$$ تجارة الرقيق عادت وبقوة $$

[ضوى]

تلاحظون كل يوم والثاني خادمة للتنازل ، خادمة للبيع ، خادمة لنقل الكفالة ، بصراحة كانت لي تجربة وكنت مضطرة اخذ شغالة من المنتدى مب لي ، واخذتها بمبلغ وقدره ، ويوم طلعنا فيزتها وخلصنا امورها قالت انا مابي الشغل وديناها المكتب نسترجع فلوسنا قال ارجع لكم المبلغ ناقص 2000 ليش ياولد الحلال ، لانه الكفيل الاولي ماخذها مني بهالمبلغ وباعها عليكم يبي يستربح 2000 عاد هذا كلام ؟؟؟ وللعلم ماوضح لنا هالشي الا يوم بغينا نسترجع فلوسنا ، هذا مايعتبر غش ، العوض على الله في 2000 بس هذا مايجوز وفي ذمتهم

السؤال اللي يطرح نفسه الحين اجيب شغالة واخليها عندي كم يوم وعقب ابيعها هل هذا جائز اصلا ؟؟ ماتعتبر تجارة رقيق ؟؟

واعتقد انه الادارة لازم تتدخل في هالشي لانه بيع الشغاالات تجارة مثلها مثل غيرها بيع وشراء والا انا غلطانة ؟

[دااانة قطر]

السؤال اللي يطرح نفسه الحين اجيب شغالة واخليها عندي كم يوم وعقب ابيعها هل هذا جائز اصلا ؟؟ ماتعتبر تجارة رقيق ؟؟
واعتقد انه الادارة لازم تتدخل في هالشي لانه بيع الشغاالات تجارة مثلها مثل غيرها بيع وشراء والا انا غلطانة ؟


اذا صج فلازم الجهاات المعنية تتدخل في الموضوع
بصرااحة موضوع جلب واسترجااع الخدم يجيب المرض وماافي حد ينصف الكفيل

[الأسبانية للمصاعد]

نفس موضوع اللاعبين المحترفين
اتوقع نوع من الرق

[qatarman8008]

تشبيهك هذا بعيد كل البعد عن الواقع..
الاتجار بالرقيق هو عقد استملاك سلعة ابدية.. كانك اشتريتي سيارة مثلا...
هذا عقد عمل.. مقابل راتب لمدة محدودة .. تتمدد او تنتهي بالتراضي بين الطرفين..
لكن اللي يحب يختصر على نفسه بدل ما ينتظر شهرين اواكثر في بعض الاحيان.. يدفع مبلغ للكفيل الاول مقابل التنازل عن عقد العمل..
وهالشكل يعني..

[qatarman8008]

نفس موضوع اللاعبين المحترفين
اتوقع نوع من الرق

اللاعبين المحترفين اذا اعتبرتيه رق فهو رق vip....
مبالغ خيالية من اجل التنازل عن اللاعب.. تصل في بعض الاحيان الى نصف ميزانية دولة فقيرة..
راتب مغري يحلم فيه مدير او وزير..
وفي كل هدف مبلغ.. وكل تصليحة هدف مبلغ.. وكل دعاية اعلانية مبلغ..
يكح بمبلغ.. ويعطس بمبلغ..
وسكن بقصور.. وحساب الينك يفيض ولا ينقص..
ادخل النت وشوف بيت ميسي او رونالدو..

هذا رقيق..!!

[الحاقول]

ومن صور تجارة الرقيق في نظري بيع اللاعبين في الانديه كذلك

[aziz4z]

نوع من أنواع الرق , حتى الشركات اللي تتاجر بالعمال , يشتغل عندك و ياخذ مبلغ نصفه للشركة و نصفه للعامل

[hasss1969]

الله المستعان....
جبت خدامة ورجعتها للمكتب واخذت وحدة ثانية...الثانية كانت كبيرة في السن وقالت لي برجع بلادي قلت لها ماعندي مشكلة ادفعي لي اللي دفعته للمكتب وبرجعك بلدك...ومن يومها ساكتة والحين بتكمل سنتين عندي...

[بوخالد911]

الاتجار بالبشررررررررررررررر !!!!

