طلب عطر من الانترنت

[Qtr37]

السلام عليكم ورحمة الله وبركاته

ممكن حد يفيدني بخصوص طلب العطورات من الانترنت، كيف الطريقة وهل هو مسموح؟ وهل في تاجر/ة ثقة ممكن يطلب لي عطر معين من الانترنت خاصة اذا كان ما ينباع في قطر؟

وشكرا

[SOUD.QA]

وعليكم السلام ورحمة الله وبركاته

الحين في اكثر من موقع يوصلون قطر وحتى مواقع ماركة العطر بعضها يوصل

افضل حل وارخصهم من حيث الشحن فتح حساب في ارامكس عنوان نيويورك لان هو الوحيد اللي يوصل عطور من عناوين ارامكس عقبال لندن ما يوصل لنا عطور بعد فتح الحساب اي عطر يخطر عالبال من الموقع نفسه او اي موقع من المحلات الكبيره وخلال اسبوع من يوصل عنوان ارامكس في نيويورك العطر بيكون موجود فقطر

[Qtr37]

شكرا على الرد

ممكن توضيح، شنو هو عنوان نيويورك ؟

[SOUD.QA]

ارامكس عندهم خدمة شوب اند شب مع هالخدمه يعطون عناوين بريديه للامارات وتركيا والهند وامريكا وبريطانيا والصين وجنوب افريقيا وهونق كونق

اي طلب يوصل لهالعناوين على طول يتحول لصاحب العنوان لارامكس قطر وعنوان امريكا بس الوحيد اللي يشحن عطور

[بونووف]

اخوي سعود .. استفسار ..ارامكس اخبرهم مانعين شحن المواد السائله ..!! قبل 4 او 5 شهور ارفضوا يشحنون لي بخاخ anti-fog مل10

[SOUD.QA]

اخوي سعود .. استفسار ..ارامكس اخبرهم مانعين شحن المواد السائله ..!! قبل 4 او 5 شهور ارفضوا يشحنون لي بخاخ anti-fog مل10

لا اخوي عادي عطور وكريمات ومكياج حتى قهوه وشاي يشحنون لك ان بغيت بس ياخذون مبلغ بسيط زياده عالعطور ومواد التجميل بس ناسي كم

على فكره ما صار لهم فتره سامحين يشحنون هالسوالف

[فيصـــل]

وعليكم السلام

اخوي عندك اكثر من حل، تقدر مثل ماتفضل سعود وقال عن طريق ارامكس، لكن الحد الاعلى للشحنه الوحده اللي هي ظ،ظ¥ظ* مل

والمعامله تاخذ ظ،ظ* ايام عمل + ظ،ظ* دولار اضافيه.

وبالنسبة للكميات الكبيره الحل البديل هو عن طريق البريد بحيث ان تحط بياناتك في قطر بس مثل صندوق البريد والاسم ورقم الجوال ..الخ الخ

بس عيب الحل الثاني ان الشحنه ممكن تطول اكثر من اسبوعين لين ماتوصل