اليوم الوطني خلص وليتات الكورنيش للحين موجوده مالسبب ؟

[حمد 2002]

السلام عليكم ورحمه الله وبركاته

بادخل بالموضوع داريكت = مباشرتا ، اليوم الوطني خلص وليتات الكورنيش الي اتزين النخيل والفوانيس للحين موجوده مالسبب ؟ وهل لم يتم ازالتها من قبل الشركه المنفذه الى الان وذلك لانه يصادف ايام و وقت الكريسمس كذلك ؟!!!!! وبذلك تظرب الشركه المنفذه عصفورين بحجر واحد !!!

نطالب بتوضيح !!! :)

مع التحيه ،،،

[Bo Rakan]

اخر شي بنجوف بابا نويل يوزع هدايا في كتارا:secret:

[حسن]

حمد يااخي لاتسي الضن يمكن لين الحين يبطلون المنصمه ويشلون الكراسي
انا قول يمكن

هو في فوانيس ولا فناره
تصدق كل يوم امر عليه بس ماانتبهت

[حمد 2002]

اخر شي بنجوف بابا نويل يوزع هدايا في كتارا:secret:

مريت صوب برج السلام بالموتر ممم جنب ازدان ممم فيه كوفي هناك وجفت من بعييد ممم املبسين الي ايقدم الاكل كبوس = قبعه = كاب ههه الي هو بابا نويل

[حمد 2002]

حمد يااخي لاتسي الضن يمكن لين الحين يبطلون المنصمه ويشلون الكراسي
انا قول يمكن

هو في فوانيس ولا فناره
تصدق كل يوم امر عليه بس ماانتبهت

اليتات يبيلها يوم يابوعلي لكي تنشال = تنزال من مكانها ، ماسبب هذا التأخير ياترى :telephone: وليش نترك مجال للقيل والقال :telephone:

[حسن]

اليتات يبيلها يوم يابوعلي لكي تنشال = تنزال من مكانها ، ماسبب هذا التأخير ياترى :telephone: وليش نترك مجال للقيل والقال :telephone:

زين يمكن الهرب عندنا فايض ويبون يخففون الضغط
على المحطات خبرك الجو بارد والمكيفات مبنده واللود زايد

انا اقول يمكن

احسن الضن

:victory:

[حمد 2002]

زين يمكن الهرب عندنا فايض ويبون يخففون الضغط
على المحطات خبرك الجو بارد والمكيفات مبنده واللود زايد

انا اقول يمكن

احسن الضن

:victory:

دخلنا سنه 2014 وكل شيء جايز :rolleyes2:

[حسن]

دخلنا سنه 2014 وكل شيء جايز :rolleyes2:

متى
محد قالي

:telephone:

[Taiki]

يا خي كل شي صار انتقاد في انتقاد .... اصبر شوي ترى ما مر اسبوع عاليوم الوطني.
الناس مداوميين يومين بس من اليوم الوطني للحين.
لا تنشر طاقه سلبيه في المجتمعه

[العابــرQAT]

شنو المشكلة اذا ليتات الكورنيش للحين موجودة

انت اللي قاعد تدفع الفاتورة ولا الحكومة اشتكت لك

بالعكس شي جمالي ومصيرهم يشيلونة

بس شاطر في الانتقاد الفاضي وشوفوني منزل موضوع

[ذيب ازغوى]

يعطيك العافيه ياخوي وجزاك الله خير واتمنى من المسولين يقرون موضوعك

[أسد الجزيرة]

هذي عادة سنوية يشبكون اليوم الوطني مع الكرسمس و النيو يير

[أم محمد 90]

شنو المشكلة اذا ليتات الكورنيش للحين موجودة

انت اللي قاعد تدفع الفاتورة ولا الحكومة اشتكت لك

بالعكس شي جمالي ومصيرهم يشيلونة

بس شاطر في الانتقاد الفاضي وشوفوني منزل موضوع

شكراً لانك كتبت الي ودي اكتبه ..

عالم ينقدون ع الفاضي ليتات ليتااااااااااااااااااااااااااااااااااااااااااااات

مكتوب عليها كريسمس مثلاً !

