الم يحن الوقت لتوحيد لون علم قطر .؟ (الأدعم )

[مضاد]

السلام عليكم ....


اكثر من سنة من اعتماد لون علم قطر(الأدعم ) ولحد الان نرى اختلاف في درجة لون العلم بين العنابي و الأدعم .!!!


من هي الجهة المسؤولة عن التنفيذ والمتابعة .؟




هل توافقوني الراي .؟....:omen2:..ارائكم يا سادة .

[شيخ الديرة]

قانون رقم 14 لسنه 2012 نص ما يلي

الألوان التي يتم استخدامها هي الأبيض، والأدعم (Pantone# 1955 C)

وهذا هو اللون

http://blog-imgs-24.fc2.com/d/a/i/dailydisplay/1955c.jpg (http://mera.se/PMS/1955C.html)

[jassim_007]

بصراحة عيب !
رحت الغويريه و العلم عنابي غامق ، قريبه من درجه الاسود، في اماكن ثانيه على خط الشمال عنابيه و مرات قريبه من درجه اللون الاحمر !!! هذا غير الي تشوفه من الخياييط مرة المثلثات ثمانيه و مره احدعشر ، مره تسعه متصلين ! مع انه لازم يكون ثمان مثلثات و نص مثلث من كل صوب ... ياجماعه لازم ينزل قانون ، الي يطبع او يستخدم علم بمواصفات خاطئه يتغرم ! و القاد لاين و براند العلم لازم يتوزع على المطابع و طبعا يحدد نوع القماش الي لازم يستخدم للطباعه لانه اللون يصير افتح او اغمق حسب نوع القماش و الخياييط اي حد يبي يخيط علم لازم يطرش عينه لهيئه المقاييس و يتوافق عليه قبل ما يبلش يستخدم قماش و يخيط ! ترا الوضع جدا محرج كلن يشوف العلم بلون !!!

[شيخ الديرة]

بصراحة عيب !
رحت الغويريه و العلم عنابي غامق ، قريبه من درجه الاسود، في اماكن ثانيه على خط الشمال عنابيه و مرات قريبه من درجه اللون الاحمر !!! هذا غير الي تشوفه من الخياييط مرة المثلثات ثمانيه و مره احدعشر ، مره تسعه متصلين ! مع انه لازم يكون ثمان مثلثات و نص مثلث من كل صوب ... ياجماعه لازم ينزل قانون ، الي يطبع او يستخدم علم بمواصفات خاطئه يتغرم ! و القاد لاين و براند العلم لازم يتوزع على المطابع و طبعا يحدد نوع القماش الي لازم يستخدم للطباعه لانه اللون يصير افتح او اغمق حسب نوع القماش و الخياييط اي حد يبي يخيط علم لازم يطرش عينه لهيئه المقاييس و يتوافق عليه قبل ما يبلش يستخدم قماش و يخيط ! ترا الوضع جدا محرج كلن يشوف العلم بلون !!!


القانون رقم 14 سنة 2012 هو قانون العلم, وفيه أدق التفاصيل عن العلم والسارية والأبعاد والألوان , هنا الرابط (http://www.almeezan.qa/ClarificationsNoteDetails.aspx?id=8750&language=ar)

[اكسجين]

نعم , اتفق معك تماما .



ملاحظ جداً ، اختلاف درجة الون ( مدري هو : عنابي او احمر او بني ) :rolleyes2:


شوفو شغلكم يا الجهات المسؤولة ....... لطفاً :shy:

[captin]

فعلا هذا ملاحظ في تفاوت درجات اللون للعلم القطري

صحيح قانون العلم نزل من اكثر من سنة لكن لم يفعل الى الآن .

المفروض الجهة المختصة بالدولة تعتمد اللون المحدد بالقانون وتحدد
المواصفات الفنية للموردين وتنسق مع إدارة الجمارك للتأكد من المواصفات
عن استيراد الموردين للقماش الخاص بالعلم.

[الزجاجي]

الله يرحم قبل سنتين
حاب اعمل اعلام للجهه الحكومية الي اشتغل فيها .. اول شي كلمت وزارة البلدية ومن شخص الى شخص الين قالو لي مب عندنا المواصفات روح تواصل مع وزارة الخارجية !
ورحت وزارة الخارجية ونفس المنوال الين قالو لي هو شخص واحد راح يفيدك بالمواصفات الفنيه .. اتصل له ما يرد او باجتماع !!

المهم بالنهاية سويت العلم على كيفي وتوقف في الجمارك لانه لا يطابق الشروط !

انا اقترح يا يحطون شركات رسمية مسؤوله ومصرحه من الدولة لطباعه او تطريز العلم أو يحطون شروط صارمة الكل يمشي عليها (الله يعين موظفين الجمارك على الفحص )

[شيخ الديرة]

حتى موقع حكومي http://portal.www.gov.qa يستخدم اللون غير الصحيح

اللون الصحيح داخل المستطيل

http://www.qatarshares.com/vb/attachment.php?attachmentid=86450&d=1387946422

[غايه الطواش]

سوال الادعم
يميل للعنابي والا للبني ؟

[ضوى]

سوال الادعم
يميل للعنابي والا للبني ؟

اللي لاحظته انه للبني اكثر منه للعنابي

[دايموند]

من صغرنا واحنا نقول لون علمنا عنابي ليش اللحين صار ادعم ؟

احس العنابي كان لونه واضح والكل يقدر يفرق بينه وبين علم البحرين

لكن اللحين احس ان لون علمين الدولتين قريبين من بعض لدرجه الناس قامت تخربط بالاوان

[غايه الطواش]

اللي لاحظته انه للبني اكثر منه للعنابي

والي اعرفه انه للبني اكثر من العنابي
لكن علمنا ادعم ولونه افتح من العنابي!!
مب راضيه اقتنع باللون انه ادعم , بس محد عليه مني اقتنعت والا ماقتنعت:)

[Hamad5882]

يا ليت يحطون شي مميز على علم دولة قطر (شعار)
لان بصراحه من حطوا لونه ادعم من بعيد ما تفرق بينه وبين علم مملكه البحرين حتى هم اللون الاحمر عندهم في بعض وزراتهم تشوفه من بعيد عبالك علم قطر

[Hamad5882]

يا ليت يحطون شي مميز على علم دولة قطر (شعار)
لان بصراحه من حطوا لونه ادعم من بعيد ما تفرق بينه وبين علم مملكه البحرين حتى هم اللون الاحمر عندهم في بعض وزراتهم تشوفه من بعيد عبالك علم قطر

[الواعد]

الحين كلمة ادعم تختلف عن عنابي في اللون ؟؟؟؟

يعني الحين علم قطر خلاص مب عنابي ؟ طيب كلمة ادعم بالانجليزي ايش هي ؟؟

العنابي = maroon بس ادعم ماعرفناها


بعدين اللون الأدعم اشوفه يميل للبنفسجي شوي ممكن انه مخلوط مابين البنفسجي والأحمر

اما القديم العنابي فكان يميل للبني ( مخلوط مابين البني والأحمر )

[مضاد]

شكرا لجميع المشاركين ....وارجو ان تكون الملاحظة .وصلت لجهات الاختصاص .