دكتور عمود فقري ممتاز

[بو.عبدالله]

السلام عليكم ورحمه الله
كيف الحال يااعضاء المنتدى الكرام
استاذن من الاداره مايشيلون موضوعي للاستفسارات لان ابغي اكثر اراء الاعضاء،،،
انا حاب اسئل عن الدكتور خالد فرج المبروك جراح عمود فقري في مستشفى العظام في الصحه المدرسيه..
حد قد جرب عنده عمليات ظهر ؟او حد ركب براغي في الظهر ؟وكيف صار بعد العمليه سوا عنده او عند غيره ؟
انا عندي تقرير طبي واحتاج جراحه للديسك وتركيب براغي للفقرات وماابغي اسافر برا واتغرب بعيد عن عيالي .. اذا الدكتور شاطر باذن الله باخذ عليه موعد وبشوفه
انا والله مدحوه لي ناس سوى لهم ديسك فقط..
انا قلت بسئلكم انتوا اخواني وماراح تقصرون معاي..

[طبيب قطري]

اخوي الدكتور اللي ذكرته جيد جدا بس نصيحه اي عملية للعمود الفقري وخصوصا تركيب البراغي احسن لو تقدر انك تسافر المانيا.. لانك بتحتاج متابعه لما بعد العمليه( فتره النقاهه) وهذي تعتبر اهم من العمليه نفسها.. وللاسف لحد الحين ماوصلنا لمرحله جيده في هذا المجال ..

[بصمة قطرية]

مثل ما قال لك أخوي طبيب قطري
عملية العمود الفقري حساسة جداً بالذات تركيب البراغي
لا تجازف و حاول تروح ألمانيا هم أكثر خبرة في هالمجال ..
ما عليك شر إن شاءالله ..

[The Doctor]

اخوي بوعبدالله , بكل امانه , ما انصحك ان د. خالد فرج يسوي لك العمليه , لاسباب احتفظ فيها لنفسي , بس ممكن ادلك على واحد من افضل الاطباء على مستوى العالم في هالمجال , البروفيسور يورجن هارمز , موجود في احد المستشفيات الخاصة في مدينة هايديلبيرق الطبيه في الجمهوريه الالمانيه الاتحاديه , وهذا اسم المستشفى ETHIANUM Klinik Heidelberg , واسأل الله العظيم رب العرش العظيم ان يشفيك .

[حياة]

انا عندي نفس المشكله وعند نفس الدكتور وبنتظر راي الاعضاء
انا صراحه تعباااااااانه جدا

[حياة]

انا عندي نفس المشكله وعند نفس الدكتور وبنتظر راي الاعضاء
انا صراحه تعباااااااانه جدا
حد جرب ولا يعرف حد جرب البراغي كيف صار بعد العمليه؟ ووين سواها؟

[اعمار قطر]

اخوي روح المدينة الطبية بالاردن واستشير حد هناك افضلك والله يشفيك

[khalid525]

في بروفسير الماني يسوي عمليات في مستشفى الالماني في جدة انصحك فيه ، اسمه اسكوجينا وهو طبيب زائر يروح جدة ثلاث مرات في السنة اتصل فيهم واحجز عنده ، هو تخصص عمود فقري .

[أبورودي]

اتفق مع الاعضاء ان تسافر ألمانيا أفضل عمليات العمود الفقري تحتاج الى عنايه خاصه فى فترة النقاهه وهى أهم فتره بعد الجراحه والله يشفيك