[أسد الجزيرة]

اجل ليش تنشال الليتات عقب الكرسمس و السنة الجديدة
و رمضان و العيدين ليش ما تحط ليتات لهم

[شبح الصمت]

صراحة كنت اتمنى ليتات الكرنيش في اليوم الوطني تتزين نفس ليتات البحرين احمر وابيض كان شيء جميل النخل ملبس باضاءة جميلة جداً

وتبقى مزينه الدوحة لو طول السنه عاادي
http://www.shamsup.com/do.php?img=3537

[ebo90]

شنو المشكلة اذا ليتات الكورنيش للحين موجودة

انت اللي قاعد تدفع الفاتورة ولا الحكومة اشتكت لك

بالعكس شي جمالي ومصيرهم يشيلونة

بس شاطر في الانتقاد الفاضي وشوفوني منزل موضوع



اتفق معاك :)

[بومحمد المطاوعه]

والله اتمنى مثل ماقال اخوي شبح الصمت

المفروض الكورنيش يكون مزين طول السنين
ولا يشلون الليتات

والله شي يفتح النفس لين شفت مكان مضيء ومزين

[قطريه22]

ههههههههههههههه انا اعرف اشتقصد انهم مخليينها عشان الكرسمس والسنة الجديده

[Dana’1]

عشان إلي كان بالطياره طياره طياره…يحتفل وينبسط بشوفتها!!!

[Hamad5882]

ههههههههههههههه
خفوا عالريال
لو ما يحب بلاده و يغار عليها
ما فتح هالموضوع

[w.qatar]

لو يخلونها طول السنه زين

شكلها حلو و الكورنيش صار اجمل بالاضائات هذي

[أم محمد 90]

ههههههههههههههه
خفوا عالريال
لو ما يحب بلاده و يغار عليها
ما فتح هالموضوع

اي يحب بلاده يسوي دعايات؟

كل مواضيعه اعلانات ودعايات لاماكن خايسة مثل البارات والمراقص والحفلات الغنائية والسويكة ومادري شنو !!

[يمامـة]

مسكين حمد ،، كل ما بغاها حفلة صارت نشبة ،،

شوف يا حمد ،، الليتات هذي تعبر عن الأفراح

يوم عرسك بيعلقون لك ليتات ،، بيخلص عرسك ثاني يوم
مب شالين الليتات ....> صح ؟

خلاص نفس الشي ليتات اليوم الوطني يبي لها وقت لين تنشال

بس اصبر عليهم انت ،،

[بوخالد911]

خوووش منظر

[المحاميه]

مباشرةً *

عندك خطأ مطبعي ..

نرجع للموضوع الحين تركت كل شي ومسكت ف هالليتات خلها شتبي فيها عالاقل مزينه الطريج ومعطته منظر حلو ..

ليكون دافع شي من جيبك بعد !!!

والله ماعرفنا لكم ..
ان حطوا شي قلتوا ليش وان ماحطوا قلتوا ليش
لاحول الله ياربي

[يمامـة]

مباشرةً *

عندك خطأ مطبعي ..

نرجع للموضوع الحين تركت كل شي ومسكت ف هالليتات خلها شتبي فيها عالاقل مزينه الطريج ومعطته منظر حلو ..

ليكون دافع شي من جيبك بعد !!!

والله ماعرفنا لكم ..
ان حطوا شي قلتوا ليش وان ماحطوا قلتوا ليش
لاحول الله ياربي

هذيه حمد وهذي سوالفه ،،

حمد وينك ؟

[وطن]

حمد اخوي أتمنى تشوف اي موضوع يمر عليك في حياتك بنظرة إيجابية
بدون تفكير انتقادي وبس

الليتات وايد حلوة و لو تتم قبل اليوم الوطني بشهر وبعده بشهر
مافيها شي

بالعكس تغيير
طول السنة الكورنيش طبيعي

خلنا نستانس يالليتات شوي

[معماري قطري]

تعجبني باريس مدينة الأضواء وأتمنى قطر تكون نظيفة شوارعها ومرتبة وتكون لبعض الشوارع اللي مخصصة للمشي واللي كبيرة إنارة فنية خاصة تعطي بهجة وسرور واحتفال طول السنة .. أتمنى هذا التفنن بالإضاءَة يكون مدروس ما يكسر العين ويكون متغير غير ممل .. وفي الأخير لازم نعترف لنا احتفالاتنا ولهم احتفالاتهم وهم أكثر منا.

