قررت اسوي عملية ربط معده ابي نصايحكم يالغاليين ؟

[ناسداك]

السلام عليكم ورحمه الله وبركاته
اخواني قررت اسوي عملية لتخسيس الوزن بس اعرف ان في كذا كم نوع مثل الربط والتكميم و التدبيس او التحوير وغيرها
انا وزني 113 كجم , وطولي 166 سم , وابي اعرف وين احسن مستشفى خاص في قطر يسويها و اسعارهم بعد وتعرفون مستشفى حمد يبي لك تنطر سنه كامله لين يجي موعدك بس مش مهم اهم شيء تنجح واصل للوزن المثالي كذلك هل في مضاعفات خطيرة بعد اجراء العملية مثل ما سمعت عن التدبيس بالاضافه للنتائج المرجوه .

وشكرا جزيلا

[elders]

ليش ربط ؟
التكميم افضل
الله يوفقكم

[ناسداك]

مشكور على الرد , بس للحين ما ارعف قريت في المنتديات عن انواع عمليات التخسيس بس ما اعرف ايش هي بالضبط
, سبق لي وزرت مرتين المستشفى الاهلي و كلمت الدكتور بس ترددت وكذلك مستشفى العمادي بس ما كنت ناوي بعد الاطلاع على منتدى رشاقه تحمست وخاصه انهم حاطين صورهم قبل وبعد العمليه

[مرتبش]

في كذا موضوع عن العملية في هذا المنتدى. وباين ان عندك اطلاع جيد عن العملية بحكم زيارة المستشفى .. اتمنى لك التوفيق.
الغريب ان من بعد العملية والتخلص من جزء كبير من المعدة ممكن بعد فترة الوزن يزيد .. يعني الرجيم مستمر بعد العملية .

[الزعيـم]

اخوي ناسداك ليش العملية ...!!

مافكرت تسوي رجيم وتاكل اكل صحي وتلعب رياضه ...؟

انا كان وزني 109 وقررت من 4 شهور اسوي رجيم ورياضه واراقب اكلي ، اليوم وزني 95 ، والحمدلله مقرر انه انزل بعد ، ماعتقد انك ماتقدر تسوي رياضه الا اذا معذور طبيا

بدال مادور على العملية المناسبه انصحك ادور على دكتور تغذيه يساعدك

[الوسيط العقاري]

التكميم افضل من الربط بكثير

وماتشوف شر

[elders]

انصحك تسويها بالاردن اخي الكريم
في دكتور بعد مشيئة الله ممتاز
اتوقع اسمه اياد عيد

[الأسبانية للمصاعد]

اش حادكم لهالامور
الصحة زينة
الرياضة وبس

[الزعيـم]

اش حادكم لهالامور
الصحة زينة
الرياضة وبس

المشكله السالفه صارت موضه للشباب والبنات ، وتجاره للمستشفيات ، اعتقد المفروض المجلس الاعلى للصحه التدخل في هالموضوع للحد من سالفة التكميم والربط والشد والسحب ..!

اقل شي المفروض اللي يسوي العمليه يكون مثلا وزنه مسبب له مرض مثلا لاصحاب الوزن الزائد بشكل كبير او مثلا اصابه تمنعني من الرياضه وغيرها من الامور

لكن مع الاسف انفكر بالعمليات راح نكون رشيقين واصحاب لياقه عاليه ...! وصحتنا راح تكون 100%

اما وزنك 100 لو 120 ، دكتور تغذيه تابع معاه نظام غذائي ورياضه ، 6 شهور ترجع للوزن المثالي انشالله يعني نفس العمليه خلال 4 شهور تقريبا ينزل وزنك

[Al-Kuwari]

الشيخ انت طلبت نصيحتنا وانا نصيحتي لك لا تسوي لا تكميم ولا ربط ولا غيره

اعرف ثلاثة مسوين العملية

اثنين منهم ضعفوا ما شاء الله بس صحتهم مهب الاولية دايما يحسون بتعب وبخمول وعندهم نقص فيتامينات ولازم ياكلون فيتامينات بشكل يومي

واحد منهم سوى العملية من سنة واكثر بشوي ولين اليوم يحس بدوخه ويدور راسه بين فتره والثانية

والثالث ترقد فالمستشفى لانه كل اكل سبايسي مع ان مسوي العملية من ثلاث شهور ويوم كل الاكل الحار تعب ورقدوه يومين وللحين يعتبر متين نزل وزنه لكن وراه مشوار طويل

والله ياخوي هالعمليات مامنها فايدة بتضعف صح لكن بدون صحة

وش فايدة الضعف او المتن دام فالحالتين الصحة مش ولا بد ؟

وانت متين تحس بخمول وتعب وممكن السمنة الزايدة تسبب لك سكري او ضغط لا سمح الله

واذا ضعفت من العمليات بتحس بهبوط ودورة راس ونقص فيتامينات

يعني فالحالتين انت ماتخلصت من الامراض

نصيحتي لك تعلم شلون تاكل وشنو تاكل وكم تاكل ومتى تاكل

غير من نظام حياتك ونظام اكلك ومارس الرياضة , فالبداية ابداها مشي اذا تحس عمرك ثقيل وبعدها لا خفيت شوي ابدا بالجري ورفع الاثقال

اخوي انا مابقولك فلان وفلان سوى وفعل وضعف لا انا بعطيك مثال عني انا يعني شي انا مجربه بنفسي واضمنه لك 100%

انا طولي 179 سنتي متر , قبل سنتين بحكم العمل الضغوطات ماكنت اتحرك وايد الصبح دوام مكتبي والعصر ادرس فالكلية فحياتي كانت عباره عن اكل وقعده سواء فالبيت او فالدوام او فالكلية وماكان عندي وقت اسوي شي اطلع الصبح عالدوام من الدوام عالكلية ارجع البيت منهد حيلي اكل وانام

و وصل وزني 107 كيلو وبديت الاقي صعوبات فالحركة واحس بتعب ودوم احس بجوع لين ما تغير وضعي شوي الحمدلله وصار عندي وقت او تقدر تقول صارت عندي حياة طبيعية

وبديت فالبداية برجيم لان بصراحة ماكان عندي القدرة على ممارسة الرياضه من كثر ما وزني زايد واستمريت عالرجيم لين ما وصل وزني 95 وبعدها سجلت في جيم ومارست رياضه رفع الاثقال مع نظام غذائي صحي وبعد فتره بديت امارس رياضة الجري مع الاثقال وخلال ثلاث شهور تقريبا نزل وزني من 95 الى 80 توي الصبح وازن والله وزني 80 بالضبط

