تعبنا مع المقاولين

[شاعر المليون]

مافي قوانين صارمة تردع المقاولين المتلاعبين تعبنا معاهم والمحاكم حبالها طويله
متى تصدر قوانين تنظم العلاقه بين المقاول والمستفيد بحيث تسد كل الثغرات

[معماري قطري]

متى ما تفرغوا ما يسمون بالخبراء القانونيين ... مثلهم بعد مثل الخبراء العقاريين .. اللي الواحد منهم توه صغير وشهادته ثانوية بالغش حتى كتابته فيها أغلاط وايد ويسمي نفسه خبير .. طبعاً البعض من الفئة الثانية والغالبية من الأُولى.

[captin]

مافي قوانين صارمة تردع المقاولين المتلاعبين تعبنا معاهم والمحاكم حبالها طويله
متى تصدر قوانين تنظم العلاقه بين المقاول والمستفيد بحيث تسد كل الثغرات


فيه

في دبـــي

للأسف المشرع عندنا اللي يسن القوانين ويحط الشروط والضوابط لأي مهنة او عمل
قاعد في مكتبه وبعيد عن الممارسات اللي تصير على أرض الواقع .

وما عندنا جهات سواء اكاديمية او مراكز ابحاث تدرس الظواهر والحالات وترفع مقترحاتها للجهات بالدولة
لمعالجة الخلل اللي صاير مثل مشاكل البناء او غيرها من مشاكل.

مثل بنك قطر للتنمية الصناعية اللي قاعد يصرف قروض الاسكان ووزارة الشؤون الاجتماعية ممثلة في إدارة الاسكان الشعبي
اكيد تمر عليهم حالات كثيرة من تعثر وتاخر بناء مساكن المواطنين , ليش ما يدرسون الاسباب ويطلعون بنتائج ويطبقون الحلول لتلافي هالمشاكل.
المسألة مب مسالة اني اوافق على منح سكن واحوله لبنك التنمية يصرف القرض والمواطن يتعاقد مع شركة مقاولات وينفذ
المسألة متابعة ومراقبة وتصحيح لو لزم الأمر.

مسألة البنيان مسألة مقعدة وشائكة في قطر عندنا بسبب ترك الحبل على القارب دون وجود نظام كل المسألة لو اختلفت مع المقاول
يقولون لك روح المحكمة اخذ حقك ولين رحت المحكمة احسب سنين من عمرك بتروح وانت ما حصلت نتيجة .

[معماري قطري]

ما قصرت يا كابتن وضحت الحقيقة

مشكلتنا في النظام والإدارة للمشاريع وللبناء ولكل حيثياتهم .. يستخدمون ناس قليلي الخبرة كخبراء .. وقلة عدد إداريي المشاريع وقلة التخصصات .. يعني إحنا نخسر على مشاريع ضخمة مليارات ونستخسر نجيب ناس تتابعها صح وبمؤهلات صح وبتكلفة صح .. المفروض مدير المشروع يتعين ويتعين معاه فريق من المتابعين حسب حجم المشروع يكون العدد وحسب تعدد خدمات المشروع يتعددون ويتخصصون المهندسين .. عندنا لا مدير المشروع أوقات حتى ما يكون مهندس وأوقات مهندس تخصص ثاني عن تخصص المشروع، مثلاً مشروع بنية تحتية وفيه خطوط فايبر اوبتكس وفيه عدة تداخلات وفيه طرق صدقوني تحصلون مهندس معماري وحديث التخرج هو يديره .. عرفت مره إن مهندس معماري يدير مشروع طريق سلوى بعد ما تعثر والمهندس سوداني وتوه من سنه أو أكثر شوي متخرج من الصين .. ولو إني ما شفت شغل له وعرفت إنه قليل الخبرة حتى في مجال تخصصه كنت باقول ممكن فاهم .. وصادفت أحد المقاولين يمدح فيه .. قلت ما يمدح في السوق الا اللي رابح فيه .. يعني معماري يفترض فاهم للفنيات أكثر وحتى قراءَة الخرائط المدنية صعبة عليه وخاصة الطرق وطبقاتها وشروطها ومواصفاتها .. يعني كان كبش فداء ومخلص معاملات بس وهذا شغل سهل ما نعتبره إدارة مشروع نعتبره توقيع على معاملات وموافقات وبس.