قبل كل شيء مهم يشتغلون على تصليح الأشياء الكبيرة المشوهة للمنظر من حفر على جوانب الطريق .. من إنترلوك مهتريء ومفكك .. من مطبات وحفر فجائية.

[مو مهم]

شنو المشكلة اذا ليتات الكورنيش للحين موجودة

انت اللي قاعد تدفع الفاتورة ولا الحكومة اشتكت لك

بالعكس شي جمالي ومصيرهم يشيلونة

بس شاطر في الانتقاد الفاضي وشوفوني منزل موضوع


+100

حمد اتمنئ انك تقرا مواضيعك قبل لا ترسلها والا 90% منها ما اعتمدتها

[OM_OMAR_QATAR]

:playball::playball:

[غايه الطواش]

ارجع للعقد الاصلي وشوف كم يوم يحتاجون للازاله !!هاي مهب ليتات عرس ركب في يومين وشيل في يوم , هاي نفس محتاجون للبلدين اب مابين شهر الا ثلاث اسابيه بعد الازاله جذيه
هذا غير عن الايام المتفق فيها فالعقد على كم يوم تتم , مع العلم اني من كم يوم ماره كانو يشيلون الليتات بس اكيد عمليه الشيل بتكون بطيئه نوعا ما نفس ايام التركيب .

[نمساوي]

حد ايعاف النور والسفر

[لـبـيـه]

بلعكس انا من ناحيتي اتمنى الليتات والمنظر الجمالي هذا يتم طول السنه والله تدخل الكرنيش الحين نفسيا تحس بشي جميل

وبهجه وسعة صدر انا مع ابقاء الليتات طوال السنه والكهرباء اتوقع ولاراح تهز شعره في كهرماء ولا البترول

[حراير قطر]

اتمنى انها ما تنشال امس رحت صوب الكورنيش

المنظر وايد حلو والدنيا منوره :nice:

[R 7 A L]

حمد
افكارك هدامه

[bos3eed]

الصراحه، أنا اعترف ان الموضوع طرى على بالي وتناقشت فيه مع بعض الشباب، وهذا دليل ان حمد يجيب مواضيع تدور في بال الناس.
اما بخصوص الليتات فانا اتمنى ازالتها مباشره بعد اليوم. الوطني علشان لايكون فيها تشبه بالنصارى واحتفالاتهم اللي بالصدفه موعدها قريب من موعد احتفالنا باليوم الوطني. ا

[Hamad5882]

الصراحه، أنا اعترف ان الموضوع طرى على بالي وتناقشت فيه مع بعض الشباب، وهذا دليل ان حمد يجيب مواضيع تدور في بال الناس.
اما بخصوص الليتات فانا اتمنى ازالتها مباشره بعد اليوم. الوطني علشان لايكون فيها تشبه بالنصارى واحتفالاتهم اللي بالصدفه موعدها قريب من موعد احتفالنا باليوم الوطني. ا

انزين اذا احتفال الكرسمس وراس السنه تشبه بالنصارى، عيل الاحتفال باليوم الوطني تشبه بمن ؟؟؟
على فكره البعض من اللي يعارضون تلقاهم الله يهداهم بعد يحتفلون بأيام الميلاد ،،،

الحمدلله ربي عطانا عيدين فقط في السنة الهجرية

[بن علاق]

الموضوع واااايد شدني لدرجة ان جاني احباط من هالسخافه ، الله المستعان

[قلوب قطر]

يا جماعة الخير انتو مكبرين الموضوع ليش ؟؟؟

هذا احنا من بداية ديسمبر نجهز و نحتفل باليوم الوطني .. جات على كم يوم بعد اليوم الوطني نبي مظاهر الاحتفال تروح ؟؟

انا عن رأيي الشخصي ابي المكان معدل من بداية ديسمبر لنهايته عشان نحس بالفرح صج ... ليتات الكورنيش نفس موضوع السياير ليش اللي يعدل و يزين سيارته ما يشل الزينه بعد اليوم الوطني ع طول بعد اليوم الوطني ع طول .. ليش نخلي احتفالنا يوم واحد بس ؟؟؟

انا ضد فكرتك و نظرتك السلبية .. بس بعد اتم وجهة نظر

لك احترامي