ولله الحمد والمنه صحيح الموضوع اخذ مني حول 8 شهور بين رجيم وبين رياضه لكن ما كنت استمر عالرجيم بشكل سليم وما بديت امارس الرياضه الا بعد فتره من ما ثبت وزني عالـ 95 ولو اني ملتزم ومارست الرياضه من اول ما ثبت وزني اضمن لك اني كنت بنزل هالوزن في اقل من 6 شهور

صدقني ياخوي العملية مب حل وانما حل مؤقت ومضاعفاته كثيره

الحل الوحيد انك تغير نظام حياتك وتعرف شتاكل وشنو الاكل المفيد والصحي والاكل السيئ والواجب الابتعاد عنه مب لان هالاكل راح يزيد وزنك , لا لأن هالاكل مضر بالصحة ومب زين لك وخل ممارسة الرياضة جزء من روتينك اليومي , الفتره الاولى صعبه لكن صدقني مع الوقت بتتعود وبيصير هذا شي روتيني عندك ولازم تسويه وتستمر عليه وان ماسويته تحس في شي غلط في جدولك اليومي

وصدقني بتنزل وبيصير وزنك طبيعي بدون عمليات وبدون حرمان وبدون اي اضرار جانبية ان شاء الله

هالنصيحه يعلم الله اني ما وجهتها لك الا لاني ابي لك الخير والله يوفقك ويهديك لما هو فيه خير لك ان شاء الله

[khalid525]

اخوي استشر اكثر من دكتور افضل
هم بينصحونك اي نوع عملية افضل لكتلة جسمك

[Chambray]

اذا فكرت في العملية كخيار اخير

ابتعد عن عملية الربط ( لما لها من اضرار )

تخيل تحس بالجوع وماتقدر تاكل

واذا كنت في عزيمه وانسد مجرى الاكل ماتقدر تسلك الاكل ( بالماء ) لازم تروح الحمام وترجع

وهذا في حد ذاته احراج لك وتعب نفسي

وابتعد عن التحوير ايضاً .. لان التحوير مشاكله كثيره



خلك مع التكميم .. وافضل مستشفى لهالامور هو ( مستشفى حمد )

بعدين انت وزنك مش كثير على فكرة

113
لازم توصل للوزن 65 - 70 كجم

لذلك انت بحاجه إلى فقدان 43 كيلو ..

اشتغل على نفسك انك تفقد 5 كيلو فقط بالشهر
في سنه يعني انت منزل 60 كيلو

لذلك .. انصحك بالرياضه والرجيم المعتدل ( مب الرجيم القاسي ) والمشي

أو ( التكميم )

لان حتى لو سويت تكميم ( بعد محتاج إلى رياضة )

[دنيا الاسهم]

( ولا تلقوا بايدكم في التهلكة) صدق الله العظيم
نصيحة خفف من وزنك بالرياضة والرجيم والمشي لان اغلب اللي سووا العملية صارت لهم مضاعفات

[بصمة قطرية]

ما أنصح بالعمليات كلللللش
أحسها مجازفة وتعب نفسي
في نفس الوقت ست اشخاص من قرايبي سوو التكميم
و ماشاءالله اجسامهم خيالية
ثلاثة سووها عند العمادي
اثنين منهم سووها هالشعر ،،


اخوي ما عليك من اي احد
استخير و اذا ارتحت توكل على الله ،،

[شتان]

انصحك بتجربه تقنيه الحريه النفسيه يسويها الدكتور حمود العبري

تقنيه معروفه اكتب في قوقل وشوف النتايج

كاأنك مسوي ربط معده بدون عمليه تقلل وايد من شهيه الاكل

[وطن]

اخوي مثل ما نصحوك الاخوان والخوات

العملية مضارها اكثر من منافعها

ولا تنسى انك بتغير من خلقة ربك
و جسمك أمانة عندك
انت لازم تحافظ عليه بارادتك
مب بالعمليات

وزنك مب كبير وتقدر تنزل بسهولة
تخفيف و نظام صحي متوازن بعيد عن الحرمان
و تمارين


بتضعف وانت بصحتك ومرتاح

[وطن]

اليوم كان في برنامج على قناة دبي عن هذي العمليات

العملية ممكن تؤثر على النفسية كثير
خصوصا للي متعود يأكل
لانه راح يحس نفسه محروم
و بيتأزم من الجمعات و العزائم لان ما يقدر ياكل

[SeniorTrader]

هذه حياتك

والله لوتمشي وتركض يوميا احسن لك

العمر مره والعمليات خطره اعرف واحد دخل غيبوبه لاكن الله ستر

الله يشفيك ويعطيك العزيمه والله مجرد حركة واكل حلو صحي مشوي وكثر الماي وابعد من السكر والنشويات

[بصمة قطرية]

من الأضرار الجانبية لهالعمليات ( الإكتئاب )
أغلب اللي سووها صادهم إكتئاب
البعض منهم تغلب عليه
والبعض ما زال يعالج و ياخذ حبوب للإكتئاب ..

[Aaziz]

لانه جسمك امانه انصحك تسويها

لي صديق سواها كان يحتاج فعلا ، السمه البارزه فيه انه كان شره جدا في الاكل ولكن صابه السكر في عمر ظ¢ظ¨ و صار ياخذ حبوب و سكره غير منتظم حتى مع تخفيف الاكل.
سوى العمليه في الاردن و بعد فتره بسيطه قدر يستغني عن حبوب السكر. سالته ايش تغير معاك ، قال فقط افتقدت متعة النهش ههههههه ولكن ما احس بجوع.
كان راضي جدا بعد العمليه ولا تطرق لاي اعراض نفسيه او ضيق من شي بعد العمليه.
شخصيا فكرت اسويها لاني محتاج انزل وزن قليل كنت اعتقد انه الي يقصونه مقاس يتناسب مع وزن الشخص. طلع انه بغض النظر عن وزن الشخص المقدار المتبقي من المعده هو نفسه عند كل شخص يسوي العمليه. يعني الدكتور يحط انبوب و يقص الزايد من المعدة عن حجم هذا الانبوب.
ولكن باجماع اغلب الي سوو العمليه. بعد العمليه تحتاج رياضه ايضا لان العمليه تنزل مقدار معين و الرياضه تحتاجها عشان تستمر بانقاص الوزن باستغلال فرصه ان كميه الاكل قليله بعد العمليه.
و امر اخر انتبه للفيتامينات المكمله الي لازم تاخذها حبوب من الصيدليه تعويض عن الفيتامينات الي كنت تاخذها من الاكل سابقا و يمكن الي تعبو نفسيا بعد العمليه كان ينقصهم بعض الفيتامينات الي ماكانو ياخذونها.
بالتوفيق

