الحكم في قضية القطري علي المري بالكويت 5 يناير

[رجل الجزيرة]

http://www.al-sharq.com/NewsImages//2013/12/22/183bb3d2-3d2a-4759-be49-c8a073d34763.jpg
علي راشد صبيح المري



01:04 م

22
ديسمبر
2013


الدوحة - عمر عطية

قررت محكمة التمييز في الكويت، اليوم الأحد، تأجيل النطق بالحكم في قضية المواطن القطري علي راشد الصبيح المري، المتهم بمحاولة دهس المواطن الكويتي أحمد أسد إلى جلسة 5 يناير 2014، حسبما جاء في تغريدات بموقع "تويتر".

وكانت محكمة الاستئناف الكويتية قضت في 19 يونيو الماضي بحبس "علي المري"، المتهم بدهس المواطن الكويتي أحمد أسد، 3 سنوات و4 أشهر مع الشغل.

وتعود أحداث القضية إلى شهر فبراير من العام الماضي (2012)، عندما كان "المري" في الكويت متوجهاً إلى الجليعة لوداع صديق قبل عودته إلى الدوحة، وتعرض للاعتداء من قبل شباب كويتيين، هاجموا سيارته بأكياس ماء ووجه إليه أحدهم ضربة بشيء حاد على رأسه ووجهو إليه بعض الشتائم.

وذهب "علي المري" إلى سيارته فوجد نفسه محاطاً بـ8 أشخاص طلبوا منه النزول من السيارة، وحاولوا إيقافه بكل الوسائل، وفتحوا باب السيارة، فلجأ إلى دورية الشرطة التي طلبت منه التوجه إلى نقطة الأمن، ومع ذلك لحق به شابان مخموران وبدآ يوجهان له الشتائم وهاجماه أمام الشرطة، وحاصروه واعترضوا سيارته لمنعه من مغادرة المكان.

http://www.al-sharq.com//Detail/news/64/أخبار/330138/الحكم-في-قضية-القطري-علي-المري-بالكويت-5-يناير

[الجسراوي]

الله يفك اسره ويشدد ازره

مسكين ماله ظهر والا جان طلع من زمان

الله يرحم حاله

[ka2ka2]

هو الي كاتب على سياراته "لو لا بناتكم ما يجناكم" ؟؟؟

[كاروهات]

هو الي كاتب على سياراته "لو لا بناتكم ما يجناكم" ؟؟؟

هم ادعوا انه كتب !!!!!!!!!!!!
ولكن لم يكتب ابدا هذي الجملة

الله يفك اسره

[قطريه22]

الظاهر الكويت تبي تمسك اي زلة على اي واحد من قطر فبلشو الرجال بأي مصيبه عشان يسجنونه


الله يفك أسره

[ka2ka2]

هم ادعوا انه كتب !!!!!!!!!!!!
ولكن لم يكتب ابدا هذي الجملة

الله يفك اسره
ما اتوقع احد يجي يهاجم احد هو ما سوى شي !!
ثاني شي القضاء الكويتي نزية ما بسجن القطري سنتين هو بدون تهمه

[ka2ka2]

الظاهر الكويت تبي تمسك اي زلة على اي واحد من قطر فبلشو الرجال بأي مصيبه عشان يسجنونه


الله يفك أسره

الكويت من افضل الدول العربية احترام للحقوق الانسان ما اتوقع يدورون زلات القطري .. الكويت اكبر من كذا

[قطريه22]

الكويت من افضل الدول العربية احترام للحقوق الانسان ما اتوقع يدورون زلات القطري .. الكويت اكبر من كذا

الي نسمعه غير عن الي كتبته
البعض فيهم حقد وحسد وكراهية للشعب القطري

[VX.R]

ما اتوقع احد يجي يهاجم احد هو ما سوى شي !!
ثاني شي القضاء الكويتي نزية ما بسجن القطري سنتين هو بدون تهمه

نحن لا نشكك بالقضاء الكويتي.

ولكن

على يقين ان الرافضة لهم قوة غير طبيعية بالكويت ، خاصة في عهد ناصر المحمد .

وأخينا علي ( فك الله اسره ) ضحية هذا الحقد الطائفي ، فالطرف الآخر من القضية هو رافضة .
ولقد ورطوا هذا المسكين في قضيه هو في غنى عنها ..

