++ هل حان وقت اغلاق تويتر ++

[شبح الصمت]

بسم الله والصلاة والسلام على أفضل المرسلين سيدنا محمد صلى الله عليه وسلم ..


http://almadenahnews.com/uploads/pictures/b1118fa277211da8f551671aac8afb6c_twitter_logo-580-90.jpg



تويتر وما ادارك ما تويتر



أصبح هذا البرنامج المغرد سلاح ذو حدين لدى الكثيررررر ...


فما رأي الاخوة والاخوات فيه هل يجب على الكل اخذ الحذر قبل طرح اي عبارة !!


http://daveporter.info/wp-content/uploads/2011/09/logo-twitter.png

[حسن]

صباح الخير ياشبح

التويتر وماادراك مالتوتير

احنا العرب مايصلحنا التوتير كلش امه مختلفه

انا مشترك فيه واصبح دخولي قليل جدا له لاني ماشوف في فايده كثيره
غير الحروب المستعره بين وبين مايحتاج اكمل

احنا اي تكنلوجيا نستخدما عكس للاسف قول الكثر منا

تصدق لما سافرت برع نادرا ماشفت من يمشي مترنح ولا في فلك يسبحون
لكن عندنا
اللهم ياكافي

تشوف الناس سكرا ولا هم بسكارا

كانهم ماشافو خير

الخلل مش في تلك الاجهزه
الخلل في عقليه مستخدميها

ظاهره التتبع والتقليد السيئ

نو ثقافه نو تطور

وتحيه لك ياشبح

ماشفت بوحارب

:telephone:

[ضوى]

بالعكس تويتر جدا رااائع يا شبح ليش تبي تغلقه ؟؟ فيه امور شاذة واستثنائية بس هذا مايستدعي اغلاقه ، انا واحدة استمتع جدا جدا جدا في تويتر

[شبح الصمت]

صباح الخير ياشبح

التويتر وماادراك مالتوتير

احنا العرب مايصلحنا التوتير كلش امه مختلفه

انا مشترك فيه واصبح دخولي قليل جدا له لاني ماشوف في فايده كثيره
غير الحروب المستعره بين وبين مايحتاج اكمل

احنا اي تكنلوجيا نستخدما عكس للاسف قول الكثر منا

تصدق لما سافرت برع نادرا ماشفت من يمشي مترنح ولا في فلك يسبحون
لكن عندنا
اللهم ياكافي

تشوف الناس سكرا ولا هم بسكارا

كانهم ماشافو خير

الخلل مش في تلك الاجهزه
الخلل في عقليه مستخدميها

ظاهره التتبع والتقليد السيئ

نو ثقافه نو تطور

وتحيه لك ياشبح

ماشفت بوحارب

:telephone:




حي الله اخوي العود


صدقت في كل كلمة الخلل ليس منه ولكن الخلل منا نحن ..

الله المستعان

الحين اكتب اشوي الا قايلين كاتب الصورة عندهم طبعاً بحكم التويتر مكانته ومصداقيته الكل مشارك باسمه وصورته ومشاركاته


فما يقدر انه يفرط لو غلط في شيء ..


لكن يجب على كل شخص انه ما يتعدى حدوده في خطوط حمراء



وبوحارب يسلم عليك وقالي عن مزبنك الطيب وقلت له بنسير عليك في يوماً من الايام

:shy:

[شبح الصمت]

بالعكس تويتر جدا رااائع يا شبح ليش تبي تغلقه ؟؟ فيه امور شاذة واستثنائية بس هذا مايستدعي اغلاقه ، انا واحدة استمتع جدا جدا جدا في تويتر



صحيح انه ممتع ولكن لدى البعض والبعض استغله لوسائل متعدده


نفع المجتمع
اظهار شخصيته من ليس لديهم شخصية ( مع احترامي )
الاشهار في البعض
طرح ما هو صحيح وغير صحيح في بعض الاحيان



هل يجب ان تكون هناك خطوط حمراء فيه وهل يجب علي اني ادش باسم مستعار مع انه لو سويت اي شيء الرقابة الالكترونية بيطلعون الواحد من تحت الارض وبيحبون خشمه

[بن موسى]

بسم الله والصلاة والسلام على أفضل المرسلين سيدنا محمد صلى الله عليه وسلم ..


http://almadenahnews.com/uploads/pictures/b1118fa277211da8f551671aac8afb6c_twitter_logo-580-90.jpg



تويتر وما ادارك ما تويتر



أصبح هذا البرنامج المغرد سلاح ذو حدين لدى الكثيررررر ...


فما رأي الاخوة والاخوات فيه هل يجب على الكل اخذ الحذر قبل طرح اي عبارة !!


http://daveporter.info/wp-content/uploads/2011/09/logo-twitter.png


نعم يجب اغلاقة

لأنة علم الشعوب العربية الصدح بكل مايجول بخواطرهم من افكار

وتسبب بفضح الفاسدون والمفسدون في الارض

وتسبب في تمرد الشعوب على القيود المفروضة على الصحافة الورقية المسبحة بأسم اله الارض في العالم العربي المتأسلم

وفي الاخير

لن نستطيع الاستمتاع ببعض الكلمات الجميلة لوتم اغلاقة

مثل: ولية ولية ولية

[ضوى]

صحيح انه ممتع ولكن لدى البعض والبعض استغله لوسائل متعدده


نفع المجتمع
اظهار شخصيته من ليس لديهم شخصية ( مع احترامي )
الاشهار في البعض
طرح ما هو صحيح وغير صحيح في بعض الاحيان



هل يجب ان تكون هناك خطوط حمراء فيه وهل يجب علي اني ادش باسم مستعار مع انه لو سويت اي شيء الرقابة الالكترونية بيطلعون الواحد من تحت الارض وبيحبون خشمه

بس اكيد انت تتفق معاي يا شبح انه مايصير ناخذ الكل بجريرة البعض صح ؟؟

والنسان له عقل يعرف هذا صج والا هذا كذب خاصة في الامور اللي ماتحتمل التاويل

[قطريه22]

انا ماعرف حق تويتر ولاعندي حساب فيه بس من كثر ماسمعنا عن مشاكل وبلاوي اتمنى يصكرونه او يشددون الرقابه عليه

[شبح الصمت]

نعم يجب اغلاقة

لأنة علم الشعوب العربية الصدح بكل مايجول بخواطرهم من افكار

وتسبب بفضح الفاسدون والمفسدون في الارض

وتسبب في تمرد الشعوب على القيود المفروضة على الصحافة الورقية المسبحة بأسم اله الارض في العالم العربي المتأسلم

وفي الاخير

لن نستطيع الاستمتاع ببعض الكلمات الجميلة لوتم اغلاقة

مثل: ولية ولية ولية


حي الله بن موسى

يعني كلنا مؤدين انه الشعوب العربية اغلبها تحب المشاكسات


صدقني اخوي صاحب الفكرة عبقري بس بعض العقول الله يسامحها في استخدام بعض البرامج

:rolleyes2:

[نور الحور]

لا .. لم يحن بعد شبح :shy:

[شبح الصمت]

بس اكيد انت تتفق معاي يا شبح انه مايصير ناخذ الكل بجريرة البعض صح ؟؟

والنسان له عقل يعرف هذا صج والا هذا كذب خاصة في الامور اللي ماتحتمل التاويل

اتفق معاج ما يصير نعمم على الكل والا نحمل غيرنا مشاكلنا ولا يحملون غيري مشاكلهم


مشكلة ما يصير تويتر ادشين باسم مستعار لانه اغلب المشاركين ناس فاهميين واعيين وشخص واحد يقوم الناس تقوم معاه ..






انا ماعرف حق تويتر ولاعندي حساب فيه بس من كثر ماسمعنا عن مشاكل وبلاوي اتمنى يصكرونه او يشددون الرقابه عليه


انا اقترحت والا اهو شيء ما راح يكون في الحلم انه يتصكر ولكن يجب انه كل شخص قبل لا يكتب يوزن كلامه ولا يستعجل والشيطان يركب راسه ويخليه يكتب شيء اهو ما يقدر يرد عليه او انه يكون صحيح او في غير محله

[بريق الحق]

تويتر بحر من المعلومات المفيده

[شبح الصمت]

لا .. لم يحن بعد شبح :shy:



رآي من آراء كثيرة اختي

بس قولي لنا اشلون مشاركاتج فيه وهل ترين بعض التجاوزات


وهل في فائده منه !!


او اظهار شخصيات لا اكثر ولا اقل

[همر]

لا .. لم يحن بعد شبح :shy:

بل قد حان من زمان يا فلانه بنت فلان ...

تكنلوجيا الفتن ماظهر منها وما بطن ...

ان شاء الله يسكرون تويتر وفيسبوك وكل برامج

الانحلال الاجتماعي ...

اشفيه كيو بوست ؟!! يازينه ويا حلاته ...

الله على الزمن الجميل ...

[شيخ الديرة]

ومن يملك مفاتيح باب تويتر ؟؟

[شبح الصمت]

تويتر بحر من المعلومات المفيده



يعطيك العافيه

من اي ناحية بحر اخوي وكم عدد الاحرف الي تقدر تكتبها في تغريده وحده !!