[وطن]

لانه جسمك امانه انصحك تسويها

لي صديق سواها كان يحتاج فعلا ، السمه البارزه فيه انه كان شره جدا في الاكل ولكن صابه السكر في عمر ظ¢ظ¨ و صار ياخذ حبوب و سكره غير منتظم حتى مع تخفيف الاكل.
سوى العمليه في الاردن و بعد فتره بسيطه قدر يستغني عن حبوب السكر. سالته ايش تغير معاك ، قال فقط افتقدت متعة النهش ههههههه ولكن ما احس بجوع.
كان راضي جدا بعد العمليه ولا تطرق لاي اعراض نفسيه او ضيق من شي بعد العمليه.
شخصيا فكرت اسويها لاني محتاج انزل وزن قليل كنت اعتقد انه الي يقصونه مقاس يتناسب مع وزن الشخص. طلع انه بغض النظر عن وزن الشخص المقدار المتبقي من المعده هو نفسه عند كل شخص يسوي العمليه. يعني الدكتور يحط انبوب و يقص الزايد من المعدة عن حجم هذا الانبوب.
ولكن باجماع اغلب الي سوو العمليه. بعد العمليه تحتاج رياضه ايضا لان العمليه تنزل مقدار معين و الرياضه تحتاجها عشان تستمر بانقاص الوزن باستغلال فرصه ان كميه الاكل قليله بعد العمليه.
و امر اخر انتبه للفيتامينات المكمله الي لازم تاخذها حبوب من الصيدليه تعويض عن الفيتامينات الي كنت تاخذها من الاكل سابقا و يمكن الي تعبو نفسيا بعد العمليه كان ينقصهم بعض الفيتامينات الي ماكانو ياخذونها.
بالتوفيق

تدري اخوي اعرف كذا حد مسويها

اللي نزلوا شوي و وقفوا والحين يعانون يبون ينزلون

واللي للحين على حبوب الضغط و السكر ولا شي تغير عليهم
واللي ترهلوا من قلب و يحتاجون عمليات بسبب النزول السريع

[Chambray]

اليوم كان في برنامج على قناة دبي عن هذي العمليات

العملية ممكن تؤثر على النفسية كثير
خصوصا للي متعود يأكل
لانه راح يحس نفسه محروم
و بيتأزم من الجمعات و العزائم لان ما يقدر ياكل

ههههههههه ماعليج الامور تمام والكل عايش حياته في عزايم وغيره .. الي يقول هالكلام كذاب .. الربع كلهم عايشين حياتهم 10 على 10


من الأضرار الجانبية لهالعمليات ( الإكتئاب )
أغلب اللي سووها صادهم إكتئاب
البعض منهم تغلب عليه
والبعض ما زال يعالج و ياخذ حبوب للإكتئاب ..

الاكتئاب صحيح يكون اول شهر او شهرين فقط

ثم الامور ترجع طبيعيه 100%

وقولي نادر ماتصيد الي سووها اكتئاب .. مش ( الاغلب ) لان الاغلب تحسن مستوى معيشتهم ومستوى حياتهم للافضل :nice:

[Chambray]

تدري اخوي اعرف كذا حد مسويها

اللي نزلوا شوي و وقفوا والحين يعانون يبون ينزلون

واللي للحين على حبوب الضغط و السكر ولا شي تغير عليهم
واللي ترهلوا من قلب و يحتاجون عمليات بسبب النزول السريع

شكلج من المعارضين جداً لهالعمليات ..


المستشفى الوحيد الي يسوي هالعمليات بالشكل الصح هو ( مستشفى حمد )
اما الباقي فهم مستشفيات ( تجاريه ) 100%
في الدوحة او في الاردن بالتحديد ..

علشان جذية الي يعاني من مشاكل اغلبهم مسويين هالعملية ( خارج مستشفى حمد )

[بصمة قطرية]

ههههههههه ماعليج الامور تمام والكل عايش حياته في عزايم وغيره .. الي يقول هالكلام كذاب .. الربع كلهم عايشين حياتهم 10 على 10



الاكتئاب صحيح يكون اول شهر او شهرين فقط

ثم الامور ترجع طبيعيه 100%

وقولي نادر ماتصيد الي سووها اكتئاب .. مش ( الاغلب ) لان الاغلب تحسن مستوى معيشتهم ومستوى حياتهم للافضل :nice:

أمممممم
شلون تحسن مستوى معيشتهم ..!!:nice:
مستوى حياتهم عرفناها
بس مستوى معيشتهم .. :secret:


شلون الإكتئاب نادر
و في نفس الوقت صحيح أول شهر شهرين ..

ممكن تفهمني :shy:

[بصمة قطرية]

أصلاً بعد العملية الشخص طبيعي راح ينزل وزنه
بالتالي الجسم بيترهل
و بيحتاج تمارين لشد الجسم
و المكملات الغذائية ضرورية جداً جداً ..
لازم ياخذها و لا راح يتعرض لإنتكاسة
الجسم يفقد أشياء أساسية
و أول شهر فقط سوائل
فيعوض النقص بالمكملات الغذائية و الفيتامينات
أرجع و أقول أنا ضدها ..

شخصين من قرايبي سووها من فترة بسيطه عند العمادي
أوزانهم تحت ال ظ،ظ*ظ* ..

[رجل الجزيرة]

وأنا لا أنصحك تسوي سواء لا ربط ولا تكميم.

خلك على خلق ربك أحسن لك وعندك صوم داوود عليه السلام، تصوم يوم وتفطر يوم.

