المساعد الشخصي الرقمي

مشاهدة النسخة كاملة : انترلوك الرصيف الخارجي للفيلا ، من مسؤولية المالك ام أشغال !


Chambray
22-12-2013, 03:22 AM
السلام عليكم
في فريجنا صار لنا حالياً اكثر من 16 سنه ، ماتركب انترلوك في الارصفه ، مع ان الفرجان الي حوالينا كلها تركبت انترلوك من اكثر من 5 سنين ..
السؤال ..
ابدأ تركيب الانترلوك للرصيف الخارجي مع احواض الزراعه .. ام اخاطب اشغال ؟
واذا اخاطب اشغال اي جهه ( إدارة ) الي تهتم في هالامور عندهم ؟؟

ايش هي تجاربكم في مثل هالامور ؟؟
معماري قطري
22-12-2013, 03:34 AM
حسب علمي هذا تخصص البلدية ولو كانت أي جهة تخاطبها المفروض يكون عضو المجلس البلدي، لأنه هو عنده الإمكانية في المراسلات وصلاحيته أكبر حتى في الإنترلوك والإنارة .. عضونا مسكين ما يقصر في شيء ومهتم بروحه بهذي المواضيع وبدون طلب .. شوارع كثيرة تحتاج تجديد والبلدية مستعدة بعقود سريعة حق التجديد مع مقاولين أصغر وأسرع من مقاولين المشاريع الكبيرة.
رحال
22-12-2013, 10:34 AM
ركب على حسابك .. اذا بتنطرهم .. قول يالليل ما أطولك
يومهم عن سنة
ضوى
22-12-2013, 10:40 AM
احنا ركبنا على حسابنا ماحبيت منظر الرمل والتراب وكل شي سويناه على حسابنا ، ومساحة مب هينة مع احواض الزراعة
النهار
22-12-2013, 01:35 PM
ياخوي قبل ماتركب وتخسر حاول الاتصال بقسم الطرق في اشغال هل توجد عندهم خطه لتحديث البنيه التحتيه لموقع منزلك في القريب العاجل
صار معاي نفس الشي بعد ما سويت انتر لوك واحواض وزراعه بعد 6 شهور شالوا كل شي تموا اكثر من سنتين لما خلصوا المشروع
معماري قطري
22-12-2013, 09:53 PM
ياخوي قبل ماتركب وتخسر حاول الاتصال بقسم الطرق في اشغال هل توجد عندهم خطه لتحديث البنيه التحتيه لموقع منزلك في القريب العاجل
صار معاي نفس الشي بعد ما سويت انتر لوك واحواض وزراعه بعد 6 شهور شالوا كل شي تموا اكثر من سنتين لما خلصوا المشروع

أشغال مثل بقالة صغيرة في فريج وتتعامل مع يهال صغار للتوصيل للمنازل وعلى سياكل .. ياخذون طلبات وايد ولا عندهم حد يوصل والكل مشغول .. لاحظ مشغول وأشغال وشغل من نفس الكلمة .. ويحلمون بانهم قادرين على كل مشروع وهم في الواقع ضايعين مع الدلفري مالهم لا جي بي اس ولا عناوين .. اليهال على السياكل لا يعرفون شرق وغرب ويضيعون سنين لين يوصلون للعنوان المطلوب.
معماري قطري
22-12-2013, 09:57 PM
ركب على حسابك .. اذا بتنطرهم .. قول يالليل ما أطولك
يومهم عن سنة

انا سويت أحواض زراعية طابوق وكبيرة وزرعتها سدر وقرط ومتوقع في أي لحظة يجون يشيلون كل شيء .. هم زين سووا وصلة الشارع بعد سنتين من المطالبة والتوهان بين البقالتين .. أشغال والبلدية لين حصلنا مستجيب ولولا تدخل عضو الميلس البلدي ما كان صار الشارع المؤقت.