[همر]

ومن يملك مفاتيح باب تويتر ؟؟


كويتل :shy:

[بريق الحق]

يعطيك العافيه

من اي ناحية بحر اخوي وكم عدد الاحرف الي تقدر تكتبها في تغريده وحده !!

خير الكلام ماقل ودل

[ضوى]

بل قد حان من زمان يا فلانه بنت فلان ...

تكنلوجيا الفتن ماظهر منها وما بطن ...

ان شاء الله يسكرون تويتر وفيسبوك وكل برامج

الانحلال الاجتماعي ...

اشفيه كيو بوست ؟!! يازينه ويا حلاته ...

الله على الزمن الجميل ...

معليش يا همر اسمح لي

من احنا حتى نقول انه حان الوقت لاغلاق كل مواقع التواصل الاجتماعي ؟؟

الكيو بوست خليناها من زمان الا للدليفري بس من امازون وخلافه ، الله يعافيك حتى العمالة الادنبية ماعادوا يستخدمون الكيوبوست الا ماندر ، الله يرحم زمان اول اللي العمالة تسجل صوتها في كاسيت وتطرشه لاهلها ، الحين هالمواقع اللي تطالب باغلاقها ذللت كل الصعوبات اللي تواجه العمالة من غربة ووحدة وخلافه

[Aaziz]

السلام عليكم

تويتر مافيه احسنه منه ،، مشكلتنا كعرب مش اننا نستخدم التقنيه في غير محلها ،، ابدا

مشكلتنا الحقيقيه في تويتر هي ان الشخص يطرق ابواب ما لا يحب سماعه !!

الميزه الاولي في تويتر انك لا تقراء الا لمن قمت انت باضافتهم ،، اروح اتابع ناس تشتم و تبث السموم و اتابع تغريداتهم و الردود عليها و ارجع اشتكي ؟ مايصير !
و الميزه الثانيه و قليل من يصنفها انها ميزه وهي الـ 140 حرف ،، بحيث ان الشخص يختصر التعبير عن فكرته باقل الكلمات .

[همر]

معليش يا همر اسمح لي

من احنا حتى نقول انه حان الوقت لاغلاق كل مواقع التواصل الاجتماعي ؟؟

الكيو بوست خليناها من زمان الا للدليفري بس من امازون وخلافه ، الله يعافيك حتى العمالة الادنبية ماعادوا يستخدمون الكيوبوست الا ماندر ، الله يرحم زمان اول اللي العمالة تسجل صوتها في كاسيت وتطرشه لاهلها ، الحين هالمواقع اللي تطالب باغلاقها ذللت كل الصعوبات اللي تواجه العمالة من غربة ووحدة وخلافه


وذللت كل الصعوبات للانحلال الاخلاقي والاجتماعي والسياسي

انا اشوفها نقمه على مجتمعاتنا .. اللي ماعندهم اهل عمال في الخارج

عشان يتواصلون معاهم .. وان وجدوا كطلاب او غيره

فمش متقطعه بهم السبل للتواصل ...

[ضوى]

السلام عليكم

تويتر مافيه احسنه منه ،، مشكلتنا كعرب مش اننا نستخدم التقنيه في غير محلها ،، ابدا

مشكلتنا الحقيقيه في تويتر هي ان الشخص يطرق ابواب ما لا يحب سماعه !!

الميزه الاولي في تويتر انك لا تقراء الا لمن قمت انت باضافتهم ،، اروح اتابع ناس تشتم و تبث السموم و اتابع تغريداتهم و الردود عليها و ارجع اشتكي ؟ مايصير !
و الميزه الثانيه و قليل من يصنفها انها ميزه وهي الـ 140 حرف ،، بحيث ان الشخص يختصر التعبير عن فكرته باقل الكلمات .

بارك الله فيك ، والله 140 حرف ميزة حلوة ، تعلمنا وتاكد لنا انه خير الكلام ماقل ودل

[ضوى]

وذللت كل الصعوبات للانحلال الاخلاقي والاجتماعي والسياسي

انا اشوفها نقمه على مجتمعاتنا .. اللي ماعندهم اهل عمال في الخارج

عشان يتواصلون معاهم .. وان وجدوا كطلاب او غيره

فمش متقطعه بهم السبل للتواصل ...


نقمة حق اللي يستخدمها خطأ ونعمة حق الفاهم

[نور الحور]

رآي من آراء كثيرة اختي

بس قولي لنا اشلون مشاركاتج فيه وهل ترين بعض التجاوزات


وهل في فائده منه !!


او اظهار شخصيات لا اكثر ولا اقل




للأمانة شبح انا متابعاتي لتويتر خفيفة جداً ..

وبعض من خواتي وصديقاتي قالوا لي سوي لج حساب على تويتر .. على الأقل تنشرين (الشغف) ههههه :shy:

بس أنا ماعندي هالشغف فيه بصراحة ..

لكنه وسيلة تواصل .. بغض النظر عن سوء استخدامها ..

صعب نحجر على الناس .. والجاي من وسائل أكثر تطوراً .. وأكيد بتظهر أشياء ما تخطر لنا على بال ..

مو معقولة كل شي بنغلقه وبنمنعه .. !!!

تويتر وغيره كله (وسائل) .. ممكن تستخدم في الخير والشر ..

بالضبط مثل السكين ممكن تساعدك في التقطيع وممكن تكون اداة قتل ..

هل ممكن نمنع السكاكين لأن بعض الناس أساءوا استخدامها ؟؟

ثاني شي .. الحل في زيادة التوعية مو في المنع .. ممكن ننشر حملات توعوية حتى على تويتر نفسه ..

وحط ببالك التغيير للأفضل يبيله وقت .. احنا مجتمعات ناهضة .. تطورت مادياتها بشكل فاق جداً تطورها الفكري والثقافي .. فلازم نتوقع هالفجوة وسوء الاستخدام ..

فوق هذا احنا مجتمع مستهلك للتكنولوجيا وليس صانعها ..

الحل مثل ما قلت لك محاولة زيادة الوعي .. فقط الوعي .. والله يهدي الجميع :victory:

[نور الحور]

بل قد حان من زمان يا فلانه بنت فلان ...

تكنلوجيا الفتن ماظهر منها وما بطن ...

ان شاء الله يسكرون تويتر وفيسبوك وكل برامج

الانحلال الاجتماعي ...

اشفيه كيو بوست ؟!! يازينه ويا حلاته ...

الله على الزمن الجميل ...


كح كح .. ما في زمن مثالي جميل إلا في الذاكرة !!

ضروري تواكب العصر همر ..

الخلل مو في التطور .. الخلل في الوعي بتوظيف التطور يا همر ..

ممكن تشوف ردي على شبح لو سمحت ؟ .. لأن أصابعي تعبت من طقطقة الكيبورد ..:shy:

[حسن]

كويتل :shy:



:nono:


اوريدو

:victory:

[همر]

نقمة حق اللي يستخدمها خطأ ونعمة حق الفاهم

نعمه حق الاقليه ونقمه حق الاغلبيه

[ضوى]

نعمه حق الاقليه ونقمه حق الاغلبيه

كيف حكمت وحددت اغلبية واقلية اخ همر ؟

[همر]

كح كح .. ما في زمن مثالي جميل إلا في الذاكرة !!

ضروري تواكب العصر همر ..

الخلل مو في التطور .. الخلل في الوعي بتوظيف التطور يا همر ..

ممكن تشوف ردي على شبح لو سمحت ؟ .. لأن أصابعي تعبت من طقطقة الكيبورد ..:shy:



كلام منمق معبق معتق ... ما يوكل عيش ...

توظيف التطور اذا احنا اخترعناه ونشرناه

اما نجيبه ونستخدمه اسوأ استخدام في القيل

والقال واضاعة المال وكثرة السؤال ...

[همر]

:nono:


اوريدو

:victory:


انا لا اوريدوا :court:

[شبح الصمت]

خيو همر


السكان عندك درول للموضوع انا اشوي بروح


ارفع لك القبعة استلمه لكن لا ترص على العالم خل الجانب الايجابي موجود فديت خشمك


سي يو ماي فرند

[ضوى]

كلام منمق معبق معتق ... ما يوكل عيش ...

توظيف التطور اذا احنا اخترعناه ونشرناه

اما نجيبه ونستخدمه اسوأ استخدام في القيل

والقال واضاعة المال وكثرة السؤال ...


وايد اشياء مب احنا اللي كان لنا سبب في صنعها او وجودها ، لكن يتم تطويرها بشكل جيد وتوظيفها لخدمة البشرية

مثال برامج الاوراكل وبرامج الكمبيوترات بشكل عام هل لنا يد في انشائها ؟ وهذا هي تتطور من احسن لاحسن لاحسن عن طريق عباقرةفي الحاسب الالي عرب وغير عرب

[نور الحور]

خيو همر


السكان عندك درول للموضوع انا اشوي بروح


ارفع لك القبعة استلمه لكن لا ترص على العالم خل الجانب الايجابي موجود فديت خشمك


سي يو ماي فرند


ههههههههههههه .. ماشاء الله عليك عرفت حق همر ..