ولكن أبشرك :
انه بيطلع رغم أنوف رافضة الكويت ورافضة ايران المتغلغلين في الكويت.

[عاشق العديد]

الكويت من افضل الدول العربية احترام للحقوق الانسان ما اتوقع يدورون زلات القطري .. الكويت اكبر من كذا

ههههههههههههههههه ..

الكويت من وشو .؟
احترام للحقوق الانسسان ..؟
البدون هم اصصل كويتين ويتعاملون مثل الخمام فالكويت .؟
ماتتوقع يدورون زلات .؟
ايه خبرك المشتكي شيعي والثاني سني .؟
تتوقع الشيعه بيرضون انه هالسني القطري يطلع كذا بارده مبرده ..

[عاشق العديد]

ما اتوقع احد يجي يهاجم احد هو ما سوى شي !!
ثاني شي القضاء الكويتي نزية ما بسجن القطري سنتين هو بدون تهمه

تم تحقيققق وحقققو على سياره وعرضوها للجنائيه وكشفو وماكتب هالكلام ..
القضاء الكويتي مع كامل احترامي ( مايدري وين الله قاطه )

[معماري قطري]

ما اتخيل ناس من الخليج من أي دولة لو شافوا حد بسبب انه من قطر مثلاً يدخلون في مشكلة معاه الا يكون فيه سبب قوي .. أحد الأبناء تعرض له واحد خبل من الإمارات ولف عليه وسبه وكررها كم مره .. وفي الأخير إنضرب وجات الشرطة ويوم كشفوا عليه حصلوه ناقص عقل ويسب حتى الشرطة ونصفوا اللي ضربه .. وأتوقع نفس الشيء بيصير في أي دولة خليجية وبالعكس يعاملون الزائر معاملة طيبة حتى وإن غلط غلط مستحمل.

ما ندري شاللي صار غير اللي نسمعه ونتمنى يرجع ولد قطر لبلده وأهله ونتمنى يكون بريء ومتعرض للظلم والله يتكفل بظالميه لو كان مظلوم.

[بنت الاجواد]

الله يفك عوقه ويرده سالم لاهله وبلاده

[سهيل قطر]

هو الي كاتب على سياراته "لو لا بناتكم ما يجناكم" ؟؟؟


تعليقك اخوي ما أعجبني لسبب إلا وهو حنا في عام 2013 موب ف عام الفيل معقولة ما حد صور سيارة الرجال شنو كتب والى يومك ما طلع ع الرجال اي دليل بخصوص هال موضوع ومن ناحية الدهس اللي داعمه واحد من ربعهم وكلهم كان في حالة سكر وهذا اللي أثبته تحليل الدم اللي اندعم. وهو شرد لمركز الشرطة يبي الفكة منهم لكثرة عددهم

على كل حال الله يفكه ويرجع لديرته سالم غانم. انا جئت الكويت مرة وحلفت ما عاد اطبها لأسباب احتفظ بها لنفسي والسلام ختام. أخوك سهيل قطر.

[دايموند]

هو الي كاتب على سياراته "لو لا بناتكم ما يجناكم" ؟؟؟

سؤال والا نغزه ؟

[عاشق العديد]

وانا كذلك من الناس الي طبو الكويت..

ولايمكن ولا في امل اطبها مره ثانيه..

[رجل الجزيرة]

وأنا أكثر من 20 سنة مرت الكويت ويا سبحان الله كأنك دايخ مع سواقتهم الشينة وليومكم ذا ما دخلتها.

[فرهود]

القضاء بيحكم بالعدل ان شالله ان كان مظلوم بيفرج عنه ان شالله.

[" Snake "]

الكويت من افضل الدول العربية احترام للحقوق الانسان ما اتوقع يدورون زلات القطري .. الكويت اكبر من كذا

ايه خير ان شاء الله
بس لاتعيدها مره ثانيه

[بصمة قطرية]

[QUOTE=ka2ka2;9296063]هو الي كاتب على سياراته "لو لا بناتكم ما يجناكم" ؟؟؟[/QUOTE

أكثر من موضوع نزل في المنتدى عن سالفة القطري
أنصحك تروح تقراها قبل لا ترد ..


الله يفك عوقه و يرده سالم لهله و ديرته ..