[الحريّه]

الشيخ انت طلبت نصيحتنا وانا نصيحتي لك لا تسوي لا تكميم ولا ربط ولا غيره

اعرف ثلاثة مسوين العملية

اثنين منهم ضعفوا ما شاء الله بس صحتهم مهب الاولية دايما يحسون بتعب وبخمول وعندهم نقص فيتامينات ولازم ياكلون فيتامينات بشكل يومي

واحد منهم سوى العملية من سنة واكثر بشوي ولين اليوم يحس بدوخه ويدور راسه بين فتره والثانية

والثالث ترقد فالمستشفى لانه كل اكل سبايسي مع ان مسوي العملية من ثلاث شهور ويوم كل الاكل الحار تعب ورقدوه يومين وللحين يعتبر متين نزل وزنه لكن وراه مشوار طويل

والله ياخوي هالعمليات مامنها فايدة بتضعف صح لكن بدون صحة

وش فايدة الضعف او المتن دام فالحالتين الصحة مش ولا بد ؟

وانت متين تحس بخمول وتعب وممكن السمنة الزايدة تسبب لك سكري او ضغط لا سمح الله

واذا ضعفت من العمليات بتحس بهبوط ودورة راس ونقص فيتامينات

يعني فالحالتين انت ماتخلصت من الامراض

نصيحتي لك تعلم شلون تاكل وشنو تاكل وكم تاكل ومتى تاكل

غير من نظام حياتك ونظام اكلك ومارس الرياضة , فالبداية ابداها مشي اذا تحس عمرك ثقيل وبعدها لا خفيت شوي ابدا بالجري ورفع الاثقال

اخوي انا مابقولك فلان وفلان سوى وفعل وضعف لا انا بعطيك مثال عني انا يعني شي انا مجربه بنفسي واضمنه لك 100%

انا طولي 179 سنتي متر , قبل سنتين بحكم العمل الضغوطات ماكنت اتحرك وايد الصبح دوام مكتبي والعصر ادرس فالكلية فحياتي كانت عباره عن اكل وقعده سواء فالبيت او فالدوام او فالكلية وماكان عندي وقت اسوي شي اطلع الصبح عالدوام من الدوام عالكلية ارجع البيت منهد حيلي اكل وانام

و وصل وزني 107 كيلو وبديت الاقي صعوبات فالحركة واحس بتعب ودوم احس بجوع لين ما تغير وضعي شوي الحمدلله وصار عندي وقت او تقدر تقول صارت عندي حياة طبيعية

وبديت فالبداية برجيم لان بصراحة ماكان عندي القدرة على ممارسة الرياضه من كثر ما وزني زايد واستمريت عالرجيم لين ما وصل وزني 95 وبعدها سجلت في جيم ومارست رياضه رفع الاثقال مع نظام غذائي صحي وبعد فتره بديت امارس رياضة الجري مع الاثقال وخلال ثلاث شهور تقريبا نزل وزني من 95 الى 80 توي الصبح وازن والله وزني 80 بالضبط

ولله الحمد والمنه صحيح الموضوع اخذ مني حول 8 شهور بين رجيم وبين رياضه لكن ما كنت استمر عالرجيم بشكل سليم وما بديت امارس الرياضه الا بعد فتره من ما ثبت وزني عالـ 95 ولو اني ملتزم ومارست الرياضه من اول ما ثبت وزني اضمن لك اني كنت بنزل هالوزن في اقل من 6 شهور

صدقني ياخوي العملية مب حل وانما حل مؤقت ومضاعفاته كثيره

الحل الوحيد انك تغير نظام حياتك وتعرف شتاكل وشنو الاكل المفيد والصحي والاكل السيئ والواجب الابتعاد عنه مب لان هالاكل راح يزيد وزنك , لا لأن هالاكل مضر بالصحة ومب زين لك وخل ممارسة الرياضة جزء من روتينك اليومي , الفتره الاولى صعبه لكن صدقني مع الوقت بتتعود وبيصير هذا شي روتيني عندك ولازم تسويه وتستمر عليه وان ماسويته تحس في شي غلط في جدولك اليومي

وصدقني بتنزل وبيصير وزنك طبيعي بدون عمليات وبدون حرمان وبدون اي اضرار جانبية ان شاء الله

هالنصيحه يعلم الله اني ما وجهتها لك الا لاني ابي لك الخير والله يوفقك ويهديك لما هو فيه خير لك ان شاء الله




جزاك الله خيراً أخي الفاضل على نصيحتك الثمينة لأخينا نازداك .
أنصح الأخ السائل أن يسأل عن هؤلاء الذين قاموا بهذه العمليات و المضاعفات التي حدثت لهم , و عدد الوفيات الناتجة عنها.
لا يَغُرَّنك ما يقوله الواهمون و الأطباء التجاريون . إن هذه العمليات لم تُسَن لأمثالك من الشباب الذين يشتكون وزناً تسبب به روتين الحياة المغلوط , بل للمرضى من ذوي الوزن الزائد , الذين يؤثر وزنهم على بقائهم أحياء .
أما أنت فكل ما عليك أن تفعله هو أن تعيد النظر في نمط حياتك مما يؤدي إلى زيادة وزنك فتجنبه . معادلة على بساطتها , رهانها الوحيد هو الإرادة و العزيمة.
نتمنى لك صحّة طيبة و إرادة الصالحين ممن يخافون الله و لا يدخلون جحر الضب الذي دخله المُقَلِّدون.
تحياتي

[همر]

من الأضرار الجانبية لهالعمليات ( الإكتئاب )
أغلب اللي سووها صادهم إكتئاب
البعض منهم تغلب عليه
والبعض ما زال يعالج و ياخذ حبوب للإكتئاب ..


زاد انا اقول حالتي النفساويه نفسيه !!!

عبالي ازمة منتصف العمر ... طلعت اثار العمليه ...



المشكله ياخوي اللي ينصحونك لا تسوي العمليه

هم نفسهم ماسووها ... سمعت وقالو لي ...

ترى احياناً اللي سوا العمليه

اي احياناً الا غالباً .. تدري ربعنا يخافون من العين

فمايتكلمون قدام كل الناس ان كل شي تمام


يعني ابيك تسأل اللي سووها

وهم كثيرين وفوق ماتتصور بعد

ولهم علامات مميزه من أثر النزول :happy:

[hanayen]

ما انصح بالأردن المشاكل اللي تجئ من عندهم وايد صج يقولك 19 الف بس أجهزته يعاد تعقيمها الف مره اما في قطر كل مريض له أجهزته حاسب من الرخيص
العمادي ممتاز
بس المضاعفات نفسها في الهند ولا السند بس تختلف من دكتور والثاني

[missperfect]

شكلج من المعارضين جداً لهالعمليات ..


المستشفى الوحيد الي يسوي هالعمليات بالشكل الصح هو ( مستشفى حمد )
اما الباقي فهم مستشفيات ( تجاريه ) 100%
في الدوحة او في الاردن بالتحديد ..