لا توليه علينا عيل .. :secret:

[همر]

كيف حكمت وحددت اغلبية واقلية اخ همر ؟


في شي اسمه

Engineering eye

بمثابة الحاسه الساسه عندنا ...

بعد مايبيلها الله يهداج .. كل البرامج اللي عليها

تعليقات مثل اليوتيوب وغيرها تلاقي 5% تعليق

متزن او في صلب الموضوع والباقي كله سب في سب

.. عمري في حياتي ماشفت كمية سب وشتايم في ملل وشعوب

ولغات بعض كثر ما شفت في مقطع يوتيوب واحد حق عرب !!!

حتى المقاطع الدينيه يسبون فيها .. والتويتر اردى وامر ...

[حسن]

الصراحه احنا شعوب متخلفه

انا مع اغلاق التويتر والفيس بوك والاستغرام والكيكرز والبلاك بيري وكل وسائل الاتصال
انا ماينفع لنا الا النوكيا بو موزه

وبس

[همر]

خيو همر


السكان عندك درول للموضوع انا اشوي بروح


ارفع لك القبعة استلمه لكن لا ترص على العالم خل الجانب الايجابي موجود فديت خشمك


سي يو ماي فرند


خشمك :shy:


لا تحاتي .. ان شاء ترجع والموضوع لي الحين مفتوح ...

[نور الحور]

كلام منمق معبق معتق ... ما يوكل عيش ...

توظيف التطور اذا احنا اخترعناه ونشرناه

اما نجيبه ونستخدمه اسوأ استخدام في القيل

والقال واضاعة المال وكثرة السؤال ...



ماعندك صبر شكلك يا همر..

كل وسائل الاتصال اللحين كأنها صدمة بالنسبة لنا احنا المجتمعات (المستهلكة للتكنولوجيا) ...


اصبر عليها .. ومع التطور الثقافي لازم بيتطور الفكر .. ولازم بتتم فئة على ماهي عليه من سوء الاستخدام ...

الصبر الصبر يا همر..

أما أمنعوا واغلقوا وسكروا .. وين عايشين احنا ؟ .. في معسكر هتلر مثلاً ؟؟؟؟ :waiting:

[ضوى]

في شي اسمه

Engineering eye

بمثابة الحاسه الساسه عندنا ...

بعد مايبيلها الله يهداج .. كل البرامج اللي عليها

تعليقات مثل اليوتيوب وغيرها تلاقي 5% تعليق

متزن او في صلب الموضوع والباقي كله سب في سب

.. عمري في حياتي ماشفت كمية سب وشتايم في ملل وشعوب

ولغات بعض كثر ما شفت في مقطع يوتيوب واحد حق عرب !!!

حتى المقاطع الدينيه يسبون فيها .. والتويتر اردى وامر ...




نعم في اليوتيوب والانستغرام هذا الشي لاحظته موضوع بوادي والتعليق بوادي ، بس بعد مانقول اغلبية واقلية ، تويتر نادر ماشوف هالشي يمكن لاني متلقي ومتابع اكثر من اني مشارك ، مدري تظل يااخ همر هالمواقع جدا مهمة ومفيدة وبصراحة باكون زعلانة جدا لو سكروا اي من هالمواقع لاني جدا مستمتعة فيهم

[ضوى]

خشمك :shy:


لا تحاتي .. ان شاء ترجع والموضوع لي الحين مفتوح ...


ليش ناوي عليه ؟؟

الموضوع حلو وممتع والنقاش فيه جميل وهادئ

[نور الحور]

ليش ناوي عليه ؟؟

الموضوع حلو وممتع والنقاش فيه جميل وهادئ


ضوى .. في ناس أعصابها (بازت) :secret:

[همر]

وايد اشياء مب احنا اللي كان لنا سبب في صنعها او وجودها ، لكن يتم تطويرها بشكل جيد وتوظيفها لخدمة البشرية

مثال برامج الاوراكل وبرامج الكمبيوترات بشكل عام هل لنا يد في انشائها ؟ وهذا هي تتطور من احسن لاحسن لاحسن عن طريق عباقرةفي الحاسب الالي عرب وغير عرب



انتي الحين دخلتي في مقارنه ستندمين عليها اشد الندم :playball:

برامج الحاسوب .. حلوه حاسوب تذكرت صف خامس ابتدائي :weeping:..

مثل اوراكل وغيره تسهل لنا المعاملات الاداريه ومالها اي استخدام مني ولا مني

هذي التكنولوجيا اللي لازم نوظفها ونستخدمها ونطورها ...

اما برامج تواصل وكلام فاضي كنا عايشين بدونها بخير ونعمه

وبنعيش بدونها بخير ونعمه ترى مش محتاجينها وحاجتنا

لها وهميه ...

بالضبط مثل القطار والسياره ... برامج الكمبيوتر مثل السيارات

وظفناها اول ما توفرت لنا وانتشرت وزادت حاجتنا لها ولا يمكن

الاستغناء عنها اليوم ...

اما تويتر وغيره مثل القطار ... نبيه .. هاه .. ما نبيه .. هاه

تهقون محتاجينه ... اي والله شكله حلو .. يلا نواكب التطور ..

وعشان يقولون عندنا قطار ... واخرتها مايركبونه الا الهنود !!!!

[همر]

الصراحه احنا شعوب متخلفه

انا مع اغلاق التويتر والفيس بوك والاستغرام والكيكرز والبلاك بيري وكل وسائل الاتصال
انا ماينفع لنا الا النوكيا بو موزه

وبس


اشكرك صراحه ... اسمعوا كلام العقل ..

[Dana’1]

لا وين تو الناس على الإغلاق:)
عن نفسي إلى الآن مرتاحة بإستخدامه ولله الحمد والمنة…لأني بكل بساطة أتابع من أريد وأعرف أكثر طريقة تفكيرهم أوعلمهم وحتى أخبارهم الشخصية أحيانا:)
وأجمل مافية إنه ما يفرض عليك أشخاص تتابعهم ..وإن أغلب المعرفين بأسماء حقيقية والبعض حسابة معتمد والمجال مفتوح وسقف الحرية أعلى من غيرة نوع ماء

والواحد عموما لازم يراعي الآداب بالكتابة قد ما يقدر سواء بالتويتر أو بغيرة

[همر]

ليش ناوي عليه ؟؟

الموضوع حلو وممتع والنقاش فيه جميل وهادئ


انا قلت له ان شاء الله ترجع وتلاقيه مفتوح احتراماً لصاحب الموضوع في ابقاء الجانب الايجابي :shy:

[Rider]

زين اني ماعرف استخدام لا توتير ولا فيس بوك حتى البلاك بيري مادري عنه يازين النوكيا بو ليت خضر

[حسن]

اشكرك صراحه ... اسمعوا كلام العقل ..



ملهاه للشعوب واكثر اهل التويتر النساء

رفقا بالازواج رفقا بالعيال رفقا بالاسره
رفقا بالمجتمع

انا اطالب من منبري هذا ومن موضوع شبح الصمت
ان تكون هناك دراسه جدوي ما الفائده الاقتصاديه
لتضخم الاسعار اللتي حلت بالمجتمعات العربيه الىى راجاعه ورا يعني ريوس
بسبب تلك التكنو لوجيا الغربيه

انها نوع من انواع الشياطين والمرده

وملهاه للامم


وابجي على البمبره وابجي على التينه


:weeping:

[حسن]

زين اني ماعرف استخدام لا توتير ولا فيس بوك حتى البلاك بيري مادري عنه يازين النوكيا بو ليت خضر

ابشر بالجنه ان شاء الله

:)

[ضوى]

انتي الحين دخلتي في مقارنه ستندمين عليها اشد الندم :playball:

برامج الحاسوب .. حلوه حاسوب تذكرت صف خامس ابتدائي :weeping:..

مثل اوراكل وغيره تسهل لنا المعاملات الاداريه ومالها اي استخدام مني ولا مني

هذي التكنولوجيا اللي لازم نوظفها ونستخدمها ونطورها ...

اما برامج تواصل وكلام فاضي كنا عايشين بدونها بخير ونعمه

وبنعيش بدونها بخير ونعمه ترى مش محتاجينها وحاجتنا

لها وهميه ...

بالضبط مثل القطار والسياره ... برامج الكمبيوتر مثل السيارات

وظفناها اول ما توفرت لنا وانتشرت وزادت حاجتنا لها ولا يمكن

الاستغناء عنها اليوم ...

اما تويتر وغيره مثل القطار ... نبيه .. هاه .. ما نبيه .. هاه

تهقون محتاجينه ... اي والله شكله حلو .. يلا نواكب التطور ..

وعشان يقولون عندنا قطار ... واخرتها مايركبونه الا الهنود !!!!


تبي تقول القطار ماله اي اهمية لو انشئ؟؟ بالعكس ازمة الازدحام بتنحل وبنفتك من الضغط العصبي اللي كنا نعيشه يوميا

لا تقيس ولا تقارن امور بامور اخرى ، مواقع التواصل حلوة ، صدقني حلوة وجدا مفيدة ، ومثل ماقالت ديور الحلو انك تتابع اللي تبيه ويتابعك اللي تبيه انت ، وغير هذا اسمك الحقيقي بدون لف ودوران ولا شخصيات وهمية وافتراضية

[همر]

ماعندك صبر شكلك يا همر..

