هل كل الابراج في قطر تدربو على الاخلآ الوهمي للحريق !!!

[فريج النجادة]

هل كل الابراج في قطر تدربو على الاخلآ الوهمي للحريق !!!

وهل باقي الابراج تنتظر دورها ومتى ؟

وهل ما شفناة في الجرايد كان عبارة عن شو فقط

او الدفاع المدني عندة خطة وسوف يمر على الجميع ؟

من يفيدني ؟

[قــطــريــه]

والله انا اداوم في ابراج ذا غيت وما سوولنا تدريب على الاخلاء الوهمي لكن

قبل 3 اسابيع كانوا الدفاع المدني موجودين وجيكوا على جميع اجهزة الانذار اللي عندنا

الله اعلم لو بيرجعون يدربونا على الاخلاء الوهمي

[راعي ال VXR]

نفس الشي من ايام شغلو انذار وهمي وشرده من طابق 17 و 17 لفه في السلم دخت دوخه مافي مثلها

[ya3coub]

برج التورنيدو كان فيه تدريب بس موب لكل الطوابق

و للأسف الموظفين ولا كنهم يسمعون او الي طلع ولا رجع للدوام :( كان مشهد مؤسف جدا مافي اتباع للتعليمات ولا حتى التجمع بنقطه الألتقاء إلا من الاجانب بينما الكثير من العرب و ليس فقط القطرين راحو اركبو سيارتهم دقو سلف و حركو !!!

ما شفت افراد للدفاع المدني بس كانو قبلها بيومين مسوين شكل دورة للسيكورتي و كان يشرف عليها اكثر من ضابط

و لما صار إخلاء الزلزال العام الكل اشتكى و قال تعب و ما يصير من طابق 40 ننزل بالدرج

محد يعجبه شي بس الي أعرفه ان ادارة الدفاع المدني على مدى السنة كاملة في تجيكات لنظام الأمان و الحرائق + تدريب لإخلاء وهمي + بعض الابراج القديمة او البنايات العالية القديمة لديها نظام استكشاف الحرائق قديم او موب مستوفي لشروط المعاير الجديدة الي ارفعوها , يلزمونهم بوقت معين انهم يبدلونه و يحسنونه و يخلون المبنى علشان اعمال التحسين و عقب يرجع الموظفين للدوام و بالعادة اتكون بوقت الصيف

[ya3coub]

برج التورنيدو كان فيه تدريب بس موب لكل الطوابق

و للأسف الموظفين ولا كنهم يسمعون او الي طلع ولا رجع للدوام :( كان مشهد مؤسف جدا مافي اتباع للتعليمات ولا حتى التجمع بنقطه الألتقاء إلا من الاجانب بينما الكثير من العرب و ليس فقط القطرين راحو اركبو سيارتهم دقو سلف و حركو !!!

ما شفت افراد للدفاع المدني بس كانو قبلها بيومين مسوين شكل دورة للسيكورتي و كان يشرف عليها اكثر من ضابط

و لما صار إخلاء الزلزال العام الكل اشتكى و قال تعب و ما يصير من طابق 40 ننزل بالدرج

محد يعجبه شي بس الي أعرفه ان ادارة الدفاع المدني على مدى السنة كاملة في تجيكات لنظام الأمان و الحرائق + تدريب لإخلاء وهمي + بعض الابراج القديمة او البنايات العالية القديمة لديها نظام استكشاف الحرائق قديم او موب مستوفي لشروط المعاير الجديدة الي ارفعوها , يلزمونهم بوقت معين انهم يبدلونه و يحسنونه و يخلون المبنى علشان اعمال التحسين و عقب يرجع الموظفين للدوام و بالعادة اتكون بوقت الصيف

[عيون الدوحة]

الله يعين الموظفات اصحاب الكعوب ظ،ظ§سم وطالع