[دنيا الاسهم]

كل هاللي مكتوب وبعد حطو السبة على القطري الله ينصرة عليهم
امحق قضاء
حسبي الله ونعم الوكيل

[ka2ka2]

الي نسمعه غير عن الي كتبته
البعض فيهم حقد وحسد وكراهية للشعب القطري
ليش بذات القطري ؟


الكويت من وشو .؟
احترام للحقوق الانسسان ..؟
البدون هم اصصل كويتين ويتعاملون مثل الخمام فالكويت .؟
ماتتوقع يدورون زلات .؟
ايه خبرك المشتكي شيعي والثاني سني .؟
تتوقع الشيعه بيرضون انه هالسني القطري يطلع كذا بارده مبرده ..
البدون اغلبهم اصولهم عراقية وانت تعرف العلاقة بين البلدين


تم تحقيققق وحقققو على سياره وعرضوها للجنائيه وكشفو وماكتب هالكلام ..
القضاء الكويتي مع كامل احترامي ( مايدري وين الله قاطه )

ممكن مصدر ؟



تعليقك اخوي ما أعجبني لسبب إلا وهو حنا في عام 2013 موب ف عام الفيل معقولة ما حد صور سيارة الرجال شنو كتب والى يومك ما طلع ع الرجال اي دليل بخصوص هال موضوع ومن ناحية الدهس اللي داعمه واحد من ربعهم وكلهم كان في حالة سكر وهذا اللي أثبته تحليل الدم اللي اندعم. وهو شرد لمركز الشرطة يبي الفكة منهم لكثرة عددهم

على كل حال الله يفكه ويرجع لديرته سالم غانم. انا جئت الكويت مرة وحلفت ما عاد اطبها لأسباب احتفظ بها لنفسي والسلام ختام. أخوك سهيل قطر.
انا عندي قناعة انه ما احد يسجن عبث الا مسوي شي كايد .. عموما الله يرجعه بسلامه


سؤال والا نغزه ؟
سؤال طال عمرك لاني توقعت حادثه ثانية وحبيت اتاكد



وأنا أكثر من 20 سنة مرت الكويت ويا سبحان الله كأنك دايخ مع سواقتهم الشينة وليومكم ذا ما دخلتها.
كل دول الخليج تعاني من هذي المشكلة




القضاء بيحكم بالعدل ان شالله ان كان مظلوم بيفرج عنه ان شالله.
ان شاء الله هذا ما نتوقعه


ايه خير ان شاء الله
بس لاتعيدها مره ثانيه


تتوقع قطر افضل في حقوق الانسان ؟

[كلاسيك قطر]

والله مايسوى عليه كسر خاطري والله

[BoFahed]

والله مايسوى عليه كسر خاطري والله

اخوي ويمكن يكون دعسهم بالسيارة لأنهم التموا عليه و اضربوه واهانوه وال مرة الكرام معروف عنهم انه دمهم حامي وممكن الواحد فيهم يقتل اذا حد مس كرامته واهانه

المفروض ما نتهم ولا نبرئ احد ونحترم قرار القضاء الكويتي لانه ما نرضى اي احد يشكك في قضاتنا

[نوآف]

هذا ردي لك ,


ليش بذات القطري ؟

والله اعلم والسبب غير واضح , بس القطري بالذات وانا وغيري من الخليجين لاحظنا هالشي ف الخارج .. ممكن القطري يقعد مع كل خليجي وماتصير مشاكل الا الكويتي , ماقول الكل بس الخير يخص والشر يعم .. دائما تبدأ النغزات والحجي الفاضي .. والدليل اولا الحلقه اللي سواها البرنامج الكويتي عن البدون اللي في قطر " ع اساس احنا اللي عندنا بدون مش هم "