كل وسائل الاتصال اللحين كأنها صدمة بالنسبة لنا احنا المجتمعات (المستهلكة للتكنولوجيا) ...


اصبر عليها .. ومع التطور الثقافي لازم بيتطور الفكر .. ولازم بتتم فئة على ماهي عليه من سوء الاستخدام ...

الصبر الصبر يا همر..

أما أمنعوا واغلقوا وسكروا .. وين عايشين احنا ؟ .. في معسكر هتلر مثلاً ؟؟؟؟ :waiting:


الله يهداج يا بنيتي ترى احنا المخضرمين .. اللي عشنا عصر ماقبل

الانترنت وبعده ... وجربنا هالتكنولوجيا على مدى عشرين سنه الحين

واكتشفنا انها مجرد فقاعه من الوهم بانها حاجه ماسه وضروره في

كل بيت وهي والله لو انقطع عنكم النت مابتموتون من الجوع ..

بالعكس بترجعون لاشياء مفيده تركتوها بسبب التواصل الالكتروني ...

القراءه .. الزيارات .. الخ ... وبنفتك من عادات دخيله دخلت علينا

بسبة هالتكنولوجيا ولا هالصيصان اللي كل واحد شابك له فلبينيه

ويفتر فيها من مكان لي مكان من وين كان بيتعرف عليها ...

[همر]

ضوى .. في ناس أعصابها (بازت) :secret:


بازت بيزه وحده ولا بيزتين ؟!! خاطري في بيز عيون آمو ...

[ضوى]

الله يهداج يا بنيتي ترى احنا المخضرمين .. اللي عشنا عصر ماقبل

الانترنت وبعده ... وجربنا هالتكنولوجيا على مدى عشرين سنه الحين

واكتشفنا انها مجرد فقاعه من الوهم بانها حاجه ماسه وضروره في

كل بيت وهي والله لو انقطع عنكم النت مابتموتون من الجوع ..

بالعكس بترجعون لاشياء مفيده تركتوها بسبب التواصل الالكتروني ...

القراءه .. الزيارات .. الخ ... وبنفتك من عادات دخيله دخلت علينا

بسبة هالتكنولوجيا ولا هالصيصان اللي كل واحد شابك له فلبينيه

ويفتر فيها من مكان لي مكان من وين كان بيتعرف عليها ...


معليش اخوي همر وانا من المخضرمين ويمكن قبلك بعد ، لكن شفت فايدة كبيرة من هالمواقع ، صح مب ميتة لو انقطع الانترنت بس حلو التواصل ومتابعة ناس لهم وزن وثقل ومواضيع مفيدة ، اما تقولي صيصان واشلون تعرفوا على بعض فهذا مايثبط عزيمتي لانهم يمثلون نفسهم وبيئتهم ولازم يكون ضرب من حديد عليهم بسن قوانين وخلافه ، بس اني امنع واقفل واغلق لا لا لا

[نور الحور]

الله يهداج يا بنيتي ترى احنا المخضرمين .. اللي عشنا عصر ماقبل

الانترنت وبعده ... وجربنا هالتكنولوجيا على مدى عشرين سنه الحين

واكتشفنا انها مجرد فقاعه من الوهم بانها حاجه ماسه وضروره في

كل بيت وهي والله لو انقطع عنكم النت مابتموتون من الجوع ..

بالعكس بترجعون لاشياء مفيده تركتوها بسبب التواصل الالكتروني ...

القراءه .. الزيارات .. الخ ... وبنفتك من عادات دخيله دخلت علينا

بسبة هالتكنولوجيا ولا هالصيصان اللي كل واحد شابك له فلبينيه

ويفتر فيها من مكان لي مكان من وين كان بيتعرف عليها ...



حسن الاستخدام لهالوسائل والتوازن بينها وبين الحياة والتواصل العادي

بيتحقق عن طريق زيادة الوعي مثل ما قلت قبل لشبح .. مو بالمنع ..

حتى الأنبياء في منهم من اللي دعوتهم استمرت سنييييين طويلة ..

وبعدها اللي آمنوا معه (قليل) !!!! .. ومع ذلك ما كلوا ولا ملوا ..

كل ممنوع مرغوب .. واللي فيه شر بيسويه بتويتر ولا غيره .. حسبالك يعني خلاص بالمنع بتعم السكينة والهدوء ويعود الناس للبيت مسرورين ..؟؟


لأ .. ترى هذا مال أول ... الحل بالصبر وزيادة الوعي والتغيير حتماً بيأتي بس تدريجي .. يعني يمكن عيال عيالك بيلحقون عليه مو أنت :secret:

[همر]

ملهاه للشعوب واكثر اهل التويتر النساء

رفقا بالازواج رفقا بالعيال رفقا بالاسره
رفقا بالمجتمع

انا اطالب من منبري هذا ومن موضوع شبح الصمت
ان تكون هناك دراسه جدوي ما الفائده الاقتصاديه
لتضخم الاسعار اللتي حلت بالمجتمعات العربيه الىى راجاعه ورا يعني ريوس
بسبب تلك التكنو لوجيا الغربيه

انها نوع من انواع الشياطين والمرده

وملهاه للامم


وابجي على البمبره وابجي على التينه


:weeping:


صدقت يا بوعلي ... ماغير تضييع وقت وركضه ورى فراغ

على قولة حمد الطيار

قضيت بالدنيا طريدن وملحوق
تطرد ورى اللاهي وساقن لحق ساق ...

[ودي أكون]

والله التويتر عجيب ليش تبون تسكرونه ..!

بنظري هو على استخدام الشخص .. من ناحية تغريداته واختياره للاشخاص ..؟!
فاللي يحس ان التوير مش اوكيه .. يراجع تغريداته ويراجع الاشخاص اللي سوا لهم فولوا ..!

فانا اللي اتحكم بالاشخاص اللي اتعابهم .. وبعدين شنو اللي حادني اتابع ناس اطلع اشاعات ..؟!

لا .. بتابع الاخبار بتابع المعلومات بتابع شيوخ الدين ..الخ

بالنسبة لي التويتر حلو ..

والله اعلم

[نور الحور]

بازت بيزه وحده ولا بيزتين ؟!! خاطري في بيز عيون آمو ...



شبببببببببببببببببح :telephone:

[همر]

تبي تقول القطار ماله اي اهمية لو انشئ؟؟ بالعكس ازمة الازدحام بتنحل وبنفتك من الضغط العصبي اللي كنا نعيشه يوميا

لا تقيس ولا تقارن امور بامور اخرى ، مواقع التواصل حلوة ، صدقني حلوة وجدا مفيدة ، ومثل ماقالت ديور الحلو انك تتابع اللي تبيه ويتابعك اللي تبيه انت ، وغير هذا اسمك الحقيقي بدون لف ودوران ولا شخصيات وهمية وافتراضية


يا طنط الله يخليج خلينا واقعيين ... اشوف ازمة السير خفت في دبي

بعد المترو !!! هذا هو التويتر .. مقارنه في الصميم صراحه ...

نحس انه راح يسوي ويسوي وله بدائل اصلا تغنيك عنه

ولا وراه الا الخساير وتضييع الوقت ...

[بومحمد المطاوعه]

بارك الله فيك يالغالي

انا من المغردين ف التويتر

واحب التويتر والاستخدام فيه جدآ رائع

طبعآ الاستخدام الصحيح بترتاح في اي ممكان

اما الي يستخدمه للشين

اعوذ بالله منه

[ضوى]

يا طنط الله يخليج خلينا واقعيين ... اشوف ازمة السير خفت في دبي

بعد المترو !!! هذا هو التويتر .. مقارنه في الصميم صراحه ...

نحس انه راح يسوي ويسوي وله بدائل اصلا تغنيك عنه

ولا وراه الا الخساير وتضييع الوقت ...


دبلت جبدي ياهمر

انا بصوب وانت بصوب

[همر]

معليش اخوي همر وانا من المخضرمين ويمكن قبلك بعد ، لكن شفت فايدة كبيرة من هالمواقع ، صح مب ميتة لو انقطع الانترنت بس حلو التواصل ومتابعة ناس لهم وزن وثقل ومواضيع مفيدة ، اما تقولي صيصان واشلون تعرفوا على بعض فهذا مايثبط عزيمتي لانهم يمثلون نفسهم وبيئتهم ولازم يكون ضرب من حديد عليهم بسن قوانين وخلافه ، بس اني امنع واقفل واغلق لا لا لا


لا اسمحيلي ... انا قبل ... انا كنت في امريكا يوم فتحوا النت من التسعينات ولا طب

الخليج الا عقب مبطي ...


وهذا انتي قلتيها ... حلو ... يعني مش ضروري ...

ابي امنعه من باب درء المفاسد اللي هي اعظم من حلاوته ...

ماقمنا نعيش بدون باسكن روبنز ؟!! الله يرحم ... الحين كبر

راسنا على النخي والباجلا !!!