[الزعيـم]

الحل هو كالتالي

1- الغاء نظام الكفاله للخدم واعتماد عقد موثق في ادارة العمل بين الطرفين ويجب على الخدم اكمال مدة العقد او دفع غرامه انهاء عقد قبل المده + مبلغ للطرف الثاني ( الكفيل سابقا) + ترحيل الخادمه او السائق

2- في حالة الهروب بكل الاحوال يتم التعميم على الهارب واعتماد الاجراءات القانونيه + غرامه ماليه + مبلغ للطرف الثاني ( الكفيل سابقا) عند القبض على الهارب + تذكرة سفره تقسم بين المكتب و الطرف الثاني

3- اتاحة الفرصه للطرف الثاني ( الكفيل سابقا ) ان يقدم شكوى على الطرف الاول ( الخادمه او السائق ) طلب تعويض ضرر

4 - في حالة الاسترجاع او الاستبدال للمكتب بعد مدة الـ 3 ورفض الخادمه او السائق العمل يتكفل المكتب نصف المبلغ للاستقدام الجديد

وانتهت السالفه

[معماري قطري]

هذا بيع عقد عمل وبرضى الشغالة أو السايق وحتى اللاعب .. فرق السماء عن الأرض عن تجارة الرقيق.

[معماري قطري]

نوع من أنواع الرق , حتى الشركات اللي تتاجر بالعمال , يشتغل عندك و ياخذ مبلغ نصفه للشركة و نصفه للعامل

الشركة يا اخوي تصرف عليه وتدربه واحتمال يسكن في سكن الشركة ولازم تستفيد منه .. ويحمد ربه يشتغل ويحصل راتب وبرضاه وين الرق ووين الإجارة؟

[الصغيره]

تلاحظون كل يوم والثاني خادمة للتنازل ، خادمة للبيع ، خادمة لنقل الكفالة ، بصراحة كانت لي تجربة وكنت مضطرة اخذ شغالة من المنتدى مب لي ، واخذتها بمبلغ وقدره ، ويوم طلعنا فيزتها وخلصنا امورها قالت انا مابي الشغل وديناها المكتب نسترجع فلوسنا قال ارجع لكم المبلغ ناقص 2000 ليش ياولد الحلال ، لانه الكفيل الاولي ماخذها مني بهالمبلغ وباعها عليكم يبي يستربح 2000 عاد هذا كلام ؟؟؟ وللعلم ماوضح لنا هالشي الا يوم بغينا نسترجع فلوسنا ، هذا مايعتبر غش ، العوض على الله في 2000 بس هذا مايجوز وفي ذمتهم

السؤال اللي يطرح نفسه الحين اجيب شغالة واخليها عندي كم يوم وعقب ابيعها هل هذا جائز اصلا ؟؟ ماتعتبر تجارة رقيق ؟؟

واعتقد انه الادارة لازم تتدخل في هالشي لانه بيع الشغاالات تجارة مثلها مثل غيرها بيع وشراء والا انا غلطانة ؟

انا اشهد انك صدقتي ....صارت معي

[يمامـة]

ضوى الموضوع مب بيع

الموضوع نقل كفالة ،، اذا كانت مسوين لها اقامة
اما لو ما كانت مسوين لها اقامة ما تدفعين الا 300 ريال رسوم الويزة بس ،،

بعض المكاتب تتلاعب لأن المواطن ما عنده فكرة عن الشروط ،،

بدلنا اكثر من خادمة وخذنا خدم من غيرنا ما دفعنا الا رسوم التأشيرة بس ،،

[saeed2005]

