E4%DD%D3%ED%C9-%DF%E6%E6%E1-%E3%D1%CA%C8%D4-%CD%D2%ED%E4-%E3%DA%D5%C8-))-%CD%ED%C7%DF%E3/page1046

بصمة قطرية

24-12-2013, 04:29 PM

اذكري ربج يا الجنيه هههههههه

مشاركه رقم 10458

http://www.qatarshares.com/vb/showthread.php?525899-((-%DA%C8%D1-%DA%E4-%CD%C7%E1%CA%DF-%C7%E1%E4%DD%D3%ED%C9-%DF%E6%E6%E1-%E3%D1%CA%C8%D4-%CD%D2%ED%E4-%E3%DA%D5%C8-))-%CD%ED%C7%DF%E3/page1046

:waiting::waiting::waiting:

hanayen

24-12-2013, 04:32 PM

الوطنية في القلب مب في الوقفه في الشارع حريم ورجاجيل بصراحه كانت مصخره لا عاداتنا ولا تقاليدنا فيها الاختلاط
اما أنا كنت دوام 18
محبه البلد تطلع في الشدائد اللهم احفظ بلادنا وأهلها واحفظ أنا أميرنا القائد واجعل له البطانه الصالحة
وقطر انشالله تحت قيادتهم الحكيمة من رقي الى رقي

بومحمد المطاوعه

25-12-2013, 08:30 AM

بارك الله فيك ياخوي حمد

اعرف واحد من الشباب سافر تايلند وده امه للفحوصات
4 ايام ورجعو ولله الحمد

بيت عمي راحو العمره كلهم محد تم في البيت وارجعو السبت العصر

على حسب ظروف الاجازات وعلى حسب ظروف العمل والاوقات اخوي

مب كل من سافر يعني شارد عن الوطنيه

كلن وظروفه ماتقدر نجبر فلان انه يتم فالدوله ويشارك ويسوي

اهم شي يشوف مصلحته وين ويروح

يعني رفيجي وعمي وهله اشوف انهم استغلو الاجازه بشيء افضل من بقائهم لليوم الوطني
لو كانو موجودين ماراح يصير شي بالعكس كل شي بيصير

وتحياتي لك