[همر]

دبلت جبدي ياهمر

انا بصوب وانت بصوب


ردي نمره وعطيه ريس :playball:

[همر]

بارك الله فيك يالغالي

انا من المغردين ف التويتر

واحب التويتر والاستخدام فيه جدآ رائع

طبعآ الاستخدام الصحيح بترتاح في اي ممكان

اما الي يستخدمه للشين

اعوذ بالله منه


انت تستخدمه استخدام صحيح يا بو محمد

لكن ما يزعجك ان في ناس تضيع وقتها في مهاترات

ومناقشات عقيمه وسب ومغازل وفتن بين البلدان

وفي الدين وفي السياسه واشاعات وخزعبلات الخ ؟!!

انت تشوف ان الدعوه والارشاد والتواصل الطيب مايستغني

عن تويتر ؟!!

[Abdulraman]

السلام عليكم
كلامك صحيح اصبح تويتر حق المغازل والسكس وبدون رقابه وكلها على الخاص وما ادراك ما الخاص بلاوي متلتله
في حسابات ناس محترمه بنات ورجال على العالم ولكن في الخاص تلقاهم غير غير وانا شفت بعيني وجاتني رسايل على الخاص من البنات المحترمات اللي رسايلهم على العام كلها ادعيه وفي الخاص كلها بلاوي

[ضوى]

المسجون يطلب مصحفاً ليؤنس وحشته والمريض يطلب مصحفاً ليشفي مرضه والميت يتمنى مصحفاً ليرفع به درجاته ونحن بأفضل أحوالنا نهجره !!.

بذمتك مب تغريدة رائعة جدا ؟ مختصرة ومفيدة جدا !!

[Abdulraman]

المسجون يطلب مصحفاً ليؤنس وحشته والمريض يطلب مصحفاً ليشفي مرضه والميت يتمنى مصحفاً ليرفع به درجاته ونحن بأفضل أحوالنا نهجره !!.

بذمتك مب تغريدة رائعة جدا ؟ مختصرة ومفيدة جدا !!


فعلا رائعه:strong

[ضوى]

لا اسمحيلي ... انا قبل ... انا كنت في امريكا يوم فتحوا النت من التسعينات ولا طب

الخليج الا عقب مبطي ...


وهذا انتي قلتيها ... حلو ... يعني مش ضروري ...

ابي امنعه من باب درء المفاسد اللي هي اعظم من حلاوته ...

ماقمنا نعيش بدون باسكن روبنز ؟!! الله يرحم ... الحين كبر

راسنا على النخي والباجلا !!!



بالعكس ياحلو النخي والباجلا

[ضوى]

لا اسمحيلي ... انا قبل ... انا كنت في امريكا يوم فتحوا النت من التسعينات ولا طب

الخليج الا عقب مبطي ...


وهذا انتي قلتيها ... حلو ... يعني مش ضروري ...

ابي امنعه من باب درء المفاسد اللي هي اعظم من حلاوته ...

ماقمنا نعيش بدون باسكن روبنز ؟!! الله يرحم ... الحين كبر

راسنا على النخي والباجلا !!!



درء المفاسد !! عيل وايد اشياء لازم تغلق وتتسكر مب مواقع التواصل بس ، الكافيهات سيلين الشاليهات ... الخ

[دااانة قطر]

نعمة للي أحسنوا استخداامه ونقمة للي اساءوا استخداامه

حااله حاال أي تكنولوجيا سمعنا عنها ضجة في البدااية

[المحاميه]

أنزين والفيس بوك ليش مأطريته. حتى في ذي الشي ناس وناس

[Rider]

ابشر بالجنه ان شاء الله

:) تبشر بالخير اخوي حسن

[بوخالد911]

بالعكس
تطبيق جدا ممتاز
نعرف الأخبار من خلاله
والتواصل فيه بشكل سريع وخاصة لبعض الجهات الحكومية النشطة

وهناك من يحاول أن يصطاد في المياة العكرة ؛ فلا تلقي لهم بالاً

تحياتي قبل نشر تغريداتي
وشكرا

[همر]

درء المفاسد !! عيل وايد اشياء لازم تغلق وتتسكر مب مواقع التواصل بس ، الكافيهات سيلين الشاليهات ... الخ


ومن قال اننا نبيهاااااااا :cry2:

[ضوى]

ومن قال اننا نبيهاااااااا :cry2:


جرب تقول سكروا الكافيهات وشوف الردود

[همر]

المسجون يطلب مصحفاً ليؤنس وحشته والمريض يطلب مصحفاً ليشفي مرضه والميت يتمنى مصحفاً ليرفع به درجاته ونحن بأفضل أحوالنا نهجره !!.

بذمتك مب تغريدة رائعة جدا ؟ مختصرة ومفيدة جدا !!


ممكن يطرشها الجريده ويقرونها كل الناس

ويفيد ويستفيد بدال ماتجيه رسايل خاصه

واسلوبك حلو وانا معجبه فيك وهلم جرا ...

[بومحمد المطاوعه]

انت تستخدمه استخدام صحيح يا بو محمد

لكن ما يزعجك ان في ناس تضيع وقتها في مهاترات

ومناقشات عقيمه وسب ومغازل وفتن بين البلدان

وفي الدين وفي السياسه واشاعات وخزعبلات الخ ؟!!

انت تشوف ان الدعوه والارشاد والتواصل الطيب مايستغني

عن تويتر ؟!!


صح كلامك اخوي

حتى قوقل في بلاوي


بس الاستخدام الصحيح اهو الي يخلييك تحب البرنامج

والحمدلله ماشوف ان الدعوه والارشاد مقصرين حتى المشايخ موجودين

وكلامهم درر

[همر]

جرب تقول سكروا الكافيهات وشوف الردود


في اشياء جبلنا عليها وموجوده شئنا ام ابينا .. مثل تويتر ..

والبارات .. والديسكوات .. ماجات على الكوفيات ...

[ام ناصر1]

ليش ايسكرونه ....بالعكس متنفس...وناقل للأخبار ....وافكار همر ....تصلح لمساجين معزولين بجزيرة نائية ....
وتخيل نفسك تكون بوضع معزول والعالم من حولك يتحرك .....بيصير فيك نفس ما صار ايام الاستعمار الاجنبي ...
ماتوعى الا الربع طابين عليك .....وانت فكك وتصادم مع ... القوة العسكرية والاقتصادية والتكنولوجيا ....
وتخيل نفسك ....مثل نلسون مانديلا ....تنسجن 40 سنة أو 30 سنة .....ويوم تطلع يقولون لك ....ترى هاي ميكرفون ....
وهاي برادة الماي ...وهاي الايفون ...وهاي التويتر .... يعني الانسان اما يكون مواكب لعصره أو متأخر عنه ....والافضل المواكبة بما يرضي الله ويحقق رفعة الناس والأمة

[ضوى]

ممكن يطرشها الجريده ويقرونها كل الناس

ويفيد ويستفيد بدال ماتجيه رسايل خاصه

واسلوبك حلو وانا معجبه فيك وهلم جرا ...


ولازم اذا عجبني شي اسوي ريبلاي ؟؟ مايصير انسخها واطرشها لناس اعرفها واتواصل معاها ؟

كل شي بتصير منه سالفة مغازل ؟ وهلم جراً ؟

صفوا النية

[حمد 2002]

ليش تبي اتصادر حريات الناس ياشبح باغلاقك هالبرنامج !!!! :)

هل لك مصلحه بتسكيره ؟

هالسلاح يسخدمه الناس وعامه الشعب لابداء ارائهم السياسيه والاقتصاديه والرياضيه بعيدا عن القيود الموجوده بالصحافه وغيرها !!!

مع التحيه ،،

[ضوى]

في اشياء جبلنا عليها وموجوده شئنا ام ابينا .. مثل تويتر ..

والبارات .. والديسكوات .. ماجات على الكوفيات ...


لا تنشوي ولا تنقلي ولا تنطبخ اصلا

[همر]

ليش ايسكرونه ....بالعكس متنفس...وناقل للأخبار ....وافكار همر ....تصلح لمساجين معزولين بجزيرة نائية ....
وتخيل نفسك تكون بوضع معزول والعالم من حولك يتحرك .....بيصير فيك نفس ما صار ايام الاستعمار الاجنبي ...
ماتوعى الا الربع طابين عليك .....وانت فكك وتصادم مع ... القوة العسكرية والاقتصادية والتكنولوجيا ....
وتخيل نفسك ....مثل نلسون مانديلا ....تنسجن 40 سنة أو 30 سنة .....ويوم تطلع يقولون لك ....ترى هاي ميكرفون ....
وهاي برادة الماي ...وهاي الايفون ...وهاي التويتر .... يعني الانسان اما يكون مواكب لعصره أو متأخر عنه ....والافضل المواكبة بما يرضي الله ويحقق رفعة الناس والأمة


الله واكبر .. الحين تويتر هو اللي علمكم وشوا البراد ووشوا الايفون ؟!!

اسمحيلي صراحه .. انتوا قاعدين تدافعون عن كماليات تبون تسوونه

اساسيات في حياتكم غصب طيب ...

[همر]

لا تنشوي ولا تنقلي ولا تنطبخ اصلا


جربتي تندفن ؟!! :eek2:

المندي زين :shy:

[همر]

ليش تبي اتصادر حريات الناس ياشبح باغلاقك هالبرنامج !!!! :)

هل لك مصلحه بتسكيره ؟

هالسلاح يسخدمه الناس وعامه الشعب لابداء ارائهم السياسيه والاقتصاديه والرياضيه بعيدا عن القيود الموجوده بالصحافه وغيرها !!!