حكم بيع الخادمة أو التنازل عن عقد الخادمة لقاء مبلغ مالي
بداية يجب أن نعرف أن عقد الرجل مع الخادمة عقد عمل ويسمى فقها وشرعا عقد إجارة والإجارة عقد لازم للطرفين المستخدم والخادمة ولا يجوز لأحد الطرفين الاخلال بما تم الاتفاق عليه سواء من جهة مدة العقد ( سنتين ) أو من جهة الراتب أو من جهة تحديد العمل الموكل بالخادمة عمله مما يجب بيانه في العقد ولا من جهة وقت الخدمة ( 8 ساعات يوميا )... هذه كلها من بنود العقد الواجب الوفاء بها .. وعليه فلا يجوز عند جمهور الفقهاء فسخ الإجارة إلا بسبب شرعي .. فمسألة بيع الخادمة أو التنازل عنها لقاء مبلغ مالي .. هو في حقيقته فسخ لعقد الإجارة ولا يجوز الفسخ دون سبب شرعي ولا يخلو هذا الفسخ أن يكون من جهة رب العمل أو من جهة الخادمة فإن كان من جهة رب العمل وكان دون سبب شرعي فيلزمه دفع مستحقات الخادمة كاملة لفترة الخدمة المتفق عليها يعني لو فسخ العقد بعد ستة شهور من استقدامها يلزمه دفع رواتبها المتبقية كاملة أي رواتب 18 شهرا .
وإن كان فسخ عقد الإجارة من جهة الخادمة دون سبب شرعي فيلزمها دفع ما غرمه الرجل ( المستخدم ) لاستقدامها .
نأتي هنا إلى مسألة بيع الخادمة فأي شيء يبيعه ؟ أي ما هي القيمة المادية التي يبيعها ؟ فإن قال أبيع خادمي فليس هو خادمه لأن تنازله عن العمل معه فسخ للإجارة فلا يكون له على الخادمة سبيل .
وإن قال سأبيع العقد فالعقد مفسوخ بين الطرفين فأي شيء سيبيع ؟!! إذا ما الحل ؟ الحل أن يقول للخادمة إن كان فسخ العقد من طرفها أنه سيقوم ليس ببيع العقد وإنما بإيجاد عمل آخر لها مقابل أن يأخذ من المستخدم الجديد قيمة ما عليها من دين له والذي ترتب عليها نتيجة فسخها عقد الإجارة قبل مضي المدة .. فما يأخذه من المستخدم الجديد هو سمسرة وبإذن من الخادمة وباتفاق معها ورضا منها مقابل إسقاط ما ترتب عليها من فسخ العقد .. أما إن رفضت الخادمة المستخدم الجديد فذلك حقها وأما إن ادعت الإعسار عن دفع ما ترتب عليها نتيجة فسخ العقد فهذا أمر يرفع للمحكمة لتحكم فيه ..
أما إن كان فسخ عقد الإجارة من قبل المستخدم فيلزمه كما قلنا دفع كامل مستحقات الخادمة للفترة المتبقية من العقد فإن أراد أن يوجد لها عمل آخر فبإذن منها وما يأخذه من المستخدم الجديد هو سمسرة وليس مقابل تنازل أو بيع والله أعلم وللعلم فهذه مناقشة شرعية للمسألة وليست فتوى فللفتوى أهلها .

[abodabodi]

السلام عليكم اخوي العزيز .. انت نظرت للنتيجه بس منظرت للاسباب , في اعتقادي أن السبب وراء هذا التصرف رفع اسعار الخدم بصوره جنونيه كل 3 شهور من رحت مكتب الا رفع اسعاره

[ضوى]

ضوى الموضوع مب بيع

الموضوع نقل كفالة ،، اذا كانت مسوين لها اقامة
اما لو ما كانت مسوين لها اقامة ما تدفعين الا 300 ريال رسوم الويزة بس ،،

بعض المكاتب تتلاعب لأن المواطن ما عنده فكرة عن الشروط ،،

بدلنا اكثر من خادمة وخذنا خدم من غيرنا ما دفعنا الا رسوم التأشيرة بس ،،

لا فديتج

الشغالة كانت على كفالة شخص ، وباعها لنا ، بمبلغ نفس الاستقدام 10000 كاملة ، ورفضت الشغالة والمكتب اللي جابها مارد لنا الا 8000 و2000 راحت علينا وهذا اسميه غش وتحايل لانه ماخبرونا بهالشي قبل الاتفاق

[ضوى]

السلام عليكم اخوي العزيز .. انت نظرت للنتيجه بس منظرت للاسباب , في اعتقادي أن السبب وراء هذا التصرف رفع اسعار الخدم بصوره جنونيه كل 3 شهور من رحت مكتب الا رفع اسعاره

طيب هذي الحركة ماخفضت اسعار الخدم ، نفس الاسعار وين السبب اللي يخليهم يتاجرون بالخدم ؟

[أم محمد 90]

هذا بيع عقد عمل وبرضى الشغالة أو السايق وحتى اللاعب .. فرق السماء عن الأرض عن تجارة الرقيق.