علشان جذية الي يعاني من مشاكل اغلبهم مسويين هالعملية ( خارج مستشفى حمد )

اعرف وحدة سوتها في حمد وراحت بغيبوبة فترة وعقبها ماتت الله يرحمها

[Locale]

^^
وجارت حماتي قلنا خلاص بتموت
لكن الحمدلله تحسنت شوي لكن وضعها الصحي مب جيد

والله عوار راس يازين الرياضه حتى تخلي نفسية الواحد فوق

[@north_star@]

شكلج من المعارضين جداً لهالعمليات ..


المستشفى الوحيد الي يسوي هالعمليات بالشكل الصح هو ( مستشفى حمد )
اما الباقي فهم مستشفيات ( تجاريه ) 100%
في الدوحة او في الاردن بالتحديد ..

علشان جذية الي يعاني من مشاكل اغلبهم مسويين هالعملية ( خارج مستشفى حمد )

بالعكس تماما اخوي انا اعرف كذا واحد سووها بالاردن وما شاء الله عليهم امورهم طيبة وعلى فكرة الدكتور الي سواها لهم بالاردن ما يسوي اي عملية الا يشوف حالتك اذا يصير او لا واذا تناسبك او لا....... والله يعطي الصحة والعافية للجميع

[ناسداك]

مشكور على الردود وتفاعلكم مع الموضوع وان شاء براجع المستشفى وبشوف الدكتور والله يكتب اللي فيه الخير

[ناسداك]

بالعكس تماما اخوي انا اعرف كذا واحد سووها بالاردن وما شاء الله عليهم امورهم طيبة وعلى فكرة الدكتور الي سواها لهم بالاردن ما يسوي اي عملية الا يشوف حالتك اذا يصير او لا واذا تناسبك او لا....... والله يعطي الصحة والعافية للجميع

صحيح وبعد الاردن تكلف 20 الف اما في المستشفيات الخاصه عندنا زادت من 30 الف الى تقريبا 50 الف بس مش مهم لان تحتاج لمتابعه العملية كل فتره

[ضوى]

صديقة سوتها من فترة ، في الاردن ، ندمت ندم مب طبيعي ، تعبت تعب ولا زالت تراجع الطواري كل يومين

نصيحة ابتعد عن هالعمليات ماوراها الا الشقا

[ناسداك]

صديقة سوتها من فترة ، في الاردن ، ندمت ندم مب طبيعي ، تعبت تعب ولا زالت تراجع الطواري كل يومين

نصيحة ابتعد عن هالعمليات ماوراها الا الشقا

بس يمكن سوت التدبيس وهذي لها مخاطر كثيرة مثل التسريب انا بحاول اسوي العملية البسيطه اذا الله اراد

[السامـي]

أفضل وأنجح عملية هي "التكميم"،ونصيحة إذا كتلة
جسمك أقل من 35 ولا تشتكي من أي أمراض
لا تسويها،بل أستعض عنها بالرجيم والرياضة.

[كيلو حديد]

ليش ما تقرر تسوي رياضه
ليش ما تقرر تغير نظام حياتك الكئيب والأكل الكثير وتدمير الجسم .
غيروا حياتكم اتخذوا قرارات حقيقيه فعليه تنسج الصحه لايامكم كلها واعماركم كلها .
وش هالكسل الي ذابح العالم
واسمحلي لو كلامي جاف بس ياخوي الناس خلاص معاد فيهم نشاط وصاروا يدورون الرشاقه بطرق غير صحيه ولا طبيعيه
شدوا حيلكم وتحرروا وتحركوا
صلى الله عليه وسلم يقول ما ملىء أبن آدم وعاء شر من بطنه
خذوا هالحديث ونفذوه تكسبوا اجر الاتباع وتكسبوا الصحه
صلى الله عليه وسلم كان يربط الحجر على بطنه من الجوع
يعني اصبر عن الاكل لين بطنك يعورك ويعورك وكل ما جعت اشرب ماء
صوموا تصحوا
تركتوا كل هالاحاديث والثقافه الاسلامية ورحتوا صوب العمليات و حبوب الرشاقه واكلام الفارغ
و سبحان الله يفشلون ويرجعون مثل ما كانوا
او يخسوا وتبقى اجسامه ضعيفه
لان المشكله تكمن في انهم ضد الطبيعه
يريدون ياكلون مثل ما يشتهون وبنفس الوقت يبغون اشكال رشيقه واجسام جميله !!!
الله يوفقك وتلغي هالقرار وتقرر تنتبه لأكلك و تسوي رياضه رجوليه حقيقيه تكتسب منها صحه ورشاقه وقوه .

[الدوحه1]

كنت بسوي العمليه لبنتي في احد المستشفيات الخاصه في قطر..
ولكن كنسلت عقب ماطلبوا مني المستشفى التوقيع على ثمان صفحات (اخلاء مسئوليه).
المستشفى يبغي يحمي نفسه من المسئوليه ,, التوقيع على هالاوراق يحمي المستشفى من أي ملاحقه قانونيه!!!
في حد منكم من اللي سوو العمليه قرا هالاوراق؟؟

[N2323]

السلام عليكم
الكبسوله
طريقه جديده لها نفس مفعول القص و التكميم
يتم انزال كبسولة في المعده ويتم نفخها
وهذي الكبسوله تاخذ 70 % من حجم المعده
وبعد 6 شهور يتم ازاله هذه الكبسولة
اعتقد انها افضل من العمليات و القص و اللصق
موفق يارب

[ناسداك]

السلام عليكم
الكبسوله
طريقه جديده لها نفس مفعول القص و التكميم
يتم انزال كبسولة في المعده ويتم نفخها
وهذي الكبسوله تاخذ 70 % من حجم المعده
وبعد 6 شهور يتم ازاله هذه الكبسولة
اعتقد انها افضل من العمليات و القص و اللصق
موفق يارب
اخوي وين يسوونها في قطر او دول الخليج ؟

[همر]

كنت بسوي العمليه لبنتي في احد المستشفيات الخاصه في قطر..
ولكن كنسلت عقب ماطلبوا مني المستشفى التوقيع على ثمان صفحات (اخلاء مسئوليه).
المستشفى يبغي يحمي نفسه من المسئوليه ,, التوقيع على هالاوراق يحمي المستشفى من أي ملاحقه قانونيه!!!
في حد منكم من اللي سوو العمليه قرا هالاوراق؟؟



مافي شي اسمه اخلاء مسؤوليه .. انما المستشفى مايتحمل

تبعات العمليه .. يعني ممكن الشخص مايتحمل العمليه ويموت

المستشفى مش مسؤول في هالحاله تروح ترفع عليه قضيه !!