مع التحيه ،،


وبسبته تسحب ولد الجيده وانسجن ؟!! يسوى عليك ؟!!

[شبح الصمت]

عرفت اختار الشخص المناسب في المكان المناسب


خيو همر تحياتي لك من مكاني

واستمر


وانا متابع

يقولك اعط الخباز خبزه

انت بحر في المعلومات ولا به قصور على الاعضاء .


وانا متملل بس براقب

:shy:

[حمد 2002]

وبسبته تسحب ولد الجيده وانسجن ؟!! يسوى عليك ؟!!



وبسبته راح حسني مبارك وبسبته اوباما صار رئيس !!!

اخوي همر التويتر وسيله يجب ان تستخدمها استخدام ايجابي بدون التدخل بسياسات الدول الاخرى وحتى سياسه دولتك مالك دخل فيها بس عليك انتقاد الامور انتقاد ايجابي مبني على ادله وبراهين بعيدا عن التجريح والسب والقذف ،،،

مع التحيه ياخ همر ر ر ر

[همر]

وبسبته راح حسني مبارك وبسبته اوباما صار رئيس !!!

اخوي همر التويتر وسيله يجب ان تستخدمها استخدام ايجابي بدون التدخل بسياسات الدول الاخرى وحتى سياسه دولتك مالك دخل فيها بس عليك انتقاد الامور انتقاد ايجابي مبني على ادله وبراهين بعيدا عن التجريح والسب والقذف ،،،

مع التحيه ياخ همر ر ر ر



راح حسني مبارك وليته ماراح .. انت عاجبك وضع مصر الحين ؟!!

ولا تونس ؟!! ولا ليبيا ؟!! ولا سوريا ؟!!

هذي اكبر مساوئ تويتر وربعه ...

ومادري صراحه اذا اوباما صوتوا له من تويتر !!!

ياخوي انا انسان واقعي ... كلكم تتكلمون

بنموذجيه ومثاليه ما اشوفها على ارض الواقع ...

احنا عرب ماتنفع معانا هالسوالف .. ثوب مب ثوبكم

بتلبسونه غصب ... العرب اللي يستخدمون تويتر

نفس الانجليز اللي يلبسون غتر ... ماتدري ليش

بس جيه ... ماكو شغل ...

[همر]

عرفت اختار الشخص المناسب في المكان المناسب


خيو همر تحياتي لك من مكاني

واستمر


وانا متابع

يقولك اعط الخباز خبزه

انت بحر في المعلومات ولا به قصور على الاعضاء .


وانا متملل بس براقب

:shy:


السموحه منك يا شبح .. خذت كرسيك ... صدقني تقعد ...

لا تخليني احلف ... انا بمشي ... خلص دوامي .. مابقى الا قسوتك :shy:

[عاشق العديد]

السموحه منك يا شبح .. خذت كرسيك ... صدقني تقعد ...

لا تخليني احلف ... انا بمشي ... خلص دوامي .. مابقى الا قسوتك :shy:


وسسسط عيني في كل مكااان ِ.ِ.

كمل كمل متابعيييين ..

[الزعفراني]

من تويتر عرفت انه فيه محاضره بكره في كتارا الساعة 7 للشيخ عائض القرني .. وحتى عنوان المحاضرة بعد .. بدون اي مجهود مني بس منزل تطبيق تويتر ع الايفون ويجيني تنبيه حتى لا سويت بحث ولا قعدت احوس :)


من تويتر اليوم عرفت اسامي البنوك اللي بيصير فيها اكتتاب شركة مسيعيد القابضة .. وتواريخ الاكتتاب .. وغيره من المعلومات عن حدث الساحة في المجتمع القطري .. كل هذا بدون مجهود او بحث بس مجرد تنبيه يجيني ع الايفون وانا متكي اشرب قهوه :)

اللي يطالبون باغلاق تويتر مايدرون انه انت اللي تحدد اتابع من :)

يعني الغث والسمين بيدك انت ..

عيب تويتر الوحيد الادماااااااااااان انك تدمن عليه

[همر]

من تويتر عرفت انه فيه محاضره بكره في كتارا الساعة 7 للشيخ عائض القرني .. وحتى عنوان المحاضرة بعد .. بدون اي مجهود مني بس منزل تطبيق تويتر ع الايفون ويجيني تنبيه حتى لا سويت بحث ولا قعدت احوس :)


من تويتر اليوم عرفت اسامي البنوك اللي بيصير فيها اكتتاب شركة مسيعيد القابضة .. وتواريخ الاكتتاب .. وغيره من المعلومات عن حدث الساحة في المجتمع القطري .. كل هذا بدون مجهود او بحث بس مجرد تنبيه يجيني ع الايفون وانا متكي اشرب قهوه :)

اللي يطالبون باغلاق تويتر مايدرون انه انت اللي تحدد اتابع من :)

يعني الغث والسمين بيدك انت ..

عيب تويتر الوحيد الادماااااااااااان انك تدمن عليه


معلش شبح .. يدي تحكني .. اخر مداخله :shy:


اخوي الزعفراني انت حطيت لنا عدة مساوئ للتويتر

انا اشوفها اكبر من الفوايد اللي جنيتها ... المحاضرات

ويعلن عنها في الجرايد ومعلومات الاكتتاب كذلك ...

اما المشكله في تويتر .. فيعلمك الكسل والرباده والتقاعس

عن البحث عن المعلومه والتحري ويمكن الحركه بعد ...

يعني سبب من اسباب السمنه وامراض القلب والكوليسترول

وزدت عليها الادمان بعد ؟!!! هذي زجاير !!!!

وين الفايده في الموضوع ؟!!

[غير البشر]

شبوووووووووووووووووووحوو
للأسف تويتر صار لمعظم الناس تصفيه حسابات
والبعض الاخير لأظهار وشهره صاحبه
والقليل يستخدمه للأفاده

[خالد البلوشي]

اهلين اخوي .. بصراحة طرحت موضوع بغاية الحساسية خصوصا فيما يتعلق بالهجوم المتبادل بين فئات محسوبة على كل بلد والمشكلة ان هالفئات اساسا شخصيات معروفه اعلاميا او دينيا او رياضيا والخ ..

اذكر بسنة 97 كان عالم الانترنت خالي من المواقع العربية و ظهر موقع الساحات العربية كأول موقع للحوار العربي بذيج الفترة .. و على الرغم من ان اغلب الاسماء اللي تكتب بالموقع وقتها كانت اسماء مستعارة لكن تم القاء القبض على الكثير منهم بسبة التجاوزات في توجهاتم الكتابية سواء كانت توجهات سياسية او جهادية او ضد المساس بالحكومة و طبعا اللي تابع موقع الساحات العربية يعرف كيف كان مصيره بأن تم أغلاقه من قبل السلطات الحكومية بسبة التجاوزات اللامتناهية ولكن مثل ما قلت بان الاسماء كانت اسماء مستعاره وما اذكر اني شفت شخصيه بالاسم الصريح بموقع الساحات يقدر يطرح توجهاته وافكاره ان كانت مريبه ..


حاليا في عالم تويتر .. هناك ايجابيات محد يقدر ينكرها .. لكن بكل أسف السلبيات اكثر وبكثير .. ومن وجهة نظري ابرز هذي السلبيات هو التقاذف وتبادل الشتائم والتهم والتجاوزات اللامحدودة بين شعوب الخليج واللي اوصلت مع البعض للتوجه بالقذف الصريح والعلني برموز كل دولة تمثل الشعب الشقيق في اي كيان بالخليج .. و الغريب بهذي الظاهره ان الاسماء اللي تتبع هذا النهج مب مستعاره ولكنها صريحه والبعض منهم معروف اعلاميا ومن دون ذكر للأسامي .. وفي اسماء معروفه مثلا بالساحة الشعرية وياما استضافتهم قطر عبر اعلامها المرئي والمقروء وبكل اسف تنكروا للجميل و الجيره و تلقاهم بتويتر يتهجمون على قطر وبشكل يشعل الفتنة بين الشعوب الخليجية..

و من الصعب والمستحيل اغلاق تويتر لكن يفترض ان دول الخليج يكون لها آلية موحدة لمواجهة بعض المغردين الي قاعدين يسببون الفرقة بين شعوب الخليج بسبب تغريداتهم المسيئة و اللي معروف ان دول الخليج اصدرت قوانين تجرم القذف والسب والشتم عبر المواقع الالكترونية والمفروض تُرفع بلاغات من المتضررين على هذه الفئة خصوصا فيما يتعلق بالطعن و الشتم بحق كيان الشعب والدولة ..

[Eng. q6r]

واللي ماعنده حساب في التويتر ؟ هههههه
ولا اعرف شنو يعني التويتر ولا اعرف استخدمه

الحمدلله

[الدوحه1]

بل حان الوقت لاغلاق جميع القنوات العربيه من اذاعه وتلفزيون!!!

والمستقبل لتويتر واخوانها واخواتها وعيال عمها!!!