:nice: بس منو يفهم

[ضوى]

اشلون عقد عمل وحضرتها مابغت الشغل عندنا ؟

[ضوى]

وبعدين هاي مب اسلوب يا ام محمد شنو من يفهم هالكثر اغبياء بنظرج اللي شافوه رق ؟

[حمد بن خالد]

بعض الردود (( برو برو بيو بيو ))

[أم محمد 90]

وبعدين هاي مب اسلوب يا ام محمد شنو من يفهم هالكثر اغبياء بنظرج اللي شافوه رق ؟

اختي ..

اولاً اسلوبي مافيه شي

ثانياً

ثلاث كلمات كتبتهم ، هل ذكرت حد ووصفته (بالغباء)

ثالثاً

ادخلي قوقل وسوي بحث عن عقد العمل ، في قانون العمل القطري

وردي واسلوبي مافيه شي واعتقد اخوي وضح الفرق بين العقد وتجارة (الرقيق) الي انتي ذاكرتها !!

وانا اكتب ما اريد وانت تفهم ماتريد :)

[ضوى]

مابي اتجادل معاج وايد ماحب هالسوالف ، بس جملة من يفهم واضحة ومايبي لها اي تفسير

[أم محمد 90]

بعض الردود (( برو برو بيو بيو ))

سفي سفي سياه سياه

[أم محمد 90]

مابي اتجادل معاج وايد ماحب هالسوالف ، بس جملة من يفهم واضحة ومايبي لها اي تفسير

اختي لا تجادليني ولا اجادلج والعقليات تختلف اذا انتي فهمتي ان انا وصفت حد بالغباء فهذا شي يخصج ما يخصني

لان الموضوع واضح ، عقد الشغالة يعتبر عقد عمل

اعتقد انتي محتاجة تفهمين عقد العمل ، ومن هو الرقيق

سوي سيرج الله لا يهينج وان شاء الله تلقين اجابة واضحة ، وبليز اذا انتي ضايقة لان خذتي خدامة عن طريق شخص ومابغت تشتغل عندج
ونزلتي موضوع واحنا ابدينا راينا لا تزعلين من ردودنا وخلي صدرج رحب اختي العزيزة

[ضوى]

اختي لا تجادليني ولا اجادلج والعقليات تختلف اذا انتي فهمتي ان انا وصفت حد بالغباء فهذا شي يخصج ما يخصني

لان الموضوع واضح ، عقد الشغالة يعتبر عقد عمل

اعتقد انتي محتاجة تفهمين عقد العمل ، ومن هو الرقيق

سوي سيرج الله لا يهينج وان شاء الله تلقين اجابة واضحة ، وبليز اذا انتي ضايقة لان خذتي خدامة عن طريق شخص ومابغت تشتغل عندج
ونزلتي موضوع واحنا ابدينا راينا لا تزعلين من ردودنا وخلي صدرج رحب اختي العزيزة

سالت فيها واستفتيت وقاضي له وزن وقال حرام مايجوز ، لانه ماخيرها ، وهي ماتبي تشتغل تبي ترد بلادها

[أم محمد 90]

سالت فيها واستفتيت وقاضي له وزن وقال حرام مايجوز ، لانه ماخيرها ، وهي ماتبي تشتغل تبي ترد بلادها

طيب اختي السؤال ، ليش خذتيها اذا انتي عارفة انها ماتبي تشتغل !
كان ع الاقل قابلتيها قبل لا تاخذينها وتقولين لها انها بتشتغل عندج وتشوفين شنو رايها

[ضوى]

طيب اختي السؤال ، ليش خذتيها اذا انتي عارفة انها ماتبي تشتغل !
كان ع الاقل قابلتيها قبل لا تاخذينها وتقولين لها انها بتشتغل عندج وتشوفين شنو رايها