وبدون ماتقرا الاوراق اتحدا يكون في بند يخلي مسؤولية

المستشفى من "الاهمال" وهذا اهم شي ...

المصيبه في المستشفيات هي الاخطاء الطبيه بسبب

الاهمال .. اذا ثبت ان العواقب ناتجه عن الاهمال اروح

ارفع قضيه وانا مغمض لو موقع الف ورقه ...

[عاشق العديد]

انا اتمنى انه ينزل قرار هالعمليات تنلغي ..

[بصمة قطرية]

زاد انا اقول حالتي النفساويه نفسيه !!!

عبالي ازمة منتصف العمر ... طلعت اثار العمليه ...



المشكله ياخوي اللي ينصحونك لا تسوي العمليه

هم نفسهم ماسووها ... سمعت وقالو لي ...

ترى احياناً اللي سوا العمليه

اي احياناً الا غالباً .. تدري ربعنا يخافون من العين

فمايتكلمون قدام كل الناس ان كل شي تمام


يعني ابيك تسأل اللي سووها

وهم كثيرين وفوق ماتتصور بعد

ولهم علامات مميزه من أثر النزول :happy:




لا إنت أزمة آخر العمر قصدي منتصف العمر
و إكتئاب
الله يساعدك حالتك صعبة ..:secret:

صح أنا ما سويتها الحمدلله و لا أفكر أسويها
لكن كنت مع وحدة سوتها من فترة بسيطة
سألت الدكتور بعد ما طلعت من العملية
أقدر أسويها قال لي اي :eek5:
طبعاً سؤال لقافة بس كنت بشوف ردة فعل الدكتور ..
عادي متين ضعيف ما يهم إدفع و إدخل العمليات ..
و اللي قالت لي عن الإكتئاب سوت ربط قبل و عقب الربط أعتقد تحوير
آخر شي سوت تكميم ..
و سوتها لبنتها و قالت عانيت من الإكتئاب و ما زلت آخذ حبوب
و بنتي عانت في البداية بس الحمدلله ما تركتها ..
و بعدين وايد سووها و ما يتكلمون
ما يبون حد يعرف ..!!

[سارى الليل]

اش حادكم لهالامور
الصحة زينة
الرياضة وبس

ياخي يمكن لها مضار مع تقدم العمر

[Qa10]

اخوي شالله حادك على الموس والقص

ناس اوزانها ضعفك 230 كيلو وخفوا وزنهم تحت ال100 ولا موس ولا شي.

[أم محمد 90]

انا امس كان المفروض عمليتي !! 25/12 بالمستشفى العسكري بالبحرين مع الدكتور خالد ال خليفة !

كان موعدي وياه 1/12 وحدد لي العملية في 25/12 والسبت ارد الدوحة ..

خل هالـ 25 يوم نزلت 6 كيلو

ماكنت اسوي ريجيم ولا شي بس غيرت عاداتي الغذائية + اسبوع مع غرين لايف ..

اللي يبي يسوي هالعملية .. لازم يفكر مليون مرة ، ويستخير .. صج وناسة نزول الوزن

لكن الشعر يطيح والبشرة تترهل والملامح تتغير تصير اكبر من سنك مب شي والله

اسأل شخص سواها من سنة ولا شهور طويلة لا تسأل شخص مسويها توه لان اكيد بيكون مستانس

[أم محمد 90]

لا إنت أزمة آخر العمر قصدي منتصف العمر
و إكتئاب
الله يساعدك حالتك صعبة ..:secret:

صح أنا ما سويتها الحمدلله و لا أفكر أسويها
لكن كنت مع وحدة سوتها من فترة بسيطة
سألت الدكتور بعد ما طلعت من العملية
أقدر أسويها قال لي اي :eek5:
طبعاً سؤال لقافة بس كنت بشوف ردة فعل الدكتور ..
عادي متين ضعيف ما يهم إدفع و إدخل العمليات ..
و اللي قالت لي عن الإكتئاب سوت ربط قبل و عقب الربط أعتقد تحوير
آخر شي سوت تكميم ..
و سوتها لبنتها و قالت عانيت من الإكتئاب و ما زلت آخذ حبوب
و بنتي عانت في البداية بس الحمدلله ما تركتها ..
و بعدين وايد سووها و ما يتكلمون
ما يبون حد يعرف ..!!

اي تخيلي انا كتلة جسمي كانت 30 ! والمفروض العملية مايسوونها الا الي كتلتهم 40 وفوق !

[أم محمد 90]

السلام عليكم
الكبسوله
طريقه جديده لها نفس مفعول القص و التكميم
يتم انزال كبسولة في المعده ويتم نفخها
وهذي الكبسوله تاخذ 70 % من حجم المعده
وبعد 6 شهور يتم ازاله هذه الكبسولة
اعتقد انها افضل من العمليات و القص و اللصق
موفق يارب

العملية اسمها البالون ونسبة نجاحها ضعيفة ومب زينة اقروا عنها ف قوقل

[عاشق العديد]

وين الرياضضضضه ..
والله لو انا دكتور الحين .. بطلع لي روز رايز من وراكم ..
شالكسسسل هذا ..

[همر]

لا إنت أزمة آخر العمر قصدي منتصف العمر
و إكتئاب
الله يساعدك حالتك صعبة ..:secret:

صح أنا ما سويتها الحمدلله و لا أفكر أسويها
لكن كنت مع وحدة سوتها من فترة بسيطة
سألت الدكتور بعد ما طلعت من العملية
أقدر أسويها قال لي اي :eek5:
طبعاً سؤال لقافة بس كنت بشوف ردة فعل الدكتور ..
عادي متين ضعيف ما يهم إدفع و إدخل العمليات ..
و اللي قالت لي عن الإكتئاب سوت ربط قبل و عقب الربط أعتقد تحوير
آخر شي سوت تكميم ..
و سوتها لبنتها و قالت عانيت من الإكتئاب و ما زلت آخذ حبوب
و بنتي عانت في البداية بس الحمدلله ما تركتها ..
و بعدين وايد سووها و ما يتكلمون
ما يبون حد يعرف ..!!



مدام قال لج يصير عيل وزنج زايد ومسويه فيها رشيقه يعني مب دبه

بس دويره متساوية الاضلاع

حتى اللي مش دب بس مدور بعضهم مسوي العمليه عشان الضغط

والسكر ينزل ..