[captin]

توتير طال عمرك خلى الكل يغرد

المثقف والجاهل والمتعلم والأمي

كل اللي عليهم يسوونه يدخل موقع على النت
ينسخ شي ما يعرفه ولا يفهمه ويغرد به وثاني يوم رازينه في الجريدة

[الزعفراني]

معلش شبح .. يدي تحكني .. اخر مداخله :shy:


اخوي الزعفراني انت حطيت لنا عدة مساوئ للتويتر

انا اشوفها اكبر من الفوايد اللي جنيتها ... المحاضرات

ويعلن عنها في الجرايد ومعلومات الاكتتاب كذلك ...

اما المشكله في تويتر .. فيعلمك الكسل والرباده والتقاعس

عن البحث عن المعلومه والتحري ويمكن الحركه بعد ...

يعني سبب من اسباب السمنه وامراض القلب والكوليسترول

وزدت عليها الادمان بعد ؟!!! هذي زجاير !!!!

وين الفايده في الموضوع ؟!!



أي جرايد الله يرحم لي والديك .. في حد يقرأ جرايد هالايام ؟؟؟ :)

بعدين ياخي انا ويني وين الجرايد في ناس قبل تشرق الشمس وهي في السايت والا في مكان مافيه جرايد
ولا يخلص دوامه الا مع غروب الشمس .

يعني الوقت اللي بيضيعه وهو يدور على الجريدة والا على انه يقراها من التلفون والا اللابتوب .. كل هذا بيختصره له
تويتر ..

يعني حتى ساعات اول مايقعد من النوم يلقى الخبر جايه وفرش وتو ما غسل وجهه :)

بعدين مب كل شي تلقاه في الجريده ..

بعدين اي كسل تتكلم عنه انت من صجك ؟؟

اللي يقول داش ابحث عن معلومات لمشروع تخرج .. ثرى تويتر 140 حرف لو ماكنت تدري ..

يعني خبر من سطرين .. موعد لفعاليات .. عروض تجارية .. صور من العالم .. نتايج فريقك اللي تشجعه .. على كم حكمه على ابيات للمتنبي ..إلخ

مالي حاجه بالبحث .. وان بغيت بعد متوفر البحث بضغطة زر .. انا اختار من اتابع واختار مصادري من البرنامج .. وكان الله غفور رحيم ..

انا اشوفك تضيع وقتك وانت تدور على اللي يبيع الجرايد .. او وانت تتصفح الجريدة من النت وتبحث عن المعلومه وفي الاخير ماتدري تلقاها والا لا .. مثل اعلان محاضرة والا فعالية .. بينما تويتر يجيبها لعندك لمخباك :) ..

وانت متكي في أي وقت وأي زمان وفي أي ظرف .. مسافر .. في الشارع .. في الجيم .. حتى وانت على سرير المرض وتوك طالع من غرفة العمليات ومنعنش من البنج :)


تحياتي لك

[ضوى]

أي جرايد الله يرحم لي والديك .. في حد يقرأ جرايد هالايام ؟؟؟ :)

بعدين ياخي انا ويني وين الجرايد في ناس قبل تشرق الشمس وهي في السايت والا في مكان مافيه جرايد
ولا يخلص دوامه الا مع غروب الشمس .

يعني الوقت اللي بيضيعه وهو يدور على الجريدة والا على انه يقراها من التلفون والا اللابتوب .. كل هذا بيختصره له
تويتر ..

يعني حتى ساعات اول مايقعد من النوم يلقى الخبر جايه وفرش وتو ما غسل وجهه :)

بعدين مب كل شي تلقاه في الجريده ..

بعدين اي كسل تتكلم عنه انت من صجك ؟؟

اللي يقول داش ابحث عن معلومات لمشروع تخرج .. ثرى تويتر 140 حرف لو ماكنت تدري ..

يعني خبر من سطرين .. موعد لفعاليات .. عروض تجارية .. صور من العالم .. نتايج فريقك اللي تشجعه .. على كم حكمه على ابيات للمتنبي ..إلخ

مالي حاجه بالبحث .. وان بغيت بعد متوفر البحث بضغطة زر .. انا اختار من اتابع واختار مصادري من البرنامج .. وكان الله غفور رحيم ..

انا اشوفك تضيع وقتك وانت تدور على اللي يبيع الجرايد .. او وانت تتصفح الجريدة من النت وتبحث عن المعلومه وفي الاخير ماتدري تلقاها والا لا .. مثل اعلان محاضرة والا فعالية .. بينما تويتر يجيبها لعندك لمخباك :) ..

وانت متكي في أي وقت وأي زمان وفي أي ظرف .. مسافر .. في الشارع .. في الجيم .. حتى وانت على سرير المرض وتوك طالع من غرفة العمليات ومنعنش من البنج :)


تحياتي لك


اتفق معاك تماماً

[حسن]

انتو العرب مهب مال انترنت بكبره


:)

[شبح الصمت]

صباحكم تغريده جميلة

عالعموم يوم قلت هل حان ما قلت صكروه لانه بعض الناس ازعلوا من هالكلمة ويحق لكم وانا بعد مهب مع اغلاقه بس مع وضع حد للبعض


يعني مثال رجال مغرد الحين وكتابته طيبه وجاك واحد ماله خص فالسالفة دخل عليه يقوله يالشيخ البشت الي لابسه بكم !!


ههههههههههههههههههههههههههههههاي

ياخي عليك جو مهب طبيعي يعني انك نكته وانسان فنتك هذه مثال بسيط لعبارة بسيطة والخافي اعظم ..


التويتر برنامج جميل جداً ونفس ما ذكر الزعفراني


واخوي همر له تحفظات عليه وعلى البرامج الاخرى وحرية تعبير له ولغيره

واستمروا

ولا تخافون مب لاجل قال شبح كنسلوه خلاص راح يكنسلونه حسستوني انه لي . !!

:shy:

[لبيبة]

تويتر مثل تعاملك العادي في الحياة مع البشر، هو مجرد وسيلة تواصل بين الناس، كيف تعتقد أن هذه الوسيلة يجب منعها؟!

للإنسان حق الاختيار في كيفية التواصل مع الناس، فلا يجوز أن نسلب هذا الحق من غيرنا حتى لو لم يعجبنا.

[ضوى]

تويتر مثل تعاملك العادي في الحياة مع البشر، هو مجرد وسيلة تواصل بين الناس، كيف تعتقد أن هذه الوسيلة يجب منعها؟!

للإنسان حق الاختيار في كيفية التواصل مع الناس، فلا يجوز أن نسلب هذا الحق من غيرنا حتى لو لم يعجبنا.




زمااان يا لبيبة

[أم محمد 90]

توتير طال عمرك خلى الكل يغرد

المثقف والجاهل والمتعلم والأمي

كل اللي عليهم يسوونه يدخل موقع على النت
ينسخ شي ما يعرفه ولا يفهمه ويغرد به وثاني يوم رازينه في الجريدة

هههههههههههههههههههههههههههههههه كلامك صحيح

[لبيبة]

زمااان يا لبيبة




حياك الله يا ضوى :nice:

[يمامـة]

اعتقد احنا دخلنا طريق الا عودة ،،

ما نقدر اليوم نمنع النت ولا نقدر نمنع برامج التواصل الاجتماعية
ولا نقدر نحدد من استخداماتها ،،

المطلوب الحين التفات الاسرة حول عيالهم اكثر ومشاركتهم مثل هالمواقع
والدخول معاهم في كل اسراره ،، والحرص على تنبيهم باستخدامها الاستخدام الصحيح
سياسيا واخلاقيا واجتماعيا ودينيا ،،

لأن ن العصب اغلاق شي في النت ،،

[OM_OMAR_QATAR]

واحد جنوب اافريقي / بريطاني
عنده 3 تويتر..
استغربت قلت له ليش؟؟ وفي بالي " مو بس احنا مرض تويتر اثاري الأجانب بعد "

قال ما الحق اطرح جميع افكاري بتويتر واحد ..
ويصير اختلاط كبير

فواحد للأقتصاد .. وواحد للأمور المادريشنوهية .. والثالث لتحاليل السوق والبورصة ...

حتى اللي يتابع يكون بوجهة واحدة ..


تهقون يبيلي توتر؟؟ او سبعة يمكن

[ريتويت]

صباح الخير ياشبح

التويتر وماادراك مالتوتير

احنا العرب مايصلحنا التوتير كلش امه مختلفه

انا مشترك فيه واصبح دخولي قليل جدا له لاني ماشوف في فايده كثيره
غير الحروب المستعره بين وبين مايحتاج اكمل

احنا اي تكنلوجيا نستخدما عكس للاسف قول الكثر منا

تصدق لما سافرت برع نادرا ماشفت من يمشي مترنح ولا في فلك يسبحون
لكن عندنا
اللهم ياكافي

تشوف الناس سكرا ولا هم بسكارا

كانهم ماشافو خير

الخلل مش في تلك الاجهزه
الخلل في عقليه مستخدميها

ظاهره التتبع والتقليد السيئ

نو ثقافه نو تطور

وتحيه لك ياشبح

ماشفت بوحارب

:telephone:

اضم صوتي لصوتك اخوي حسن .. العرب باختصار ماينفعهم التويتر ولاغير التويتر ولا اي تكنولوجيا في العالم لانهم يستغلونها غلط وتفكيرهم الله المستعان

[بريق الحق]

اضم صوتي لصوتك اخوي حسن .. العرب باختصار ماينفعهم التويتر ولاغير التويتر ولا اي تكنولوجيا في العالم لانهم يستغلونها غلط وتفكيرهم الله المستعان

اتمنى عدم استخدام صيغة الجمع تويتر بحر عميق من المعلومات ومعرفة مايحدث فالعالم وتويتر اختصار للكلام ( خير الكلام ماقل ودل )

[وليف قطر]

بالعكس ...