مهددينها ويوم يكلمونها تغير رايها وتقول خلاص ، وهذي كانت فترة تجربه بس الشخص اساسا شاريها من المكتب وباعها علينا باغلى ويوم بغينا فلوسنا قال هالشخص يتاجر في الخدم يشتري ويبيع

[يمامـة]

لا فديتج

الشغالة كانت على كفالة شخص ، وباعها لنا ، بمبلغ نفس الاستقدام 10000 كاملة ، ورفضت الشغالة والمكتب اللي جابها مارد لنا الا 8000 و2000 راحت علينا وهذا اسميه غش وتحايل لانه ماخبرونا بهالشي قبل الاتفاق

ضوى الشخص اللي كانت عنده الخادمة ماله خص في الموضوع ،، راعي المكتب هو اللي لازم تشتكون عليه
لأن لما اتعاقد مع المكتب لي الحق في استرجاع فلوسي كاملة اذا الخادمة ما تبي تشتغل عندي من غير سبب ،،

لكن هذا يعتمد اذا انتوا سويتوا لها اقامة او انها كانت في فترة تجربة ،،

فلو الخادمة كانت عندها اقامة ونقلتوا اقامتها عليكم ،، ينخصم من 10 الاف 2000 ريال

اما لو الخادمة ما نقلتوا كفالتها ،، اتصلي على وزارة العمل او الجهة المسؤولة
عن عمل هالمكاتب واستفسري وردي 2000 ريال منهم لو مالهم حق فيها ،،

[يمامـة]

مهددينها ويوم يكلمونها تغير رايها وتقول خلاص ، وهذي كانت فترة تجربه بس الشخص اساسا شاريها من المكتب وباعها علينا باغلى ويوم بغينا فلوسنا قال هالشخص يتاجر في الخدم يشتري ويبيع

يه.. هذيه على طول اشتكوا عليه ،، اشلون بعد يتاجر في الخدم ؟
مافي قانون يسمح له بالمتاجرة يا ضوى ،،

[ضوى]

ضوى الشخص اللي كانت عنده الخادمة ماله خص في الموضوع ،، راعي المكتب هو اللي لازم تشتكون عليه
لأن لما اتعاقد مع المكتب لي الحق في استرجاع فلوسي كاملة اذا الخادمة ما تبي تشتغل عندي من غير سبب ،،

لكن هذا يعتمد اذا انتوا سويتوا لها اقامة او انها كانت في فترة تجربة ،،

فلو الخادمة كانت عندها اقامة ونقلتوا اقامتها عليكم ،، ينخصم من 10 الاف 2000 ريال

اما لو الخادمة ما نقلتوا كفالتها ،، اتصلي على وزارة العمل او الجهة المسؤولة
عن عمل هالمكاتب واستفسري وردي 2000 ريال منهم لو مالهم حق فيها ،،

احنا مجرد طلعنا لها تأشيرة على اسمنا اللي هي 300 ريال ، وماسوينا لها لا اقامة ولا شي ثاني ، والريال اصلا شاريها منهم ب 8000 ويبيعهم ب10000 يعني مشكلتنا مب مع المكتب مع اللي اخذناها منه

[ضوى]

يه.. هذيه على طول اشتكوا عليه ،، اشلون بعد يتاجر في الخدم ؟
مافي قانون يسمح له بالمتاجرة يا ضوى ،،

والله هاي كلام راعي المكتب ، والريال يقول انه يراكض عالتأشيرة ويروح ويرد ويبي اجر اتعابه عاد 2000 ؟

[ضوى]

والله يمامة الشغالة مهب لي ، اللي قاهرني اني انا اللي دليتها على الريال في المنتدى وهالشي اللي مضايقني على اساس انه ثقة ماتوقعنا جذي ،

[يمامـة]

عاد اهنيه المشكلة يا ضوى ،، لما يتم التعامل مع ناس مافي قوانين تضبطهم ،،

في المرات القادمة خلكم حريصين في التعامل معاهم وبلغوا عليهم بعد علشان
لا ياخذون راحتهم في استغلال الناس ،،

[كازانوفا]

العهد الجاهلي بدا يرجع حسبنا الله ونعم الوكيل