واي جذي قولوا للرجال الصج مب نص السالفه

يعني جاها اكتئاب مكتئبه من حياتها اصلا لانها

جربت كل عمليات العالم بعد عنبو زين منها

صاحيه .. قولي لها بوعلي يقول يمدحون

الدكتور عكاشه ...

[Bozizoo]

انا مسوي العملية عند حبيب الملايين د. محمد خريس من شهر 6 ولله الحمد والمنه وزني كان 115 و الحين 87 بدون رياضه بدون شي
والامور طبيعيه جدا من ناحية الطاقة و الحيويه والنشاط
اول شهرين كنت احسن احيانا بالعتب او خمول وذلك لقة الاكل ولكن بعدين الامور طيبه
وانا عمري فوق الاربعين
وطبعا بدون شك الطبيعي افضل من العمليات بس تدرون انا اسوي رجيم من سنة 1988 ونزلت 20 كيلو لكن بعد فتره رجعتها
وهذه ليست اخر مره ولكن مراات اخفف وزني بالعشرين و ارجعهم خلال سنه
عاااد قلت مالها الا بو خريس
ولله الحمد الحركه و الشكل و البس مرتب و نفسيا مرتاح تحس نفسك طبيعي مب كنك خيشه عيش مالت التموين وامر كثيره كنت اعاني منها والسبه السمنه
كنت ادرس برا في بلاد الفرنجه واهاااه كنت انقهر اشوف البس ولا اقدر اشتري
وانا مالي الا العالم الجديد ولا خياط حوول في سوق الدوحه في الدور الثاني يفصل لي بنطلونات
روووح حبيبي روووح
والى كل البنات روووحوا حرام عليكم تاخرون نفسكم وتمون بالسمنه
حسوا بنعمة الرشاقه ولا عليكم من حد وخلي الي يعرف يعرف اهم شي تجيكم الثقه بالنفس
وتحس نفسك انك طبيعي
وامووور كثيره في حياتك بتتغير تلقائيا

سوا العمليه واذا تبي مرااافق للاردن انا حاضر بس تذكرتي عليك
ههههه

[w.qatar]

اعرف ناس كانوا مصابين بالسكري و الضغط بعد هالعملية قص المعدة تشافوا تماما من هالامراض
اذا انت نفس الحاله توكل على الله و سوها و اذا بس تبي تنقص وزنك حرام تسوي هالعمليات الرياضه و تنظيم الاكل احسن لك

[theeb_qatar]

انا سويتها عند الدكتور العمادي
09-12-2012 الوزن 143
26-12-2013 الوزن 79

بدون حركة ..
الشهر الاول حالة نفسية صعبه خصوصا اذا كنت متعود على 2ماك جكن واب سايز
الشهر الثاني ترتاح نفسيتك من تجرب المهروسات وتوابعها
الشهر الثالث تبتدي حياتك تجرب هاي شوي وهاي شوي من المهروس الشبه صلب ..

ومن السادس والسابع .. تبحر في الاكلات ..

دربك خضر يالذيب ... بالنسبة للألم .. 3ايام الاولى طبعا .. ومن طلعت من العمادي ماشاء الله ماحس بشي
اللهم النوم على البطن ماتقدر الا بعد فتره شهر او شهرين على حسب جسمك ..

وكل التوفيق لك ..

[hanayen]

حبيب الملايين جات حالات كبد وبائي من عنده انصح اللي سوى عمليات عنده يسوي فحص شامل

[حياة]

توكل على الله وسوو التكميم هي افضل وأأمن عمليه وفي مستشفى حمد عند الدكتور معتز باشا
ولاعليك من المحبطين ..ولدي وبنتي سوها وماشاء الله تبارك الله من احسن مايكون ولاجاهم اكتئاب ولاشي وبالعكس صارت حياتهم احسن وصاروا مقبلين ع الحياه بفرح ووناسه..
توكل ع الله وروح لمستشفى حمد واذا طرا عليك تسويها في خاص لاتروح الا للعمادي وبس
والله يوفقك للي فيه الخير

[hanayen]

مستشفى حمد والنعم العمادي ممكن بس الأردن ما انصح توكل واعتمد

[بصمة قطرية]

مدام قال لج يصير عيل وزنج زايد ومسويه فيها رشيقه يعني مب دبه

بس دويره متساوية الاضلاع

حتى اللي مش دب بس مدور بعضهم مسوي العمليه عشان الضغط

والسكر ينزل ..


واي جذي قولوا للرجال الصج مب نص السالفه

يعني جاها اكتئاب مكتئبه من حياتها اصلا لانها

جربت كل عمليات العالم بعد عنبو زين منها

صاحيه .. قولي لها بوعلي يقول يمدحون

الدكتور عكاشه ...


همر
انت شرير :rolleyes2:
وزني تحت الثمانين ..!!
بكون خبلة و مينونة لو فكرت أسويها ،،
أنا سألت الدكتور توقعت بيقول لااا مب محتاجه
اتاريهم يدورون الفلوس ما يهم ضعيف متين
محتاج مب محتاج بس ادفع وقص
ااااخ بطني عورني :weeping:

راحت فيها المرة :eek5:
وعليه عليها المسكينة ..

[وطن]

شكلج من المعارضين جداً لهالعمليات ..


المستشفى الوحيد الي يسوي هالعمليات بالشكل الصح هو ( مستشفى حمد )
اما الباقي فهم مستشفيات ( تجاريه ) 100%
في الدوحة او في الاردن بالتحديد ..

علشان جذية الي يعاني من مشاكل اغلبهم مسويين هالعملية ( خارج مستشفى حمد )

اخوي
ثنتين من الحالات اللي ذكرتها في حمد

والباقي برع
في الكويت ولبنان
اعرف وحده مب قادرة تسوي كونترول ع النزول خلاص
و تحولت هيلكل متحرك

[دانة الطواش]

أخوي ناسداك توكل على الله وصل الاستخارة وسو العملية ترا سهالات أنا عملتها شهر مارس والحمدلله من ثاني يوم أموري طيبة بفضل الله ،والله ييسر أمورك بس لا تتأخر ولا تتردد .

