تحذير للي يعملون ابديت أو جيلبريك للأي فون - اي باد فالمحلات

[Qa10]

السلام عليكم

ياجماعة اللي مايعرف يسوي ابديت او جيلبريك لهالهواتف من خلال كمبيوتره الخاص يوديه للمحل بكمبيوتره الخاص او يشوف له اي حد من عياله او اخوانه اللي فاهمين فهالأمور

ترى بمجرد شبك هالأجهزه بالكمبيوتر ينحفظ : ( المسجات - الصور - الصور من خلال المسجات ام ام اس - والفيديوهات - ارقام الهواتف - المواقع اللي تم زيارتها - كل شي موجود بالهاتف ) يتسجل بالباك اب فالكمبيوتر اللي مشبوك عليه . وحفاظا على خصوصياتكم وخصوصيه الناس الأخرين اللي انتم تراسلونهم ومسجلين ارقامهم من ضعاف النفوس وبعض المجرمين

اللي خلاني اطرح الموضوع اني شفت اكثر من شخص يدخل أكثر من محل ويعملون هالشغلات البسيطه اللي انت تقدر تسويها فالبيت

ليس القصد هو منع الرزق لأصحاب المحلات . الله يغنيهم من واسع فضله ان شاء الله ولكن

اذا مب صاحب المحل هو اللي بيحفر فهالشغلات اي حد بيشتري لابتوبه او كمبيوتر اللي هو تابع للمحل بيقدر

اللي يقولي مايصير اقوله تعال ارويك

وجب التنبية والله يحفظ كل مسلم ومسلمة من كل شر

[الجسراوي]

هالكلام صحيح 100%
والله يحفظ الجميع
المصيبه لما يطلع واحد ماله ضمير ويامكثرهم
ينسخون كل شي ويمكن يبيعونه وصور وفيديو وتنتشر الخصوصيات

[Qa10]

هالكلام صحيح 100%
والله يحفظ الجميع
المصيبه لما يطلع واحد ماله ضمير ويامكثرهم
ينسخون كل شي ويمكن يبيعونه وصور وفيديو وتنتشر الخصوصيات

الله يعين أخوي

ويحفظ المسلمين

ملاحظة : الاي فون والاي باد ، يتمح حفظ اخر باك اب ، يعني اذا حد حذف الارقام كلها والمسجات وعمل الابديت او غيره فالمحل ، مايتسجل الارقام المحذوفه او المسجات في جهازه او اي صوره تم حذفها

لأنه باك اب فقط

[فكتوريه]

الله يهدي بعض الناس الكسل ذابحهم مايبغون يتعلمون امور بسيطة مثل تحديث البرنامج ولا ترقيته !

بس سبحان الله لجات السالفة علي برامج المحادثة نفس الواتس اب ولا البي بي تلاقيه فلته

[للصبر اخر]

اخوي تقدر تشبكه وماتخليه يسوي لك باك اب
ماراح ينتقل شي للكمبيوتر
وفي اكثر من طريقه واستخدام الايفون والايباد جدا سهل وغير معقد

[زمان]

طيب ممكن حد يعطينا الخطوات
التي تشرح عملية الابديت أو جيلبريك للأي فون - اي باد

بشكل مبسط

[بنت الاجواد]

جزاك الله خير على التنبيه

[بوخالد911]

يسلموو للتنبية

[HotBlood]

أول شي كل واحد الحين يروح الإعدادت ثم icloud ويشوف شنو الايميل المسجل وشنو الخيارات الشغاله.
اذا اكتشفت ايميل غريب على طوله اعمل تسجيل خروج بدون لا تفكر.
واذا جهازك عامل له جيل بريك انسى انك تقدر تأمن بياناتك 100%

[أم محمد 90]

مبارك عليكم نزول جيل بيرك لنظام الـ ios7

كل واحد يدور باليوتيوب ويسوي الجيل بريك بروحه افضل

[نور الحور]

جزاك الله خير للتنبيه Qa10 ..

بس ليتك وضحت لنا الطريقة لا هنت ..