في احدى مدن بريطانيا كان في كلاس حق طلاب يدرسون لغه , للامانه انا ماجفت الحادثه اللي صارت اللي نقلي اياها واحد " ياباني " , كان في هالكلاس يابانيين وصينيين و قطريين شباب و كويتي واحد و سعودي واحد و افريقيين , مافي خليجيين الا قطريين اعمارهم 18 وتحت و سعودي و كويتي يحضرون ماجستير يعني تفاوت اعمار .. في يوم كان المدرس حاط خريطه ع البورد و على كل دوله يمرر عليها الماوس تطلع اسم الدوله و الاحصائيات فـ طلب الكويتي يمرر الماوس ع الكويت , حط المدرس الماوس ع الكويت لكن لا الاسم والا حصائيه طلعت ف الطلاب اللي ف الكلاس ضحكوا , قام طلب يممررها ع قطر ! ( الكلاس كله ضحك مش القطريين ) قام المدرس حط الماوس ع قطر طلع اسم قطر لكن بدون احصائيه , اللي سواه الكويتي انه لف ع القطريين وضحك ضحكة سخريه وصد عنهم , الياباني كان يسألني ليش يكره القطريين ومايقعد وياهم هل هناك ازمه سياسيه او عرقيه .. انا الصراحه ماقدرت ارد عليه لان واحد عمره 28 29 30 سنه مفروض مايسوي جذي , الحمدلله عيالنا سكتوا وطلعوا اعقل منه الله يحفظهم ..


البدون اغلبهم اصولهم عراقية وانت تعرف العلاقة بين البلدين

تصحيح البدون اصولهم كويتيه 100ظھ او سعوديه مش عراقيه


ممكن مصدر ؟

تقدر تجوف حلقة تو الليل و التحقيقات اللي حصلت يبيلها شوية بحث ...

انا عندي قناعة انه ما احد يسجن عبث الا مسوي شي كايد .. عموما الله يرجعه بسلامه

وايد مساجين مظلومين يا اخ واولهم كان النبي يوسف عليه السلام انسجن 7 سنين ظلم

سؤال طال عمرك لاني توقعت حادثه ثانية وحبيت اتاكد

.........

كل دول الخليج تعاني من هذي المشكلة

في دول تعاني اكثر من دول


ان شاء الله هذا ما نتوقعه
......

تتوقع قطر افضل في حقوق الانسان ؟

وهل ترى قطر اقل كفائه من الكويت ؟

تصدرت قطر الدول العربية في مؤشر الدول الأكثر أمنا وسلاما
في المرتبة 16 من بين 144 بلدا جرى تحليل معطياتها وفقا لبيانات العام 2009،

جاء ذلك في تقرير مفصل أصدره معهد علوم الاقتصاد والسلام
والذي يضم جيمي كارتر والدالاي لاما وتيد تيرنر بين رعاته الرئيسيين.

احتلت نيوزيلندا المرتبة الأولى بينما نالت الولايات المتحدة المرتبة 83،
استنادا إلى 23 مؤشرا تتضمن مبيعات الأسلحة وعدد جرائم القتل بين كل 100 ألف نسمة
وحجم أفراد الجيش واحتمال وقوع أعمال إرهابية وعدد المساجين.

عمان جاءت في المرتبة 21 بينما حلت الإمارات العربية المتحدة في المرتبة 40 والكويت 42
بينما حلت تونس في المرتبة 44. أما ليبيا فحلت في المرتبة 46 بينما جاءت مصر بالمرتبة 54 والبحرين 64
وجاءت سوريا 92 في المرتبة ثم السعودية في المرتبة 104 أما آخر القائمة فكان للعراق في المرتبة 144.

يعرف المؤشر السلام على انه غياب العنف ويأخذ بالحسبان زيادة الأزمات وتراجع احترام حقوق الإنسان
كما احتسبت الدراسة خسائر بلغت 8 تريليونات نتيجة لانتشار العنف على نطاق واسع.

[الجوكر90]

سوال
مب تنازلوا عن القضيه قبل كم شهر
ونزل موضوع فالمنتدى عن هالشي
اشلون الحين حاكموه

[cavok]

كلها ايام وبيطلع الحق انشأ الله

[بوخالد911]

الله يهون عليه

[مراد2015]

يا جماعة هو مسجون في دولة فيها قانون وفيه ناس معتدي عليهم لهم حقوق بدون ما ندخل المذهب في الامور الجنائيه

واكيد انه متهم وثابتة عليه التهمه في التحقيق سويتوه بطل قومي اركدو شوي

وارجو ان محد يزعل من كلامي

والله يفك اسره ويرجع با السلامة

[الأصيلة]

كلها ايام وبيطلع الحق انشأ الله

إن شاء الله

هكذا تكتب الله يرضى عليكم

[naif3]

الله يفك اسره

[يمامـة]

الله يفك اسره ويشدد ازره

مسكين ماله ظهر والا جان طلع من زمان

الله يرحم حاله

اللهم آمييين