[QatarProv]

توكل على الله ،،
استخير ،، ومايصيبنا اله ماكتب الله لنا ،،

اذكرو ربكم وزني كان اميه واربعين والحين سبعين ولله الحمد بس لاتسوي ربط سو تكميم

والله يوفقك ثقه في النفس نوم مريح ،، وكل شي

[جاسم الدوحة]

يقول الله تعالى في كتابه الكريم :
{ لقد خلقنا الإنسان في أحسن تقويم }

فما التعديل الذي يضيفه الأطباء
للجسم البشري كي يصبح في شكل أفضل
أو حالة أحسن؟

ولو أحسستم بأفضلية مؤقتة .. فما أدراكم بتفاعل الجسم
في قادم الأيام؟

أيّ عبـــثٍ هذا؟

إليكم الأساسيات :

1 / صوموا تصحـّـوا
2 / في الحركة بركة
3 / المعدة بيت الداء
4 / والحِمـْـية رأس كل دواء

مع الدعاء للجميع بالصحة والعافية .

[vip-30003]

السلام عليكم

الموضوع مهم جداً والكل صار يتكلم عن هالعمليات

اخوي بختصار ومن الاخررر اذا عندك عزيمه واصرار عليك بالرجيم والرياضه

اذا مثل باقي الناس ما اتقاوم الاكل توكل على الله وسو هالعمليه

بنقل لك تجربتي انا بادي رجيم ورياضه من اربع شهور

ومب ملتزم وكل فتره اخذ اجازه واكل كل شي بخاطري

بس يومياً امشي ساعه نادر ما اترك الرياضه

حاليا نزلت 20 كيلو وكنت اقدر اكثر بس مرات انسى نفسي في الاكل

جربت نيوترشن و في ال سي سي

كل مكان له مميزات وعيوب

نيوترشن في 10 ايام نزلت 8 كيلو بس تعذيب

في ال سي سي تقدر شهريا 6 كيلو مرتاح وميزتهم جلسات علاجيه

تكسير دهون وحراري ومساج وغيره وجلساتهم اترتب الجسم

فكر واتخذ القرار

[المحاميه]

لاتصدق ان مالها اضرار
صحيح انها اسهل حل بس متاعبها وايد

ومثل ماقالولك بالاصرار والعزيمه ان شاء الله تقدر توصل للوزن المثالي

[وليف الشوق]

نصيحه لوجه الله لااحد يسوي لا تكميم ولا ربط ونتاجه مرض السرطان بعد كم شهر من اجراء العمليه

[حياة]

نصيحه لوجه الله لااحد يسوي لا تكميم ولا ربط ونتاجه مرض السرطان بعد كم شهر من اجراء العمليه






فال الله ولا فالك !!!!! ايش هالاكلام !!!
ومايعلم الغيب الا الله ...
ااااااستغفر الله العظيم من بعض الردود ...

[jeep-srt8]

انا مصمم في الفترة على خسارة وزني الزائد

وبصراحة كثير سألت عن هالعمليات

ولاحد يمدح وامس ف الليل واحد من الشباب يقولي واحد من ربعه مسوي هالعملية او غيرها ومسكين توهق ف الترهلات ونفسيته سيئة جدا ومزاج قالب ومش طايق احد وبالعربي حتى ماهو طايق نفسه

سويت ريجيم وبدون رياضه ف اول 15 يوم طارو 9 كيلو هذي البداية وبعدين توقف الوزن قالولي لازم هالحين حركة ورياضة يوميا نص ساعه مشي ومع الوقت هالدهون تتحرك وتنحرق وتروح واحسن شي هالحل طبيعي ومافيه اي ضرر ومفيد جدا

[vip-30003]

انا مصمم في الفترة على خسارة وزني الزائد

وبصراحة كثير سألت عن هالعمليات

ولاحد يمدح وامس ف الليل واحد من الشباب يقولي واحد من ربعه مسوي هالعملية او غيرها ومسكين توهق ف الترهلات ونفسيته سيئة جدا ومزاج قالب ومش طايق احد وبالعربي حتى ماهو طايق نفسه

سويت ريجيم وبدون رياضه ف اول 15 يوم طارو 9 كيلو هذي البداية وبعدين توقف الوزن قالولي لازم هالحين حركة ورياضة يوميا نص ساعه مشي ومع الوقت هالدهون تتحرك وتنحرق وتروح واحسن شي هالحل طبيعي ومافيه اي ضرر ومفيد جدا

اذا توقف الوزن اكسر الرجيم خذ لك يوم او يومين فري واكل كل شي

والخطا الشائع عدم تناول الطعام هو الرجيم ،، الرجيم توازن الطعام

سبحان الله جسم الانسان معجزة

الدهون تتخزن في الجسم كا مخزون اذا حس الجسم انه يفقد الطعام يستخدم المخزون

بعد فتره يرجع مثل ماكان يخزن مره ثانيه اذا قللت اكلك واستمريت بنفس الكميات

فا مرات اكسر زود اكلك او نقص والتنويع بالاكل مطلوب

والله الرجيم ممتعه وعالم للي بجرب بقول سبحان الله دايما

تخيل مرات تاكل وتضعف

[الرايــق]

نصيحة لوجه الله لا تسوي ربط ..

فقدت أحد الاحبه بعد معاناه من اثار هالعملية قبل شهرين....

الله يحفظك يالغالي

[وليف الشوق]

فال الله ولا فالك !!!!! ايش هالاكلام !!!
ومايعلم الغيب الا الله ...
ااااااستغفر الله العظيم من بعض الردود ...

طيب ليش زعلانه دام الموضوع من واقع تجربة !!! الله يهديج بس

[قايد]

في الاردن بسعر حلووو ودكتور ممتاز كل هل قطر يسوون عنده قص معده

اخوي مسوي عنده ومشالله ضعف ،،، بس لازم تمشي على الفيتامينات ،،

اسم الدكتور محمد خريس

[قايد]

وللعلم الدكتور ما يسوي الا للي وزنهم زايد

والقص كثير يعالج الامراض لا سمح الله،، يخفض السكر والضغط اللي بيسويها راح يفتك منه،،

بس الفيتامينات لازم تداوم عليها وشعرك بيتساقط شوي لازم تاخذ حديد وفيتامينات ..

[vip-30003]

السكر والضغط ماله علاقه في العمليه

له علاقه بنزول الوزن ممكن اي واحد بدون عمليات ينزل وزنه

حاليا نص الاعضاء مع العمليه والنص الثاني ضد

كان ودي يكون تصويت من كل الاعضاء ونعرف النسبة بالضبط

[قايد]

قص معده افضل ،، بس طبعا له اعراض ولازم تمشي على الحبوب ،، وبتمتنع عن الاكل طبعا

انت شوف اللي يريحك ،، استشير من هل الخبره،، وصل استخاره، وتوكل على الله