HotBlood .. مشكور على التنبيه وجزاك الله خير ..

[bohilal191]

تسلم على التنبيه وعن نفسي تعلمت كل شي عن طريق النت وانصح كل واحد يبغي يتعلم ياخذ له ايفون مستعمل ويمسح كل شي فيه ويتعلم شلون يسوي تحديث او باكب او جيلبريك وعقب ماتتعلم اطبق على ايفونك انا تعلمت بهالطريقة والحمدلله ولا مره لجأت حق المحلات وحتى الاهل واللي يقربون لي انا اسوي لهم كل شي

[khalid525]

مشكور اخوي ع النصيحة

[ذكـــــرى]

طيب ممكن حد يعطينا الخطوات
التي تشرح عملية الابديت أو جيلبريك للأي فون - اي باد

بشكل مبسط

شكثرر الشروحات في اليوتيوب وبالتفصيل الممل وترى سهل حييييل

[موسى الخليفي]

السلام عليكم

هذي الطريقه السهله لعمل الجليبريك للايفون والايباد والايباد تش

http://www.youtube.com/watch?v=0sAyvv1iOPU

او هنا

http://www.kulifi.com/v/t61404.html#post527892

[الخيالة]

انا عندي ايباد 2 ومخزن فيه صور وايد حق الاطفال وصور اهلي والفيرجن 5 وابي اسويله ابديت حق فيرجن الجديد اذا سويت ابديت بينمسح كل شي؟؟؟؟ بحاول اسوي في البيت بس ماعرف الطريقة

[موسى الخليفي]

الاخت الخياله

ما ينمسح شي

بس لازم يكون كل شي مخزن في الأي كلود

ادخلي الاعدادات ثم أي كلود icloud

وشوفي الازرار امام جهات الاتصال والبريد والملاحظات لازم تكون شغاله مش مطفيه

ثم انزلي تحت واضغطي على (( تخزين ونسخ إحتياطي ))

بتفتح لك صفحه انزلي تحت وشوفي مكتوب اخر نسخة احتياطيه الساعة كم

طبعا بيكون اليوم او امس .. هذا يعني ان كل شي تمام

اعملي ابديت للفيرجن اول شي وبعدين اذا تبغين تركبين الجلبريك ركبيه

اي اسفسار انا موجود إن شاء الله

[Qa10]

انا عندي ايباد 2 ومخزن فيه صور وايد حق الاطفال وصور اهلي والفيرجن 5 وابي اسويله ابديت حق فيرجن الجديد اذا سويت ابديت بينمسح كل شي؟؟؟؟ بحاول اسوي في البيت بس ماعرف الطريقة

أولا : الأي باد 2 مايدعم التحديث الجديد ios 7
ثانيا : العملية بسيطة ، تشبكين الاي باد بجاهز الكمبيوتر ولازم يكون عندك برنامج iTunes وتعملين Backup للأي باد بعدين Update ويتحدث الجهاز
واذا شريتي اي باد جديد تعملين restore backup ويرجع كل البرامج والصور اللي فالاي باد 2 وينسخة على الاي باد الجديد

[لبيبة]

أولا : الأي باد 2 مايدعم التحديث الجديد ios 7
ثانيا : العملية بسيطة ، تشبكين الاي باد بجاهز الكمبيوتر ولازم يكون عندك برنامج iTunes وتعملين Backup للأي باد بعدين Update ويتحدث الجهاز
واذا شريتي اي باد جديد تعملين restore backup ويرجع كل البرامج والصور اللي فالاي باد 2 وينسخة على الاي باد الجديد




عفوا اخوي، ايباد 2 يدعم ios7

عندي وحدثته، لكنه ما يدعم بعض مميزات النظام الجديد مثل airdrop

وصحيح ان افضل طريقة مثل ما ذكرت وهو عمل الباك اب بالكمبيوتر، وعدم استخدام icloud

بالذات لأن توجد صور خاصة وللحفاظ على خصوصيتها بالتأكيد يكون الباك اب الكامل بالكمبيوتر.