ســرقة بيانات 40 مليـــون بطاقة بنكية !!!

[fhd4]

اخترق مجهولون نظام محلات شركة Target الأمريكية المشهورة ما أدى لسرقة بيانات 40 مليون بطاقة إئتمانية أو صراف آلي تعود لزبائن استخدموا هذه البطاقات خلال زيارتهم لمحلاتها في الثلاث أسابيع الماضية …

وتمت سرقة جميع المعلومات الظاهرة على البطاقة مثل اسم حاملها ورقم البطاقة وتاريخ الانتهاء وكود cvv المكون من ثلاثة أرقام …

وتحاول محلات Target الآن اعادة الثقة لزبائنها بعرض خصومات تصل الى 10 في المائة على معظم بضائعها …


http://www.cnbc.com/id/101287808

[New Vision]

ههههه شهالخبر توني من اسبوع شاري من عندهم وبالبطاقه بعد الله يستر

[fhd4]

ههههه شهالخبر توني من اسبوع شاري من عندهم وبالبطاقه بعد الله يستر

أخوي أنصحك توقف البطاقة أو تغيرها …

الخبر اللي توه طالع إن البطاقات بدت تنباع في السوق السوداء …

Target data stolen in hack showing up on black market
http://cnet.co/1eu2TD7

[New Vision]

أخوي أنصحك توقف البطاقة أو تغيرها …

الخبر اللي توه طالع إن البطاقات بدت تنباع في السوق السوداء …

Target data stolen in hack showing up on black market
http://cnet.co/1eu2TD7

اشكرك اخوي على النصيحه وهاي الي بيصير

[النهار]

وانا بعد اشتري من هالموقع بس ببطاقه انترنت بالكثير يكون فيها 10 دولار اوعشرين

[khalid525]

مصيبة هالهاكرز كل يومين ضاربين موقع وبايقين معلومات

[شيخ الديرة]

الخبر يخص من قام بالشراء المباشر من متاجر الشركة ، حسب الرابط المرفق

[ذكي جدااا]

بالنسبة للشراء عن طريق النت دائماً استخدم بطايق تعبئة مسبقة الدفع ويكون اللمت فيها مايتجاوز الفين ريال. اللي يستخدمون بطايق البنك ذات اللمت العالي انصحهم يوفقون البطايق

[بصمة قطرية]

40 مليون بطاقة ..!!!

[gyrefalcons]

أنا والله ياخوك من 3 ايام الساعه 11:45ليلا ماشفت الى 3 مسجات من البنك
سحب من الصراف الآلي
ربك حميد أني للحين صاحي ما نمت
اتصلت في البنك قالوا انت مستخدم البطاقة الحين قلت لا ، قالوا لازم يتم توقيف البطاقة وبعد ساعتين راح نعرف وين مستخدمة
البطاقة كانت بطاقة الفيزا الصراف الآلي
المهم وقفت البطاقة
بعد ساعتين كلمني البنك وخبروني بانه تم استخدام البطاقة في نيويورك في ( تويز أر اص)
بما يقارب4700 ريال
يعني الحبيب شاري هدايا الكريسمس من حسابي.

[New Vision]

مسوين خصومات قويه عشان الكرسمس والظاهر سالفه البطاقات لها دور

[معماري قطري]

يا اخوان استوى لي موضوع حيرني .. انا وصلت أمريكا 14/11 الفائت واستخدمت بطاقة الفيزا في شركة استئجار السيارات وفي الفندق وبعدها سحبت ببطاقة البنك لإيجار شقة مفروشة .. ومن ذاك الوقت توصلني رسائل من البنك بأن بطاقتك ام1دبيت .. واللي هي بطاقة البنك الرئيسية تم الشراء بها بمبلغ معين من مكان معين .. إتصلت بالبنك قالوا لي كل السحوبات اللي سويتها وهي تختلف عن الرسائل اللي توصل.

لاحظت حسابي ما يتغير وثابت الا حسب مشترياتي أو سحوباتي بس للحين توصلني مسجات، وحتى شيكت على الحساب اونلاين وللحين توصلني رسائل على التلفون ومن البنك.

التحليل الوحيد إنه بالخطأ يرسلون على رقمي رسائل تخص غيري .. شرايكم؟

[fhd4]

الخبر يخص من قام بالشراء المباشر من متاجر الشركة ، حسب الرابط المرفق

صحيح كلامك ...

[fhd4]

وانا بعد اشتري من هالموقع بس ببطاقه انترنت بالكثير يكون فيها 10 دولار اوعشرين

شغلك عدل ...