تويتر وضّح لنا صور كثيره

لولا توتير ..
ماكنا عرفنا حقوق الجار :)

لولا توتير ..
ماكنا عرفنا ماذا تعني الهجمات الممنهجه
والمدفوعة الثمن ضد قطر ونجاحاتها

لولا تويتر ..
ما كنا عرفنا ان الجار العزيز
اصبح يخصص جزء من ميزانيته لمحاولة تهميش
أو احباط اي نجاح ضد قطر ..

لولا تويتر ..
ما كنا عرفنا ان فيه معتقل قطري ( الجيده )
يعذب منذ اكثر من سنه في سجون الجار
بدون سبب .. فقط لانه قطر وملتحي !


لولا تويتر ..
ماكنا عرفنا أن ولد عبدالرحمن الجيده
تم ضربه ضرب مبرح داخل قاعة المحكمة اثناء حضور محاكمة والده
من قبل جهاز أمن الجار ، أمام القاضي دون ان يتفوّه بكلمه
وتم سحله واداخله داخل سيارة إلى مكان مجهول !!



لولا تويتر .. ولولا تويتر !!

تبون الناس تتم مغمضه ؟
وماتعرف شاللي يصير !

بالعكس انا اقول شكراً تويتر من القلب !

[Serenade]

هل حان وقت اغلاق تويتر؟
لا
حان وقت فتح عقول العرب

[R 7 A L]

اثر عليك حمد اخوي شبح

ماعندكم صبر كلش
خخخخخخخخخخخخخخخخخخخخخخخ

[حسن]

هل حان وقت اغلاق تويتر؟
لا
حان وقت فتح عقول العرب

اقول خليها مسكره ابرك

الله يحب الستر

:)

[لبيبة]

شكراً لك يا وليف قطر على ذكر هذه الأمثلة على فوائد تويتر ويوجد غيرها الكثير.

أما المعترض أقترح عليه يروح عند (فيشة) خط الانترنت عنده في البيت ويشيل الواير ويشمعها بالشمع الأحمر، ما راح يرضيه أي شي في النت. والشمع الأحمر أبرك له.

[ضوى]

شكراً لك يا وليف قطر على ذكر هذه الأمثلة على فوائد تويتر ويوجد غيرها الكثير.

أما المعترض أقترح عليه يروح عند (فيشة) خط الانترنت عنده في البيت ويشيل الواير ويشمعها بالشمع الأحمر، ما راح يرضيه أي شي في النت. والشمع الأحمر أبرك له.



اتفق معاج تماما

شكرا لردج

[حسن]

اثر عليك حمد اخوي شبح

ماعندكم صبر كلش
خخخخخخخخخخخخخخخخخخخخخخخ

ياهل الحمد اللي مهب سالم من الاعضاء

وش فيه حمد يارحال

مسكين رجال مجتهد ويطرح مواضيع قيمه
ومسوي حركه للمنتدي ورفرش وعالج الكثير من النفسيات

حمد مسكين مثل العومه ماكوله ومذمومه

:weeping:

ارعبت الناس ياحمد حيا وميتا


:nice:


انا عندي بعد استراتيجي لحمد
هذا الولد بيمسك شي كبير كبير عندنا

الايام جايه وباثبتلكم

[R 7 A L]

ياهل الحمد اللي مهب سالم من الاعضاء

وش فيه حمد يارحال

مسكين رجال مجتهد ويطرح مواضيع قيمه
ومسوي حركه للمنتدي ورفرش وعالج الكثير من النفسيات

حمد مسكين مثل العومه ماكوله ومذمومه

:weeping:

ارعبت الناس ياحمد حيا وميتا


:nice:


انا عندي بعد استراتيجي لحمد
هذا الولد بيمسك شي كبير كبير عندنا

الايام جايه وباثبتلكم


الله يعينه
هذا من غير التهديدات الي تجيه خخخخخخخخخخخ

هو غير غير نفسيات
بس موضعه حق التموينات
اجرم فيه
حتى بنقالية المقاهي الشعبية يتحلفون فيه خخخخخخخخخخخخخخ
بيقطع فيهم بحليب التموين الى طايحين فيه هههههههههههههههههه

[حسن]

الله يعينه
هذا من غير التهديدات الي تجيه خخخخخخخخخخخ

هو غير غير نفسيات
بس موضعه حق التموينات
اجرم فيه
حتى بنقالية المقاهي الشعبية يتحلفون فيه خخخخخخخخخخخخخخ
بيقطع فيهم بحليب التموين الى طايحين فيه هههههههههههههههههه



الصراحه يارحال كثير من تعالج على يد حمد

:eek5:

تصدق

بالنسبه لي كان املي الوحيد بعد الله في تطويري عقليا وذهنيا وماديا واخلاقيا
ونفسيا

وبدنيا وسلوكيا

احتاجه كاحتياج السمكه الى الماء
احتاجه كاحتياج الحداد الى الفحم
احتاجه كمريض محتاج ابره في العظل

:omg:

وبعدين خل يولون هل البنغاليه اللي ماوراهم الا المشاكل

حمد كشف الحقائق والكثير بدا ينكشف من هل المؤامره

رحال انت في امريكا وبطاقتك مالت التموين وينها

قول الصج

:deal:

[شبح الصمت]

يا ناس يا هو اشفيكم كلتوني

انا قلت لكم هل حان ما قلت صكروه


التويتر ترى ما نقدت عليه بس على الناس الي مستغلته استغلال وسب وشتم ومشاكل اهنيه التحفظ ..


والا الشيء الي يجينا صعب يروح منا ..


ما قلنا شيء الواحد يتعلم ويعلم ويستفيد ويفيد اشفيكم

ههههههههههههههههههههههاي

حسستوني انه راعي تويتر لاجل عيون شبح بيقفله خلاص ..


استمروا بوعلي رحال شخبارك فديت خشمك تراني من مؤدينيه لكن للي يعرف يستعمله والا البعض ودك تعطيه اهو بلوك وتسحب منه كل موقع وتواصل الكتروني وتخليه على تلفون بوليت يستمتع فيه ..

[حسن]

يا ناس يا هو اشفيكم كلتوني

انا قلت لكم هل حان ما قلت صكروه


التويتر ترى ما نقدت عليه بس على الناس الي مستغلته استغلال وسب وشتم ومشاكل اهنيه التحفظ ..


والا الشيء الي يجينا صعب يروح منا ..


ما قلنا شيء الواحد يتعلم ويعلم ويستفيد ويفيد اشفيكم

ههههههههههههههههههههههاي

حسستوني انه راعي تويتر لاجل عيون شبح بيقفله خلاص ..


استمروا بوعلي رحال شخبارك فديت خشمك تراني من مؤدينيه لكن للي يعرف يستعمله والا البعض ودك تعطيه اهو بلوك وتسحب منه كل موقع وتواصل الكتروني وتخليه على تلفون بوليت يستمتع فيه ..



كان زين سويج التويتر عندك الصراحه كان قلنالك قفله

يارجال قال استفاده

ايواللله شكثر اعرفهم خراطين وجمبازيه
وكل شوي قال المتنبي وقال احمد شوقي
لا ولا ذاك اللي متكي وشاب الضو جدامي يوناجي معشوقته

يخرب بيتكم فضحتنا مشكله مناصب كبيره ضخمه

خراط واكبر خراطي


الصراحه انا اشوف فيه اخبار الوفايات اشوف من توفى من الربع
وين وصل الدور

:)

[شبح الصمت]

كان زين سويج التويتر عندك الصراحه كان قلنالك قفله

يارجال قال استفاده

ايواللله شكثر اعرفهم خراطين وجمبازيه
وكل شوي قال المتنبي وقال احمد شوقي
لا ولا ذاك اللي متكي وشاب الضو جدامي يوناجي معشوقته

يخرب بيتكم فضحتنا مشكله مناصب كبيره ضخمه

خراط واكبر خراطي


الصراحه انا اشوف فيه اخبار الوفايات اشوف من توفى من الربع
وين وصل الدور

:)




بوعلي اختصرها ياخوي

قولي انه كانت في وجيه كنت تحسبها ونعم الوجيه


ولكن اطلعت اقنعه فاشله وسقطت امامك ..


عادي هذه الدنيا ياخوي الانسان قلبه يتقلب ما تبي ردوده وافعاله تتقلب ..


الله يغفر لنا ويرحمنا بس برحمته


انزين يقولون درجة الحرارة صوبكم 4 الخميس الي طاف

يعني عادي تدفن نفسك يم الدوه

:shy: